S. Mat 1 - Šéiti Vangejlelj𝑒 si Matéu 1869 (Kalabria)

Krie I.

¹ Ljiber dženeratsiúnes Džesúit Krištit birit Daviδit, birit Abramit.

² Abrami beri Isakun. Isaku prana beri Džakobin. Džakobi prana beri Juδen, e vlézerit e tîje.

³ Juδa prana beri Fáresin, e Dzarân ka Tamara. Fáresi prana beri Esromin. Esromi prana beri Aramin.

⁴ Arami prana beri Aminaδabin. Aminaδabi prana beri Naasonin. Naasoni pra beri Salmonin.

⁵ Salmoni prana beri Boodzin ka Rraχaba. Boodzi prana beri Obeδin ka Rruta. Obeδi prana beri Džessên. Džesséu pra beri Daviδin rregjin.

⁶ Daviδi rregji pra beri Salamunin ka ajó, tše kje e Urîs.

⁷ Salamuni pra beri Rroboamin. Rroboami prana beri Abîn. Abía prana beri Asân.

⁸ Asáu prana beri Džosafatin. Džosafati prana beri Džoramin. Džorami prana beri Odzîn.

⁹ Odzía prana beri Džoatamin. Džoatami prana beri Akadzin. Akadzi prana beri Edzekîn.

¹⁰ Edzekía prana beri Manassin. Manassi prana beri Amonin. Amoni prana beri Džosîn.

¹¹ Džosía pra beri Džekonîn, e vlézerit e tîje nde te vatur Babilôn.

¹² Po te váturit prana Babilôn: Džekonía beri Salatielin. Salatieli prana beri Dzorobabelin.

¹³ Dzorobabeli prana beri Abiúδin. Abiúδi prana beri Eliakimin. Eliakimi pra beri Adzorrin.

¹⁴ Adzorri prana beri Saδokun. Saδoku prana beri Akimin. Akimi prana beri Eliúδin.

¹⁵ Eliúδi prana beri Eliádzarin. Eliádzari prana beri Matanin. Matani pra beri Džakobin.

¹⁶ Džakobi prana beri Sepen šokjin e Maríes, kaa ljeu Džesúi, i θẽn Krišti.

¹⁷ Keštú gjiθ dženeratsiúnat ka Abrami njera te Daviδi, dženeratsiúna katermbeδiét: e ka Daviδi njera vatur Babilôn, dženeratsiúna katermbeδiét: e ka te váturit Babilôn njera te Krišti, dženeratsiúna katermbeδiét.

¹⁸ Te ljerit e Krištit prana kje keštú: Martúar jema tîje Maríeja me Sepen, mê pâr se te rrijen bašk, u‐gjẽnt nde barkut me bârr ka Špirti šéit.

¹⁹ Sepa prana i šokji asâje, po tše iš i dréit, e se dúaje te buθtoneje te turperúar, dúaje te ljeréneje kjeteljê.

²⁰ Tue tundur prana nde krie kto šurbise, njô nj’ ẽngjel i Tinzoti ju‐buθtúa nd’ ẽnderr, tue θẽn: Sep biri Daviδit, mos u‐trẽmbše te mbiéδše Maríen šokjen tẽnde: pse tše u‐bê te barku sâje, ešt ka Špirti šéit.

²¹ Kat bẽnje prana nje bîr: e ti i θerrét émerin e tîje Džesús: pse aí kat salvônje gjíndien e tîje ka mekatet e tire.

²² Gijθ prana kî šurbés u‐bê, se t’ iš e bẽn e θẽna ka Inzót per profeten tše θot:

²³ Šiχ vírgjera kat dâlje me bârr, e kat bẽnje nje bîr: e kân ti θerresen émerin e tîje Manuêl, tše vién me θẽn: Inzót me nê.

²⁴ Sgjúar prana Sepa ka gjumi, beri si i θa ẽ́ngjeli Tinzoti, e mbióθ grúan e tîje.

²⁵ E nẽng e ngau njera kûr beri te birin e sâje te parin: e i θerriti émerin e tîje Džesús.