Hoseya 3 - The Holy Bible In Alur (Lur) Revised Orthography

Hoseya Giku Dhaku ma Won Dubri Swa

¹ Man Yehova wacu ira kumae, Cidh kendo, mar dhaku ma jarimbe mare, m’e won dubri swa de, cil calu Yehova maru nyithindho mir Israel, kadok gilokri ba mungu mange, man gimaru kwen mi nyingulok m’uthwo.

² Kum kumeno ang’iewo dhakune ira ku sente mi mola ma tar apar wi abic, man Icatoko apar wi acel mi nganu ma tung’, man katoko abic ku ma kore mi nganu ma tung’;

³ e awacu ire kumae, Ibibedo ira mi nindo dupa; man kud itim tarwang’, man kud ibed dhaku pa ng’atu moko; kum kumeno an bende abibedo yor i beng’i.

⁴ Kum nyithindho mir Israel gibibedo nindo dupa m’ubimo mbe, man ma jaditmawijo mbe, ma lam de mbe, ma mbegi de mbe, m’ugoke kadi ayi gin m’acwia de bedo mbe:

⁵ yo ku ng’eye nyithindho mir Israel bidwogo, man gibiyenyo Yehova Mungu migi, ku Daudi m’ubimo migi, man gibibino ku lworo ba Yehova man ba bero pare i dong’ nindo.