Yocuwa 12 - The Holy Bible In Alur (Lur) Revised Orthography

Rwodhi ma Musa Voyo

¹ Nie maeni gi ju m’ubimo mi ng’ombe, ma nyithindho mir Israel gigoyo, man gimwonyo ng’om migi loka Yordan yo ku wokceng’, ugambre kum poga mir Arnon cil kum got Hermon, man ng’om Araba pet yo nyangu:

² Sihon m’ubimo mi Juamori, m’ubedo i Hecbon, man ebimo ugambre Aroer, ma en e dhu poga mir Arnon, man adhura m’ubedo i kind pogane, ku ng’et Gilead, cil kum kulo Yabok, ma kieu mi nyithindho mir Amon;

³ man ng’om mir Araba cil kum nam Cineroth, yo nyangu, man kum nam mir Araba, en e Nam Kadu, yo nyangu, yo ba Beth-yecimoth; man yor ariwa ma piny, the ka m’alora mi Pisga:

⁴ man kieu pa Og m’ubimo mi Bacan, mi dong’ Jurefaim, m’ubedo Actaroth man i Edrei,

⁵ man ebimo i got Hermon, man i Saleka, man i Bacan ceke, cil kum kieu mi Jugecuri ku Jumakathi, man ng’et Gilead, kieu pa Sihon m’ubimo mi Hecbon.

⁶ Musa ma jatic pa Yehova man nyithindho mir Israel gigoyogi: man Musa ma jatic pa Yehova emie ni Jurubeni, ku Jugadi, man ng’et suru pa Manase ni aba migi.

Rwodhi ma Yocuwa Voyo

⁷ Man maeni gi ju m’ubimo mi ng’om ma Yocuwa ku nyithindho mir Israel gigoyogi loka Yordan yo reto, ugambre kum Bal-gad i poga mi Lebanon cil kum got Halak, m’ucidho malu kum Seir (man Yocuwa mie ni suru mir Israel ni piny calku pok migi;

⁸ i ng’om gudi, man i ng’om poga, man i Araba, kud i ng’om m’alora, man i yamba, man i yor ariwa ma piny; en e Jahiti, ku Jaamori, man Jakanani, ku Japerizi, man Jahivi, ku Jayebusi):

⁹ ubimo mi Yeriko, acel; ubimo mir Ai, ma i ng’et Beth-el, acel;

¹⁰ ubimo mi Yerusalem, acel; ubimo mi Hebron, acel;

¹¹ ubimo mi Yarmuth, acel; ubimo mi Lakic, acel;

¹² ubimo mi Eglon, acel; ubimo mi Gezer, acel;

¹³ ubimo mi Debir, acel; ubimo mi Geder, acel;

¹⁴ ubimo mi Horma, acel; ubimo mir Arad, acel;

¹⁵ ubimo mi Libna, acel; ubimo mir Adulam, acel;

¹⁶ ubimo mi Makeda, acel; ubimo mi Beth-el, acel;

¹⁷ ubimo mi Tapua, acel; ubimo mi Hefer, acel;

¹⁸ ubimo mir Afek, acel; ubimo mi Lascaron, acel;

¹⁹ ubimo mi Madon, acel; ubimo mi Plazor, acel;

²⁰ ubimo mi Cimron-maron, acel; ubimo mir Akcaf, acel;

²¹ ubimo mi Tanak, acel; ubimo mi Megido, acel;

²² ubimo mi Kedec, acel; ubimo mi Yokneam i Karmel, acel;

²³ ubimo mi Dor i ng’om m’utingre mi Dor, acel; ubimo mi Goim i Gilgal, acel;

²⁴ ubimo mi Tirza, acel: ubimo maeni ceke gi pier adek wi acel.