Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -




၄ ရာ 10:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

11 ယေဟု​သည် ယေဇရေလ​မြို့​တွင် ကြွင်းကျန်​သော​အာဟပ်​မင်းမျိုးမင်းနွယ်​များ​၊ အကြီးအကဲ​များ​၊ အသိအကျွမ်း​များ​မှစ၍ ယဇ်ပုရောဟိတ်​များ​ပါမကျန် အသက်ရှင်​ခွင့်​မ​ပေး​ဘဲ အားလုံး​ကို ကွပ်မျက်​ပစ်​လိုက်​လေ​၏​။

အခန်းကိုကြည့်ပါ။ ကော်ပီ

Common Language Bible

11 ထို​နောက်​ယေ​ဟု​သည်​ယေ​ဇ​ရေ​လ​မြို့ တွင်​နေ​ထိုင်​လျက်​ရှိ​သော အာ​ဟပ်​၏​ဆွေ မျိုး​များ၊ သူ​၏​မှူး​မတ်​များ၊ ရင်း​နှီး​သော မိတ်​ဆွေ​များ​နှင့်​ယဇ်​ပု​ရော​ဟိတ်​များ​ကို တစ်​ယောက်​မ​ကျန်​ကွပ်​မျက်​လေ​၏။

အခန်းကိုကြည့်ပါ။ ကော်ပီ

Garrad Bible

11 ယေ ဇ ရေ လ မြို့၌ ကျန် ကြွင်း သော အာ ဟပ် မင်း မျိုး မှ စ၍ ဘက် ပါ အ ကြီး အ ကဲ၊ ကျွမ်း ဝင် သူ၊ ပ ရော ဟိတ် အ ပေါင်း တို့ ကို တစ် ယောက် မ ကျန် ကွပ် မျက် လေ ၏။

အခန်းကိုကြည့်ပါ။ ကော်ပီ

Judson Bible

11 ယေ​ဇ​ရေ​လ​မြို့၌ ကျန်​ကြွင်း​သော အာ​ဟပ်​အ​မျိုး​သား​အ​ပေါင်း​တို့​နှင့် သူ၏ လူ​ကြီး​ပေါက်​ဖော်၊ ယဇ်​ပု​ရော​ဟိတ်​အ​ပေါင်း​တို့​ကို တစ်​ယောက်​မျှ​မ​ကျန်​စေ​ဘဲ သတ်​လေ၏။

အခန်းကိုကြည့်ပါ။ ကော်ပီ




၄ ရာ 10:11
25 ပူးပေါင်းရင်းမြစ်များ  

ထို့ကြောင့် ယခု ငါ​သည် ယေရောဗောင်​မင်းမျိုးမင်းနွယ်​တို့​အပေါ် ဘေးဆိုး​ကျရောက်​စေ​မည်​။ အစ္စရေး​ပြည်​ရှိ ကျွန်ပြု​ခံရ​သူ​နှင့် ကျွန်ပြုမခံရ​သူ​ပါ​မကျန် ယေရောဗောင်​မင်းမျိုးမင်းနွယ်​ထဲမှ ယောက်ျား​တို့​ကို ငါ​ပယ်ရှင်း​မည်​။ အမှိုက်ပုံ​ကို မီးရှို့​ရှင်းလင်း​ပစ်​သကဲ့သို့ ယေရောဗောင်​မင်းမျိုးမင်းနွယ်​တို့​ကို သုတ်သင်ပယ်ရှင်း​ပစ်​မည်​။


ဗာရှာ​နန်းတက်​သောအခါ ယေရောဗောင်​မင်းမျိုးမင်းနွယ်​ကို သတ်ပစ်​လေ​၏​။ ထာဝရဘုရား​၏​အစေအပါး ရှိလော​မြို့သား​အဟိယ​အားဖြင့် မိန့်မှာ​တော်မူ​ခဲ့​သည့်​စကား​အတိုင်း ယေရောဗောင်​မင်းမျိုးမင်းနွယ်​ကို တစ်ယောက်​မျှ​အရှင်​မ​ထား​ဘဲ သုတ်သင်​ပစ်​၏​။


သူ​သည် ထီးနန်း​ရ​၍ ရာဇပလ္လင်​ပေါ်​စံမြန်း​သည်​နှင့် ဗာရှာ​မင်းကြီး​၏​မင်းမျိုးမင်းနွယ်​အားလုံး​နှင့်တကွ သူ​၏​ဆွေမျိုး​များ​၊ မိတ်ဆွေ​များ​ထဲမှ ယောက်ျား​တစ်ယောက်​ကို​မျှ မ​ချန်ထား​ဘဲ သုတ်သင်​ပစ်​၏​။


ယခုမှာ အစ္စရေး​လူမျိုး​အပေါင်း​တို့​နှင့်တကွ ယေဇဗေလ​စားပွဲ​၌​စား​သော ဗာလ​ဘုရား​၏​ပရောဖက်​လေး​ရာ့​ငါးဆယ်​နှင့် အာရှရ​နတ်ဘုရားမ​တံခွန်တိုင်​၏​ပရောဖက်​လေး​ရာ​တို့​ကို ဆင့်ခေါ်​၍ ငါ​ရှိ​ရာ​ကရမေလ​တောင်​ပေါ်တွင် စုဝေး​စေ​လော့​”​ဟု ဆို​၏​။


ထိုအခါ ဧလိယ​က လူ​တို့​အား “​ဗာလ​ဘုရား​၏​ပရောဖက်​တို့​ကို ဖမ်းဆီး​ပါ​။ တစ်ယောက်​မျှ​မ​လွတ်​စေ​နှင့်​”​ဟု ဆို​လျှင် လူ​တို့​က သူ​တို့​ကို ဖမ်းဆီး​လေ​၏​။ ဧလိယ​သည် သူ​တို့​ကို ကိရှုန်​ချောင်း​သို့​ခေါ်သွား​ပြီး ထို​အရပ်​၌ ကွပ်မျက်​လိုက်​လေ​၏​။


သင်​သည် ငါ့​ကို အမျက်ထွက်​စေ​သည်​သာမက အစ္စရေး​လူမျိုး​တို့​ကို​ပါ အပြစ်ပြု​စေ​သောကြောင့် သင့်​အမျိုးအနွယ်​ကို နေဗတ်​၏​သား​ယေရောဗောင်​၏​အမျိုးအနွယ်​နှင့် အဟိယ​၏​သား​ဗာရှာ​၏​အမျိုးအနွယ်​ကဲ့သို့ ဖြစ်စေ​မည်’​ဟု မိန့်​တော်မူ​ပြီ​။


“​အာဟပ်​မင်းကြီး​သည် ငါ့​ရှေ့​တော်​တွင် ကိုယ်​ကို​အလွန်​နှိမ့်ချ​သည်​ကို သင်​မြင်​သလော​။ ထိုသို့ ငါ့​ရှေ့​တော်​တွင် ကိုယ်​ကို​နှိမ့်ချ​သောကြောင့် သူ့​လက်ထက်​တွင် ထို​ဘေးဆိုး​နှင့်​မ​ကြုံတွေ့​စေ​ရ​။ သူ့​သား​လက်ထက်​မှ သူ့​အမျိုးအနွယ်​ကို ထို​ဘေးဆိုး​နှင့်​ကြုံတွေ့​စေ​မည်​”​ဟု မိန့်ဆို​၏​။


ထိုအခါ အစ္စရေး​ဘုရင်​သည် ပရောဖက်​လေး​ရာ​ခန့်​ကို​စုရုံး​စေ​ပြီးလျှင် သူ​တို့​အား “​ရာမုတ်ဂိလဒ်​မြို့​ကို စစ်ချီ​၍​တိုက်ခိုက်​ရ​မည်လော​။ မတိုက်​ဘဲ​နေ​ရ​မည်လော​”​ဟု မေး​လျှင် သူ​တို့​က “​စစ်ချီ​တော်မူ​ပါ​။ ဘုရားရှင်​သည် ထို​မြို့​ကို မင်းကြီး​လက်​သို့ အပ်​တော်မူ​မည်​”​ဟု ဆင့်ဆို​ကြ​၏​။


ထို့နောက် ယေဟု​သည် ရှမာရိ​မြို့​သို့ ထ​၍​ထွက်သွား​ရာ လမ်း​တွင် ဗက်အက်ကက်အရပ်​သို့ ရောက်​လျှင်


အထွတ်အမြတ်​ထား​ရာ​ကုန်းမြင့်​များ​တွင် အမှုဆောင်​သော​ယဇ်ပုရောဟိတ်​အားလုံး​ကို ယဇ်ပလ္လင်​ပေါ်တွင် ကွပ်မျက်​ပြီး သူ​တို့​အပေါ် လူသေအရိုး​တို့​ကို​တင်​၍ မီးရှို့​ပစ်​၏​။ ထို့နောက်မှ ဂျေရုဆလင်​မြို့​သို့ ပြန်သွား​လေ​၏​။


ယေဇဗေလ​လက်​ဖြင့် သေဆုံး​ခဲ့​ရ​သော ငါ့​အစေအပါး​ပရောဖက်​များ​၊ ထာဝရဘုရား​၏​အစေအပါး​များ အားလုံး​တို့​အတွက် ငါ​လက်တုံ့ပြန်​မည်​။ ထို့အတွက် သင်​သည် သင့်​သခင်​အာဟပ်​မင်းကြီး​၏​မင်းမျိုးမင်းနွယ်​တို့​ကို သုတ်သင်​ပစ်​ရ​မည်​။


အာဟပ်​မင်းမျိုးမင်းနွယ်​ကို နေဗတ်​၏​သား​ယေရောဗောင်​မင်းမျိုးမင်းနွယ်​ကဲ့သို့​လည်းကောင်း​၊ အဟိယ​၏​သား​ဗာရှာ​မင်းမျိုးမင်းနွယ်​ကဲ့သို့​လည်းကောင်း ငါ​ဖြစ်​စေ​မည်​။


ယောရံ​မင်းကြီး​ထံ အာခဇိ​မင်းကြီး သွားရောက်​ကြည့်ရှု​ခြင်း​သည် အာခဇိ​မင်းကြီး​ပျက်စီး​မည့်​အကြောင်း ဘုရားသခင် စီရင်​ထား​ခြင်း​ဖြစ်​၏​။ သူ​ရောက်သွား​သောအခါ သူ​သည် ယဟောရံ​မင်းကြီး​နှင့်အတူ စစ်ချီသွား​၍ အာဟပ်​မင်းမျိုးမင်းနွယ်​ကို သုတ်သင်ပယ်ရှင်း​ရန် ထာဝရဘုရား ဘိသိက်ပေး​ထား​သူ နိမ်ရှိ​၏​မြေး​ယေဟု​ကို တိုက်ခိုက်​၏​။


ယေဟု​သည် အာဟပ်​မင်းမျိုးမင်းနွယ်​ကို ကွပ်မျက်​စီရင်​သောအခါ ယုဒ​အကြီးအကဲ​များ​နှင့် အာခဇိ​မင်းကြီး​ကို​ခစား​သော အာခဇိ​မင်းကြီး​၏​ဆွေမျိုးသားချင်း​တို့​ကို တွေ့​သဖြင့် သူ​တို့​ကို​ပါ ကွပ်မျက်​လေ​၏​။


သူ့​လူမျိုး​တွင် သူ​သည် သားသမီး​ထွန်းကား​မည်​မ​ဟုတ်​။ သားမြေးအစဉ်အဆက်​လည်း ရှိ​မည်​မ​ဟုတ်​။ သူ​နေထိုင်​ရာ​အရပ်​တွင် အသက်ရှင်​ကျန်ရစ်​သူ​ရှိ​တော့​မည်​မ​ဟုတ်​။


သူ​၏​နောင်လာနောက်သား​သည် မျိုးပြတ်​သွား​ပါစေ​။ ထို​နောင်လာနောက်သား​တို့​၏​နာမည်​သည် နောက်​မျိုးဆက်​၌​ပင်လျှင် ပယ်ဖျက်​ခြင်း​ခံ​ကြ​ရ​ပါစေ​။


မိမိ​တို့​၏​ကောက်ကျစ်​သော​လမ်း​များ​ဘက်​သို့ လှည့်သွား​သော​သူ​တို့​ကို​ကား ထာဝရဘုရား​သည် အပြစ်ဒုစရိုက်​ပြု​သော​သူ​တို့​နှင့်အတူ နှင်ထုတ်​တော်မူ​လိမ့်မည်​။ အစ္စရေး​လူမျိုး​၌ ငြိမ်သက်​ခြင်း​ရှိ​ပါစေသော​။


ပညာရှိ​သော​သူ​တို့​နှင့်အတူ လျှောက်လှမ်း​သော​သူ​သည် ပညာရှိ​လာ​လိမ့်မည်​။ မိုက်မဲ​သော​သူ​တို့​နှင့်အတူ​ပေါင်းဖော်​သော​သူ​မူကား ဒုက္ခရောက်​လိမ့်မည်​။


ထာဝရဘုရား​က ဟောရှေ​အား “​ဤ​သား​အမည်​ကို ယေဇရေလ​ဟု မှည့်ခေါ်​လော့​။ အကြောင်းမှာ ယေဟု​အမျိုးအနွယ်​သည် ယေဇရေလ​အရပ်​တွင် လူသတ်​ခဲ့​သောကြောင့် သူ့​ကို​ငါ​ဆုံးမ​မည်​။ အစ္စရေး​အမျိုးအနွယ်​၏​မင်းဆက်​ကို အဆုံးသတ်​စေ​မည်​။


ထာဝရဘုရား​သည် ထို​မြို့​နှင့်​ဘုရင်​ကို အစ္စရေး​လူမျိုး​တို့​လက်​သို့ အပ်​တော်မူ​သဖြင့် သူ​တို့​သည် မြို့သူမြို့သား​အပေါင်း​တို့​ကို ဓား​ဖြင့်​လုပ်ကြံ​လေ​၏​။ အသက်ရှင်​ကျန်ရစ်​သော​သူ တစ်ယောက်​မျှ​မ​ရှိ​။ ဂျေရိခေါ​ဘုရင်​ကို ပြု​သကဲ့သို့ ထို​မြို့​၏​ဘုရင်​ကို ပြု​လေ​၏​။


ထာဝရဘုရား​သည် ရန်သူ​တို့​ကို အစ္စရေး​စစ်သည်​တို့​လက်​သို့ အပ်​တော်မူ​သဖြင့် အစ္စရေး​စစ်သည်​တို့​သည် ဆီဒုန်​မြို့​ကြီး​၊ မိသရဖောသမိမ်​မြို့​၊ အရှေ့ဘက်​အရပ်​ရှိ မိဇပါ​ချိုင့်ဝှမ်း​တိုင်အောင် လိုက်လံ​တိုက်ခိုက်​လေ​၏​။ အသက်ရှင်​ကျန်ရစ်​သူ​တစ်ယောက်မျှ​မ​ရှိ​သည့်​တိုင်အောင် လုပ်ကြံ​လေ​၏​။


ယေဇရေလ​မြို့​၊ ယောကဒံ​မြို့​၊ ဇာနော​မြို့​၊


သို့သော် သားရဲ​သည် ပရောဖက်​အတုအယောင်​နှင့်အတူ အဖမ်း​ခံရ​၏။ ထို​ပရောဖက်​အတုအယောင်​သည် သားရဲ​၏​ရှေ့မှောက်​၌ နိမိတ်​လက္ခဏာ​များ​ကို​ပြု​လျက် ထို​နိမိတ်​လက္ခဏာ​များ​အားဖြင့် သားရဲ​၏​တံဆိပ်​ကို​ခံယူ​၍ သူ​၏​ရုပ်တု​ကို​ကိုးကွယ်​သော​သူ​တို့​အား လှည့်ဖြား​သော​သူ​ဖြစ်​၏။ ထို​သူ​နှစ်ဦးစလုံး​တို့​သည် ကန့်​နှင့်​လောင်​သော​မီး​အိုင်​ထဲသို့ အရှင်လတ်လတ်​ပစ်ချ​ခြင်း​ခံရ​ကြ​၏။


သူ​တို့​ကို​လှည့်ဖြား​သော​မာရ်နတ်​သည်​လည်း သားရဲ​နှင့်​ပရောဖက်​အတုအယောင်​တို့​ရှိ​ရာ ကန့်​နှင့်​ရော​သော​မီး​အိုင်​ထဲသို့ ပစ်ချ​ခြင်း​ခံရ​၏။ သူ​တို့​သည် ထို​နေရာ​၌ နေ့​ရော​ည​ပါ ကမ္ဘာ​အဆက်ဆက် ညှဉ်းဆဲ​ခြင်း​ကို​ခံရ​ကြ​လိမ့်မည်။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ