၄ ရာ 9:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ထိုအခါ ယေဟု​က လေး​ကို​အားကုန်​တင်​ပြီး ယဟောရံ​မင်းကြီး​၏​လက်ပြင်​ကြား​ကို ပစ်​လိုက်​ရာ မြား​သည် သူ​၏​နှလုံး​ကို​ထုတ်ချင်းဖောက်​သွား​သဖြင့် သူ​သည် ရထား​ပေါ်၌​ပင် လဲကျ​သွား​လေ​၏​။

Common Language Bible

²⁴ ယေ​ဟု​သည်​မိ​မိ​၏​လေး​ကို​ယူ​ပြီး​လျှင် အား ကုန်​ဆွဲ​၍​မြား​တစ်​လက်​ကို​ပစ်​လွှတ်​လိုက်​ရာ ယော​ရံ​၏​ကျော​မှ​နှ​လုံး​အ​ထိ​ခွင်း​ဖောက် သ​ဖြင့် ယော​ရံ​သည်​ရ​ထား​ပေါ်​၌​ပင်​လဲ​ကျ သေ​ဆုံး​လေ​သည်။-

Garrad Bible

²⁴ ယေ ဟု စွဲ ကိုင် ပစ် ခတ် သော မြှား သည် ယော ရံ မင်း၏ လက် ပြင် ကြား မှ နှ လုံး ထိ ခွင်း ဖောက် သ ဖြင့် ရ ထား တော် ပေါ် တွင် ယော ရံ မင်း ကျ ဆုံး သော်

Judson Bible

²⁴ ယေ​ဟု​သည်​လည်း လေး​ကို​တင်၍​ပစ်​သ​ဖြင့်၊ ယော​ရံ​ကို ပ​ခုံး​ကြား​မှာ မှန်၏။ မြား​သည်​လည်း နှ​လုံး​ကို ထုတ်​ချင်း​ဖောက်၍၊ ယော​ရံ​သည် ရ​ထား​တော်​ပေါ်​မှာ​လဲ​နေ၏။

၄ ရာ 9:24 ပူးပေါင်းရင်းမြစ်များ

၃ ရာ 19:17

ဟာဇေလ​၏​ဓားဘေး​မှ လွတ်မြောက်​သွား​သော​သူ​ကို ယေဟု​သတ်​လိမ့်မည်​။ ယေဟု​၏​ဓားဘေး​မှ လွတ်မြောက်​သွား​သော​သူ​ကို ဧလိရှဲ​သတ်​လိမ့်မည်​။

၃ ရာ 21:29

“​အာဟပ်​မင်းကြီး​သည် ငါ့​ရှေ့​တော်​တွင် ကိုယ်​ကို​အလွန်​နှိမ့်ချ​သည်​ကို သင်​မြင်​သလော​။ ထိုသို့ ငါ့​ရှေ့​တော်​တွင် ကိုယ်​ကို​နှိမ့်ချ​သောကြောင့် သူ့​လက်ထက်​တွင် ထို​ဘေးဆိုး​နှင့်​မ​ကြုံတွေ့​စေ​ရ​။ သူ့​သား​လက်ထက်​မှ သူ့​အမျိုးအနွယ်​ကို ထို​ဘေးဆိုး​နှင့်​ကြုံတွေ့​စေ​မည်​”​ဟု မိန့်ဆို​၏​။

၃ ရာ 22:34

စစ်သည်​တစ်​ဦး​သည် လေး​ကို​အမှတ်တမဲ့​ပစ်ထည့်​လိုက်​ရာ အစ္စရေး​ဘုရင်​ဝတ်​ထား​သော​သံချပ်အင်္ကျီ​၏​ဆက်​ရာ​ကြား​တွင် ထိမှန်​လေ​၏​။ ထိုအခါ ရှင်ဘုရင်​က မိမိ​စစ်ရထားမှူး​အား “​ရထား​ကို​ပြန်လှည့်​ပြီး စစ်မြေပြင်​မှ​ထွက်သွား​လော့​။ ငါ​ဒဏ်ရာ​ရ​နေ​ပြီ​”​ဟု အမိန့်ပေး​၏​။

၃ ရာ 22:35

ထို​နေ့​တွင် တိုက်ပွဲ​အလွန်​ပြင်းထန်​၏​။ စစ်ရထား​ပေါ်တွင် ရှင်ဘုရင်​ကို ဆီးရီးယား​တပ်​ဘက်​သို့ မျက်နှာမူ​စေ​ပြီး မှီထိုင်​စေ​၏​။ ညနေခင်း​အချိန်​တွင် ရှင်ဘုရင်​အနိစ္စရောက်​၍ ဒဏ်ရာ​မှ​သွေး​များ​လည်း စစ်ရထား​ကြမ်းပြင်​အထိ စီးကျ​၏​။

၄ ရာ 10:4

ထိုအခါ သူ​တို့​သည် အလွန်​ထိတ်လန့်​ကြောက်ရွံ့​ကြ​လျက် “​ရှင်ဘုရင်​နှစ်​ပါး​ပင်လျှင် သူ့​ကို မ​ခုခံ​နိုင်​။ အကျွန်ုပ်​တို့​လည်း သူ့​ကို မည်သို့​ခုခံ​နိုင်​မည်နည်း​”​ဟု ဆို​ကြ​၏​။

၄ ရာ 10:9

နံနက်​ရောက်​သော် ယေဟု​သည် ထွက်လာ​ပြီး မြို့တံခါးဝ​၌​ရပ်​လျက် လူ​အပေါင်း​တို့​အား “​သင်​တို့ ဖြောင့်မတ်​ကြ​ပါ​ပေ​၏​။ ငါ​မူကား ငါ့​သခင်​ကို လုပ်ကြံ​သတ်ဖြတ်​ခဲ့​၏​။ ဤ​သူ​အားလုံး​ကို​ကား မည်သူ​သတ်​သနည်း​။

ဆာ​လံ 50:22

ဘုရားသခင်​ကို​မေ့လျော့​တတ်​သော​သူ​တို့​၊ ဤ​အချက်​ကို သတိ​နှင့်​ဆင်ခြင်​ကြ​လော့​။ သို့မဟုတ်​ပါက ငါ​သည် သင်​တို့​ကို အပိုင်းပိုင်း​ဆုတ်ဖြဲ​သဖြင့် ကယ်နုတ်​သူ​မ​ရှိ​ဖြစ်​လိမ့်မည်​။

သုတ္တံကျမ်း။ 21:30

မည်သည့်​ဉာဏ်ပညာ​၊ ထိုးထွင်းဉာဏ်​၊ အကြံဉာဏ်​မျှ ထာဝရဘုရား​ကို​ဆန့်ကျင်​၍ မ​တည်​နိုင်​။

ဇာ​ခ​ရိ 13:6

တစ်စုံတစ်ယောက်​က သူ့​အား ‘သင့်​လက်​နှစ်​ဖက်​မှ ဒဏ်ရာ​များ​ကား မည်သို့နည်း’​ဟု မေး​လျှင် သူ​က ‘ငါ့​မိတ်ဆွေ​အိမ်​မှ​ရ​သော​ဒဏ်ရာ​ဖြစ်​၏’​ဟု ဆို​လိမ့်မည်”​ဟု မိန့်​တော်မူ​၏​။

၁ သက် 5:3

“ငြိမ်းချမ်း​မှု​နှင့်​လုံခြုံ​မှု​ရှိ​သည်”​ဟု လူ​တို့​ပြောဆို​နေ​ကြ​သည့်​အချိန်​၌ပင် ကိုယ်ဝန်ဆောင်​အမျိုးသမီး​၌ သားဖွား​ခြင်း​ဝေဒနာ​ရောက်လာ​သကဲ့သို့ ပျက်စီး​ခြင်း​သည် သူ​တို့​အပေါ် ရုတ်တရက်​ရောက်လာ​၍ သူ​တို့​သည် လုံးဝ​လွတ်မြောက်​နိုင်​မည်​မ​ဟုတ်။