Hoseya 6 - The Holy Bible In Alur (Lur) Revised Orthography

¹ Wubin wadwoga ba Yehova; kum eyeco, man ebicanguwa; egoyo, man ebiriwo wang’ kumwa.

² Yo ng’ei ceng’ ario ebiketho wacer: i ceng’ mir adege ebiting’owa malu, man wabikwo i wang’e.

³ E dong’ wang’eyu, man wek walubu tok ng’eyo Yehova: wokwoko pare en e andha calu kugweno; man ebibino i bang’wa calu koth, calu koth ma cen ma cwi i ng’om.

⁴ E Efraim abitimi nedi? E Yuda, abitimi nedi? kum bero peri en e calu afuru mi kugweno, man calu thoi ma oi pir kugweno.

⁵ Ka kumeno atong’ogi ku jubila; anegogi ku lembe m’i dhoga: e lembapoka peri en e calu der ma wpk woko.

⁶ Kum ayenyo bero, lam ungo; man ng’eyong’ec pa Mungu ma sagu lam m’awang’a.

⁷ Ento gin gituro lembariba calu Adamu: gitimo kud awondi i kuma kuca.

⁸ Gilead en e adhura mi ju m’utimo kier; rimo nyang’ i kume.

⁹ Man calu njuru weg ayeki kanu adhi ni dhanu, e kumeno njuru julam unego nek i yo ma yor i Cekem; eyo, gitimo gondri.

¹⁰ Aneno gin ma rac i ot mir Israel: asara nen keca i Efraim, e Israel ucido.

¹¹ E Yuda, juketho mwoka bende iri.