၃ ရာ 3:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ရှောလမုန်​မင်းကြီး​သည် အီဂျစ်​ဘုရင်​ဖာရော​မင်းကြီး​နှင့် မဟာမိတ်ဖွဲ့​ပြီး ဖာရော​မင်းကြီး​၏​သမီး​တော်​နှင့် စုံဖက်​လေ​၏​။ စံမြန်း​ရာ​နန်းတော်​၊ ထာဝရဘုရား​၏​အိမ်​တော်​နှင့် ဂျေရုဆလင်​မြို့ရိုး​တို့ ဆောက်လုပ်​၍​မ​ပြီး​မီ​တိုင်အောင် သူ့​ကို ဒါဝိဒ်​မြို့​တွင် စံမြန်း​နေ​စေ​၏​။

Common Language Bible

¹ ရှော​လ​မုန်​မင်း​သည်​အီ​ဂျစ်​ဘု​ရင်​၏​သ​မီး​ကို မိ​ဖု​ရား​မြှောက်​ခြင်း​အား​ဖြင့် ထို​မင်း​နှင့်​မ​ဟာ မိတ်​ဖွဲ့​တော်​မူ​၏။ ထို့​နောက်​မိ​မိ​တည်​ဆောက်​လျက် ရှိ​သည့်​နန်း​တော်၊ ဗိ​မာန်​တော်​နှင့်​မြို့​ရိုး​မ​ပြီး​မီ ဒါ​ဝိဒ်​မြို့​တွင်​နေ​ထိုင်​ရန်​မင်း​သ​မီး​အား​ခေါ် ဆောင်​ခဲ့​၏။-

Garrad Bible

¹ ရှော လ မုန် မင်း သည် အိ ဂျစ် ဘု ရင် ဖာ ရော မင်း၏ သ မီး တော် ကို ဆောင် ယူ၍ သ မက် တော် ဖြစ် ပြီး နောက် နန်း တော်၊ ဗိ မာန် တော် နှင့် ယေ ရု ရှ လင် မြို့ ရိုး တည် ဆောက် မှု မ ပြီး မီ အ တွင်း ဒါ ဝိဒ် မြို့ တော် တွင် စံ စား စေ ၏။

Judson Bible

¹ ရှော​လ​မုန်​သည် အဲ​ဂု​တ္တု​ဖာ​ရော​ဘု​ရင်​နှင့် မိတ်​ဆွေ​ဖွဲ့​လျက်၊ သ​မီး​တော်​နှင့်​စုံ​ဖက်၍ နန်း​တော်၊ ဗိ​မာန်​တော်၊ ယေ​ရု​ရှ​လင်​မြို့​ရိုး​ကို မ​ပြီး​မီ​တိုင်​အောင် ဒါ​ဝိဒ်​မြို့၌ နေ​ရာ​ပေး​တော်​မူ၏။

၃ ရာ 3:1 ပူးပေါင်းရင်းမြစ်များ

၂ ရာ 5:7

သို့သော် ဒါဝိဒ်​မင်းကြီး​သည် ဒါဝိဒ်​မြို့ ဟု​ခေါ်တွင်​မည့် ဇိအုန်​ခံတပ်​ကို သိမ်းပိုက်​နိုင်​ခဲ့​၏​။

၃ ရာ 11:1

သို့သော် ရှောလမုန်​မင်းကြီး​သည် ဖာရော​မင်းကြီး​၏​သမီး​တော်​အပြင် မောဘ​သမီးပျို​၊ အမ္မုန်​သမီးပျို​၊ ဧဒုံ​သမီးပျို​၊ ဆီဒုန်​သမီးပျို​၊ ဟိတ္တိ​သမီးပျို စသော​တစ်ပါးအမျိုးသား​တို့​၏​သမီးပျို​များ​ကို​လည်း ချစ်ကြိုက်​၏​။

၃ ရာ 2:10

ထို့နောက်တွင် ဒါဝိဒ်​မင်းကြီး​သည် ဘိုးဘေး​တို့​နှင့်အတူ​အိပ်ပျော်​၍ သူ့​ကို ဒါဝိဒ်​မြို့​တွင် သင်္ဂြိုဟ်​ကြ​၏​။

၃ ရာ 6:1

ရှောလမုန်​မင်းကြီး​သည် အစ္စရေး​အမျိုးသား​တို့ အီဂျစ်​ပြည်​မှ​ထွက်လာ​ပြီး နှစ်​ပေါင်း​လေး​ရာ​ရှစ်ဆယ်​အကြာ​၊ အစ္စရေး​လူမျိုး​တို့​ကို​အုပ်ချုပ်​သည့် လေး​နှစ်​မြောက်​၊ ဇိဖ​ဟု​ခေါ်​သော ဒုတိယ​လ​တွင် ထာဝရဘုရား​အဖို့ အိမ်​တော်​ကို စတင်​တည်ဆောက်​၏​။

၃ ရာ 7:1

ရှောလမုန်​မင်းကြီး​သည် မိမိ​နန်းတော်​ကို​လည်း​တည်ဆောက်​ရာ တစ်ဆယ့်​သုံး​နှစ်​အကြာ​တွင် နန်းတော်​တစ်ခုလုံး ပြီးစီး​လေ​၏​။

၃ ရာ 7:8

မိမိ​စံမြန်း​ရာ​နန်းဆောင်​ကို ထို​ခန်းမဆောင်​၏​အနောက်ဘက်​ဝင်း​တွင် ထို​ပုံစံ​အတိုင်း ဆောက်လုပ်​၏​။ မိမိ​စုံဖက်​ထား​သော ဖာရော​မင်းကြီး​၏​သမီး​တော်​စံမြန်း​ရာ​နန်းဆောင်​ကို​လည်း ထို​ခန်းမဆောင်​ပုံစံ​အတိုင်း ဆောက်လုပ်​ပေး​၏​။

၃ ရာ 9:1

ရှောလမုန်​မင်းကြီး​သည် ထာဝရဘုရား​၏​အိမ်​တော်​၊ ရှင်ဘုရင်​နန်းတော်​နှင့် မိမိ​ဆန္ဒ​အတိုင်း​တည်ဆောက်​လို​သမျှ​ကို တည်ဆောက်​ပြီးစီး​သောအခါ

၃ ရာ 9:10

ရှောလမုန်​မင်းကြီး​သည် ထာဝရဘုရား​၏​အိမ်​တော်​နှင့် ရှင်ဘုရင်​နန်းတော်​တည်းဟူသော အဆောက်အအုံ​နှစ်​ခု​ကို တည်ဆောက်​ချိန် အနှစ်​နှစ်ဆယ်​ကြာ​သောအခါ

၃ ရာ 9:24

ဖာရော​မင်းကြီး​၏​သမီး​တော်​သည် ဒါဝိဒ်​မြို့​မှ​ထွက်​၍ သူ့​အတွက် ရှောလမုန်​မင်းကြီး​ဆောက်လုပ်​ပေး​သော နန်းဆောင်​သို့ ပြောင်း​နေ​၏​။ ရှောလမုန်​မင်းကြီး​သည် မိလ္လော​ကို​လည်း တည်ဆောက်​၏​။

၁ ရာ​ချုပ် 11:7

ဒါဝိဒ်​မင်းကြီး​သည် ရဲတိုက်​တွင်​နေ​သည်​ကို​အစွဲပြု​၍ ထို​ရဲတိုက်​ကို ဒါဝိဒ်​မြို့ ဟု​ခေါ်ဆို​ကြ​၏​။

၂ ရာ​ချုပ် 18:1

ယောရှဖတ်​မင်းကြီး​သည် ဓနဥစ္စာ​၊ ဘုန်းအသရေ​တိုးပွား​လျက်​ရှိ​၏​။ အာဟပ်​မင်း​မျိုး​နှင့်​လည်း စုံဖက်​ဆွေမျိုးစပ်​၏​။

၂ ရာ​ချုပ် 8:11

ရှောလမုန်​မင်းကြီး​က “​ထာဝရဘုရား​၏​သေတ္တာ​တော်​ရောက်ရှိ​ရာ​နေရာ​တိုင်း​သည် သန့်ရှင်း​သည်​ဖြစ်၍ ဖာရော​မင်းကြီး​၏​သမီး​တော်​သည် အကျွန်ုပ်​၏​မိဖုရား​ဖြစ်​သော်လည်း အစ္စရေး​ဘုရင်​ဒါဝိဒ်​မင်းကြီး​၏​နန်းဆောင်​တွင် မ​နေ​သင့်​”​ဟု ဆို​လျက် ဖာရော​မင်းကြီး​၏​သမီး​တော်​ကို ဒါဝိဒ်​မြို့​မှ သူ့​အဖို့​ဆောက်လုပ်​ပေး​သော​နန်းတော်​သို့ ပို့ဆောင်​၏​။

ဧ​ဇ​ရ 5:11

သူ​တို့​က​လည်း ‘အကျွန်ုပ်​တို့​သည် ကောင်းကင်​နှင့်​မြေကြီး​အရှင် ဘုရားသခင်​၏​အစေအပါး​များ ဖြစ်​၏​။ ရှေး​နှစ်​ပေါင်း​များစွာ​က အစ္စရေး​လူမျိုး​တို့​၏​ဘုရင်မင်းမြတ် တည်ဆောက်​ပြီးစီး​ခဲ့​သော​အိမ်​တော်​ကို အကျွန်ုပ်​တို့ ပြန်လည်​တည်ဆောက်​ခြင်း ဖြစ်​၏​။

ဧ​ဇ​ရ 9:14

အကျွန်ုပ်​တို့​သည် ပညတ်တော်​များ​ကို ထပ်မံ​ချိုးဖောက်​၍ စက်ဆုပ်ရွံရှာဖွယ်​အမှု​ကို​ပြု​သော​လူမျိုး​နှင့် ထိမ်းမြား​မည်​ဆို​လျှင် အကျွန်ုပ်​တို့​သည် အသက်​ဘေး​မှ​မ​လွတ်​၊ ကြွင်းကျန်သူ​တစ်ယောက်မျှ​မ​ရှိ​သည့်​တိုင်အောင် ကိုယ်တော်​သည် အမျက်ထွက်​၍ ဖျက်ဆီး​တော်မူ​မည်​မ​ဟုတ်​လော​။

တ​ရား​ဟော 23:8

သူ​တို့​မွေးဖွား​သော​သားသမီး​များ​ဖြစ်​သည့် သူ​တို့​၏​တတိယ​မျိုးဆက်​သည် ထာဝရဘုရား​၏​လူအစုအဝေး​ထဲသို့ ဝင်​ခွင့်​ရှိ​၏​။