၄ ရာ 25:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ ဘေဘီလုံ​ဘုရင်​သည် ထို​သူ​တို့​ကို ဟာမတ်​ပြည်​၊ ရိဗလ​မြို့​တွင် ဒဏ်ခတ်​ကွပ်မျက်​လေ​၏​။ ဤသို့ဖြင့် ယုဒ​လူမျိုး​တို့​သည် နေရင်းပြည်​မှ ဖမ်းခေါ်​သွား​ခြင်း​ခံရ​လေ​၏​။

Judson Bible

²¹ ဗာ​ဗု​လုန်​ရှင်​ဘု​ရင်​သည် ဟာ​မတ်​ပြည်​ရိ​ဗ​လ​မြို့၌ ထို​သူ​တို့​ကို ဒဏ်​ပေး၍ ကွပ်​မျက်​လေ၏။ ထို​သို့ ယု​ဒ​အ​မျိုး​သည် မိ​မိ​ပြည်​မှ သိမ်း​သွား​ခြင်း​ကို ခံ​ရ​သ​တည်း။

၄ ရာ 25:21 ပူးပေါင်းရင်းမြစ်များ

၃ ရာ 8:46

မ​ပြစ်မှား​ဘဲ​နေနိုင်သူ တစ်ယောက်​မျှ​မ​ရှိ​သည်​ဖြစ်​၍ သူ​တို့​သည် ကိုယ်တော့်​ကို ပြစ်မှား​မိ​လျှင် ကိုယ်တော်​သည် သူ​တို့​ကို အမျက်ထွက်​၍ ရန်သူ​လက်​သို့ အပ်လိုက်​သဖြင့် ရပ်နီး​ရပ်ဝေး​ရှိ​ရန်သူ​တို့​၏​ပြည်​သို့ သူ​တို့​ကို ဖမ်းဆီး​ခေါ်ဆောင်​သွား​ပြီး

၄ ရာ 17:20

ထို့ကြောင့် ထာဝရဘုရား​က အစ္စရေး​၏​သားစဉ်မြေးဆက်​အားလုံး​ကို စွန့်ပစ်​ပြီး ဒဏ်ခတ်​တော်မူ​၏​။ သူ​တို့​ကို တိုက်ခိုက်လုယက်​သူ​တို့​လက်​သို့ အပ်​ပြီး အထံ​တော်​မှ​နှင်ထုတ်​တော်မူ​၏​။

၄ ရာ 17:23

ထာဝရဘုရား​က မိမိ​အစေအပါး​ပရောဖက်​တို့​မှတစ်ဆင့် မိန့်မှာ​ခဲ့​သည့်​အတိုင်း အစ္စရေး​လူမျိုး​တို့​ကို အထံ​တော်​မှ​နှင်ထုတ်​ခဲ့​ရ​သည်​အထိ ဖြစ်​၏​။ ထို့ကြောင့် အစ္စရေး​လူမျိုး​တို့​သည် ကိုယ့်​နေရင်းပြည်​မှ အဆီးရီးယား​ပြည်​သို့ ဖမ်းဆီးခေါ်ဆောင်​သွား​ခြင်း​ခံရ​၍ ယနေ့​တိုင်အောင်​ထို​ပြည်​တွင် နေ​ကြ​ရ​၏​။

၄ ရာ 23:27

ထို့ကြောင့် ထာဝရဘုရား​က “​အစ္စရေး​လူမျိုး​ကို ငါ​ဖယ်ရှား​ပစ်​သကဲ့သို့ ယုဒ​လူမျိုး​ကို​လည်း ငါ့​ရှေ့​မှ​ဖယ်ရှား​ပစ်​မည်​။ ငါ​ရွေးချယ်​ခဲ့​သော​ဂျေရုဆလင်​မြို့​နှင့် ‘ထို​နေရာ​၌​ငါ့​နာမ​ကို​တည်​စေ​မည်’​ဟု ငါ​ဆို​ခဲ့​သော​အိမ်​တော်​ကို ငါ​စွန့်ပစ်​မည်​”​ဟု မိန့်​တော်မူ​၏​။

၄ ရာ 24:15

ဤသို့ဖြင့် ဘေဘီလုံ​ဘုရင်​သည် ယောယခိမ်​မင်းကြီး​ကို ဘေဘီလုံ​မြို့​သို့​ဖမ်းခေါ်​သွား​၏​။ ရှင်ဘုရင်​၏​မယ်တော်​၊ ရှင်ဘုရင်​၏​မိဖုရား​များ​၊ မှူးမတ်​များ​နှင့် တိုင်းပြည်​အကြီးအကဲ​အားလုံး​တို့​ကို​လည်း ဂျေရုဆလင်​မြို့​မှ ဘေဘီလုံ​မြို့​သို့ သုံ့ပန်း​အဖြစ် ဖမ်းခေါ်​သွား​လေ​၏​။

ယေ​ရ​မိ 16:13

ထို့ကြောင့် ဤ​ပြည်​မှ သင်​တို့​နှင့်​သင်​တို့​ဘိုးဘေး​တို့​မ​သိ​သော​ပြည်​သို့ သင်​တို့​ကို ငါ​နှင်ထုတ်​မည်​။ ထို​ပြည်​၌ အခြား​ဘုရား​များ​ကို နေ့နေ့ညည​အစေခံ​ရ​မည်​။ ငါ​သည် သင်​တို့​ကို မျက်နှာသာပေး​မည်​မ​ဟုတ်ဟူ၍ မိန့်​တော်မူ​သည်’​ဟု ဆင့်ဆို​ရ​မည်​။

ယေ​ရ​မိ 52:27

ဘေဘီလုံ​ဘုရင်​သည် ထို​သူ​တို့​ကို ဟာမတ်​ပြည်​၊ ရိဗလ​မြို့​တွင် ဒဏ်ခတ်​ကွပ်မျက်​လေ​၏​။ ဤသို့ဖြင့် ယုဒ​လူမျိုး​တို့​သည် နေရင်းပြည်​မှ ဖမ်းခေါ်​သွား​ခြင်း​ခံရ​လေ​၏​။

မြည်​တမ်း​စ​ကား 4:16

ထာဝရဘုရား​ကိုယ်တော်တိုင် သူ​တို့​ကို ကွဲလွင့်​စေ​တော်မူ​ပြီ​။ သူ​တို့​ကို မ​ကြည့်ရှု​တော့​ပေ​။ လူ​တို့​သည် ယဇ်ပုရောဟိတ်​တို့​ကို မ​ရိုသေ​ကြ​။ သက်ကြီးဝါကြီး​တို့​ကို မ​သနား​ကြ​။

ယေ​ဇ​ကျေ​လ 24:14

ငါ​ထာဝရဘုရား မိန့်​တော်မူ​ပြီ​။ ထိုသို့​ပြု​ရ​မည့်​နေ့ ရောက်လာ​ပြီ​။ ငါ့​စိတ်​ကို ငါ​မ​ချုပ်တည်း​၊ မ​သနား​၊ စိတ်​မ​ပြောင်းလဲ​ဘဲ သင့်​အပြုအမူ​၊ အကျင့်အကြံ​အတိုင်း သင့်​ကို​စီရင်​မည်’​ဟူ၍ ဘုရားရှင်​ထာဝရဘုရား​မိန့်​တော်မူ​သည်”​ဟု မိန့်ဆို​၏​။

အာ​မုတ် 5:27

ထို့ကြောင့် ငါ​သည် သင်​တို့​ကို ဒမတ်စကပ်​မြို့​နှင့်​ဝေး​ရာ​သို့ သုံ့ပန်း​အဖြစ်​ပါသွား​စေ​မည်”​ဟု ကောင်းကင်​ဗိုလ်ခြေ​အရှင်​ဘုရားသခင်​ဟူ၍ နာမ​တော်​ရှိ​တော်မူ​သော​ထာဝရဘုရား မိန့်​တော်မူ​၏​။

တ​ရား​ဟော 28:36

ထာဝရဘုရား​သည် သင့်​ကို​လည်းကောင်း​၊ သင်​တင်မြှောက်​ထား​သော သင့်​ကို​အုပ်စိုး​သည့်​ရှင်ဘုရင်​ကို​လည်းကောင်း သင်​မ​သိ​၊ သင့်​ဘိုးဘေး​တို့​လည်း​မ​သိ​သော လူမျိုး​ထံသို့ ဆောင်သွား​တော်မူ​သဖြင့် သင်​သည် ထို​အရပ်​၌ အခြား​ဘုရား​များ​ဖြစ်​သည့် သစ်သား​ဘုရား​၊ ကျောက်​ဘုရား​တို့​ကို​ဝတ်ပြု​ရ​လိမ့်မည်​။

တ​ရား​ဟော 28:64

ထာဝရဘုရား​သည် သင့်​ကို မြေကြီး​တစ်ဖက်စွန်း​မှ တစ်ဖက်စွန်း​တိုင်အောင် လူမျိုး​တကာ​တို့​အလယ်​သို့ ကွဲလွင့်​စေ​တော်မူ​မည်​။ သင်​သည် ထို​အရပ်​တို့​၌ သင်​မ​သိ​၊ သင့်​ဘိုးဘေး​တို့​လည်း​မ​သိ​သော အခြား​ဘုရား​များ​ဖြစ်​သည့် သစ်သား​ဘုရား​၊ ကျောက်​ဘုရား​တို့​ကို​ဝတ်ပြု​ရ​လိမ့်မည်​။

တ​ရား​ဟော 29:27

ထာဝရဘုရား​သည် ဤ​ပြည်​ကို​အမျက်ထွက်​၍ ဤ​ကျမ်း​၌​ရေးသား​ထား​သော​ကျိန်ခြင်းအမင်္ဂလာ​ရှိသမျှ​တို့​ကို ဤ​ပြည်​အပေါ်​သို့​ကျရောက်​စေ​ခြင်း ဖြစ်​၏​။

တ​ရား​ဟော 4:26

ယနေ့ ငါ​သည် သင်​တို့​တစ်ဖက်​၌ ကောင်းကင်​နှင့်​မြေကြီး​ကို​သက်သေ​ထား​၍ တိုင်တည်​၏​။ သင်​တို့​သည် ဂျော်ဒန်​မြစ်​ကို​ကူးသွား​၍​သိမ်းပိုက်​မည့်​ပြည်​မှ မကြာမီ​လုံးလုံး​ဖျက်ဆီး​ခြင်း​ခံရ​မည်​။ ထို​ပြည်​၌ အသက်​ရှည်ရှည်​မ​နေ​ရ​၊ လုံးလုံး​ဖျက်ဆီး​ခြင်း​ခံရ​မည်​။