2 Yohana 1 - The Holy Bible In Alur (Lur) Revised Orthography

Moth

¹ Jadit ni dhaku ma jugoyo wie ku nyithindhe bende, m’amaru i lembe mandha; man an a kenda ngo, endre ku dhanu ceke ma ging’eyo lembe mandha bende;

² ni kum lembe mandha nini m’ubedo i iwa, man ebibedo i bang’wa nja:

³ Bero, ku kisa, ku kwiocwiny bibedo i bang’wa, m’uai ba Mungu ma Wego, man Yesu Kristu, ma Wod Wego, i lemandha ku mer de.

Bedo i Ponji pa Kristu

⁴ Anyong’a nega dit kum anwang’u nyithindho peri moko ubewotho ku lemandha, cil calu wajolo cik m’uai ba Wego.

⁵ E kawono akwei, dhaku, calu ya agoro iri cik ma nyen ungo, ento maeno ma wabedo ko ku kwong’a, ya wamara.

⁶ Man merne e eni, ya wawoth calku cik pare. Cikne e eni, cil calu ma wuwinjo ku kwong’a, ya wuwoth i ie.

⁷ Kum weg awondi dupa giwok gimondo i ng’om, ndhu ju ma gituco ngo nia Yesu Kristu bino ku kum. Maeni en e jawondi man japiem Kristu.

⁸ Dong’wubed ku weng’wu i kumwu giwu, kara kud w urwiny gin ma watimo, endre wunwang’ sukulia m’ubedo dho.

⁹ Ng’atu ma tek jawipiro ma en ke eni i ponji pa Kristu ngo, nwang’u Mungu mbe kude: ng’atu ma ni i ponji nini, e ng’atuni e m’ubedo ku Wego man Wod bende.

¹⁰ Tek ng’atu moko bino i beng’i, ma k’ekelo ponji maeni ngo, kud ijole i ot peri, man kud imothe de:

¹¹ kum ng’atu m’umothe nwang’u giribri gikude i tic ma rac pare.

Moth M’edaru Ko

¹² Kum abedo ku gin dupa m’agor iri, ayenyo ngo agor ku waraga man vino: ento ageno ya abibino i beng’i, kara ayer ma wanendra ku wang’wa, kara mutoro mu urom kakare.

¹³ Nyithindho pa nyameru ma jugoyo wie gimothi.