၃ ရာ 17:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ထိုအခါ ထို​အမျိုးသမီး​က ဧလိယ​အား “​သင်​သည် ဘုရားသခင်​၏​လူ​ဖြစ်ကြောင်း​၊ သင်​ဆင့်ဆို​သော​ထာဝရဘုရား​၏​စကား​တော်​သည် မှန်ကန်​ကြောင်း​ကို အကျွန်ုပ်​သိ​ပါ​ပြီ​”​ဟု ဆို​၏​။

Common Language Bible

²⁴ ထို​အ​မျိုး​သ​မီး​က​လည်း``အ​ရှင်​သည်​ဘု​ရား​သ​ခင်​၏​အ​စေ​ခံ​ဖြစ်​ကြောင်း​ကို​လည်း​ကောင်း၊ ထာ​ဝရ​ဘု​ရား​သည်​အ​ရှင်​အား​ဖြင့်​ဗျာ​ဒိတ် ပေး​တော်​မူ​ကြောင်း​ကို​လည်း​ကောင်း ယ​ခု ကျွန်​မ​သိ​ပါ​ပြီ'' ဟု​ပြန်​ပြော​လေ​၏။

Garrad Bible

²⁴ ထို မိန်း မ က၊ ကိုယ် တော် သည် ဘု ရား သ ခင့် လူ ယုံ တော် ဖြစ် မှန်း ကိုလည်း ကောင်း၊ ကိုယ် တော် ဆင့် ဆို သော ဘုရား သ ခင့် ဗျာ ဒိတ် တော် မှန် ကြောင်း ကိုလည်း ကောင်း၊ ယ ခု တ ပည့် တော် မ သိ ပါ ပြီ ဟု ဧ လိ ယ အား လျှောက် ဆို သ တည်း။

Judson Bible

²⁴ မိန်း​မ​က​လည်း၊ ဤ​အ​မှု​ကို​ထောက်၍ ကိုယ်​တော်​သည် ဘု​ရား​သ​ခင်၏​လူ ဖြစ်​ကြောင်း​ကို​လည်း​ကောင်း၊ ကိုယ်​တော်​ဆင့်​ဆို​သော ထာ​ဝ​ရ​ဘု​ရား၏​စ​ကား​တော် ဟုတ်​မှန်​ကြောင်း​ကို​လည်း​ကောင်း၊ ကျွန်​မ​သိ​ပါ​သည်​ဟု ဧ​လိ​ယ​အား​ဆို၏။

၃ ရာ 17:24 ပူးပေါင်းရင်းမြစ်များ

၃ ရာ 12:22

သို့ရာတွင် ဘုရားသခင်​၏​နှုတ်ကပတ်တော်​သည် ဘုရားသခင်​၏​လူ​ရှေမာယ​ထံသို့​ရောက်လာ​၍

၃ ရာ 17:23

ဧလိယ​သည် သူငယ်​ကို​ပွေ့​ပြီး မိမိ​နေရာ​အထက်ခန်း​မှ အောက်​သို့​ချီလာ​၍ သူငယ်​ကို မိခင်​လက်​သို့​အပ်လိုက်​ပြီး ဧလိယ​က “ကြည့်​ပါ​။ သင့်​သား အသက်​ပြန်ရှင်​ပြီ”​ဟု ဆို​၏​။

၄ ရာ 4:16

ထိုအခါ ဧလိရှဲ​က သူ့​အား “​နောက်နှစ် ဤ​အချိန်​တွင် သင်​သည် သား​ကို ချီပွေ့​ရ​လိမ့်မည်​”​ဟု ဆို​လျှင် သူ​က “​မ​ဖြစ်နိုင်​ပါ အကျွန်ုပ်​၏​သခင်​။ အို ဘုရားသခင်​၏​လူ​၊ အရှင့်​အစေအပါး​ကို မ​လှည့်စား​ပါ​နှင့်​”​ဟု ပြန်လျှောက်​၏​။

၄ ရာ 4:9

ထို​အမျိုးသမီး​က မိမိ​ခင်ပွန်း​အား “​အကျွန်ုပ်​တို့​ထံ မကြာခဏ​ဝင်ထွက်​သွားလာ​သော​ဤ​သူ​သည် ဘုရားသခင်​၏​သန့်ရှင်း​သော​လူ​ဖြစ်​သည်​ကို အကျွန်ုပ်​သိ​ပါ​၏​။

ဒေသနာကျမ်း။ 12:10

ဒေသနာဆရာ​သည် နှစ်သက်​ဖွယ်​စကား​တို့​ကို​တွေ့​အောင်​ရှာ​၍ သမ္မာတရား​နှင့်ဆိုင်သော​စကား​တို့​ကို မှန်ကန်​စွာ​ရေးသား​ခဲ့​၏​။

ရှင်ယောဟန် 11:15

သို့သော် သင်​တို့​ယုံကြည်​ကြ​ရန် ထို​အရပ်​၌ ငါ​မ​ရှိ​ခဲ့​သည်​ကို သင်​တို့​အတွက် ငါ​ဝမ်းမြောက်​၏။ မည်သို့ပင်ဖြစ်စေ သူ့​ထံသို့​သွား​ကြ​စို့”​ဟု မိန့်​တော်မူ​၏။

ရှင်ယောဟန် 11:42

ကိုယ်တော်​သည် အကျွန်ုပ်​၏​ဆုတောင်း​သံ​ကို အစဉ်​နားညောင်း​တော်မူ​ကြောင်း အကျွန်ုပ်​သိ​ပါ​၏။ သို့ရာတွင် ဤသို့​တောင်းလျှောက်​ခြင်း​မှာ ဝိုင်းရံ​လျက်​ရှိ​သော​လူထု​ပရိသတ်​အတွက်​ဖြစ်​ပြီး အကျွန်ုပ်​ကို​ကိုယ်တော်​စေလွှတ်​တော်မူ​ကြောင်း သူ​တို့​ယုံကြည်​ကြ​စေရန်​အတွက်​ဖြစ်​ပါ​၏”​ဟု မြွက်ဆို​တော်မူ​၏။

ရှင်ယောဟန် 15:24

အခြား​မည်သူမျှ မ​ပြု​ဖူး​သော​အမှု​များ​ကို သူ​တို့​ရှေ့၌ ငါ​မ​ပြု​ခဲ့​လျှင် သူ​တို့​၌​အပြစ်​မ​ရှိ။ ယခု​မူကား သူ​တို့​သည် ထို​အမှု​တို့​ကို​မြင်​ရ​လျက်​နှင့်​ပင် ငါ​နှင့်​ငါ့​ခမည်းတော်​ကို မုန်း​ကြ​၏။

ရှင်ယောဟန် 16:30

ကိုယ်တော်​သည် အလုံးစုံ​တို့​ကို သိမြင်​တော်မူ​၍ မည်သူမျှ ကိုယ်တော်​ကို မေးလျှောက်​စရာ​မ​လို​ကြောင်း ယခု အကျွန်ုပ်​တို့​သိ​ကြ​ပါ​ပြီ။ ဤ​အကြောင်း​ကို​ထောက်၍ ကိုယ်တော်​သည် ဘုရားသခင်​ထံမှ​ကြွလာ​တော်မူ​သည်​ကို အကျွန်ုပ်​တို့​ယုံကြည်​ကြ​ပါ​၏”​ဟု လျှောက်​ကြ​၏။

ရှင်ယောဟန် 2:11

ယေရှု​သည် ဤ​ပထမ​နိမိတ်​လက္ခဏာ​ကို ဂါလိလဲ​နယ်၊ ကာန​မြို့​၌​ပြု​လျက် မိမိ​၏​ဘုန်း​တော်​ကို ထင်ရှား​စေ​တော်မူ​၏။ ထိုအခါ တပည့်​တော်​တို့​သည် ကိုယ်တော်​ကို​ယုံကြည်​ကြ​၏။

ရှင်ယောဟန် 3:2

သူ​သည် ည​အခါ ယေရှု​ထံသို့​လာ​၍ “ရဗ္ဗိ၊ ကိုယ်တော်​သည် ဘုရားသခင်​ထံမှ​ကြွလာ​သော​ဆရာ​ဖြစ်​ကြောင်း​ကို အကျွန်ုပ်​တို့​သိ​ကြ​ပါ​၏။ အဘယ်ကြောင့်​ဆိုသော် ဘုရားသခင်​အတူ​ပါရှိ​တော်​မ​မူ​လျှင် ကိုယ်တော်​ပြု​နေ​သော ဤ​နိမိတ်​လက္ခဏာ​များ​ကို မည်သူမျှ ပြု​နိုင်​မည်​မ​ဟုတ်​ပါ”​ဟု လျှောက်​လေ​၏။

၁ သက် 2:13

သင်​တို့​သည် ငါ​တို့​ထံမှ​ကြားနာ​သော ဘုရားသခင်​၏​နှုတ်ကပတ်​တရား​ကို လက်ခံ​ကြ​သောအခါ လူ​တို့​၏​စကား​အဖြစ်​မ​ဟုတ်​ဘဲ ၎င်း​၏​စစ်မှန်​သည့်​အဖြစ်​အတိုင်း တစ်နည်း​ဆိုသော် ယုံကြည်​သော​သင်​တို့​အထဲ​၌ သက်ဝင်​လှုပ်ရှား​နေ​သော ဘုရားသခင်​၏​နှုတ်ကပတ်​တရား​အဖြစ် လက်ခံ​ကြ​သောကြောင့် ငါ​တို့​သည် ဘုရားသခင်​ကို အမြဲမပြတ်​ကျေးဇူးတင်​ကြ​၏။

၁ ယော 2:21

သင်​တို့​သည် သမ္မာတရား​ကို​မ​သိ​ကြ​သောကြောင့် မ​ဟုတ်​ဘဲ သမ္မာတရား​ကို​လည်းကောင်း၊ လိမ်လည်​ခြင်း​ရှိသမျှ​တို့​သည် သမ္မာတရား​နှင့်​မ​စပ်ဆိုင်​သည်​ကို​လည်းကောင်း သိ​ကြ​သောကြောင့် သင်​တို့​ထံ ငါ​ရေး​လိုက်​ခြင်း​ဖြစ်​၏။