Yocuwa 21 - The Holy Bible In Alur (Lur) Revised Orthography

Adhura mi Julawi

¹ Wi udi pa wego mi Julawi gilund gibino ba Eleazar ma jalam, man ba Yocuwa ma wod Nun, man ba wi udi pa wego mi suru mi nyithindho mir Israel;

² e giweco kugi i Cilo i ng’om Kanan, giwacu kumae, Yehova ng’olo ku dhu Musa ya jumi iwa adhura ma wabed i ie, karacelo ku ng’ete pi lim mwa.

³ E nyithindho mir Israel gimio adhura maeni ku ng’ete ni Julawi ku i aba migi, calku lembang’ola pa Yehova.

⁴ Man gagi wok mi wat mi Jukohathi: man nyithindho pa Harun ma jalam, ma gi kind Julawi, ginwang’u adhura apar wi adek ku gagi kud i suru pa Yuda, man kud i suru pa Simeon, man kud i suru pa Benyamin.

⁵ Man dong’ nyithindho pa Kohath ginwang’u adhura apar ku gagi i kind wat mi suru pa Efraim, man kud i suru pa Dan, man kud i ng’et suru pa Manase.

⁶ Man nyithindho pa Gercon ginwang’u adhura apar wi adek ku gagi ku kind wat mi suru pa Isakar, man kud i suru pa Acer, man kud i suru pa Naftali, man kud i ng’et suru pa Manase i Bacan.

⁷ Nyithindho pa Merari calku wat migi ginwang’u adhura apar wi ario kud i suru pa Ruben, man kud i suru pa Gad, man kud i suru pa Zebulun.

⁸ Man nyithindho mir Israel gimio adhura maeni ku gagi ni Julawi karacelo ku ng’ete, calu Yehova ng’olo ku dhu Musa.

⁹ E gimio adhura maeni ma julwong’o keni ku nyinge, kud i suru mi nyithindho pa Yuda, man kud i suru mi nyithindho pa Simeon:

¹⁰ man gi mi nyithindho pa Harun, mi wat mi Jukohathi, ma gi mi nyithindho pa Lawi; kum gagi ma kwong’a en e migi.

¹¹ Man gimio igi Kiriath arba, ma Arbane en e won Anak (ma en e Hebron), i ng’om gudi pa Yuda, karacelo ku ng’ete m’utieke gbur.

¹² Ento pothi mir adhurane, ku pacune, gimio ni Kaleb ma wod Yefune ni piny pare.

¹³ Man ni nyithindho pa Harun ma jalam gimio Hebron karacelo ku ng’ete, ma adhura mi ringo ni janek, man Libna karacelo ku ng’ete,

¹⁴ man Yatir karacelo ku ng’ete, man Ectemoa karacelo ku ng’ete,

¹⁵ man Holon karacelo ku ng’ete, ku Debir karacelo ku ng’ete,

¹⁶ man Ain karacelo ku ng’ete, man Yuta karacelo ku ng’ete, man Beth-cemec karacelo ku ng’ete; adhura abung’wen kud i suru ario maeno.

¹⁷ Man kud i suru pa Benyamin, Gibeon karacelo ku ng’ete, Geba karacelo ku ng’ete,

¹⁸ Anathoth karacelo ku ng’ete, man Almon karacelo ku ng’ete; adhura ang’wen.

¹⁹ Adhura ceke mi nyithindho pa Harun, ma julam, en e adhura apar wi adek karacelo ku ng’ete.

²⁰ Man wat mi nyithindho pa Kohath, ma Julawi, en e dong’ nyithindho pa Kohath, gibedo kud adhura mi gagi migi kud i suru pa Efraim.

²¹ E gimio igi Cekem karacelo ku ng’ete i ng’om gudi pa Efraim, maeni adhura mi ringo pa janek, man Gezer karacelo ku ng’ete,

²² man Kibzaim karacelo ku ng’ete, ku Beth-horon karacelo ku ng’ete; adhura ang’wen.

²³ Man kud i suru pa Dan, Elteke karacelo ku ng’ete, man Gibethon karacelo ku ng’ete,

²⁴ man Aijalon karacelo ku ng’ete, ku Gath-rimon karacelo ku ng’ete; adhura ang’wen.

²⁵ Man kud i ng’et suru pa Manase, Tanak karacelo ku ng’ete, man Gath-rimon karacelo ku ng’ete; adhura ario.

²⁶ Adhura ceke mi wat mi dong’ nyithindho pa Kohath en e adhura apar karacelo ku ng’ete.

²⁷ Man ni nyithindho pa Gercon mi wat pa Julawi, kud i ng’et suru pa Manase gimio Golan i Bacan karacelo ku ng’ete, ma adhura mi ringo ni janek, man Beectera karacelo ku ng’ete; adhura ario.

²⁸ Man kud i suru pa Isakar, Kicion karacelo ku ng’ete, man Daberath karacelo ku ng’ete,

²⁹ ku Yarmuth karacelo ku ng’ete, man En-ganim karacelo ku ng’ete; adhura ang’wen.

³⁰ Man kud i suru pa Acer, Mical karacelo ku ng’ete, ku Abdon karacelo ku ng’ete,

³¹ man Helkath karacelo ku ng’ete, ku Rehob karacelo ku ng’ete; adhura ang’wen.

³² Man kud i suru pa Naftali, Kedec i Galilaya karacelo ku ng’ete, ma adhura mi ringo ni janek, man Hamoth-dor karacelo ku ng’ete, man Kartan karacelo ku ng’ete; adhura adek.

³³ Adhura ceke mi Jugerconi calku wat migi en e adhura apar wi adek karacelo ku ng’ete.

³⁴ Man mi wat mi nyithindho pa Merari, dong’ Julawi, kud i suru pa Zebulun, Yokneam karacelo ku ng’ete, man Karta karacelo ku ng’ete,

³⁵ ku Dimna karacelo ku ng’ete, man Nahalal karacelo ku ng’ete; adhura ang’wen.

³⁶ Man kud i suru pa Ruben, Bezer karacelo ku ng’ete, man Yahaz karacelo ku ng’ete,

³⁷ man Kedemoth karacelo ku ng’ete, man Mefath karacelo ku ng’ete; adhura ang’wen.

³⁸ Man kud i suru mi Gad, Ramoth i Gilead karacelo ku ng’ete, ma adhura mi ringo ni janek, man Mahanaim karacelo ku ng’ete,

³⁹ ku Hecbon karacelo ku ng’ete, man Yazer karacelo ku ng’ete; ceke adhura ang’wen.

⁴⁰ Maeni ceke en e adhura mi nyithindho pa Merari calku wat migi, en e dong’ wat mi Julawi; e gagi migi en e adhura apar wi ario.

⁴¹ Adhura ceke mi Julawi i kind piny mi nyithindho mir Israel en e adhura pier ang’wen wi abora karacelo ku ng’ete.

⁴² Adhura maeni kubang’e kubang’e gibedo ku ng’etgi m’utiekogi gbur: ebedo kumeno kum adhura maeni ceke.

Israel Umaku Ng’ombe Ceke

⁴³ Kum kumeno Yehova mio ng’ombe ceke ni Israel m’ekwong’o nia ebimio ni kwarugi; e gimwonye, man gibedo i ie.

⁴⁴ E Yehova mio igi yom kun ku kun ceke, calku lembe ceke m’ekwong’o ni kwarugi: man ng’atu moko mbe kind judegi migi ceke m’ucungo i wang’gi; Yehova mio judegi migi ceke i cing’gi.

⁴⁵ Gin moko ma ber umbe m’urem ma Yehova yero ni ot mir Israel; gin ceke timbre kakare,