Hoseya 11 - The Holy Bible In Alur (Lur) Revised Orthography

Cwiny Mungu Dieng’ kum Dhanu Pare M’ukier

¹ Kinde ma Israel nyathin, nwang’u amare, man alwong’o woda kud i Misiri.

² Calu jubila lwong’ogi, e giwekogi kumeca: gilamu ni Balim, man giwang’u udok ma ng’wice ng’ar ni ayi gin m’acwia m’ang’ika.

³ Ento aponjo Efraim ku woth; acokogi i bota; ento ging’eyo ngo nia acangugi.

⁴ Apeyogi ku uno mi dhanu, ku uno mi mer; man abedo igi calu ju m’uting’o mberembere wi lwokni migi; man aketho cemo i wang’gi.

⁵ Gibidwogo ngo i ng’om Misiri; ento Jaascuri bibedo ubimo migi, kum gikwero dwogo i bang’a.

⁶ Man palamularu bipodho wi adhura migi, man ebiwang’u riu migi, man ebicamugi, kum lembapora migi gigi.

⁷ E dhanu para giketho cwinygi kum eoro cen i kuma: kadok gilwong’ogi ba ng’atu ma ni malu, ng’atu moko mbe ma biyunge.

⁸ Abiweki nenedi, Efraimi? abibei woko nenedi Israeli? abidwoki calu Adma nenedi? abikethi calu Zeboim nenedi? adundena lokre yor i ia, ngisi para opo karacelo.

⁹ Abitimo ku lak ng’ecwiny para ngo, abidwogo ninyotho Efraim ungo: kum an a Mungu, an a dhanu ngo; Ng’atu Maleng’ i kindi; e abibino ku kwinyo ngo.

¹⁰ Gibiwotho tok Yehova, ma birundo calu umvor; kum ebirundo, e nyithindho bibino ku yo reto ma kumgi miel.

¹¹ Gibibino ma kumgi miel calu winyo ku i Misiri, man calu akuru kud i ng’om Ascur; man abiketho gibedo i udi migi, Yehova wacu.

Jucimo Efraim kum Lemndra ku Dimo Wijo Pare

¹² Efraim utieka ku lemndra, man ot mir Israel kud abombi; ento Yuda fodi ubimo karacelo ku Mungu, man ebedo mandha karacelo ku Ng’atu Maleng’.