၄ ရာ 19:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ ဤ​အမှု​ကို ရှေးယခင်​ကပင် ငါ​ချမှတ်​ခဲ့​ကြောင်း သင်​မ​ကြား​ဖူး​သလော​။ သင်​သည် ခိုင်ခံ့​သော​မြို့​တို့​ကို အပျက်အစီး​ကျောက်ပုံ​ဖြစ်​စေ​မည့်​အကြောင်း ရှေးကာလ​ကပင် ငါ​စီမံ​ထား​ခဲ့​သည့်​အတိုင်း ယခု ငါ​ဖြစ်​စေ​ပြီ​။

Common Language Bible

²⁵ ``ရှေး​မ​ဆွ​က​ပင်​လျှင်​ဤ​အ​မှု​အ​ရာ​များ ကို ငါ​စီ​မံ​ခဲ့​ကြောင်း​သင်​အ​ဘယ်​အ​ခါ​၌​မျှ မ​ကြား​ဘူး​သ​လော။ ယ​ခု​ထို​အ​မှု​အ​ရာ များ​ကို​ငါ​ဖြစ်​ပွား​စေ​ပြီ။ ခံ​တပ်​မြို့​များ​ကို အ​မှိုက်​ပုံ​ဖြစ်​စေ​နိုင်​သော​တန်​ခိုး​ကို​သင့် အား​ငါ​ပေး​အပ်​ခဲ့​၏။-

Garrad Bible

²⁵ သင် မ ကြား မ သိ သ လော။ ယ မန် တွင် ငါ စီ ရင်၍ ရှေး ကာ လ က ပင် ပြ ဌာန်း ပြီး ဖြစ် သည့် အ တိုင်း ခံ မြို့ များ ကို ပျက် စီး ရာ အ မှိုက် ပုံ ဖြစ် စေ ရန် ယ ခု သင် ပေါ် ထွန်း ရ ပြီ။

Judson Bible

²⁵ ငါ​သည် အ​ထက်​က​ဤ​အ​မှု​ကို​စီ​ရင်​ကြောင်း​နှင့် ရှေး​ကာ​လ၌ ပြု​ပြင်​ကြောင်း​ကို သင်​သည်​မ​ကြား​သ​လော။ ယ​ခု​မှာ​လည်း သင်​သည် ခိုင်​ခံ့​သော​မြို့​တို့​ကို ဖျက်​ဆီး၍၊ ကျောက်​ပုံ​ဖြစ်​စေ​သော​သူ​ဖြစ်​မည်​အ​ကြောင်း ငါ​စီ​ရင်​ခန့်​ထား​လေ​ပြီ။

၄ ရာ 19:25 ပူးပေါင်းရင်းမြစ်များ

ဆာ​လံ 33:11

ထာဝရဘုရား​၏​အကြံဉာဏ်​သည် အစဉ်အမြဲ​တည်​၍ ကိုယ်တော်​၏​စိတ်နှလုံး​အကြံအစည်​တို့​သည် မျိုးဆက်​အစဉ်အဆက်​တည်​၏​။

ဆာ​လံ 76:10

အကယ်စင်စစ် လူ​တို့​၏​အမျက်ဒေါသ​သည် ကိုယ်တော်​ကို​ချီးမွမ်း​လိမ့်မည်​။ ကိုယ်တော်​သည် အမျက်ဒေါသ​အကြွင်းအကျန်​များ​ဖြင့် မိမိကိုယ်မိမိ​ပတ်စည်း​တော်မူ​လိမ့်မည်​။

ဟေ​ရှာ​ယ 10:15

ပုဆိန်​သည် သူ့​ကို​ကိုင်​သော​သူ​ထက် မိမိကိုယ်မိမိ​အမွှမ်းတင်​မည်လော​။ လွှ​သည် သူ့​ကို​အသုံးပြု​သော​သူ​ထက် မိမိကိုယ်မိမိ​ချီးမြှောက်​မည်လော​။ ကြိမ်လုံး​က ကိုင်မြှောက်​သော​သူ​ကို ပြန်​၍​လွှဲယမ်း​သကဲ့သို့​၊ တောင်ဝှေး​က သစ်သား​မ​ဟုတ်​သော​လူ​ကို ပြန်​၍​ကိုင်မြှောက်​သကဲ့သို့ ဖြစ်​ပါ​သည်​တကား​။

ဟေ​ရှာ​ယ 45:7

ငါ​သည် အလင်း​ကို​ပုံဖော်ဖန်ဆင်း​၏​၊ အမှောင်​ကို​လည်း​ဖန်ဆင်း​၏​။ ငြိမ်းချမ်းမှု​ကို​ဖြစ်စေ​၏​၊ ဘေးအန္တရာယ်​ကို​လည်း ဖြစ်ပေါ်​စေ​၏​။ ဤ​အရာ​အားလုံး​တို့​ကို ငါ​ထာဝရဘုရား စီရင်​၏​။

ဟေ​ရှာ​ယ 45:8

အို မိုးကောင်းကင်​၊ အထက်​မှ တဖွဲဖွဲရွာချ​လော့​။ မိုးတိမ်​တို့​သည် ဖြောင့်မတ်​ခြင်း​ကို ရွာသွန်း​ပါစေ​။ မြေကြီး​သည် ပွင့်ဟ​၍ ကယ်တင်​ခြင်း သီးပွင့်​ပါစေ​။ ဖြောင့်မတ်​ခြင်း​လည်း ပေါက်​ပါစေ​။ ဤ​အမှု​ကို ငါ​ထာဝရဘုရား​ဖန်ဆင်း​၏​။

ဟေ​ရှာ​ယ 54:16

ကြည့်ရှု​လော့​။ မီးခဲ​ကို မီးတောက်​အောင်​မှုတ်​ပြီး လက်နက်​ကို​ထုတ်လုပ်​တတ်​သော ပန်းပဲဆရာ​ကို ငါ​ကိုယ်တော်တိုင်​ဖန်ဆင်း​၏​။ ဖျက်ဆီး​တတ်​သော အဖျက်သမား​ကို​လည်း ငါ​ကိုယ်တော်တိုင်​ဖန်ဆင်း​၏​။

မိက္ခာ 1:6

“ထို့ကြောင့် ငါ​သည် ရှမာရိ​မြို့​ကို ကွင်းပြင်​တွင် အပြိုအပျက်ပုံ ဖြစ်​စေ​မည်​။ စပျစ်ခြံ​စိုက်ပျိုး​ရာ​နေရာ ဖြစ်​စေ​မည်​။ ထို​မြို့​ရှိ​ကျောက်တုံး​များ​ကို ချိုင့်ဝှမ်း​ထဲသို့ သွန်ချ​မည်​။ အုတ်မြစ်​များ​ကို​လည်း လှန်ပစ်​မည်​။