၄ ရာ 6:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထိုအခါ အမှုထမ်း​တစ်​ဦး​က “​အကျွန်ုပ်​၏​သခင် အရှင်မင်းကြီး​၊ မည်သူ​မျှ​မ​ရှိ​ပါ​။ အစ္စရေး​ပြည်​ရှိ ပရောဖက်​ဧလိရှဲ​က အရှင့်​အိပ်ခန်း​တွင်း​မှ​ပြော​သော​စကား​များ​ကို အစ္စရေး​ဘုရင်​အား ပြန်ပြောပြ​လေ့​ရှိ​ပါ​၏​”​ဟု လျှောက်တင်​၏​။

Common Language Bible

¹² တပ်​မှူး​တစ်​ယောက်​က``အ​ရှင်​မင်း​ကြီး၊ အ​ဘယ် သူ​မျှ​မ​ပါ​ပါ။ ပ​ရော​ဖက်​ဧ​လိ​ရှဲ​သည်​အ​ရှင် ၏​အိမ်​ခန်း​တွင်​တီး​တိုး​ပြော​သည့်​စ​ကား​ကို ပင် ဣသ​ရေ​လ​ဘု​ရင်​အား​သံ​တော်​ဦး​တင် ပါ​၏'' ဟု​လျှောက်​၏။

Garrad Bible

¹² ထို သို့ မ ဟုတ် ပါ။ စက် ခန်း ဆောင် တွင် အ ရှင် မင်း မြတ် မိန့် တော် မူ သော စ ကား ကို ပင် ဣ သ ရေ လ ပြည် ရှိ ပ ရော ဖက် ဧ လိ ရှဲ သည် ဣ သ ရေ ဘု ရင် အား ပြန် ကြား လေ့ ရှိ ပါ သည် တ ကား ဟု တင် လျှောက် သော်၊

Judson Bible

¹² ကျွန်​တစ်​ယောက်​က၊ ထို​သို့​မ​ဟုတ်​ပါ အ​ရှင်​မင်း​ကြီး၊ ကိုယ်​တော်​စက်​တော်​မူ​ခန်း​ထဲ၌ မိန့်​တော်​မူ​သော​စ​ကား​ကို​ပင်၊ ဣ​သ​ရေ​လ​ပြည်၌​ရှိ​သော ပ​ရော​ဖက်​ဧ​လိ​ရှဲ​သည်၊ ဣ​သ​ရေ​လ​ရှင်​ဘု​ရင်​အား ပြန်​ပြော​တတ်​ပါ​သည်​ဟု လျှောက်​လေ၏။

၄ ရာ 6:12 ပူးပေါင်းရင်းမြစ်များ

၄ ရာ 5:26

ဧလိရှဲ​က သူ့​အား “​ထို​လူ​သည် ရထား​ပေါ်​မှ​ဆင်းလာ​ပြီး သင်​နှင့်​တွေ့​သည့်​နေရာ​သို့ ငါ့​ဝိညာဉ်​သည် ရောက်​နေ​သည်​ကို သင်​မ​သိ​သလော​။ ယခု​အချိန်​သည် ငွေ​ကို​လက်ခံ​ရ​မည့်​အချိန်​လော​။ အဝတ်အစား​၊ သံလွင်ခြံ​၊ စပျစ်ခြံ​၊ သိုး​နွား​၊ ကျွန်ယောက်ျား​ကျွန်မိန်းမ​တို့​ကို လက်ခံ​ရ​မည့်​အချိန်​လော​။

၄ ရာ 5:3

သူ​က မိမိ​သခင်မ​အား “​အကျွန်ုပ်​၏​သခင်​သည် ရှမာရိ​မြို့​ရှိ​ပရောဖက်​ထံသို့​သွား​လျှင် မည်မျှ​လောက်​ကောင်း​လိမ့်မည်​နည်း​။ သူ​သည် သခင်​၌​စွဲ​သော​အနာကြီးရောဂါ​ကို ပျောက်ကင်း​စေ​လိမ့်မည်​”​ဟု လျှောက်ဆို​၏​။

၄ ရာ 5:8

ထိုသို့ အစ္စရေး​ဘုရင်​သည် မိမိ​အဝတ်​ကို​ဆုတ်ဖြဲ​ကြောင်း ဘုရားသခင်​၏​လူ​ဧလိရှဲ​ကြား​လျှင် ရှင်ဘုရင်​ထံ​လူ​လွှတ်​၍ “​အဘယ်ကြောင့် ကိုယ့်​အဝတ်​ကို​ဆုတ်ဖြဲ​ရ​သနည်း​။ ထို​သူ​ကို အကျွန်ုပ်​ထံသို့ လွှတ်လိုက်​ပါ​။ အစ္စရေး​ပြည်​တွင် ပရောဖက်​ရှိ​ကြောင်း​ကို သူ​သိ​ရ​လိမ့်မည်​”​ဟု မှာလိုက်​၏​။

၄ ရာ 6:11

ထိုသို့​ဖြစ်​သောကြောင့် ဆီးရီးယား​ဘုရင်​သည် သံသယစိတ်​ဝင်လာ​ကာ မိမိ​အမှုထမ်း​တို့​ကို​ဆင့်ခေါ်​ပြီးလျှင် “​ငါ​တို့​တွင် မည်သူ​သည် အစ္စရေး​ဘုရင်​၏​လူ ဖြစ်​သည်​ကို ငါ့​အား ပြော​ပါ​”​ဟု ဆို​၏​။

၄ ရာ 6:13

ထိုအခါ ရှင်ဘုရင်​က “​သူ​ရှိ​မည့်​နေရာ​ကို သွား​၍​စုံစမ်း​ပါ​။ သူ့​ကို လူ​လွှတ်​ပြီး​ဖမ်း​မည်​”​ဟု မိန့်ဆို​၏​။ “ဒေါသန်​မြို့​၌​ရှိ​သည်​”​ဟု ရှင်ဘုရင် သတင်းရ​လျှင်

ထွက်​မြောက် 8:3

နိုင်း​မြစ်​သည် ဖား​များ​နှင့်​ပြည့်နှက်​လိမ့်မည်​။ ထို​ဖား​များ​သည်​တက်လာ​၍ သင်​၏​နန်းတော်​၊ သင်​အိပ်​သော​အခန်း​နှင့်​အိပ်ရာ​ထဲသို့​လည်းကောင်း​၊ သင့်​အမှုထမ်း​များ​နှင့်​ပြည်သူပြည်သား​တို့​၏​အိမ်​ထဲသို့​လည်းကောင်း​၊ သင်​၏​မီးဖို​များ​နှင့်​မုန့်နယ်ခွက်​များ​ထဲသို့​လည်းကောင်း ဝင်​ကြ​လိမ့်မည်​။

သုတ္တံကျမ်း။ 21:30

မည်သည့်​ဉာဏ်ပညာ​၊ ထိုးထွင်းဉာဏ်​၊ အကြံဉာဏ်​မျှ ထာဝရဘုရား​ကို​ဆန့်ကျင်​၍ မ​တည်​နိုင်​။

ဒေသနာကျမ်း။ 10:20

ရှင်ဘုရင်​ကို သင်​၏​စိတ်ကူး​ထဲ၌​ပင် မ​ကျိန်ဆဲ​နှင့်​။ ချမ်းသာ​သော​သူ​ကို​လည်း သင်​၏​အိပ်ခန်း​ထဲ၌ပင် မ​ကျိန်ဆဲ​နှင့်​။ အကြောင်းမူကား မိုးကောင်းကင်​ငှက်​သည် ထို​အသံ​ကို ဆောင်ယူ​သွား​လိမ့်မည်​။ တောင်ပံ​ရှိ​သော​အကောင်​သည်​လည်း ထို​စကား​ကို ပြောကြား​လိမ့်မည်​။

ဟေ​ရှာ​ယ 29:15

ထာဝရဘုရား​မ​သိ​အောင် မိမိ​တို့​အကြံအစည်​ကို အစွမ်းကုန်​ဖုံးကွယ်​၍ မိမိ​တို့​၏​အမှု​ကို မှောင်မိုက်​ထဲ၌​ပြု​လျက် “​ငါ​တို့​ကို​မည်သူ​မြင်​မည်နည်း​။ မည်သူ​သိ​မည်နည်း​”​ဟု ပြောဆို​သော​သူ​တို့​သည် အမင်္ဂလာ​ရှိ​ကြ​၏​။

ဟေ​ရှာ​ယ 8:10

အကြံ​ထုတ်​ကြ​။ သို့သော် ပျက်သွား​လိမ့်မည်​။ တိုင်ပင်ဆွေးနွေး​ကြ​။ သို့သော် တည်​လိမ့်မည်​မ​ဟုတ်​။ အကြောင်းမူကား ဘုရားသခင်​သည် ငါ​တို့​နှင့်အတူ​ရှိ​တော်မူ​၏​။

ဒံ​ယေ​လ 2:47

ထို့ပြင် ရှင်ဘုရင်​က ဒံယေလ​အား “​စင်စစ် သင်​၏​ဘုရားသခင်​သည် ဘုရား​တကာ​တို့​၏​ဘုရား​၊ ဘုရင်​တကာ​တို့​၏​အရှင်သခင်​၊ နက်နဲသောအရာ​ကို ဖွင့်ပြ​နိုင်​သော​အရှင် ဖြစ်​တော်မူ​၏​။ ထို့ကြောင့် သင်​သည်​လည်း ဤ​နက်နဲသောအရာ​ကို ဖွင့်ပြ​နိုင်​ခြင်း ဖြစ်​၏​”​ဟု မိန့်ဆို​၏​။

အာ​မုတ် 3:7

စင်စစ် ဘုရားရှင်​ထာဝရဘုရား​သည် မိမိ​အကြံအစည်​တော်​ကို အစေအပါး​ပရောဖက်​တို့​အား မ​ဖွင့်ပြ​ဘဲ မည်သည့်​အမှု​ကို​မျှ ပြု​တော်​မ​မူ​။