၄ ရာ 19:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ငါ့​ဘိုးဘေး​တို့​ဖျက်ဆီး​ခဲ့​သော​လူမျိုး​များ​ဖြစ်​သည့် ဂေါဇန်​လူမျိုး​၊ ဟာရန်​လူမျိုး​၊ ရေဇပ်​လူမျိုး​နှင့် တေလသာ​မြို့​ရှိ ဧဒင်​လူမျိုး​တို့​၏​ဘုရား​များ​သည် ကယ်​ခဲ့​ဖူး​သလော​။

Common Language Bible

¹² ငါ​၏​ဘိုး​ဘေး​တို့​သည်​ဂေါ​ဇန်​မြို့၊ ခါ​ရန် မြို့၊ ရေ​ဇပ်​မြို့​တို့​ကို​ဖျက်​ဆီး​ပြီး​လျှင် တေ​လ သာ​မြို့​တွင်​နေ​ထိုင်​သူ​ဘေ​သေ​ဒင်​အ​မျိုး​သား တို့​အား​သုတ်​သင်​သတ်​ဖြတ်​ခဲ့​ကြ​၏။ သူ​တို့​၏ ဘု​ရား​များ​အ​နက်​အ​ဘယ်​ဘု​ရား​မျှ​သူ တို့​ကို​မ​ကယ်​နိုင်​ကြ။-

Garrad Bible

¹² ဘေး တော် ဘိုး တော် တို့ မြေ လှန် ခဲ့ ရာ ဂေါ ဇန်၊ ခါ ရန်၊ ရေ ဇပ် မြို့ သူ မြို့ သား တို့ မှ စ၍ တေ လ သာ မြို့ ရှိ ဧ ဒင် အ မျိုး သား တို့ ကို လူ မျိုး ခြား တို့ ၏ ဘု ရား များ သည် လွတ် မြောက် စေ ဘူး သ လော။

Judson Bible

¹² ငါ့​ဘိုး​ဘေး​တို့​သည် ဖျက်​ဆီး​သော​အ​မျိုး​သား၊ ဂေါ​ဇန်​အ​မျိုး​သား၊ ခါ​ရန်​အ​မျိုး​သား၊ ရေ​ဇပ်​အ​မျိုး​သား၊ တေ​လ​သာ​မြို့၌​ရှိ​သော ဧ​ဒင်​အ​မျိုး​သား​တို့​ကို သူ​တို့၏​ဘု​ရား​များ​တို့​သည် ကယ်​ယူ​ကြ​ပြီ​လော။

၄ ရာ 19:12 ပူးပေါင်းရင်းမြစ်များ

ကမ္ဘာ​ဦး 11:31

တေရ​သည် သား​အာဗြံ​၊ ဟာရန်​၏​သား​ဖြစ်​သော မိမိ​၏​မြေး​လောတ​နှင့် သား​အာဗြံ​၏​မယား​ဖြစ်​သော မိမိ​၏​ချွေးမ စာရဲ​တို့​ကို​ခေါ်​၍ ခါနာန်​ပြည်​သို့​သွား​ရန် ခါလဒဲ​လူမျိုး​တို့​ပိုင်​သော​ဥရ​မြို့​မှ​ထွက်ခွာ​လေ​၏​။ သို့သော် ဟာရန်​မြို့​သို့​ရောက်​သောအခါ ထို​မြို့​၌​အခြေချ​ကြ​၏​။

ကမ္ဘာ​ဦး 11:32

တေရ​အသက်ရှင်​ခဲ့​သော​နှစ်​ပေါင်း​မှာ နှစ်ရာ့​ငါး​နှစ်​ဖြစ်​၏​။ ထို့နောက် တေရ​သည် ဟာရန်​မြို့​၌ သေဆုံး​လေ​၏​။

ကမ္ဘာ​ဦး 2:8

ထာဝရအရှင်​ဘုရားသခင်​သည် အရှေ့ဘက်​ရှိ​ဧဒင်​အရပ်​၌ ဥယျာဉ်​ကို​စိုက်ပျိုး​ပြီးလျှင် မိမိ​ပုံဖော်ဖန်ဆင်း​ထား​သော​လူ​ကို ထို​ဥယျာဉ်​၌ နေရာ​ချထား​တော်မူ​၏​။

ကမ္ဘာ​ဦး 29:4

ယာကုပ်​က သိုးထိန်း​တို့​အား “​ငါ့​ညီအစ်ကို​တို့​၊ သင်​တို့ အဘယ်​အရပ်​က​လာ​ကြ​သနည်း​”​ဟု မေး​ရာ သူ​တို့​က “​ငါ​တို့​သည် ဟာရန်​မြို့​မှ​လာ​ကြ​သည်​”​ဟု ပြန်ဖြေ​ကြ​၏​။

၄ ရာ 17:6

ဟောရှေ​မင်းကြီး​နန်းစံ​ကိုး​နှစ်​အကြာ​တွင် အဆီးရီးယား​ဘုရင်​သည် ရှမာရိ​မြို့​ကို​သိမ်းပိုက်​ပြီး အစ္စရေး​လူမျိုး​တို့​ကို အဆီးရီးယား​ပြည်​သို့​ဖမ်းခေါ်​သွား​ကာ ဟာလာ​အရပ်​၊ ဂေါဇန်​နယ်​ရှိ​ဟာဗော်​မြစ်​နား​နှင့်​မေဒိ​မြို့ တို့​၌​နေထိုင်​စေ​၏​။

၄ ရာ 19:11

ကြည့်ရှု​လော့​။ အဆီးရီးယား​ဘုရင်​တို့​သည် တိုင်းပြည်​အားလုံး အကုန်အစင်​ပျက်စီး​သွား​အောင် မည်သို့​ပြု​ခဲ့​သည်​ကို သင်​ကြား​ရ​ပြီ​။ သင်​လည်း လွတ်မြောက်​မည်​ဟု​မ​ထင်​နှင့်​။

၁ ရာ​ချုပ် 5:26

ထို့ကြောင့် အစ္စရေး​လူမျိုး​၏​ဘုရားသခင်​သည် အဆီးရီးယား​ဘုရင်​ပုလ​မင်းကြီး​တည်းဟူသော အဆီးရီးယား​ဘုရင်​တိဂလတ်ပိလေသာ​မင်းကြီး​၏​စိတ်​ကို နှိုးဆော်​၍ သူ​သည် ရုဗင်​အမျိုး​၊ ဂဒ်​အမျိုး​၊ မနာရှေ​၏​အမျိုး​တစ်ဝက်​တို့​ကို ဖမ်းဆီးခေါ်ဆောင်​သွား​၏​။ သူ​တို့​သည် ဟာလာ​အရပ်​၊ ဟာဗော်​အရပ်​၊ ဟာရ​အရပ်​၊ ဂေါဇန်​အရပ်​ရှိ​မြစ်​နား​တစ်လျှောက်​တို့​တွင် ယနေ့​တိုင်အောင် နေထိုင်​ကြ​၏​။

ဟေ​ရှာ​ယ 37:12

ငါ့​ဘိုးဘေး​တို့​ဖျက်ဆီး​ခဲ့​သော​လူမျိုး​များ​ဖြစ်​သည့် ဂေါဇန်​လူမျိုး​၊ ဟာရန်​လူမျိုး​၊ ရေဇပ်​လူမျိုး​၊ တေလသာ​မြို့​ရှိ ဧဒင်​အမျိုးသား​တို့​၏​ဘုရား​များ​သည် သူ​တို့​ကို ကယ်​ခဲ့​ဖူး​သလော​။

ယေ​ဇ​ကျေ​လ 27:23

ဟာရန်​မြို့​၊ ကန္နေ​မြို့​၊ ဧဒင်​မြို့​မှ​ကုန်သည်​များ​၊ ရှေဘ​ပြည်​၊ အဆီးရီးယား​ပြည်​၊ ခိလမဒ်​ပြည်​မှ​ကုန်သည်​များ​သည် သင်​နှင့်​ကုန်သွယ်​ကြ​၏​။

တမန်တော်ဝတ္ထု 7:4

ထိုအခါ သူ​သည် ခါလဒဲ​လူမျိုး​တို့​၏​ပြည်​မှ ထွက်ခွာ​၍ ခါရန်​မြို့​၌​နေထိုင်​လေ​၏။ သူ​၏​ဖခင်​သေဆုံး​ပြီးနောက် ဘုရားသခင်​သည် သူ့​ကို ထို​နေရာ​မှ ယခု ငါ​တို့​နေထိုင်​သော​ပြည်​သို့ ပြောင်းရွှေ့​စေ​တော်မူ​၏။