၄ ရာ 16:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ အစ္စရေး​ဘုရင်​တို့ လျှောက်​သော​လမ်း​အတိုင်း လိုက်လျှောက်​ခဲ့​၏​။ အစ္စရေး​အမျိုးသား​တို့​ရှေ့​မှ ထာဝရဘုရား​နှင်ထုတ်​တော်မူ​သော​လူမျိုးခြား​တို့​၏​စက်ဆုပ်ရွံရှာဖွယ်​ဓလေ့​များ​အတိုင်း ကိုယ့်​သား​ကို​ပင် မီးရှို့ပူဇော်​ခဲ့​၏​။

Common Language Bible

³ ဣ​သ​ရေ​လ​မင်း​တို့​၏​လမ်း​စဉ်​ကို​လိုက်​လေ သည်။ သူ​သည်​ဣ​သ​ရေ​လ​အ​မျိုး​သား​တို့​ချီ တက်​လာ​ချိန်​၌ ထာ​ဝ​ရ​ဘု​ရား​နှင်​ထုတ်​တော် မူ​သော​လူ​မျိုး​တို့​၏​စက်​ဆုတ်​ရွံ​ရှာ​ဖွယ်​ကောင်း သည့်​ဋ္ဌ​လေ့​ထုံး​စံ​တို့​ကို​အ​တု​ခိုး​ကာ မိ​မိ ၏​သား​တော်​ကို​ပင်​လျှင်​မီး​ရှို့​ရာ​ပူ​ဇော်​သကာ အ​ဖြစ်​ရုပ်​တု​တို့​အား​ပူ​ဇော်​လေ​သည်။-

Garrad Bible

³ ဣ သ ရေ လ ဘု ရင် တို့ နည်း လမ်း အ တိုင်း လိုက် လျှောက် လျက် ဣ သ ရေ လ အ မျိုး သား တို့ ရှေ့ ထာ ဝ ရ ဘု ရား နှင် ထုတ် တော် မူခဲ့ သော လူ မျိုး ခြား တို့ ရွှံ ရာ ဖွယ် ဓ လေ့ အ လိုက် သား တော် ကို မီး ဖြင့် ဆက် ကပ် သည့် ပြင်၊

Judson Bible

³ ဣ​သ​ရေ​လ​ရှင်​ဘု​ရင်​တို့ လိုက်​သော​လမ်း​သို့ လိုက်၍၊ ထာ​ဝ​ရ​ဘု​ရား​သည် ဣ​သ​ရေ​လ​အ​မျိုး​သား​တို့​ရှေ့​မှ၊ နှင်​ထုတ်​တော်​မူ​သော တစ်​ပါး​အ​မျိုး​သား​တို့၏ ရွံ​ရှာ​ဖွယ်​ထုံး​စံ​အ​တိုင်း၊ မိ​မိ​သား​ကို မီး​ဖြင့်​ပူ​ဇော်၏။

၄ ရာ 16:3 ပူးပေါင်းရင်းမြစ်များ

၃ ရာ 14:24

ပြည်​တော်​တွင် မိစ္ဆာဒိဋ္ဌိ​ကျင့်ထုံး​ဆိုင်ရာ​ယောက်ျား​ပြည့်တန်ဆာ​လည်း ရှိ​၏​။ အစ္စရေး​လူမျိုး​တို့​ထံမှ ထာဝရဘုရား​နှင်ထုတ်​တော်မူ​သော​လူမျိုးခြား​တို့​ပြု​သည့် စက်ဆုပ်ရွံရှာဖွယ်​အရာ​ရှိသမျှ​တို့​ကို ပြု​ကြ​၏​။

၄ ရာ 17:16

သူ​တို့​သည် သူ​တို့​၏​ဘုရားသခင်​ထာဝရဘုရား မိန့်မှာ​တော်မူ​သမျှ​သော​ပညတ်ချက်​တို့​ကို စွန့်ပစ်​ပြီး နွားသငယ်​ရုပ်တု​နှစ်​ရုပ်​ကို သွန်းလုပ်​ကြ​၏​။ အာရှရ​နတ်ဘုရားမ​တံခွန်တိုင်​ကို စိုက်ထူ​ကြ​၏​။ ကောင်းကင်​တန်ဆာ​ရှိသမျှ​ကို ကိုးကွယ်​ကြ​၏​။ ဗာလ​ဘုရား​ကို ဝတ်ပြု​ကြ​၏​။

၄ ရာ 17:17

သူ​တို့​၏​သား​သမီး​တို့​ကို မီးရှို့​ပူဇော်​ကြ​၏​။ ဂမ္ဘီရအတတ်​၊ ဟူးရားအတတ်​တို့​ကို ဆည်းပူး​ကြ​၏​။ မကောင်းမှု​ပြု​ရန် ကိုယ့်ကိုယ်ကိုယ်​ရောင်းစား​ခြင်း​ဖြင့် ထာဝရဘုရား​ကို အမျက်ထွက်​စေ​ကြ​၏​။

၄ ရာ 17:19

ယုဒ​အမျိုး​တို့​ပင်လျှင် သူ​တို့​ဘုရားသခင်​ထာဝရဘုရား​၏​ပညတ်တော်​တို့​ကို မ​စောင့်ထိန်း​ဘဲ အစ္စရေး​လူမျိုး​တို့​၏​ဓလေ့စရိုက်​နောက်သို့​လိုက်​၍ ပြုကျင့်​ကြ​၏​။

၄ ရာ 17:8

အစ္စရေး​အမျိုးသား​တို့​ရှေ့​မှ ထာဝရဘုရား​နှင်ထုတ်​တော်မူ​ခဲ့​သော လူမျိုးခြား​တို့​နှင့် အစ္စရေး​ဘုရင်​တို့​ပြုကျင့်​သော​ဓလေ့စရိုက်​များ​နောက်သို့ လိုက်​ကြ​၏​။

၄ ရာ 21:11

“​ယုဒ​ဘုရင်​မနာရှေ​မင်းကြီး​သည် စက်ဆုပ်ရွံရှာဖွယ်​အမှု​များ​ကို ပြု​ပြီ​။ သူ့​အလျင်​ရှိ​ခဲ့​သော​အာမောရိ​လူမျိုး​တို့​ထက် သာ၍​မကောင်းမှု​များ​ကို ပြု​ပြီ​။ သူ​လုပ်​ခဲ့​သော​ရုပ်တု​များ​ဖြင့် ယုဒ​လူမျိုး​တို့​ကို အပြစ်ပြု​စေ​ပြီ​။

၄ ရာ 21:2

သူ​သည် အစ္စရေး​လူမျိုး​တို့​ရှေ့​မှ ထာဝရဘုရား​နှင်ထုတ်​တော်မူ​သော လူမျိုးခြား​တို့​၏​စက်ဆုပ်ရွံရှာဖွယ်​ဓလေ့​များ​အတိုင်း ထာဝရဘုရား​ရှေ့​တော်​တွင် မကောင်းမှု​ကို​ပြု​၏​။

၄ ရာ 21:6

မိမိ​သား​ကို မီးရှို့ပူဇော်​၏​။ ဗေဒင်အတတ်​၊ ဟူးရားအတတ်​ကို လိုက်စား​သည်​သာမက နတ်ဝင်သည်​၊ နတ်ထိန်းသည်​တို့​အား မေးမြန်း​သော​အလေ့အထ​ကို​လည်း ကျင့်သုံး​၏​။ ဤသို့​မကောင်းမှု​များ​ကို အဆမတန်​ပြု​လျက် ထာဝရဘုရား​ကို အမျက်ထွက်​စေ​၏​။

၄ ရာ 21:9

သို့သော်လည်း သူ​တို့​မ​နာခံ​ကြ​။ မနာရှေ​မင်းကြီး​သည် သူ​တို့​ကို လမ်းလွဲ​စေ​၍ အစ္စရေး​အမျိုးသား​တို့​ရှေ့​တွင် ထာဝရဘုရား ဖျက်ဆီး​တော်မူ​ခဲ့​သည့်​လူမျိုးခြား​တို့​ထက် အစ္စရေး​လူမျိုး​တို့​ကို မကောင်းမှု​ပြုစေ​ခဲ့​၏​။

၄ ရာ 23:10

ရှင်ဘုရင်​သည် ဗင်ဟိန္နုံ​ချိုင့်ဝှမ်း​ရှိ​တောဖက်​အရပ်​ကို​လည်း မစင်ကြယ်​အောင် လုပ်လိုက်​သဖြင့် ထို​နေရာ​တွင် မည်သူ​မျှ မိမိ​သား​သမီး​ကို မောလုတ်​ဘုရား​ထံ မီးရှို့ပူဇော်​၍​မ​ရ​တော့​ချေ​။

၄ ရာ 8:18

သူ​သည် အာဟပ်​မင်းကြီး​၏​သမီး​တော်​ကို မိဖုရားမြှောက်​ထား​၍ အာဟပ်​မင်းမျိုးမင်းနွယ်​ကဲ့သို့ပင် အစ္စရေး​ဘုရင်​တို့​လျှောက်​သော​လမ်း​အတိုင်း လိုက်လျှောက်​ပြီး ထာဝရဘုရား​ရှေ့​တော်​တွင် မကောင်းမှု​ကို ပြု​လေ​၏​။

၂ ရာ​ချုပ် 22:3

သူ​၏​မယ်တော်​သည် ဆိုးယုတ်​သော​အကြံ​များ​ကို​သာ ပေး​သောကြောင့် သူ​သည် အာဟပ်​မင်းမျိုးမင်းနွယ်​လျှောက်​သော​လမ်း​အတိုင်း လိုက်လျှောက်​၏​။

၂ ရာ​ချုပ် 33:2

သူ​သည် အစ္စရေး​လူမျိုး​တို့​ရှေ့​မှ ထာဝရဘုရား​နှင်ထုတ်​တော်မူ​သော လူမျိုးခြား​တို့​၏​စက်ဆုပ်ရွံရှာဖွယ်​ဓလေ့​များ​အတိုင်း ထာဝရဘုရား​ရှေ့​တော်​တွင် မကောင်းမှု​ကို ပြု​၏​။

၂ ရာ​ချုပ် 33:6

ဗင်ဟိန္နုံ​ချိုင့်ဝှမ်း​တွင် မိမိ​သား​တို့​ကို​လည်း မီးရှို့ပူဇော်​၏​။ ဗေဒင်အတတ်​၊ ဟူးရားအတတ်​၊ မှော်အတတ်​တို့​ကို လိုက်စား​သည်​သာမက နတ်ဝင်သည်​၊ နတ်ထိန်းသည်​တို့​အား မေးမြန်း​သော​အလေ့အထ​ကို​လည်း ကျင့်သုံး​၏​။ ဤသို့​မကောင်းမှု​များ​ကို​ပြု​လျက် ထာဝရဘုရား​ကို အမျက်ထွက်​စေ​၏​။

ဆာ​လံ 106:35

လူမျိုးခြား​တို့​နှင့် ရောနှော​ဆက်ဆံ​၍ ထို​သူ​တို့​၏​ဓလေ့ထုံးစံ​များ​ကို သင်ယူ​ကြ​၏​။

ဟေ​ရှာ​ယ 57:5

ဝက်သစ်ချပင်​တို့​ကြား​၊ စိမ်းလန်း​သော​သစ်ပင်​ရှိသမျှ​တို့​အောက်​တွင် ရမ္မက်မီး​တောက်လောင်​သော​သူ​များ​၊ လျှိုမြောင်​ရှိ ကျောက်တောင်​အက်ကွဲကြောင်း​များ​တွင် သားသမီး​များ​ကို သတ်ဖြတ်​ပူဇော်​သော​သူ​များ ဖြစ်​ကြ​သည်​မ​ဟုတ်​လော​။

ယေ​ရ​မိ 32:35

ငါ​မ​မိန့်မှာ​ခဲ့​၊ စိတ်​ပင်​မ​ကူး​ခဲ့​ဘဲ​လျက် ရွံရှာဖွယ်​အမှု​ဖြစ်​သည့် ဗင်ဟိန္နုံ​ချိုင့်ဝှမ်း​၌ ဗာလ​ကုန်းမြင့်​ကို​တည်​ခြင်း​၊ သူ​တို့​၏​သား​သမီး​များ​ကို မောလုတ်​ဘုရား​အား​ပူဇော်​ခြင်း​ကို ပြု​ကြ​၏​။ ဤသို့ဖြင့် ယုဒ​အမျိုး​တို့​ကို အပြစ်​ဖြစ်​စေ​ကြ​ပြီ’​ဟု မိန့်​တော်မူ​၏​။

ယေ​ဇ​ကျေ​လ 16:21

သင်​သည် ငါ့​သားသမီး​တို့​ကို​သတ်​၍ မီးရှို့​ပူဇော်​ရန် ရုပ်တု​တို့​အား ပေးအပ်​လေ​ပြီ​။

ယေ​ဇ​ကျေ​လ 16:47

သင်​သည် သူ​တို့​လမ်း​အတိုင်း လိုက်လျှောက်​၏​။ သူ​တို့​ပြု​သော​စက်ဆုပ်ရွံရှာဖွယ်​အမှု​အတိုင်း​ပြု​သည်​သာမက အချိန်တို​အတွင်း​မှာပင် သင့်​အကျင့်​တို့​သည် သူ​တို့​ထက်​သာ၍ ယိုယွင်းပျက်စီး​လာ​၏’​ဟု မိန့်​တော်မူ​၏​။

ယေ​ဇ​ကျေ​လ 20:26

သူ​တို့​၏​ပူဇော်သက္ကာ​ဖြစ်​သည့် သားဦး​တိုင်း​ကို မီးရှို့​ပူဇော်​ခြင်း​ဖြင့် ငါ​သည် သူ​တို့​ကို ညစ်ညူး​စေ​၍ သူ​တို့​ကို ငါ​ဖျက်ဆီး​သောအခါ​မှ ငါ​သည် ထာဝရဘုရား​ဖြစ်ကြောင်း သူ​တို့​သိ​ရ​မည်​။

ယေ​ဇ​ကျေ​လ 20:31

ဘုရားရှင်​ထာဝရဘုရား​က ‘အို အစ္စရေး​အမျိုးအနွယ်​တို့​၊ သင်​တို့​သည် ယနေ့​တိုင်အောင် ပူဇော်သက္ကာ​များ​အဖြစ် ကိုယ့်​သား​တို့​ကို မီးရှို့​ပူဇော်​လျက်​၊ ရုပ်တု​ရှိသမျှ​တို့​နောက်​သို့​လိုက်​၍ ကိုယ်ကို​ညစ်ညူး​စေ​လျက်​နှင့်​ပင် သင်​တို့​မေးလျှောက်​သည်​ကို ငါ​ခွင့်ပြု​ရ​မည်လော​။ စင်စစ် ငါ​အသက်ရှင်​သည်​နှင့်အညီ သင်​တို့​ကို ငါ့​ထံ​မေးလျှောက်​ခွင့်​မ​ပေး​။

ဝတ်​ပြု 18:21

သင်​၏​သားမြေး​တို့​ကို မောလုတ်​ဘုရား​အား​ပူဇော်​ရန် မ​ပေး​ရ​။ သင့်​ဘုရားသခင်​၏​နာမ​တော်​ကို မ​ရှုတ်ချ​ရ​။ ငါ​သည် ထာဝရဘုရား​ဖြစ်​၏​။

ဝတ်​ပြု 20:2

“​သင်​သည် အစ္စရေး​အမျိုးသား​တို့​အား ‘​အစ္စရေး​အမျိုးသား​ထဲမှ​ဖြစ်စေ​၊ အစ္စရေး​လူမျိုး​ထံ၌​တည်းခိုနေထိုင်​သော​တိုင်းတစ်ပါးသား​ထဲမှ​ဖြစ်စေ တစ်စုံတစ်ယောက်​သည် မိမိ​သားမြေး​ကို မောလုတ်​ဘုရား​အား​ပေးလှူ​လျှင် သူ​သည် မုချ​အသတ်​ခံရ​မည်​။ ပြည်သူပြည်သား​တို့​သည် သူ့​ကို ခဲ​နှင့်​ပေါက်သတ်​ရ​မည်​။

မိက္ခာ 6:7

ထာဝရဘုရား​သည် သိုးထီး​တစ်ထောင်​၊ ဆီ​မြစ်​တစ်သောင်း​ကို နှစ်သက်​တော်မူ​မည်လော​။ ငါ​ကျူးလွန်​သော​အပြစ်​အတွက် ငါ​၏​သားဦး​ကို​လည်းကောင်း​၊ ငါ့​စိတ်​ထဲ၌ ပြု​သော​အပြစ်​အတွက် ငါ​၏​ရင်သွေး​ကို​လည်းကောင်း ပူဇော်​ရ​မည်လော​။

တ​ရား​ဟော 12:31

ထို​လူမျိုး​သည် ထာဝရဘုရား​မုန်း​တော်မူ​သည့် စက်ဆုပ်ရွံရှာဖွယ်​ရှိသမျှ​တို့​ကို မိမိ​တို့​ဘုရား​များ​အတွက် ပြု​ကြ​၏​။ စင်စစ် သူ​တို့​သည် မိမိ​တို့​၏​သား​သမီး​များ​ကို​ပင် သူ​တို့​၏​ဘုရား​များ​အတွက် မီး​ရှို့​ကြ​၏​။ သူ​တို့​ပြု​သကဲ့သို့ သင်​၏​ဘုရားသခင်​ထာဝရဘုရား​အတွက် မ​ပြု​ရ​။

တ​ရား​ဟော 18:10

သင်​တို့​တွင် သား​သမီး​ကို မီး​ဖြင့်​ပူဇော်​သော​သူ​၊ ဂမ္ဘီရအတတ်​ကို​သုံး​သော​သူ​၊ ဗေဒင်အတတ်​ကို​သုံး​သော​သူ​၊ နိမိတ်ဖတ်​သော​သူ​၊ မှော်အတတ်​ကို​သုံး​သော​သူ​၊