၄ ရာ 11:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² သို့သော် အာခဇိ​မင်းကြီး​၏​နှမ​ဖြစ်​သူ ယောရံ​မင်းကြီး​၏​သမီး​တော်​ယောရှေဘ​က အာခဇိ​မင်းကြီး​၏​သား​တော်​ယောရှ​ကို အသတ်​ခံရ​မည့်​ဘုရင့်​သား​တော်​များ​ထဲ​မှ ခိုး​ယူ​၍ အထိန်း​တော်​နှင့်အတူ အတွင်းခန်း​ထဲတွင်​ဝှက်ထား​သဖြင့် အာသလိ​ရန်​မှ​ကင်း​၍ အသတ်​မ​ခံရ​တော့​ပေ​။

Common Language Bible

² အာ​ခ​ဇိ​၏​သား​ယော​ရှ​တစ်​ဦး​တည်း သာ​လျှင် လွတ်​မြောက်​သွား​၏။ အ​ခြား​သူ များ​နှင့်​အ​တူ​သူ့​အား​သတ်​မည့်​ဆဲ​ဆဲ ၌​ဒွေး​တော်​ယော​ရှေ​ဘ​က​ကယ်​ဆယ်​လိုက် လေ​သည်။ ယော​ရှေ​ဘ​သည်​ယ​ဟော​ရံ​မင်း ၏​သ​မီး​ဖြစ်​၍ အာ​ခ​ဇိ​နှင့်​အ​ဖေ​တူ အ​မေ​ကွဲ​မောင်​နှ​မ​တော်​သ​တည်း။ သူ သည်​ယော​ရှ​အ​သတ်​မ​ခံ​ရ​စေ​ရန်​ယော​ရှ နှင့်​အ​ထိန်း​တော်​အား​ခေါ်​၍ ဗိ​မာန်​တော် အိပ်​ခန်း​တွင်​ဝှက်​ထား​လေ​သည်။-

Garrad Bible

² သို့ ရာ တွင် အာ ခ ဇိ မင်း၏ နှ မ တော်၊ ယ ဟော ရံ မင်း၏ သ မီး တော် ယော ရှေ ဘ သည် ကွပ် မျက် ခံ ရ သူ မင်း ညီ မင်း သား တို့ အ နက် အာ ခ ဇိ မင်း သား တော် ယော ရှ ကို လျှို့ တ ဝှက် ယူ၍၊ အ သက် ဘေး မှ ချမ်း သာ စေ ခြင်း ငှါ အာ သ လိ မျက် ကွယ်၊ စက် ခန်း ဆောင် တွင် အ ထိန်း တော် ပါ ဝှက် ထား လေ ၏။

Judson Bible

² သို့​ရာ​တွင် အာ​ခ​ဇိ၏​နှ​မ ယ​ဟော​ရံ​မင်း​ကြီး​သ​မီး ယော​ရှေ​ဘ​သည် အာ​ခ​ဇိ၏​သား​ယော​ရှ​ကို အ​သေ​ခံ​ရ​သော ဆွေ​တော်​မျိုး​တော်​ထဲ​က ခိုး​ယူ၍ အာ​သ​လိ​လက်​မှ သူ၏​အ​သက်​လွတ်​စေ​ခြင်း​ငှာ၊ သူ​နှင့်​သူ၏ နို့​ထိန်း​ကို အိပ်​ခန်း​ထဲ၌​ဝှက်​ထား၏။

၄ ရာ 11:2 ပူးပေါင်းရင်းမြစ်များ

၃ ရာ 11:17

ထိုစဉ်က ဟာဒဒ်​သည် အသက်ငယ်​သေး​၏​။ ဟာဒဒ်​သည် ခမည်းတော်​၏​အမှုထမ်း ဧဒုံ​အမျိုးသား​အချို့​နှင့်အတူ အီဂျစ်​ပြည်​သို့​ထွက်ပြေး​သွား​ခဲ့​၏​။

၃ ရာ 6:10

အိမ်​တော်​ပတ်ပတ်လည်​တွင် အမြင့်​ငါး​တောင်​ရှိ​သော​အခန်းငယ်​များ ဆောက်လုပ်​ထား​ပြီး ထို​အခန်း​များ​ကို သစ်ကတိုးသား​ရက်မ​များ​ဖြင့် အိမ်​တော်​နှင့်​တွဲဆက်​ထား​၏​။

၃ ရာ 6:8

မြေညီထပ်​ရှိ​ဝင်ပေါက်​မှာ အိမ်​တော်​၏​ယာဘက်​ခြမ်း​တွင်​ရှိ​၏​။ ကြောင်လိမ်လှေကား​ဖြင့် အလယ်ထပ်​၊ တတိယထပ်​တို့​သို့ တက်ရောက်​နိုင်​၏​။

၄ ရာ 11:21

ယဟောရှ​နန်းတက်​သောအခါ သက်တော်​ခုနစ်​နှစ်​သာ ရှိ​သေး​၏​။

၄ ရာ 11:3

တိုင်းပြည်​ကို အာသလိ​ဘုရင်မ အုပ်စိုး​စဉ် ယောရှ​သည် အထိန်းတော်​နှင့်အတူ ထာဝရဘုရား​၏​အိမ်​တော်​တွင် ခြောက်​နှစ်​ပတ်လုံး ပုန်းရှောင်​နေ​ခဲ့​ရ​၏​။

၄ ရာ 12:1

ယေဟု​မင်းကြီး​နန်းတက်​ပြီး ခုနစ်​နှစ်​အကြာ​တွင် ယဟောရှ​နန်းတက်​၍ ဂျေရုဆလင်​မြို့​တွင် အနှစ်​လေးဆယ် စိုးစံ​၏​။ မယ်တော်​ကား ဗေရရှေဘ​မြို့သူ ဇိဗိ​အမည်​ရှိ​၏​။

၄ ရာ 8:16

အာဟပ်​မင်းကြီး​၏​သား​တော် အစ္စရေး​ဘုရင်​ယောရံ​မင်းကြီး​နန်းစံ ငါး​နှစ်​မြောက်​တွင် ယုဒ​ဘုရင်​ယောရှဖတ်​မင်းကြီး​၏​သား​တော်​ယဟောရံ​သည် သူ့​ဖခင် ယုဒ​ဘုရင်​ယောရှဖတ်​မင်းကြီး​၏​အရိုက်အရာ​ကို ဆက်ခံ​၏​။

၄ ရာ 8:19

သို့သော် ထာဝရဘုရား​သည် မိမိ​၏​အစေအပါး​ဒါဝိဒ်​မင်းကြီး​ကို​ထောက်၍ သူ​နှင့် သူ့​သားမြေး​တို့​၏​မီးခွက်​ကို အစဉ်​ထွန်းလင်း​စေ​မည်​ဟု ကတိထား​သည်​နှင့်အညီ ယုဒ​ပြည်​ကို ဖျက်ဆီး​ရန် အလို​တော်​မ​ရှိ​ပေ​။

၁ ရာ​ချုပ် 3:11

ယောရှဖတ်​၏​သား​မှာ ယောရံ​၊ ယောရံ​၏​သား​မှာ အာခဇိ​၊ အာခဇိ​၏​သား​မှာ ယောရှ​၊

၂ ရာ​ချုပ် 22:11

သို့သော် ယဟောရံ​မင်းကြီး​၏​သမီး​တော်​ယောရှေဘ​သည် အာခဇိ​မင်းကြီး​၏​သား​တော်​ယောရှ​ကို အသတ်​ခံရ​မည့်​ဘုရင့်​သား​တော်​များ​ထဲ​မှ ခိုး​ယူ​၍ အထိန်းတော်​နှင့်အတူ အတွင်းခန်း​ထဲတွင်​ထည့်​ထား​၏​။ ဤသို့ ယဟောရံ​မင်းကြီး​၏​သမီး​တော် ယဇ်ပုရောဟိတ်​ယောယဒ​၏​မယား အာခဇိ​မင်းကြီး​၏​နှမ​တော်​ဖြစ်​သော​ယောရှေဘ​သည် ယောရှ​ကို​ဝှက်ထား​သဖြင့် အာသလိ​ရန်​မှ ကင်း​၍ အသတ်​မ​ခံရ​တော့​ပေ​။

ထွက်​မြောက် 8:3

နိုင်း​မြစ်​သည် ဖား​များ​နှင့်​ပြည့်နှက်​လိမ့်မည်​။ ထို​ဖား​များ​သည်​တက်လာ​၍ သင်​၏​နန်းတော်​၊ သင်​အိပ်​သော​အခန်း​နှင့်​အိပ်ရာ​ထဲသို့​လည်းကောင်း​၊ သင့်​အမှုထမ်း​များ​နှင့်​ပြည်သူပြည်သား​တို့​၏​အိမ်​ထဲသို့​လည်းကောင်း​၊ သင်​၏​မီးဖို​များ​နှင့်​မုန့်နယ်ခွက်​များ​ထဲသို့​လည်းကောင်း ဝင်​ကြ​လိမ့်မည်​။

သုတ္တံကျမ်း။ 21:30

မည်သည့်​ဉာဏ်ပညာ​၊ ထိုးထွင်းဉာဏ်​၊ အကြံဉာဏ်​မျှ ထာဝရဘုရား​ကို​ဆန့်ကျင်​၍ မ​တည်​နိုင်​။

ဟေ​ရှာ​ယ 37:35

အကြောင်းမူကား ငါ​သည် ငါ့​အတွက်​၊ ငါ့​အစေအပါး​ဒါဝိဒ်​အတွက် ဤ​မြို့​ကို ကာကွယ်​မည်​။ ဤ​မြို့​ကို​ကယ်တင်​မည်​’​ဟူ၍ မိန့်​တော်မူ​သည်​”​ဟု ဆင့်ဆို​စေ​၏​။

ယေ​ရ​မိ 33:17

ထာဝရဘုရား​က ‘အစ္စရေး​အမျိုးအနွယ်​၏​ရာဇပလ္လင်​ပေါ်တွင်​စိုးစံ​သော ဒါဝိဒ်​မင်းမျိုး​မ​ပြတ်​ရ​။

ယေ​ရ​မိ 33:21

ငါ​၏​အစေအပါး​ဒါဝိဒ်​နှင့်​ဖွဲ့​သော​ပဋိညာဉ်​ပျက်​ပြီး သူ​၏​ရာဇပလ္လင်​ပေါ် စိုးစံ​သော​မင်းမျိုး​ပြတ်​မည်​။ ငါ့​အမှု​ကို​ထမ်းဆောင်​သော​လေဝိ​အမျိုး ယဇ်ပုရောဟိတ်​တို့​နှင့်​ဖွဲ့​သော​ပဋိညာဉ်​လည်း ပျက်​မည်​။

ယေ​ရ​မိ 33:26

ယာကုပ်​အမျိုးအနွယ် ငါ့​အစေအပါး​ဒါဝိဒ်​ကို ငါ​စွန့်ပယ်​မည်​။ အာဗြဟံ​၊ ဣဇက်​၊ ယာကုပ်​အမျိုးအနွယ်​တို့​ကို အုပ်စိုး​မည့်​သူ​ကို​လည်း သူ​တို့​ထဲမှ ငါ​ပေါ်ထွန်း​စေ​မည်​မ​ဟုတ်​။ အကယ်စင်စစ် ဖမ်းခေါ်​သွား​ခြင်း​ခံရ​သူ​တို့​ကို ငါ​ပြန်လာ​စေ​မည်​၊ သနားစုံမက်​မည်’​ဟူ၍ မိန့်​တော်မူ​သည်​”​ဟု မိန့်ဆို​၏​။

ယေ​ရ​မိ 35:2

“​သင်​သည် ရေခပ်​အမျိုးသား​တို့​ထံ သွား​၍​စကားပြော​လော့​။ သူ​တို့​ကို ထာဝရဘုရား​၏​အိမ်​တော်​အခန်း​တစ်​ခု​သို့ ခေါ်လာ​၍ စပျစ်ဝိုင်​ကို​တိုက်​လော့​”​ဟု မိန့်ဆို​၏​။

ယေ​ရ​မိ 36:26

ရှင်ဘုရင်​သည် သား​တော်​ယေရမေလ​၊ အာဇရေလ​၏​သား​စရာယ​နှင့် အာဗဒေလ​၏​သား​ရှေလမိ​တို့​အား စာရေးတော်ကြီး​ဗာရုတ်​နှင့်​ပရောဖက်​ယေရမိ​တို့​ကို ဖမ်းဆီး​ရန် အမိန့်ပေး​၏​။ သို့သော် ထာဝရဘုရား​သည် သူ​တို့​ကို ဝှက်​ထား​တော်မူ​၏​။

ယေ​ဇ​ကျေ​လ 40:45

သူ​က ငါ့​အား “​တောင်ဘက်​သို့​မျက်နှာမူ​ထား​သော​အခန်း​သည် အိမ်​တော်​အမှု​ကို​ထမ်းဆောင်​သော ယဇ်ပုရောဟိတ်​တို့​အတွက်​ဖြစ်​၏​။

သူ​ကြီး 9:5

အဘိမလက်​သည် ဖခင်​၏​အိမ်​ရှိ​ရာ ဩဖရ​မြို့​သို့​သွား​ပြီး ယေရုဗ္ဗာလ​၏​သား မိမိ​ညီအစ်ကို အယောက်​ခုနစ်ဆယ်​တို့​ကို ကျောက်ဖျာ​တစ်ခုတည်း​ပေါ်တွင် သတ်​လေ​၏​။ ယေရုဗ္ဗာလ​၏​သား​ထွေး ယောသံ​သည် ပုန်း​နေ​သောကြောင့် အသက်ရှင်​ကျန်ရစ်​ခဲ့​၏​။