၃ ရာ 15:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ဒါဝိဒ်​မင်းကြီး​သည် သူ​အသက်ရှင်​သမျှ​ကာလ​ပတ်လုံး ဟိတ္တိ​လူမျိုး ဥရိယ​အမှု​မှလွဲ၍ မိန့်မှာ​တော်မူ​သမျှ​တို့​ကို တစ်စုံတစ်ရာ​မျှ​မ​လွဲ​ဘဲ ထာဝရဘုရား​ရှေ့​တော်​၌ ဖြောင့်မတ်မှန်ကန်​စွာ ပြုကျင့်​ခဲ့​၏​။

Common Language Bible

⁵ အ​ဘယ်​ကြောင့်​ဆို​သော်​ဒါ​ဝိဒ်​သည် ဘု​ရား​သ​ခင် နှစ်​သက်​တော်​မူ​သည့်​အ​မှု​တို့​ကို​သာ​လျှင်​ပြု​ခဲ့ သော​ကြောင့်​ဖြစ်​၏။ မင်း​ကြီး​သည်​ဟိတ္တိ​အ​မျိုး​သား ဥ​ရိ​ယ​၏​အ​မှု​ကိစ္စ​မှ​တစ်​ပါး အ​ခြား​အ​ဘယ် အ​ခါ​၌​မျှ​ကိုယ်​တော်​၏​အ​မိန့်​တော်​ကို​လွန်​ဆန် ခဲ့​ခြင်း​မ​ရှိ​ပေ။-

Judson Bible

⁵ အ​ကြောင်း​မူ​ကား၊ ဒါ​ဝိဒ်​သည် ဟိ​တ္တိ​အ​မျိုး ဥ​ရိ​ယ​အ​မှု​ကို​ထား​လျှင်၊ တစ်​သက်​လုံး ထာ​ဝ​ရ​ဘု​ရား​မှာ​ထား​တော်​မူ​သော အ​မှု​တစ်​စုံ​တစ်​ခု​ကို​မျှ မ​ရှောင်၊ ရှေ့​တော်၌ တ​ရား​သ​ဖြင့် ကျင့်​သော​အ​ကြောင်း​တည်း။

၃ ရာ 15:5 ပူးပေါင်းရင်းမြစ်များ

၃ ရာ 14:8

နိုင်ငံ​တော်​ကို ဒါဝိဒ်​မင်းမျိုးမင်းနွယ်​လက်​ထဲမှ ရုပ်သိမ်း​ပြီး သင့်​ကို ပေးအပ်​ခဲ့​၏​။ သို့သော် ငါ့​အစေအပါး​ဒါဝိဒ်​ကဲ့သို့ သင်​မ​ပြု​။ သူ​သည် ပညတ်တရား​တို့​ကို စောင့်ထိန်း​၍ ငါ့​နောက်​သို့ စိတ်နှလုံး​အကြွင်းမဲ့​လိုက်လျှောက်​ပြီး ငါ့​မျက်မှောက်​တွင် ဖြောင့်မှန်​စွာ​ပြုကျင့်​၏​။

၃ ရာ 15:3

အဘိယံ​မင်းကြီး​သည် သူ့​အရင်​ခမည်းတော်​လျှောက်​ခဲ့​သည့်​အပြစ်လမ်း​အတိုင်း လိုက်လျှောက်​၏​။ သူ​၏​ဘေး​တော်​ဒါဝိဒ်​မင်းကြီး​၏​စိတ်နှလုံး​ကဲ့သို့ မိမိ​ဘုရားသခင်​ထာဝရဘုရား​ကို စိတ်နှလုံး​အကြွင်းမဲ့​ကိုးစား​ခြင်း​မ​ရှိ​။

၃ ရာ 3:3

ရှောလမုန်​မင်းကြီး​သည် ထာဝရဘုရား​ကို​ချစ်​၍ ခမည်းတော်​ဒါဝိဒ်​မင်းကြီး​၏​သွန်သင်ချက်​အတိုင်း လိုက်လျှောက်​သော်လည်း အထွတ်အမြတ်​ထား​ရာ​ကုန်းမြင့်​များ​တွင် ယဇ်ပူဇော်​၍ နံ့သာပေါင်း​ကို မီးရှို့ပူဇော်​လေ့​ရှိ​သေး​၏​။

၃ ရာ 9:4

သင့်​ခမည်းတော်​ဒါဝိဒ်​မင်းကြီး အသက်ရှင်​လျှောက်လှမ်း​ခဲ့​သည့်​အတိုင်း​၊ သင်​သည် ငါ​မိန့်မှာ​ထား​သည့်​အတိုင်း လုပ်ဆောင်​၍ ငါ​၏​ပညတ်ချက်​၊ စီရင်ထုံးဖွဲ့ချက်​တို့​ကို စောင့်ထိန်း​လျက် ငါ့​ရှေ့မှောက်​တွင် စိတ်နှလုံး​တည်ကြည်​ဖြောင့်မတ်​စွာ အသက်ရှင်​လျှောက်လှမ်း​လျှင်

၄ ရာ 22:2

သူ​သည် ထာဝရဘုရား​ရှေ့​တော်​တွင် ဖြောင့်မှန်​စွာ​ပြုကျင့်​၏​။ သူ​၏​ဘိုးဘေး​ဒါဝိဒ်​မင်းကြီး လျှောက်​ခဲ့​သော​လမ်း​အတိုင်း လက်ယာ​လက်ဝဲ​မ​ယိမ်း​ဘဲ လိုက်လျှောက်​၏​။

၂ ရာ​ချုပ် 34:2

သူ​သည် ထာဝရဘုရား​ရှေ့​တော်​တွင် ဖြောင့်မှန်​စွာ​ပြုကျင့်​၏​။ သူ​၏​ဘိုးဘေး​ဒါဝိဒ်​မင်းကြီး လျှောက်​ခဲ့​သော​လမ်း​အတိုင်း လက်ယာ​လက်ဝဲ​မ​ယိမ်း​ဘဲ လိုက်လျှောက်​၏​။

ဆာ​လံ 119:102

ကိုယ်တော်​သည် အကျွန်ုပ်​ကို သွန်သင်​တော်မူ​သောကြောင့် အကျွန်ုပ်​သည် ကိုယ်တော်​၏​စီရင်ထုံးဖွဲ့ချက်​တို့​မှ ဖယ်ခွာ​မ​သွား​ပါ​။

ဆာ​လံ 119:6

ထိုအခါ အကျွန်ုပ်​သည် ကိုယ်တော်​၏​ပညတ်တော်​အလုံးစုံ​တို့​ကို ကြည့်ရှုဆင်ခြင်​သဖြင့် အရှက်ကွဲ​ရ​လိမ့်မည်​မ​ဟုတ်​ပါ​။

ဆာ​လံ 51:1

အို ဘုရားသခင်​၊ ကိုယ်တော်​၏​မေတ္တာကရုဏာ​တော်​နှင့်အညီ အကျွန်ုပ်​ကို​သနား​တော်မူ​ပါ​။ ကိုယ်တော်​၏​ကြီးမား​သော​သနားစုံမက်​ခြင်း​နှင့်အညီ အကျွန်ုပ်​ကျူးလွန်​သော​အပြစ်​များ​ကို ပယ်ဖျက်​တော်မူ​ပါ​။

လုကာ 1:6

သူ​တို့​နှစ်ဦးစလုံး​သည် ထာဝရ​ဘုရား​၏​ပညတ်​တော်​နှင့်​ပြဋ္ဌာန်း​ချက်​ရှိသမျှ​တို့​ကို တစ်သဝေမတိမ်း​လိုက်လျှောက်​လျက် ဘုရားသခင်​ရှေ့​တော်​၌ ဖြောင့်မတ်​သော​သူ​များ​ဖြစ်​ကြ​၏။

တမန်တော်ဝတ္ထု 13:22

ရှောလု​ကို​ဖယ်ရှား​ပြီးနောက် ဒါဝိဒ်​အား သူ​တို့​၏​ဘုရင်​အဖြစ် ချီးမြှောက်​တော်မူ​လျက် သူ​နှင့်ပတ်သက်၍ သက်သေခံ​သည်​ကား ‘ငါ​၏​စိတ်​နှင့်​တွေ့​သူ၊ ယေရှဲ​၏​သား​ဒါဝိဒ်​ကို ငါ​တွေ့​ပြီ။ သူ​သည် ငါ​၏​အလို​ရှိသမျှ​ကို ဆောင်ရွက်​လိမ့်မည်’​ဟု မိန့်​တော်မူ​၏။

တမန်တော်ဝတ္ထု 13:36

အကြောင်းမှာ ဒါဝိဒ်​သည် မိမိ​လက်ထက်​၌ ဘုရားသခင်​၏​အလို​တော်​ကို ဆောင်ရွက်​ပြီးလျှင် အိပ်ပျော်​၍ မိမိ​ဘိုးဘေး​တို့​၏​သင်္ချိုင်း​တွင် သင်္ဂြိုဟ်​ခြင်း​ခံရ​လျက် ပုပ်ပျက်​ခြင်း​နှင့် ကြုံတွေ့​ရ​၏။

တ​ရား​ဟော 17:20

ထိုသို့​ပြု​လျှင် မိမိ​ညီအစ်ကို​တို့​အပေါ် မာနထောင်လွှား​သော​စိတ်​ရှိ​မည်​မ​ဟုတ်​၊ ပညတ်တရားလမ်း​မှ လက်ယာ​ဘက်​လက်ဝဲ​ဘက်​သို့​လမ်းလွဲ​မည်​မ​ဟုတ်​၊ သူ​နှင့်​သူ​၏​သားမြေး​တို့​သည်​လည်း အစ္စရေး​လူမျိုး​တို့​အလယ်​၌ တိုင်းပြည်​ကို ကာလ​ကြာရှည်​စွာ အုပ်စိုး​ရ​လိမ့်မည်​။

၁ ရာ 25:28

သခင့်​ကျွန်မ​၏​အပြစ်​ကို ခွင့်လွှတ်​တော်မူ​ပါ​။ သခင်​သည် ထာဝရဘုရား​အဖို့ စစ်တိုက်​သော​သူ​ဖြစ်​ပါ​၏​။ သခင်​အသက်ရှင်​သမျှ​ကာလ​ပတ်လုံး သခင်​၌ မည်သည့်​မကောင်းမှု​ကို​မျှ မ​တွေ့​ရ​ပါ​။ သို့ဖြစ်၍​ထာဝရဘုရား​သည် အကျွန်ုပ်​သခင်​၏​အမျိုးအနွယ်​ကို တည်မြဲ​စေ​တော်မူ​ပါစေသော​။