1 Kroniklys 1 - An Bibel Kernewek 20234 (Kernewek Kemmyn)

Aghskrifow: Adam dhe Abraham

¹ Adam, Seth, Enosh

² Kenan, Mahalalel, Yared,

³ Enok, Methusela, Lamek,

⁴ Noy, Shem, Ham, ha Yafeth.

⁵ Mebyon Yafeth: Gomer, Magog, Maday, Yavan, Tubal, Meshek ha Tiras.

⁶ Mebyon Gomer: Ashkenaz, Rifath, ha Togarma.

⁷ Mebyon Yavan: Elisha, Tarshish, Kittim ha Rodanim.

⁸ Mebyon Ham: Kush, Misraym, Put ha Kanan.

⁹ Mebyon Kush: Seba, Havila, Sabta, Raama ha Sabteka. Mebyon Raama: Sheba ha Dedan.

¹⁰ Kush a dhineythis Nimrod; ev a dhallathas bos gour galloesek war an nor.

¹¹ Misraym a dhineythis Ludim, Anamim, Lehabim, Naftuhim,

¹² Pathrusim, Kasluhim (may teuth an Filistysi anedha) ha Kaftorim.

¹³ Ha Kanan a dhineythis Sidon y gynsa-genys, ha Heth,

¹⁴ an Yebusysi ynwedh, an Amorysi an Girgashysi

¹⁵ an Hivysi, an Arkysi, ha'n Sinysi,

¹⁶ an Arvadysi, an Semarysi ha'n Hamathysi.

¹⁷ Mebyon Shem: Elam, Asshur, Arfaksad, Lud hag Aram. Mebyon Aram: Us, Hul, Gether ha Meshek.

¹⁸ Arfaksad a dhineythis Shela ha Shela a dhineythis Eber.

¹⁹ Dhe Eber y feu dineythys dew vab: hanow onan o Peleg rag yn y dhydhyow an nor a veu rynnys, ha hanow y vroder o Yoktan.

²⁰ Yoktan a dhineythis Almodad, Shelef, Hasarmaveth, Yeragh,

²¹ Hadoram, Uzal, Dikla,

²² Ebal, Abimael, Sheba,

²³ Ofir, Havila ha Yobab. Oll an re ma o mebyon Yoktan.

²⁴ Shem, Arfaksad, Shela,

²⁵ Eber, Peleg, Reu,

²⁶ Serug, Nahor, Teragh,

²⁷ Abram; henn yw, Abraham.

Abraham dhe Yakob

²⁸ Mebyon Abraham: Ysak hag Yshmael.

²⁹ An re ma yw aga aghskrifow: kynsa-genys Yshmael, Nebayoth; ena Kedar, Adbeel, Mibsam,

³⁰ Mishma, Duma, Massa, Hadad, Tema,

³¹ Yetur, Nafish ha Kedema. An re ma o mebyon Yshmael.

³² Mebyon Ketura, iswragedh Abraham: hi a dhineythis Zimran, Yokshan, Medan, Midyan, Yshbak ha Shuagh. Mebyon Yokshan: Sheba ha Dedan.

³³ Mebyon Midyan: Efa, Efer, Hanok, Abida hag Eldaa. Oll an re ma a veu mebyon Ketura.

³⁴ Abraham a dhineythis Ysak. Mebyon Ysak: Esaw hag Ysrael.

³⁵ Mebyon Esaw: Elifaz, Reuel, Yeush, Yalam ha Koragh.

³⁶ Mebyon Elifaz: Teman, Omar, Sefi, Gatam, Kenaz, Timna, hag Amalek.

³⁷ Mebyon Reuel: Nahath, Zeragh, Shamma ha Mizza.

³⁸ Mebyon Seir: Lotan, Shobal, Sibeon, Ana, Dishon, Eser ha Dishan.

³⁹ Mebyon Lotan: Hori ha Homam; Timna o hwoer Lotan.

⁴⁰ Mebyon Shobal: Alyan, Manahath, Ebal, Shefi hag Onam. Mebyon Sibeon: Aya hag Ana.

⁴¹ Mebyon Ana: Dishon. Mebyon Dishon: Hamran, Eshban, Ythran ha Keran.

⁴² Mebyon Eser: Bilhan, Zaavan ha Yaakan. Mebyon Dishan: Us hag Aran.

⁴³ Lemmyn an re ma yw an vyghternedh a reynyas yn pow Edom kyns myghtern dhe reynya war vebyon Ysrael: Bela mab Beor ha hanow y sita o Dinhaba.

⁴⁴ Pan verwis Bela, Yobab mab Zeragh dhiworth Bosra a reynyas yn y le.

⁴⁵ Pan verwis Yobab, Husham a bow an Temanysi a reynyas yn y le.

⁴⁶ Pan o Husham marow, Hadad, mab Bedad, neb a fethas Midyan yn gwel Moab, a reynyas yn y le, ha hanow y sita o Avith.

⁴⁷ Pan o Hadad marow, Samla dhiworth Masreka a reynyas yn y le.

⁴⁸ Ha pan o Samla marow, Shaul dhiworth Rehoboth ryb an avon a reynyas yn y le.

⁴⁹ Pan o Shaul marow, Baal-hanan mab Akbor a reynyas yn y le.

⁵⁰ Ha pan o Baal-hanan marow, Hadad a reynyas yn y le; ha hanow y sita o Pay. Hanow y wreg o Mehetabel, myrgh Matred myrgh Me-zahab.

⁵¹ Hadad a verwis. Pennternedh Edom o: Timna, Alia, Yetheth,

⁵² Oholibama, Ela, Pinon,

⁵³ Kenaz, Teman, Mibsar,

⁵⁴ Magdiel, hag Iram. An re ma o pennternedh Edom.