၃ ရာ 3:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² သင်​တောင်း​သည့်​အတိုင်း ငါ​ပေး​မည်​။ သင့်​အား ဉာဏ်ပညာ​နှင့် ဝေဖန်ပိုင်းခြား​နိုင်​သော​နှလုံးသား​ကို ပေး​မည်​။ သင်​နှင့်​တူ​သော​သူ ယခင်​က​မ​ရှိ​ခဲ့​စဖူး​၊ နောင်​လည်း ရှိ​လိမ့်မည်​မ​ဟုတ်​။

Common Language Bible

¹² သင်​တောင်း​လျှောက်​သည့်​အ​တိုင်း​ငါ​ပြု​မည်။ သင် ၏​အ​လျင်​အ​ဘယ်​သူ​မျှ​မ​ရ​ရှိ​စ​ဖူး၊ သင်​၏ နောက်​၌​လည်း​ရ​ရှိ​လိမ့်​မည်​မ​ဟုတ်​သည့် ဉာဏ် ပ​ညာ​နှင့်​အ​သိ​တ​ရား​ကို​သင်​အား​ငါ​ပေး မည်။-

Garrad Bible

¹² သင့် နှင့် တူသူ ရှေး၌ မ ဖြစ် စ ဘူး နောင်၌ လည်း မ ဖြစ် နိုင် ရန် ပ ညာ နှင့် ပြည့် စုံ၍ ကျွမ်း ကျင် ရာ ဉာဏ် ကို သင် တောင်း သည့် အ တိုင်း ငါ ပေး မည့် ပြင်

Judson Bible

¹² သင်​တောင်း​လျှောက်​သည်​အ​တိုင်း ငါ​ပေး၏။ ရှေး​ကာ​လ၌ သင်​နှ​င့်​တူ​သော​သူ တစ်​ယောက်​မျှ​မ​ဖြစ်၊ နောင်​ကာ​လ၌ မ​ဖြစ်​နိုင်​အောင် ဉာဏ်​ပ​ညာ​နှ​င့်​ပြ​ည့်​စုံ​သော​စိတ်​ဝိ​ညာဥ်​ကို သင့်​အား​ငါ​ပေး၏။

၃ ရာ 3:12 ပူးပေါင်းရင်းမြစ်များ

၃ ရာ 2:6

သို့ဖြစ်၍ သင် ဉာဏ်ပညာ​ရှိ​သည့်​အတိုင်း စီရင်​လော့​။ ဆံပင်ဖြူ​သော​သူ့​ကို မရဏာနိုင်ငံ​သို့ ငြိမ်ဝပ်​စွာ သွား​ခွင့်​မ​ပေး​ပါ​နှင့်​။

၃ ရာ 2:9

သို့သော် သူ့​ကို အပြစ်ကင်းသူ​ဟု မ​ယူဆ​ပါ​နှင့်​။ သင်​သည် ပညာရှိ​ဖြစ်​သည်​နှင့်အညီ သူ့​အား မည်သို့​ပြု​ရ​မည်​ကို သင်​သိ​ပါ​၏​။ ဆံပင်ဖြူ​သော​သူ့​ကို ကွပ်မျက်​ပြီး မရဏာနိုင်ငံ​သို့ ဆင်း​စေ​လော့​”​ဟု မိန့်မှာ​လေ​၏​။

၃ ရာ 3:28

အစ္စရေး​လူမျိုး​အပေါင်း​တို့​သည် ထိုသို့​ရှင်ဘုရင်​စီရင်​လိုက်​သော​အမှု​ကို ကြားသိ​ရ​သောအခါ ရှင်ဘုရင်​၏​နှလုံးသား​ထဲတွင် ဘုရားသခင်​၏​ဉာဏ်ပညာ​တည်နေ​သောကြောင့်​သာ ဤသို့​စီရင်​နိုင်​ကြောင်း​ကို သိ​ကြ​သောကြောင့် ရှင်ဘုရင်​ကို ကြောက်ရွံ့ရိုသေ​ကြ​လေ​၏​။

၃ ရာ 5:12

ထာဝရဘုရား​သည် ကတိထား​တော်မူ​သည့်​အတိုင်း ရှောလမုန်​မင်းကြီး​အား ဉာဏ်ပညာ​ကို​ပေး​တော်မူ​၏​။ ဟိရံ​မင်းကြီး​နှင့်​ရှောလမုန်​မင်းကြီး​တို့​နှစ်​ဦး​သည် အချင်းချင်း​သင့်မြတ်​ကြ​ပြီး မဟာမိတ်​လည်း​ဖွဲ့​ကြ​၏​။

၃ ရာ 5:9

အကျွန်ုပ်​၏​အမှုထမ်း​တို့​အား လက်ဘနွန်​တောင်​မှ​သစ်​တို့​ကို ပင်လယ်​အထိ​သယ်လာ​ပြီး ဖောင်​ဖွဲ့​၍​ပင်လယ်ရေကြောင်း​အတိုင်း မျှောချ​မည်​။ မင်းကြီး​အလိုရှိ​သော​နေရာ​သို့​ရောက်​လျှင် ဖောင်​ကို​ဖျက်​ပြီး သစ်​တို့​ကို သယ်ယူ​သွား​ပါ​။ မင်းကြီး​လည်း အကျွန်ုပ်​၏​နန်းတွင်းသူ​နန်းတွင်းသား​တို့​အတွက် ရိက္ခာ​ကို ဖြည့်ဆည်း​ပေး​ပါ​ရန် အကျွန်ုပ်​ဆန္ဒပြု​ပါ​သည်​”​ဟု အကြောင်းပြန်​ကြား​လေ​၏​။

၁ ရာ​ချုပ် 29:25

ထာဝရဘုရား​က​လည်း ရှောလမုန်​မင်းကြီး​အား အစ္စရေး​လူမျိုး​တစ်မျိုးနွယ်လုံး​ရှေ့​တွင် အထူး​ချီးမြှောက်​တော်မူ​ပြီး ယခင်က အစ္စရေး​လူမျိုး​ကို အုပ်စိုး​ခဲ့​သော​ဘုရင်​တို့​တွင် မည်သူ​၌​မျှ​မ​ရှိ​ခဲ့​ဖူး​သော​နိုင်ငံ​တော်​ဘုန်းကျက်သရေ​ကို ပေး​တော်မူ​၏​။

၂ ရာ​ချုပ် 2:12

ထာဝရဘုရား​အဖို့ အိမ်​တော်​နှင့် သူ​၏​နိုင်ငံ​တော်​အဖို့ နန်းတော်​ကို တည်ဆောက်​ရန် သိနားလည်​နိုင်စွမ်း​ရှိ​၍ ဉာဏ်ပညာ​နှင့်​ပြည့်စုံ​ပြီး ပညာရှိ​သော​သား​တော်​တစ်ပါး​ကို ဒါဝိဒ်​မင်းကြီး​အား ပေး​တော်မူ​သော ကောင်းကင်​နှင့်​မြေကြီး​ကို​ဖန်ဆင်း​တော်မူ​သည့် အစ္စရေး​လူမျိုး​၏​ဘုရားသခင်​ထာဝရဘုရား​သည် မင်္ဂလာရှိ​ပါစေသော​။

နေ​ဟ​မိ 13:26

အစ္စရေး​ဘုရင်​ရှောလမုန်​မင်းကြီး​သည်​လည်း ဤနည်းဖြင့် အပြစ်ပြု​ခဲ့​သည်​မ​ဟုတ်​လော​။ တိုင်းနိုင်ငံ​များ​တွင် သူ​နှင့်​တူ​သော​ဘုရင်​မ​ရှိ​။ ဘုရားသခင်​သည် သူ့​ကို​ချစ်​တော်မူ​၍ အစ္စရေး​လူမျိုး​အားလုံး​တို့​၏​ဘုရင်​အဖြစ် သူ့​ကို​ခန့်ထား​တော်မူ​၏​။ သို့သော် သူ​သည် တစ်ပါးအမျိုးသား​မိန်းမပျို​တို့​အားဖြင့် အပြစ်​ကျူးလွန်​ခဲ့​၏​။

ဆာ​လံ 10:17

အို ထာဝရဘုရား​၊ ကိုယ်တော်​သည် ဖိစီးနှိပ်စက်​ခြင်း​ခံရ​သော​သူ​တို့​၏​အလိုဆန္ဒ​ကို ကြားသိ​လျက် သူ​တို့​၏​စိတ်နှလုံး​ကို တည်ကြည်​စေ​တော်မူ​၏​။

သုတ္တံကျမ်း။ 2:6

အကြောင်းမူကား ထာဝရဘုရား​သည် ဉာဏ်ပညာ​ကို​ပေး​တော်မူ​၏​။ အသိပညာ​နှင့် ထိုးထွင်းဉာဏ်​သည် ကိုယ်တော်​၏​နှုတ်​တော်​မှ​လာ​၏​။

ဒေသနာကျမ်း။ 1:13

ငါ​သည် မိုးကောင်းကင်​အောက်​၌​ပြု​သမျှ​သော​အရာ​တို့​ကို ဉာဏ်ပညာ​အားဖြင့် ရှာဖွေ​ရန်​နှင့်​စူးစမ်း​ရန် ငါ​၏​စိတ်​ကို​ပိုင်းဖြတ်​ထား​၏​။ ၎င်း​မှာ လူ​သား​တို့​ကို​ရုန်းကန်​စေရန် သူ​တို့​အား ဘုရားသခင်​ပေးအပ်​တော်မူ​သည့် ငြီးငွေ့ဖွယ်​ကောင်း​သော​အလုပ်​ဖြစ်​၏​။

ဒေသနာကျမ်း။ 1:16

“​ကြည့်ရှု​လော့​။ ငါ​သည် ငါ့​ထက်​အလျင် ဂျေရုဆလင်​မြို့​၌​ရှိ​ခဲ့​သော​သူ​အားလုံး​တို့​ထက်​ကြီးမြတ်​၍ ဉာဏ်ပညာ​အရာ​၌​လည်း​တိုးပွား​၏​။ ငါ​၏​စိတ်နှလုံး​သည်​လည်း များစွာ​သော​ဉာဏ်ပညာ​နှင့် အသိပညာ​တို့​ကို​မြင်တွေ့​ပြီ​”​ဟု ငါ့​စိတ်နှလုံး​ထဲ၌ ငါ​မြွက်ဆို​၏​။

ဟေ​ရှာ​ယ 65:24

သူ​တို့​မ​ခေါ်​မီ ငါ​ထူး​မည်​။ သူ​တို့​တောင်းလျှောက်​နေစဉ် ငါ​နားထောင်​မည်​။

ဒံ​ယေ​လ 1:17

ဘုရားသခင်​သည် ထို​လူငယ်​လေး​ဦး​အား ထိုးထွင်းဉာဏ်​၊ စာပေကျမ်းဂန်​အလုံးစုံ​ကို နားလည်​နိုင်​သော​ဉာဏ်ပညာ​ကို ပေး​တော်မူ​၏​။ ထို့ပြင် ဒံယေလ​ကို ဗျာဒိတ်နိမိတ်​နှင့် အိပ်မက်​အနက်​ကို နားလည်​နိုင်​သော​ဉာဏ်​ကို​လည်း ပေး​သေး​၏​။

မဿဲ 12:42

တရား​စီရင်​တော်မူ​သည့်​အခါ တောင်​အရပ်​မှ​ဘုရင်မ​သည် ဤ​မျိုးဆက်​နှင့်အတူ​ထမြောက်​လျက် ဤ​မျိုးဆက်​၏​အပြစ်​ကို ထင်ရှား​စေ​လိမ့်မည်။ အကြောင်းမူကား သူ​သည် ရှောလမုန်​၏​ဉာဏ်ပညာ​စကား​ကို နားထောင်​ရန် မြေကြီး​အစွန်အဖျား​မှ​လာ​၏။ ကြည့်ရှု​လော့။ ဤ​အရပ်​၌ ရှောလမုန်​ထက် ကြီးမြတ်​သော​သူ​ရှိ​၏။

လုကာ 21:15

အကြောင်းမူကား သင်​တို့​ကို ဆန့်ကျင်​သော​သူ​တစ်စုံတစ်ဦး​မျှ မ​ငြင်းခုံ​မ​ဟန့်တား​နိုင်​သော နှုတ်​အစွမ်း​နှင့်​ဉာဏ်ပညာ​တို့​ကို သင်​တို့​အား ငါ​ပေး​မည်။

တ​ရား​ဟော 34:9

မောရှေ​သည် နုန်​၏​သား ယောရှု​အပေါ် လက်တင်​ခဲ့​သောကြောင့် ယောရှု​သည် ဉာဏ်ပညာ​နှင့်​ပြည့်ဝ​၏​။ အစ္စရေး​အမျိုးသား​တို့​သည် သူ​၏​စကား​ကို​နားထောင်​၍ မောရှေ​အား ထာဝရဘုရား​မိန့်မှာ​တော်မူ​ခဲ့​သည့်​အတိုင်း​ပြု​ကြ​၏​။

ကော​လော​သဲ 2:3

ထို​ခရစ်တော်​ထဲ၌ ဉာဏ်ပညာ​နှင့်​အသိပညာ​တို့​၏​ရတနာ​ရှိသမျှ​တို့​သည် ဖုံးကွယ်​လျက်​ရှိ​ကြ​၏။