၃ ရာ 19:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ငလျင်လှုပ်​ပြီးနောက် မီးလောင်​၏​။ သို့သော် ထာဝရဘုရား​သည် မီး​ထဲတွင် ရှိ​တော်​မ​မူ​။ မီးလောင်​ပြီးနောက် ဖြည်းညင်း​သာယာ​သော​အသံ ထွက်လာ​၏​။

Common Language Bible

¹² မြေ​င​လျင်​လှုပ်​ပြီး​နောက်​မီး​လျှံ​တောက် လောင်​လေ​သည်။ သို့​ရာ​တွင်​ထို​မီး​လျှံ​ထဲ​၌ လည်း​ထာ​ဝရ​ဘု​ရား​ရှိ​တော်​မ​မူ။ မီး​လျှံ တောက်​လောင်​ပြီး​နောက်​ဖြည်း​ညှင်း​သော​အ​သံ ပေါ်​ထွက်​လာ​၏။

Garrad Bible

¹² မြေ လှုပ် ခြင်း နောက် မီး လျှံ ပေါ် ၏။ မီး လျှံ ၌ လည်း ထာ ဝ ရ ဘု ရား ပါ တော် မ မူ။ မီး လျှံ နောက် သဲ့ သဲ့ အ သံ ထွက် သည် ကို ဧ လိ ယ ကြား လျှင်

Judson Bible

¹² မြေ​လှုပ်​ခြင်း​နောက်​မှာ မီး​ရှိ၏။ သို့​ရာ​တွင် ထာ​ဝ​ရ​ဘု​ရား​သည် မီး၌​လည်း ရှိ​တော်​မ​မူ၊ မီး​နောက်​မှာ ဖြည်း​ညင်း​သော​အ​သံ ရှိ၏။

၃ ရာ 19:12 ပူးပေါင်းရင်းမြစ်များ

ကမ္ဘာ​ဦး 15:17

နေဝင်​၍ မှောင်​လာ​သောအခါ မီးခိုး​ထွက်​နေ​သော​မီးဖို​နှင့် မီးတောက်​နေ​သော​မီးတိုင်​သည် ထို​ပိုင်း​ထား​သော​အသေကောင်​တို့​အလယ်​၌ ဖြတ်သွား​၏​။

၃ ရာ 18:38

ထိုအခါ ထာဝရဘုရား​ထံမှ​မီး​ကျလာ​၍ မီးရှို့ရာယဇ်ကောင်​၊ ထင်း​၊ ကျောက်​၊ မြေမှုန့်​တို့​ကို​ပါ လောင်ကျွမ်း​သဖြင့် မြောင်း​ထဲမှ​ရေ​များ​လည်း ခန်းခြောက်​လေ​၏​။

၄ ရာ 1:10

ထိုအခါ ဧလိယ​က တပ်သား​ငါးဆယ်​အုပ်​တပ်မှူး​အား “​ငါ​သည် ဘုရားသခင်​၏​လူ​မှန်​လျှင် မိုးကောင်းကင်​မှ​မီး​ကျ​ပြီး သင်​နှင့် သင့်​လူ​အယောက်​ငါးဆယ်​ကို လောင်ကျွမ်း​ပါစေသော​”​ဟု​ဆို​လျှင် မိုးကောင်းကင်​မှ​မီး​ကျ​လာ​ပြီး တပ်မှူး​နှင့် သူ​၏​တပ်သား​အယောက်​ငါးဆယ်​ကို လောင်ကျွမ်း​လေ​၏​။

၄ ရာ 2:11

ထိုသို့ စကားပြော​လျက်​သွား​နေ​ကြ​စဉ်တွင်ပင် မီး​မြင်း​နှင့်​က​သော​မီးရထား​တစ်စီး ရုတ်ခြည်း​ပေါ်လာ​ပြီး သူ​တို့​နှစ်​ဦး​ကို​ခွဲပစ်​ကာ ဧလိယ​သည် လေပွေ​ဖြင့် ကောင်းကင်​သို့ ပါသွား​လေ​၏​။

ယောဘဝတ္တု။ 33:7

အကျွန်ုပ်​ခြိမ်းခြောက်​သော​စကား​ကြောင့် ကြောက်လန့်စရာ​မ​လို​ပါ​။ သင့်​ကို အကျွန်ုပ် ကိုယ်ထိလက်ရောက်​မ​ပြု​နိုင်​ပါ​။

ယောဘဝတ္တု။ 4:16

ထို​ဝိညာဉ်​သည် မလှုပ်မယှက်​ရပ်​နေ​၏​။ သို့သော် သူ့​ရုပ်သွင်​ကို ငါ​မ​ဖော်ပြ​တတ်​။ သူ့​သဏ္ဌာန်​ကို​သာ ငါ​မြင်​ရ​၏​။ တိတ်ဆိတ်​နေ​၏​။ ထို့နောက် အသံ​တစ်​ခု​ကို ငါ​ကြား​ရ​၏​။

ထွက်​မြောက် 3:2

ထိုအခါ ထာဝရဘုရား​၏​ကောင်းကင်တမန်​သည် မောရှေ​အား ချုံပုတ်​အလယ် မီး​လျှံ​ထဲမှ ကိုယ်​ထင်ရှားပြ​လေ​၏​။ မောရှေ​ကြည့်​လိုက်​သောအခါ ချုံပုတ်​သည် မီး​တောက်လောင်​နေ​သော်လည်း ကျွမ်းသွား​ခြင်း​မ​ရှိ​သည်​ကို မြင်​လျှင်

ထွက်​မြောက် 34:6

ထာဝရဘုရား​သည် သူ့​ရှေ့​မှ​ဖြတ်သွား​၍ “​ထာဝရဘုရား​၊ ထာဝရဘုရား​သည် သနားစုံမက်​တတ်​သော​ဘုရား​၊ ကျေးဇူးပြု​တတ်​သော​ဘုရား​၊ စိတ်ရှည်​သော​ဘုရား​၊ မေတ္တာကရုဏာ​ကြွယ်ဝ​သော​ဘုရား​၊ သစ္စာတည်​သော​ဘုရား​ဖြစ်​၏​။

ဇာ​ခ​ရိ 4:6

ထိုအခါ သူ​က ငါ့​အား “​ဤကား ဇေရုဗဗေလ​ထံသို့​ရောက်လာ​သော ထာဝရဘုရား​၏​နှုတ်ကပတ်တော် ဖြစ်​၏​။ ကောင်းကင်​ဗိုလ်ခြေ​အရှင်​ထာဝရဘုရား​က ‘​စစ်သည်​ဗိုလ်ခြေ​ကြောင့် မ​ဟုတ်​။ အစွမ်းတန်ခိုး​ကြောင့်​မ​ဟုတ်​။ ငါ့​ဝိညာဉ်​အားဖြင့်​သာ ဖြစ်​၏​။

တမန်တော်ဝတ္ထု 2:2

ထိုအခါ ပြင်းထန်​သော​လေ​တိုက်ခတ်​သံ​နှင့်​တူ​သည့် အသံ​သည် ကောင်းကင်​မှ ရုတ်တရက်​ပေါ်ထွက်​လာ​၍ သူ​တို့​ထိုင်​နေ​သော​အိမ်​တစ်အိမ်လုံး​ကို ဖုံးလွှမ်း​လေ​၏။

တ​ရား​ဟော 4:15

ဟောရပ်​တောင်​၌ သင်​တို့​အား ထာဝရဘုရား မီး​ထဲ​မှ မိန့်​တော်မူ​သော​နေ့​တွင် သင်​တို့​သည် ကိုယ်တော်​ကို မည်သည့်​ပုံသဏ္ဌာန်​နှင့်​မျှ​မ​မြင်​ရ​။ သို့ဖြစ်၍ သင်တို့ကိုယ်သင်တို့ အထူး​သတိပြု​ကြ​လော့​။

တ​ရား​ဟော 4:33

မီး​ထဲ​မှ​မိန့်​တော်မူ​သော ဘုရားသခင်​၏​အသံ​တော်​ကို သင်​တို့​ကြား​ရ​သကဲ့သို့ ကြား​၍ အသက်ချမ်းသာ​ရာ​ရ​သော​လူမျိုး​ရှိ​ဖူး​သလော​။

ဟေ​ဗြဲ 12:29

အကြောင်းမူကား ငါ​တို့​၏​ဘုရားသခင်​သည် လောင်ကျွမ်း​သော​မီး​ဖြစ်​တော်မူ​၏။