Lembrieko 9 - The Holy Bible In Alur (Lur) Revised Orthography

Mido mi Rieko ku Mido mi Lemkasegu

¹ Rieko gomo ot pare; Epayu mbegi pare abiro:

² Enego lim pare; ejebo pigulok pare; Eyiko piny bende mi mesa pare:

³ Eoro bong’ pare; Eywak wi ka ma malu mir adhura kumae:

⁴ Ng’atu ma tek ung’eyo lembe ngo, wek emond kue: Ewacu ni ng’atu ma ng’eyothelembe pare mbe kumae,

⁵ Wubin, wucam kwen para moko, Man wumadh pigulok m’ajeba.

⁶ Wuweki, wu ju m’ung’eyo lembe ngo, man wubed kwo; Man wuwoth i yo mi ng’eyothelembe.

⁷ Ng’atu m’ujuko jacac enwang’u lewic ire gire; Man ng’atu ma juko jadubo enwang’u acidi gire.

⁸ Kud ijuk jacac, emaru degi: Juk ng’atu ma riek, e ebimeri.

⁹ Mi ponji ni ng’atu ma riek, man ebicikudoko riek: Ponj ng’atu ma pwe, man ebicikung’eyo ponji.

¹⁰ Lworo Yehova en e thekri mi rieko; Man ng’eyong’ec pa Ng’atu Maleng’ en e ng’eyothelembe.

¹¹ Kum nindo peri bimedre ni kuma, Man nindo mi kwo peri binyai.

¹² Tek in i riek, in i riek piri giri; Man tek icayu, ibicungo i dhoge giri.

¹³ Dhaku ma jakasegu en e jawec; En e cobo, eng’eyo gin moko ngo.

¹⁴ Man ebedo dhugola mi ot pare, Wi kom i ka ma malu mir adhura,

¹⁵ Kara elwong’ ju m’ucikukadhu, Ma giwotho atira i yo migi:

¹⁶ Ng’atu ma tek ubedo cobo, wek emond kue; Man ni ng’atu ma ng’eyothelembe mbe kude, ewacu ire kumae,

¹⁷ Pi ma jukwalu e mit, Man kwen ma jucamu ling’ e mit.

¹⁸ Ento eng’eyo ngo nia ju m’utho ni keca; Nia welo pare gini i vur mi liel. Lembrieko pa Suleman