၄ ရာ 24:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ထို့ပြင် ဂျေရုဆလင်​မြို့သား​များ​အပါအဝင် မှူးမတ်​များ​၊ စစ်သူရဲ​များ​၊ လက်မှုပညာသည်​များ​၊ ပန်းပဲသမား​များ​အားလုံး စုစုပေါင်း​လူ​တစ်သောင်း​ကို ဖမ်းခေါ်​သွား​၏​။ ဆင်းရဲ​သော​ပြည်သူပြည်သား​များ​မှအပ မည်သူ​မျှ​မ​ကျန်​တော့​ပေ​။

Common Language Bible

¹⁴ နေ​ဗု​ခဒ်​နေ​ဇာ​သည်​ယေ​ရု​ရှ​လင်​မြို့​သူ​မြို့​သား များ၊ မင်း​ညီ​မင်း​သား​ရှိ​သ​မျှ​နှင့်​အ​မျိုး​သား ခေါင်း​ဆောင်​ရှိ​သ​မျှ စု​စု​ပေါင်း​လူ​တစ်​သောင်း ကို​သုံ့​ပန်း​များ​အ​ဖြစ်​ဖမ်း​ဆီး​သွား​၏။ သူ​သည် အ​လွန့်​အ​လွန်​ဆင်း​ရဲ​သူ​များ​ကို​သာ​လျှင် ယု​ဒ​ပြည်​တွင်​ချန်​ထား​ပြီး​လျှင်​ပန်း​ပဲ​ဆ​ရာ များ​မှ​စ​၍ အ​တတ်​ပ​ညာ​သည်​အ​ပေါင်း​ကို ခေါ်​ဆောင်​သွား​လေ​သည်။

Garrad Bible

¹⁴ ယေ ရု ရှ လင် မြို့ ရှိ သ မျှ သော မှူး တော် မတ် တော်၊ သူ ဌေး၊ သူ ကြွယ်၊ ပန်း တဉ်း၊ ပန်း ပု၊ လူ ပေါင်း တစ် သောင်း ကို သိမ်း သွား ၍ ဆင်း ရဲ သော ပြည် သူ ပြည် သား တို့ ကို သာ ချန် ထား ခဲ့၏။

Judson Bible

¹⁴ ယေ​ရု​ရှ​လင်​မြို့​သား​မှူး​မတ်၊ ခွန်​အား​ကြီး​သော စစ်​သူ​ရဲ​တစ်​သောင်း၊ အ​ထူး​ထူး​အ​ပြား​ပြား​သော ဆ​ရာ​သ​မား​အ​ပေါင်း​တို့​ကို​သိမ်း​သွား၍၊ သာ​မ​ည​ဆင်း​ရဲ​သား​မှ​တစ်​ပါး အ​ဘယ်​သူ​မျှ မ​ကျန်​ကြွင်း​ရ။

၄ ရာ 24:14 ပူးပေါင်းရင်းမြစ်များ

၄ ရာ 24:16

ဘေဘီလုံ​ဘုရင်​သည် စစ်သူရဲ​ပေါင်း​ခုနစ်​ထောင်​၊ လက်မှုပညာသည်​နှင့်​ပန်းပဲပညာသည်​ပေါင်း​တစ်ထောင်​စသည့် စစ်တိုက်​နိုင်စွမ်း​ရှိ​သော​သူ​အားလုံး​ကို​လည်း ဘေဘီလုံ​မြို့​သို့ သုံ့ပန်း​အဖြစ်​ဖမ်းခေါ်​သွား​၏​။

၄ ရာ 25:12

သို့သော် ကိုယ်ရံတော်မှူး​သည် ဆင်းရဲ​သော​ပြည်သား​အချို့​ကို ချန်ထား​၍ စပျစ်ခြံ​များ​၊ လယ်​များ​တွင် အလုပ်လုပ်​စေ​၏​။

၁ ရာ​ချုပ် 9:1

အစ္စရေး​တစ်မျိုးနွယ်လုံး​၏​မျိုးရိုးစဉ်ဆက်​စာရင်း​ကို ရေးမှတ်​၍ အစ္စရေး​ဘုရင်​တို့​၏​ရာဇဝင်မှတ်တမ်း​တွင် မှတ်တမ်းတင်​ထား​၏​။ ယုဒ​လူမျိုး​တို့​မူကား မိမိ​တို့​ကျူးလွန်​မိ​သော​အမှား​များ​ကြောင့် ဘေဘီလုံ​မြို့​သို့ ဖမ်းခေါ်​သွား​ခြင်း ခံရ​ကြ​၏​။

ဧ​ဇ​ရ 2:1

ဤသည်ကား ဘေဘီလုံ​ဘုရင်​နေဗုခဒ်နေဇာ​မင်းကြီး ဖမ်းခေါ်​သွား​သဖြင့် သုံ့ပန်း​အဖြစ် ဘေဘီလုံ​ပြည်​၊ နယ်မြေဒေသ​အသီးသီး​သို့​ရောက်သွား​ကြ​ပြီး သုံ့ပန်းဘဝ​မှ​လွတ်မြောက်​၍ ယုဒ​ပြည်​၊ ဂျေရုဆလင်​မြို့​ရှိ မိမိ​တို့​နေရပ်​အသီးသီး​သို့​ပြန်လာ​ကြ​သော​သူ​များ ဖြစ်​ကြ​၏​။

နေ​ဟ​မိ 1:2

ငါ့​ညီ​တစ်​ဦး​ဖြစ်​သော​ဟာနနိ​နှင့် ယုဒ​လူ​တို့ ရောက်လာ​သဖြင့် သုံ့ပန်းဘဝ​မှ​လွတ်မြောက်​၍ ကြွင်းကျန်​သော​ဂျူး​လူမျိုး​များ​အကြောင်း​၊ ဂျေရုဆလင်​မြို့​အကြောင်း​တို့​ကို မေးမြန်း​ကြည့်​ရာ

ဧ​သ​တာ 2:6

ကိရှ​သည် ဘေဘီလုံ​ဘုရင်​နေဗုခဒ်နေဇာ​မင်းကြီး​က ယုဒ​ဘုရင်​ယေခေါနိ​မင်းကြီး​ကို ဂျေရုဆလင်​မြို့​မှ ဖမ်းခေါ်​သွား​စဉ်တွင် သုံ့ပန်း​အဖြစ် ပါသွား​ခဲ့​သူ​ဖြစ်​၏​။

ဟေ​ရှာ​ယ 3:2

သူရဲကောင်း​နှင့်​စစ်သည်​မှစ၍ တရားသူကြီး​၊ ပရောဖက်​၊ ဂမ္ဘီရပညာ​တတ်မြောက်​သူ​၊ သက်ကြီးဝါကြီး​၊

ယေ​ရ​မိ 27:20

ဘေဘီလုံ​ဘုရင်​နေဗုခဒ်နေဇာ​မင်းကြီး​သည် ယောယကိမ်​၏​သား ယုဒ​ဘုရင်​ယေခေါနိ​မှစ၍ ယုဒ​ပြည်​၊ ဂျေရုဆလင်​မြို့​၌​ရှိ​သော​မှူးမတ်​များ​အားလုံး​ကို ဂျေရုဆလင်​မြို့​မှ ဘေဘီလုံ​မြို့​သို့ ဖမ်းခေါ်​သွား​သောအခါ ထို​အသုံးအဆောင်​တို့​ကို မ​ယူသွား​ဘဲ​ချန်ထား​ခဲ့​၏​။

ယေ​ရ​မိ 28:4

ဘေဘီလုံ​မြို့​သို့ ဖမ်းခေါ်​သွား​ခြင်း​ခံရ​သော ယောယကိမ်​၏​သား ယုဒ​ဘုရင်​ယေခေါနိ​မင်းကြီး​နှင့်တကွ ယုဒ​လူမျိုး​အပေါင်း​တို့​ကို​လည်း ဤ​မြို့​သို့ ပြန်ခေါ်ဆောင်​လာ​မည်​။ အကြောင်းမူကား ငါ​သည် ဘေဘီလုံ​ဘုရင်​၏​ထမ်းပိုး​ကို ချိုး​မည်​’​ဟူ၍ မိန့်​တော်မူ​သည်​”​ဟု ဆို​၏​။

ယေ​ရ​မိ 29:2

ယေခေါနိ​မင်းကြီး​၊ မယ်တော်​၊ နန်းတွင်း​အကြီးအကဲ​များ​၊ ယုဒ​ပြည်​ဂျေရုဆလင်​မြို့​၏​မှူးမတ်​များ​မှစ၍ လက်မှုပညာသည်​နှင့် ပန်းပဲသမား​တို့ ဂျေရုဆလင်​မြို့​မှ ထွက်သွား​ပြီးနောက်​တွင် ရေးသား​၍

ယေ​ရ​မိ 39:10

သို့သော် ကိုယ်ရံတော်မှူး​နေဗုဇာရဒန်​သည် ဘာမျှ​မ​ရှိ​သော​ဆင်းရဲသား​တို့​ကို ယုဒ​ပြည်​၌​ထားခဲ့​၍ သူ​တို့​အား စပျစ်ခြံ​နှင့်​လယ်ယာမြေ​တို့​ကို ပေး​လေ​၏​။

ယေ​ရ​မိ 40:7

ဘေဘီလုံ​မြို့​သို့ ဖမ်းခေါ်​သွား​ခြင်း​မ​ခံရ​သော ဆင်းရဲသား​ပြည်သား​များ​ဖြစ်​သည့် ယောက်ျား​၊ မိန်းမ​၊ ကလေး​တို့​ကို အုပ်ချုပ်​ရန် ဘေဘီလုံ​ဘုရင်​သည် အဟိကံ​၏​သား​ဂေဒလိ​ကို ခန့်ထား​ကြောင်း တော​ထဲ၌​ခို​နေ​သော စစ်သည်​အကြီးအကဲ​အပေါင်း​တို့ ကြားသိ​သောအခါ

ယေ​ရ​မိ 52:16

သို့သော် ကိုယ်ရံတော်မှူး​နေဗုဇာရဒန်​သည် ဆင်းရဲ​သော​ပြည်သား​အချို့​ကို ချန်ထား​၍ စပျစ်ခြံ​များ​၊ လယ်​များ​တွင် အလုပ်​လုပ်​စေ​၏​။

ယေ​ရ​မိ 52:28

နေဗုခဒ်နေဇာ​မင်းကြီး ဖမ်းခေါ်​သွား​သော ဂျူး​လူမျိုး အရေအတွက်​ကား ဤသို့​ဖြစ်​၏​။ နေဗုခဒ်နေဇာ​မင်းကြီး နန်းစံ​ခုနစ်​နှစ်​တွင် သုံး​ထောင်​နှစ်ဆယ့်​သုံး​ယောက်​၊

ယေ​ဇ​ကျေ​လ 17:14

ဤသို့ဖြင့် တိုင်းနိုင်ငံ​သည် နလန်​မ​ထူ​နိုင်​အောင် ကျရှုံး​သွား​ပြီး ပဋိညာဉ်​ကို စောင့်ထိန်း​မှသာ ရပ်တည်​နိုင်​မည့်​အခြေအနေ​ဖြစ်သွား​ရ​လေ​ပြီ​။

ယေ​ဇ​ကျေ​လ 17:3

သင်​သည် သူ​တို့​အား ‘ဘုရားရှင်​ထာဝရဘုရား​က သန်စွမ်း​သော​တောင်ပံ​နှင့် ရှည်လျား​၍​အရောင်အသွေး​စုံ​သော​အမွေး​အမှင်​များ​ရှိ​သည့် လင်းယုန်ငှက်​ကြီး​တစ်​ကောင်​သည် လက်ဘနွန်​တောင်​သို့​လာ​၍ သစ်ကတိုးပင်​ထိပ်ဖျား​တွင် နား​၏​။

မဿဲ 1:11

ဘေဘီလုံ​သို့​ရွှေ့ပြောင်း​ခြင်း​ခံရ​ချိန်​တွင် ယောရှိ​သည် သား​ယေခေါနိ​နှင့် သူ​၏​ညီအစ်ကို​များ​ကို​ရ​၏။

မဿဲ 1:12

ဘေဘီလုံ​သို့ ရွှေ့ပြောင်း​ခြင်း​ခံရ​ပြီးနောက် ယေခေါနိ​သည် သား​ရှာလသေလ​ကို​ရ​၏။ ရှာလသေလ​သည် သား​ဇေရုဗဗေလ​ကို​ရ​၏။

မဿဲ 1:17

သို့ဖြစ်၍ ဆွေမျိုး​အစဉ်အဆက်​စုစုပေါင်း​ကား အာဗြဟံ​မှ ဒါဝိဒ်​အထိ တစ်ဆယ့်လေး​ဆက်၊ ဒါဝိဒ်​မှ ဘေဘီလုံ​သို့​ရွှေ့ပြောင်း​ခြင်း​ခံရ​သည့်​အချိန်​အထိ တစ်ဆယ့်လေး​ဆက်၊ ဘေဘီလုံ​သို့​ရွှေ့ပြောင်း​ခြင်း​ခံရ​သည့်​အချိန်​မှ ခရစ်တော်​အထိ တစ်ဆယ့်လေး​ဆက်​ဖြစ်​၏။

တ​ရား​ဟော 28:36

ထာဝရဘုရား​သည် သင့်​ကို​လည်းကောင်း​၊ သင်​တင်မြှောက်​ထား​သော သင့်​ကို​အုပ်စိုး​သည့်​ရှင်ဘုရင်​ကို​လည်းကောင်း သင်​မ​သိ​၊ သင့်​ဘိုးဘေး​တို့​လည်း​မ​သိ​သော လူမျိုး​ထံသို့ ဆောင်သွား​တော်မူ​သဖြင့် သင်​သည် ထို​အရပ်​၌ အခြား​ဘုရား​များ​ဖြစ်​သည့် သစ်သား​ဘုရား​၊ ကျောက်​ဘုရား​တို့​ကို​ဝတ်ပြု​ရ​လိမ့်မည်​။

၁ ရာ 13:19

ဖိလိတ္တိ​လူမျိုး​တို့​က “​ဟေဗြဲ​လူမျိုး​တို့​ကို ဓား​၊ လှံ တစ်စုံတစ်ရာ​မျှ မ​လုပ်​စေ​နှင့်​”​ဟု ဆို​သဖြင့် ထိုစဉ်က အစ္စရေး​တစ်ပြည်လုံး​တွင် ပန်းပဲသမား​တစ်ယောက်မျှ မ​တွေ့​ရ​ချေ​။