Matayo 28 - The Holy Bible In Alur (Lur) Revised Orthography

Cer pa Yesu

¹ Nwang’u ka ceng’ sabatu dhingo thum, ka piny umaku thumo i ceng’ ma kwong’a ma yenga, Mariamu Magdalene ku Mariamu mucelo de gibino neno liel m’aroka i cana.

² Man nen, digidi ma dit ubino; kum malaika pa Rwoth uai i polo loro piny, ebino eng’ielo kidi cen, ebedo de i wie.

³ Malaikane ayine ve lukoth, kendi pare de bedo tar calu vuru:

⁴ e kum jukur ubemiel ni lworone, man gidoko calu avu dhanu.

⁵ Malaika loko lembe ewacu de ni mon kumae, Lworo kud unegwu: kum ang’eyo nia wuyenyo Yesu, ma jugure.

⁶ Embe keni; kum ecer, cil calu ewacu. Wubin, wunen ka ma Rwoth ukouvuto i ie.

⁷ E wuci tho tho, wuwac ni julubne kumae, Ecer ku kind ju m’utho; man nen, etelo yo i weng’wu i Galilaya; wubinene kuca: nen, awacu iwu.

⁸ E giai tho ku kum liel m’aroka i cana ku lworo man mutoro ma dit, e giringo gitero lembe ni julubne.

⁹ Man nen, girombo giku Yesugi, ewacu kumae, Moth iwu. E gibino gimaku tiende, girwo ire.

¹⁰ Yesu lund uwacu igi kumae, Kud wulwor: wucidh wuyer ni utumira ya gicidh i Galilaya man gibicinena kuca.

Jukur Unyutho pi Gin M’utimbre

¹¹ Nie kinde ma gibecidho, nen, kind jukur gibino i adhura, giyero gin ceke m’utimbre de ni julam ma dongo.

¹² Ka gicokri giku judongo, man giporo lembe, gimio sente dupa ni asikari,

¹³ giwacu kumae, Wuwac kumae, Julubne gibino ku diewor, gikwale nwang’u wanindo.

¹⁴ Man tek lembene tuc i ith jabim, wabiloko pidoie, kara iwu kud upidi.

¹⁵ Ka kumeno gigamu sente, gitimo de calu juponjogi: man lembe maeni yik tir i kind Juyahudi, cil i ceng’ maeni.

Yesu Oro Juapar wi Acel

¹⁶ Ento julubne apar wi acel gicidho i Galilaya, ba got ka ma Yesu ng’olo igi.

¹⁷ E ka ginene, girwo ire; ento jumoko cwinygi bedo jiji.

¹⁸ Man Yesu bino i bang’gi eweco i bang’gi, ewacu kumae, Ng’ol ceke mire ira m’i polo ku m’i ng’om bende.

¹⁹ Ka kumeno wucidhi, wuketh thek ceke dok julub, wumi igi baputisi ku nying Wego ku Wod man Tipo Maleng’:

²⁰ wuponjgi ya giwor gin ceke m’ang’olo iwu: man nen, wanuti wakudu thiri thiri, cil i kajik mi ng’om.