၃ ရာ 8:43 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴³ ကိုယ်တော်​သည် ကိန်းဝပ်​တော်မူ​ရာ​ကောင်းကင်ဘုံ​မှ နားညောင်း​တော်မူ​ပါ​၊ ထို​တစ်ပါးအမျိုးသား​တို့ တောင်းလျှောက်​သမျှ​ကို ပြု​ပေး​တော်မူ​ပါ​။ သို့မှ မြေကြီးသား​အပေါင်း​တို့​သည် ကိုယ်တော်​၏​လူမျိုး​တော်​အစ္စရေး​တို့​ကဲ့သို့ ကိုယ်တော်​၏​နာမ​တော်​ကို သိကျွမ်း​၍ ကိုယ်တော့်​ကို ကြောက်ရွံ့ရိုသေ​ကြ​ပါ​လိမ့်မည်​။ အကျွန်ုပ်​တည်ဆောက်​သော ဤ​အိမ်​တော်​ကို​လည်း ကိုယ်တော်​၏​နာမ​တော်​တည်​ရာ​အိမ်​တော်​ဟု ခေါ်ဝေါ်​ကြောင်း သိ​ကြ​ပါ​လိမ့်မည်​။

Common Language Bible

⁴³ သူ​၏​ပတ္ထ​နာ​ကို​နား​ညောင်း​တော်​မူ​ပါ။ ကိုယ်​တော် စံ​တော်​မူ​ရာ​ကောင်း​ကင်​ဘုံ​က​နေ​၍ နား​ထောင် တော်​မူ​ပြီး​လျှင်​သူ​ပန်​ကြား​သည့်​အ​တိုင်း​ပြု တော်​မူ​ပါ။ သို့​မှ​သာ​လျှင်​ကမ္ဘာ​ပေါ်​ရှိ​လူ​အ​ပေါင်း တို့​သည် ကိုယ်​တော်​၏​လူ​မျိုး​တော်​နည်း​တူ​ကိုယ်​တော် အား​ကြောက်​ရွံ့​ရို​သေ​ကြ​ပါ​လိမ့်​မည်။ ထို​အ​ခါ ကိုယ်​တော်​ရှင်​အ​ဖို့​အ​ကျွန်ုပ်​တည်​ဆောက်​ထား သည့် ဤ​ဗိ​မာန်​တော်​သည်​ကိုယ်​တော်​အား​ကိုး​ကွယ် ဝတ်​ပြု​ရာ​ဌာ​န​တော်​ဖြစ်​ကြောင်း​ကို​သူ​တို့​သိ ရှိ​ကြ​ပါ​လိမ့်​မည်။''

Garrad Bible

⁴³ စံ တော် မူ ရာ ကောင်း ကင် ဘုံ မှ နား ညောင်း တော် မူ ၍ ဣ သ ရေ လ လူ မျိုး တော် နှင့် ထပ် တူ နာ မ တော် ကို မြေ တစ် ပြင် လုံး ရှိ လူ အ မျိုး မျိုး တို့ သိ ကျွမ်း ခန့် ညား ကြ စေ ရန်လည်း ကောင်း၊ အ ကျွန်ုပ် တည် ဆောက် သော ဤ ဗိ မာန် တော် ကို နာ မ တော် ဖြင့် သ မုတ် ကြောင်း သိ ကြ စေ ရန်လည်း ကောင်း၊ ထို လူ မျိုး ခြား တို့ ပ ဌ နာ ပြု သည့် အ တိုင်း စီ ရင် တော် မူ ပါ။

Judson Bible

⁴³ ကျိန်း​ဝပ်​တော်​မူ​ရာ ကောင်း​ကင်​ဘုံ၌ နား​ထောင်​တော်​မူ​ပါ။ ကိုယ်​တော်၏​လူ ဣ​သ​ရေ​လ​အ​မျိုး​သား​တို့​သည် ကိုယ်​တော်​ကို​ကြောက်​ရွံ့​သ​ကဲ့​သို့ မြေ​ကြီး​သား​အ​ပေါင်း​တို့​သည် ကြောက်​ရွံ့​လျက်၊ နာ​မ​တော်​ကို သိ​စေ​ခြင်း​ငှာ​လည်း​ကောင်း၊ အ​ကျွန်ုပ်​တည်​ဆောက်​သော ဤ​အိမ်​တော်​ကို နာ​မ​တော်​ဖြင့်​သ​မုတ်​ကြောင်း​ကို သိ​စေ​ခြင်း​ငှာ​လည်း​ကောင်း၊ ထို​တစ်​ပါး​အ​မျိုး​သား​တို့​သည် ဆု​တောင်း​သ​မျှ​အ​တိုင်း ကျေး​ဇူး​ပြု​တော်​မူ​ပါ။

၃ ရာ 8:43 ပူးပေါင်းရင်းမြစ်များ

ဆာ​လံ 102:15

လူမျိုးတကာ​တို့​သည် ထာဝရဘုရား​၏​နာမ​တော်​ကို​လည်းကောင်း​၊ ကမ္ဘာမြေကြီး​ပေါ်​ရှိ ရှင်ဘုရင်​အပေါင်း​တို့​သည် ကိုယ်တော်​၏​ဘုန်းအသရေ​တော်​ကို​လည်းကောင်း ကြောက်ရွံ့​ကြ​ပါ​လိမ့်မည်​။

၁ ရာ 17:46

ယနေ့​တွင် ထာဝရဘုရား​သည် သင့်​ကို ငါ့​လက်​သို့​အပ်နှံ​တော်မူ​မည်​။ သင့်​ကို ငါ​သတ်​ပြီး သင့်​ခေါင်း​ကို ဖြတ်ပစ်​မည်​။ ယနေ့​ပင် ဖိလိတ္တိ​လူမျိုး​စစ်သည်​အသေကောင်​များ​ကို မိုးကောင်းကင်​ငှက်​များ​၊ တောရိုင်းတိရစ္ဆာန်​များ​အား ကျွေး​ပစ်​မည်​။ သို့မှ အစ္စရေး​လူမျိုး​တို့​၌ ဘုရားသခင်​ရှိ​တော်မူ​ကြောင်း​ကို ကမ္ဘာမြေ​တစ်ခွင်လုံး သိ​ရ​ကြ​လိမ့်မည်​။

ဟေ​ရှာ​ယ 11:9

ငါ​၏​သန့်ရှင်း​သော​တောင်​တစ်တောင်လုံး​ကို ထိခိုက်​ဖျက်ဆီး​ကြ​မည်​မ​ဟုတ်​။ အကြောင်းမူကား ပင်လယ်​သည် ရေ​များ​နှင့်​ပြည့်လျှံ​နေ​သကဲ့သို့ ကမ္ဘာမြေကြီး​သည် ထာဝရဘုရား​ကို သိကျွမ်း​ခြင်း​နှင့်​ပြည့်​လိမ့်မည်​။

ဆာ​လံ 86:9

အို ဘုရားရှင်​၊ ကိုယ်တော်​ဖန်ဆင်း​တော်မူ​သော လူမျိုး​အပေါင်း​တို့​သည် ရှေ့​တော်​သို့​လာ​၍ ပျပ်ဝပ်​ကြ​ပါ​လိမ့်မည်​။ ကိုယ်တော်​၏​နာမ​တော်​ကို​လည်း ဂုဏ်ပြုချီးမွမ်း​ကြ​ပါ​လိမ့်မည်​။

ဆာ​လံ 67:2

ထိုသို့​သော​အားဖြင့် ကိုယ်တော်​၏​လမ်း​သည် မြေကြီး​ပေါ်၌​လည်းကောင်း​၊ ကိုယ်တော်​၏​ကယ်တင်​ခြင်း​သည် လူမျိုး​အပေါင်း​တို့​အလယ်​၌​လည်းကောင်း ထင်ရှား​ပါစေသော​။

ဆာ​လံ 22:27

ကမ္ဘာမြေ​အစွန်း​ရှိသမျှ​တို့​သည် သတိရ​ကြ​၍ ထာဝရဘုရား​ထံသို့​ပြန်လှည့်​လာ​ကြ​လိမ့်မည်​။ တိုင်းနိုင်ငံ​များ​မှ​မျိုးနွယ်စု​အပေါင်း​တို့​သည် ရှေ့​တော်​၌ ပျပ်ဝပ်​ကြ​လိမ့်မည်​။

၄ ရာ 19:19

အို အကျွန်ုပ်​တို့​၏​ဘုရားသခင်​ထာဝရဘုရား​၊ ကိုယ်တော်​တစ်ပါးတည်း​သာ ထာဝရဘုရား​ဖြစ်​တော်မူ​ကြောင်း​ကို မြေကြီး​ပေါ်ရှိ​တိုင်းနိုင်ငံ​အားလုံး သိမြင်​စေရန် အကျွန်ုပ်​တို့​ကို ထို​ဘုရင်​၏​လက်​မှ ယခု​ကယ်နုတ်​တော်မူ​ပါ​”​ဟု ဆုတောင်း​လေ​၏​။

ဗျာ​ဒိတ် 11:15

သတ္တမ​ကောင်းကင်​တမန်​သည် တံပိုးခရာ​ကို​မှုတ်​လိုက်​သောအခါ ကောင်းကင်​၌ ကျယ်လောင်​သော​အသံ​ဖြစ်ပေါ်​လျက် “ကမ္ဘာ့​နိုင်ငံ​သည် ငါ​တို့​၏​ထာဝရ​အရှင်​နှင့် ကိုယ်တော်​၏​ခရစ်တော်​ပိုင်ဆိုင်​တော်မူ​ရာ​ဖြစ်​လေ​ပြီ။ ကိုယ်တော်​သည်​လည်း ကမ္ဘာ​အဆက်ဆက်​စိုးစံ​တော်မူ​လိမ့်မည်”​ဟု ဆို​၏။

၂ ရာ​ချုပ် 6:33

ကိုယ်တော်​သည် ကိန်းဝပ်​တော်မူ​ရာ​ကောင်းကင်ဘုံ​မှ နားညောင်း​တော်မူ​ပါ​၊ ထို​တစ်ပါးအမျိုးသား​တို့ တောင်းလျှောက်​သမျှ​ကို ပြု​ပေး​တော်မူ​ပါ​။ သို့မှ မြေကြီးသား​အပေါင်း​တို့​သည် ကိုယ်တော်​၏​လူမျိုး​တော်​အစ္စရေး​တို့​ကဲ့သို့ ကိုယ်တော်​၏​နာမ​တော်​ကို​သိကျွမ်း​၍ ကိုယ်တော့်​ကို ကြောက်ရွံ့ရိုသေ​ကြ​ပါ​လိမ့်မည်​။ အကျွန်ုပ်​တည်ဆောက်​သော ဤ​အိမ်​တော်​ကို​လည်း ကိုယ်တော်​၏​နာမ​တော်​တည်​ရာ​အိမ်​တော်​ဟု ခေါ်ဝေါ်​ကြောင်း သိ​ကြ​ပါ​လိမ့်မည်​။

ယော​ရှု 4:24

ထာဝရဘုရား​သည် တန်ခိုးကြီး​သော​ဘုရား​ဖြစ်​သည်​ကို မြေကြီးသား​အားလုံး​သိ​စေရန်​နှင့် သင်​တို့​၏​ဘုရားသခင်​ထာဝရဘုရား​ကို သင်​တို့​အစဉ်​ကြောက်ရွံ့ရိုသေ​ကြ​စေရန်​ဖြစ်​၏​”​ဟု ပြောကြား​၏​။

ယော​ရှု 4:23

သင်​တို့​၏​ဘုရားသခင်​ထာဝရဘုရား​သည် ပင်လယ်နီ​ကို ငါ​တို့​ကူး​ပြီး​သည်​အထိ ငါ​တို့​မျက်စိ​ရှေ့​၌ ပင်လယ်ရေ​ကို​ခန်းခြောက်​စေ​ခဲ့​သည့်​နည်းတူ ထို​ဘုရားသခင်​ထာဝရဘုရား​သည်​ပင် ဂျော်ဒန်​မြစ်​ကို သင်​တို့​ကူး​ပြီး​သည်​အထိ သင်​တို့​မျက်စိ​ရှေ့​၌ ဂျော်ဒန်​မြစ်ရေ​ကို​ခန်းခြောက်​စေ​တော်မူ​ခဲ့​သည်​မှာ

၃ ရာ 8:60

သို့မှ ထာဝရဘုရား​တစ်ပါးတည်း​သာ ဘုရား​ဖြစ်​တော်မူ​ပြီး အခြား​ဘုရား​မ​ရှိ​ကြောင်း​ကို မြေကြီးသား​အပေါင်း​တို့ သိ​ရ​ကြ​လိမ့်မည်​။

၃ ရာ 18:36

ညဦးပိုင်း​ယဇ်​ပူဇော်​ရ​မည့်​အချိန်​ရောက်​သောအခါ ပရောဖက်​ဧလိယ​သည် ယဇ်ပလ္လင်​နား​ချဉ်းလာ​၍ “​အာဗြဟံ​၊ ဣဇက်​၊ အစ္စရေး​တို့​၏​ဘုရားသခင်​ထာဝရဘုရား​၊ ကိုယ်တော်​သည် အစ္စရေး​လူမျိုး​တွင်​ဘုရားသခင်​ဖြစ်ကြောင်း​၊ အကျွန်ုပ်​သည် ကိုယ်တော်​၏​အစေအပါး​ဖြစ်​ပြီး ကိုယ်တော်​၏​အမိန့်​တော်​ဖြင့် ဤ​အရာ​အားလုံး​ကို​ပြု​ခြင်း​ဖြစ်ကြောင်း ယနေ့ ဤ​လူ​တို့​ကို သိ​စေ​တော်မူ​ပါ​။

၁ ရာ​ချုပ် 16:8

ထာဝရဘုရား​၏​ကျေးဇူးတော်​ကို​ချီးမွမ်း​၍ နာမ​တော်​ကို ခေါ်ဆို​ပတ္ထနာပြု​ကြ​လော့​။ ကိုယ်တော်​ပြု​တော်မူ​သော​အမှု​တို့​ကို လူမျိုးတကာ​တို့​အား ကြားသိ​စေ​ကြ​လော့​။

ဆာ​လံ 33:14

ကိုယ်တော်​သည် ကမ္ဘာမြေ​ပေါ် နေထိုင်​သော​သူ​အပေါင်း​တို့​ကို မိမိ​စံပယ်​ရာ​အရပ်​မှ ကြည့်ရှု​တော်မူ​၏​။

ယေ​ရ​မိ 25:29

ကြည့်ရှု​လော့​။ ငါ့​နာမ​ဖြင့်​ခေါ်ဝေါ်သမုတ်​သော​မြို့​ကို​ပင် ဘေးဒုက္ခ စ​ရောက်​စေ​မည်​ဖြစ်၍ သင်​တို့​သည် အပြစ်ဒဏ်​နှင့်​ကင်းလွတ်​လိမ့်မည်​လော​။ ငါ​သည် မြေကြီးသား​အပေါင်း​တို့​ထံ ဓား​ကို စေလွှတ်​မည်​ဖြစ်၍ သင်​တို့​သည် အပြစ်ဒဏ်​မ​ခံရ​ဘဲ​နေ​မည်​မ​ဟုတ်’​ဟူ၍ မိန့်​တော်မူ​သည်”​ဟု ဆင့်ဆို​ရ​မည်​။

တ​ရား​ဟော 26:15

ကိုယ်တော်​၏​သန့်ရှင်း​သော​ကိန်းဝပ်​တော်မူ​ရာ​အရပ်​ဖြစ်​သော ကောင်းကင်ဘုံ​မှ ငုံ့ကြည့်​တော်မူ​ပါ​။ ကိုယ်တော်​၏​လူမျိုး​တော်​အစ္စရေး​ကို​လည်းကောင်း​၊ အကျွန်ုပ်​တို့​၏​ဘိုးဘေး​တို့​အား ကျိန်ဆို​တော်မူ​ခဲ့​သည့်​အတိုင်း အကျွန်ုပ်​တို့​အား ပေး​တော်မူ​သည့် နို့​နှင့်​ပျားရည်​စီး​သော​ပြည်​ကို​လည်းကောင်း ကောင်းချီးပေး​တော်မူ​ပါ​’​ဟု လျှောက်ဆို​ရ​မည်​။