၃ ရာ 8:37 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁷ ပြည်​တော်​တွင် ငတ်မွတ်​ခြင်း​ဘေး​၊ ကပ်ရောဂါ​ဘေး ကျရောက်​သောအခါ​၊ လောင်မီးပိုး​၊ မှိုရောဂါ​၊ ကျိုင်းကောင်​၊ နှံကောင်​တို့​ကျ​သောအခါ​၊ ပြည်​တော်​၏​မြို့​တံခါး​တို့​တွင် ရန်သူ​တို့​ဝိုင်းလာ​သောအခါ​၊ ဘေးဒဏ်​တစ်စုံတစ်ရာ​၊ အနာရောဂါ​တစ်စုံတစ်ရာ ဖြစ်​သောအခါ

Common Language Bible

³⁷ ``ပြည်​တော်​တွင် အ​စာ​ငတ်​မွတ်​ခေါင်း​ပါး​သော အ​ခါ​၌​သော်​လည်း​ကောင်း၊ အ​နာ​ရော​ဂါ​ဘေး ဆိုက်​သော​အ​ခါ​၌​သော်​လည်း​ကောင်း၊ ကောက်​ပဲ သီး​နှံ​တို့​သည်​လေ​ပူ​မိ​ခြင်း၊ ပိုး​ထိ​ခြင်း​သို့ မ​ဟုတ်​ကျိုင်း​ကောင်​အုပ်​ကျ​ခြင်း​တို့​ကြောင့် ပျက်​စီး​၍​သွား​သော​အ​ခါ​၌​သော်​လည်း​ကောင်း၊ ကိုယ်​တော်​၏​လူ​မျိုး​တော်​အား​ရန်​သူ​တို့​တိုက် ခိုက်​ကြ​သော​အ​ခါ​၌​သော်​လည်း​ကောင်း၊ သူ​တို့ တွင်​ဘေး​ဥ​ပဒ်၊ အ​နာ​ရော​ဂါ​တစ်​စုံ​တစ်​ခု ရောက်​သော​အ​ခါ​၌​သော်​လည်း​ကောင်း၊-

Garrad Bible

³⁷ ပြည် တော်၌ ဒု ဗ္ဘိ က္ခ န္တ ရ ကပ်၊ ရော ဂ န္တ ရ ကပ်၊ ဒ ဟ ဝါ ယော ကပ်၊ ပိုး ကောင်၊ ကျိုင်း ကောင်၊ နှံ ကောင် စား ခြင်း ကပ်၊ တိုင်း ပြည် မြို့ ရွာ များ ကို ရန် သူ ဝန်း ဝိုင်း ခြင်း ကပ် မှ စ သော မည် သည့် ရော ဂါ၊ မည် သည့် ဒဏ် ချက် မ ဆို သင့် သော အ ခါ

Judson Bible

³⁷ ပြည်​တော်၌ အ​စာ​အာ​ဟာ​ရ​ခေါင်း​ပါး​သော်​လည်း​ကောင်း၊ လေ​ထိ၍ အ​ပင်​သေ​သော်​လည်း​ကောင်း၊ အ​ရည်​ယို၍ သေ​သော်​လည်း​ကောင်း၊ အ​ရာ​ဘ​ကျိုင်း၊ ခါ​သိ​လ​ကျိုင်း ကိုက်​စား​သော်​လည်း​ကောင်း၊ ရန်​သူ​တိုက်​လာ၍ မြို့​ကို ဝိုင်း​ထား​သော်​လည်း​ကောင်း၊ ဘေး​ဥ​ပဒ်၊ အ​နာ​ရော​ဂါ​တစ်​စုံ​တစ်​ခု ရောက်​သော​အ​ခါ၊

၃ ရာ 8:37 ပူးပေါင်းရင်းမြစ်များ

၃ ရာ 8:38

တစ်စုံတစ်ယောက်​ဖြစ်စေ​၊ ကိုယ်တော်​၏​လူမျိုး​တော်​အစ္စရေး​အပေါင်း​တို့​ဖြစ်စေ ကိုယ့်​ဝေဒနာ​ကိုယ်​သိမှတ်​လျက် ဤ​အိမ်​တော်​သို့​မျက်နှာမူ​ပြီး လက်​ကို​ဆန့်​လျက် ဆုတောင်း​အသနားခံ​လျှင်

၁ ရာ​ချုပ် 21:12

ငတ်မွတ်ခေါင်းပါး​ခြင်း​ဘေး သုံး​နှစ်​ဖြစ်​စေ​ရ​မည်လော​။ သို့မဟုတ် ရန်သူ​၏​ဓား​သည် အရှင်မင်းကြီး​ကို​လိုက်မီ​သဖြင့် ရန်သူ့​ရှေ့​၌ သုံး​လ​ပတ်လုံး ဓားဘေး​နှင့်​ရင်ဆိုင်​မည်လော​။ သို့မဟုတ် ထာဝရဘုရား​၏​ဓား​တော်​သည်​ဤ​ပြည်​၌ ကပ်ရောဂါဘေး​သက်ရောက်​စေ​၍ ထာဝရဘုရား​၏​ကောင်းကင်တမန်​သည် အစ္စရေး​ပြည်​အနှံ့ သုံး​ရက်​ပတ်လုံး​ဖျက်ဆီး​သော​ဘေး ဖြစ်​စေ​ရ​မည်လော​။ အကျွန်ုပ်​ကို စေလွှတ်​သော​အရှင်​အား မည်သည့်​အဖြေ​ပြန်ပေး​ရ​မည်​ကို ယခု စဉ်းစား​ဆုံးဖြတ်​ပါ​လော့​”​ဟု လျှောက်တင်​လေ​၏​။

၂ ရာ​ချုပ် 20:9

သူ​တို့​က ‘အကျွန်ုပ်​တို့​သည် ဓားဘေး​၊ အပြစ်ဒဏ်​ဘေး​၊ ကပ်ရောဂါ​ဘေး​၊ ငတ်မွတ်ခေါင်းပါး​ခြင်း​ဘေး စသည့်​ဘေးအန္တရာယ်​တို့​နှင့် ကြုံ​ရ​လျှင် ဤ​အိမ်​တော်​၌​နာမ​တော်​တည်​သောကြောင့် ဤ​အိမ်​တော်​ရှေ့​၊ ကိုယ်တော့်​ရှေ့​တွင် ရပ်​လျက် အကျွန်ုပ်​တို့​ကြုံ​ရ​သော​ဆင်းရဲဒုက္ခ​အတွက် ကိုယ်တော့်​ထံ​အော်ဟစ်​သောအခါ ကိုယ်တော်​သည် နားညောင်း​၍ ကယ်မ​တော်မူ​မည်’​ဟု ဆို​ကြ​ပါ​၏​။

ဆာ​လံ 78:46

သူ​တို့​၏​အသီးအနှံ​ကို နှံကောင်​တို့​အား​လည်းကောင်း​၊ သူ​တို့​လုပ်ဆောင်​ရရှိ​သော​အရာ​ကို ကျိုင်းကောင်​တို့​အား​လည်းကောင်း ပေး​တော်မူ​၏​။

ဆာ​လံ 91:3

အကယ်စင်စစ် ကိုယ်တော်​သည် ငှက်မုဆိုး​၏​ကျော့ကွင်း​မှ​လည်းကောင်း​၊ သေ​စေ​တတ်​သော​ကပ်ရောဂါ​ဘေး​မှ​လည်းကောင်း သင့်​ကို​ကယ်နုတ်​တော်မူ​လိမ့်မည်​။

ယေ​ရ​မိ 32:2

ထို​အချိန်​သည် ဘေဘီလုံ​ဘုရင်​၏​စစ်သည်​တို့ ဂျေရုဆလင်​မြို့​ကို ဝိုင်း​ထား​ကြ​သော​အချိန်​၊ ပရောဖက်​ယေရမိ​သည်​လည်း ယုဒ​ဘုရင်​၏​နန်းတော်​ရှိ​ထောင်ဝင်း​ထဲတွင် ချုပ်နှောင်​ထား​ခြင်း​ခံ​နေ​ရ​သော​အချိန်​ဖြစ်​၏​။

ယေ​ဇ​ကျေ​လ 14:21

ထို့ကြောင့် ဘုရားရှင်​ထာဝရဘုရား​က “​ဂျေရုဆလင်​မြို့​ထဲသို့ ဓားဘေး​၊ ငတ်မွတ်ခေါင်းပါး​ခြင်း​ဘေး​၊ သားရဲတိရစ္ဆာန်​ဘေး​၊ ကပ်ရောဂါ​ဘေး စသော ဘေးဆိုး​လေး​မျိုး​ဖြင့်​ဒဏ်ခတ်​ပြီး လူ​နှင့်​တိရစ္ဆာန်​တို့​ကို သုတ်သင်ပယ်ရှင်း​သောအခါ ပို၍​ဆိုးဝါး​ပေ​လိမ့်မည်”​ဟု မိန့်​တော်မူ​၏​။

ဝတ်​ပြု 26:16

ငါ​သည် သင်​တို့​အား ဤသို့​ပြု​မည်​။ မျက်စိ​ကွယ်​စေ​၍ စိတ်​အားလျော့​စေ​သော အဆုတ်ရောဂါ​၊ အဖျားရောဂါ​တည်းဟူသော ထိတ်လန့်ဖွယ်​သော​အရာ​ကို သင်​တို့​အပေါ် သက်ရောက်​စေ​မည်​။ သင်​တို့​၏​ရန်သူ​တို့​သည် သင်​တို့​၏​အသီးအနှံ​တို့​ကို စား​ပစ်​မည်​ဖြစ်​သောကြောင့် သင်​တို့​ကြဲ​သော​မျိုးစေ့​သည် အချည်းနှီး​ဖြစ်​လိမ့်မည်​။

ဟ္ဂဲ 2:17

သင်​တို့​စိုက်ပျိုး​လုပ်ဆောင်​သမျှ​ကို လောင်မီးပိုးကျ​ခြင်း​၊ မှိုရောဂါစွဲ​ခြင်း​၊ မိုးသီးကျ​ခြင်း​တို့​ဖြင့် ငါ​ဒဏ်ခတ်​သော်လည်း သင်​တို့​သည် ငါ့​ထံသို့ ပြန်​မ​လာ​ကြ​။

တ​ရား​ဟော 28:25

ထာဝရဘုရား​သည် သင့်​ရန်သူ​တို့​ရှေ့​၌ သင့်​ကို​ရှုံးနိမ့်​စေ​တော်မူ​မည်​။ သင်​သည် လမ်း​တစ်လမ်းတည်း​ဖြင့် သူ​တို့​ထံသို့​လာ​သော်လည်း သူ​တို့​ထံ​မှ လမ်း​ခုနစ်​လမ်း​ဖြင့် ထွက်ပြေး​ရ​မည်​။ မြေကြီး​ပေါ်​ရှိ​တိုင်းနိုင်ငံ​အားလုံး​အတွက် သင်​သည် ထိတ်လန့်စရာ​ဖြစ်​မည်​။