၃ ရာ 16:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ သူ​၏​အမှုထမ်း စစ်ရထား​တပ်​တစ်ဝက်​၏​တပ်မှူး​ဇိမရိ​သည် သူ့​ကို​လုပ်ကြံ​ရန် လျှို့ဝှက်ကြံစည်​၏​။ ဧလာ​မင်းကြီး​သည် တိရဇာ​မြို့​ရှိ တိရဇာ​နန်းတော်အုပ်​အာဇ​၏​အိမ်​၌ သောက်စား​ယစ်မူး​နေ​စဉ်

Common Language Bible

⁹ ဘု​ရင့်​ရ​ထား​တပ်​ခွဲ​မှူး​ဇိ​မ​ရိ​ဆို​သူ​သည် မင်း ကြီး​အား​လုပ်​ကြံ​ရန်​လျှို့​ဝှက်​ကြံ​စည်​လေ​သည်။ တစ်​နေ့​သ​၌​မင်း​ကြီး​သည်​တိ​ရ​ဇ​မြို့​ရှိ​နန်း တော်​အုပ်​အာ​ဇ​၏​အိမ်​တွင်​သောက်​စား​မူး​ယစ် လျက်​နေ​စဉ်၊-

Garrad Bible

^9-10 ၄င်း မြို့ ရှိ လက် သုံး တော် ချုပ် အာ ဇ အိမ် တွင် သောက် စား ယစ် မူး လျက် ရှိ စဉ်၊ ယု ဒ ဘု ရင် အာ သ မင်း နန်း စံ နှစ် ဆယ့် ခု နစ် နှစ်၌ လက် စွဲ စစ် ရ ထား တပ် ဗိုလ် ဇိ မ ရိ သည် အ တွင်း မီး ထ၍ ဝင် ရောက် လုပ် ကြံ ပြီး လျှင် နန်း တက် လေ ၏။

Judson Bible

⁹ ရ​ထား​စီး​သူ​ရဲ တစ်​ဝက်​ကို​အုပ်​သော​သူ၊ မိ​မိ​ကျွန်​ဇိ​မ​ရိ​သည်​သင်း​ဖွဲ့၍၊ ဧ​လာ​သည် တိ​ရ​ဇ​မြို့​တွင် နန်း​တော်​အုပ်​အာ​ဇ၏​အိမ်၌ ယစ်​မူး​အောင် သောက်​လျက်​နေ​စဉ်​အ​ခါ၊

၃ ရာ 16:9 ပူးပေါင်းရင်းမြစ်များ

ကမ္ဘာ​ဦး 15:2

အာဗြံ​က​လည်း “​ဘုရားရှင်​ထာဝရဘုရား​၊ အကျွန်ုပ်​သည် သားသမီး​မ​ထွန်းကား​ဘဲ​နေ​ရ​သဖြင့် ဒမတ်စကပ်​မြို့သား​ဧလျေဇာ​သည် အကျွန်ုပ်​၏​အိမ်​ကို​အမွေဆက်ခံသူ​ဖြစ်​ရ​ပါ​၏​။ သို့ဖြစ်၍ အကျွန်ုပ်​အား မည်သည့်​အရာ​ကို​ပေး​တော်မူ​မည်နည်း​”​ဟု လျှောက်​လေ​၏​။

ကမ္ဘာ​ဦး 24:10

ထို့နောက် အစေအပါး​သည် မိမိ​သခင်​၏​ကုလားအုတ်​များ​ထဲမှ ကုလားအုတ်​ဆယ်​စီး​ကို​ရွေးယူ​ပြီးလျှင် မိမိ​သခင်​ပိုင်ဆိုင်​သည့်​အဖိုးတန်​ပစ္စည်း​အမျိုးမျိုး​တို့​ကို​ယူဆောင်​လျက် ထ​၍ ထွက်ခွာ​သွား​ရာ မက်ဆိုပိုတေးမီးယား​ပြည်​ရှိ နာခေါ်​နေ​သော​မြို့​သို့​ရောက်​လေ​၏​။

ကမ္ဘာ​ဦး 24:2

အာဗြဟံ​သည် မိမိ​ပိုင်ဆိုင်​သော​အရာ​အားလုံး​ကို​အုပ်ထိန်း​ရ​သော​၊ မိမိ​အိမ်​တွင်​အသက်အကြီးဆုံး​ဖြစ်​သော​အစေအပါး​အား “​သင်​၏​လက်​ကို ငါ့​ပေါင်​အောက်​၌​ထား​လော့​။

ကမ္ဘာ​ဦး 39:4

ထို့ကြောင့် ယောသပ်​သည် သခင့်​ရှေ့​၌​မျက်နှာရ​၍ သခင့်​အား​ခစား​လျက်​နေ​ရ​၏​။ သခင်​သည် မိမိ​အိမ်​ကို​ကြီးကြပ်သူ​အဖြစ် သူ့​အား​ခန့်ထား​၍ မိမိ​၌​ရှိ​သော​အရာ​အားလုံး​တို့​ကို သူ့​လက်​၌​အပ်​လေ​၏​။

ကမ္ဘာ​ဦး 39:9

ဤ​အိမ်​၌ အကျွန်ုပ်​ထက်​ကြီးမြတ်​သော​သူ​မ​ရှိ​ပါ​။ သခင်မ​သည် အကျွန်ုပ်​သခင်​၏​မယား​ဖြစ်​သောကြောင့် အကျွန်ုပ်​၏​သခင်​သည် သခင်မ​မှတစ်ပါး မည်သည့်​အရာ​ကို​မျှ​အကျွန်ုပ်​အား မ​ဟန့်တား​ပါ​။ သို့ဖြစ်၍ အကျွန်ုပ်​သည် ဤမျှလောက်​ကြီးမား​သော​မကောင်းမှု​ကို​ပြု​၍ ဘုရားသခင်​ကို ပြစ်မှား​ရ​ပါ​မည်လော​”​ဟု ဆို​လေ​၏​။

၃ ရာ 15:27

ဣသခါ​အမျိုးအနွယ် အဟိယ​၏​သား​ဗာရှာ​သည် နာဒပ်​မင်းကြီး​ကို လုပ်ကြံ​ရန်​လျှို့ဝှက်ကြံစည်​၏​။ နာဒပ်​မင်းကြီး​နှင့် အစ္စရေး​တပ်သား​အပေါင်း​တို့ ဂိဗ္ဗသုန်​မြို့​ကို​ဝိုင်း​ထား​စဉ် ဗာရှာ​သည် နာဒပ်​မင်းကြီး​ကို ဖိလိတ္တိ​ပြည်​၊ ဂိဗ္ဗသုန်​မြို့​တွင်ပင် သတ်​လိုက်​လေ​၏​။

၃ ရာ 16:10

ဇိမရိ​ဝင်လာ​၍ ဧလာ​မင်းကြီး​ကို တိုက်ခိုက်​သတ်ဖြတ်​လိုက်​၏​။ ထို့ကြောင့် ယုဒ​ဘုရင်​အာသ​မင်းကြီး နန်းစံ​နှစ်ဆယ့်​ခုနစ်​နှစ်​တွင် ဇိမရိ​သည် ဧလာ​မင်းကြီး​၏​အရိုက်အရာ​ကို ဆက်ခံ​လေ​၏​။

၃ ရာ 16:8

ယုဒ​ဘုရင်​အာသ​မင်းကြီး နန်းစံ​နှစ်ဆယ့်​ခြောက်​နှစ်​တွင် ဗာရှာ​မင်းကြီး​၏​သား​တော်​ဧလာ နန်းတက်​၍ တိရဇာ​မြို့​၌ အစ္စရေး​လူမျိုး​တို့​ကို နှစ်​နှစ်​အုပ်စိုး​၏​။

၃ ရာ 18:3

အာဟပ်​မင်းကြီး​သည် နန်းတော်အုပ်​ဩဗဒိ​ကို ဆင့်ခေါ်​၏​။ ဩဗဒိ​သည် ထာဝရဘုရား​ကို အလွန်​ကြောက်ရွံ့ရိုသေ​သော​သူ​ဖြစ်​၏​။

၃ ရာ 20:12

မိမိ​နှင့်အတူ​ပါလာ​သော​ရှင်ဘုရင်​များ​နှင့်အတူ တဲ​အတွင်း​၌ စားသောက်​နေ​သော​ဗင်္ဟာဒဒ်​မင်းကြီး​က ထို​သတင်း​များ​ကို​ကြား​သောအခါ သူ့​အမှုထမ်း​တို့​အား “​အသင့်ပြင်​ကြ​”​ဟု အမိန့်ပေး​သဖြင့် သူ​တို့​လည်း မြို့​ကို​တိုက်​ရန် အသင့်ပြင်​ကြ​၏​။

၃ ရာ 20:16

သူ​တို့​သည် မွန်းတည့်ချိန်​တွင် စစ်ချီလာ​ကြ​၏​။ ထို​အချိန်​တွင် ဗင်္ဟာဒဒ်​မင်းကြီး​နှင့် သူ့​ကို​စစ်ကူ​ပေး​သော​အခြား​ဘုရင်​သုံးဆယ့်​နှစ်​ပါး​တို့​သည် တဲ​များ​၌ စားသောက်​မူးယစ်​နေ​ကြ​၏​။

၄ ရာ 12:20

ယောရှ​မင်းကြီး​အမှုထမ်း​တို့​သည် ထကြွပုန်ကန်​ဖို့ လျှို့ဝှက်ကြံစည်​ပြီး သိလ​အရပ်​သို့​သွား​ရာ​လမ်း​ရှိ ဗက်မိလ္လော​စံအိမ်​တွင် သူ့​ကို လုပ်ကြံ​လေ​၏​။

၄ ရာ 15:10

ယာဗက်​၏​သား​ရှလ္လုံ​သည် ဇာခရိ​မင်းကြီး​အား လုပ်ကြံ​ရန် လျှို့ဝှက်ကြံစည်​ပြီး လူ​အများ​ရှေ့​တွင်​ပင် ကွပ်မျက်​၍ မင်း​အရိုက်အရာ​ကို ဆက်ခံ​လေ​၏​။

၄ ရာ 15:25

ရေမလိ​၏​သား တပ်မှူး​ပေကာ​သည် အာဂေါဘ​၊ အရေဟ​နှင့် ဂိလဒ်​ပြည်သား​အယောက်​ငါးဆယ်​တို့​နှင့်အတူ လျှို့ဝှက်ကြံစည်​ပြီး ရှမာရိ​မြို့​ရှိ ဘုရင့်​နန်းတော်​ခံတပ်​တွင် ပေကဟိ​မင်းကြီး​ကို လုပ်ကြံသတ်ဖြတ်​လိုက်​၏​။ ထို့နောက် ပေကာ​သည် ဘုရင့်​အရိုက်အရာ​ကို ဆက်ခံ​လေ​၏​။

၄ ရာ 15:30

ဩဇိ​မင်းကြီး​၏​သား​တော်​ယောသံ​မင်းကြီး နန်းစံ​အနှစ်​နှစ်ဆယ်​တွင် ဧလာ​မင်းကြီး​၏​သား​တော်​ဟောရှေ​သည် ရေမလိ​၏​သား​ပေကာ​မင်းကြီး​ကို လုပ်ကြံ​ရန် လျှို့ဝှက်ကြံစည်​ပြီး လုပ်ကြံ​သတ်ဖြတ်​ကာ သူ့​အရိုက်အရာ​ကို ဆက်ခံ​လေ​၏​။

၄ ရာ 9:14

ဤသို့ဖြင့် နိမ်ရှိ​၏​မြေး​၊ ယောရှဖတ်​၏​သား​ယေဟု​သည် ယောရံ​မင်းကြီး​ကို လုပ်ကြံ​ရန်​လျှို့ဝှက်ကြံစည်​လေ​၏​။ ထို​အချိန်​တွင် ယောရံ​မင်းကြီး​နှင့် အစ္စရေး​စစ်သည်​အပေါင်း​တို့​သည် ဆီးရီးယား​ဘုရင်​ဟာဇေလ​မင်းကြီး​၏​ရန်​ကြောင့် ရာမုတ်ဂိလဒ်​မြို့​ကို စောင့်ကြပ်​လျက်​နေ​၏​။

သုတ္တံကျမ်း။ 31:4

အို လေမွေလ​၊ စပျစ်ဝိုင်​သောက်​ခြင်း​သည် ရှင်ဘုရင်​တို့​နှင့်​မ​သင့်လျော်​ပေ​။ ရှင်ဘုရင်​တို့​နှင့်​မ​သင့်လျော်​ပေ​။ သေရည်သေရက်​ကို​တောင့်တ​ခြင်း​သည်​လည်း အုပ်ချုပ်​သူ​တို့​အတွက် မ​သင့်လျော်​ပေ​။

ယေ​ရ​မိ 51:57

ကောင်းကင်​ဗိုလ်ခြေ​အရှင်​ထာဝရဘုရား​ဟူသည့် နာမ​တော်​ရှိ​သော​ရှင်ဘုရင်​က “​ငါ​သည် ဘေဘီလုံ​မြို့​၏​မှူးမတ်​များ​၊ ပညာရှိ​များ​၊ ဘုရင်ခံ​များ​၊ အုပ်ချုပ်သူ​များ​၊ စစ်သူရဲ​များ​ကို ယစ်မူး​စေ​၍ မ​နိုး​သော​အိပ်ခြင်း​ဖြင့် ထာဝရ​အိပ်ပျော်​စေ​မည်​”​ဟု မိန့်​တော်မူ​၏​။

ဒံ​ယေ​လ 5:30

ထို​ည​တွင်​ပင် ခါလဒဲ​ဘုရင် ဗေလရှာဇာ​မင်းကြီး ကွပ်မျက်​ခံရ​လေ​၏​။

နာ​ဟုံ 1:10

သူ​တို့​သည် ဆူးချုံ​ကဲ့သို့ ရစ်ပတ်​ရှုပ်ထွေး​လျက်​၊ စပျစ်ဝိုင်​ကို​သောက်စား​မူးယစ်​လျက်​နေစဉ် ခြောက်သွေ့​သော​ရိုးပြတ်​ကဲ့သို့ မီး​လောင်ကျွမ်း​ခြင်း​ခံရ​လိမ့်မည်​။

လုကာ 21:34

သင်​တို့​သည် ကိုယ့်ကိုယ်ကိုယ်​သတိထား​ကြ​လော့။ သို့မဟုတ်လျှင် အပျော်ကြူး​ခြင်း၊ သောက်စား​မူးယစ်​ခြင်း​နှင့် အသက်ရှင်​ရေး​အတွက် စိုးရိမ်​ပူပန်​ခြင်း​တို့​ကြောင့် သင်​တို့​စိတ်နှလုံး​လေးလံ​ထိုင်းမှိုင်း​နေ​ကြ​စဉ် ထို​နေ့ရက်​သည် ကျော့ကွင်း​ကဲ့သို့ သင်​တို့​အပေါ်သို့ ရုတ်တရက်​ကျရောက်​လာ​လိမ့်မည်။