၃ ရာ 13:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ သို့သော် ဘုရားသခင်​၏​လူ​က ရှင်ဘုရင်​အား “​အကျွန်ုပ်​အား နန်းတော်​တစ်ဝက်​ပေး​လျှင်ပင် အကျွန်ုပ်​မ​လိုက်​နိုင်​ပါ​။ ဤ​အရပ်​၌ အစာ​ကို​လည်း မ​စား​၊ ရေ​ကို​လည်း မ​သောက်​ပါ​။

Common Language Bible

⁸ ပ​ရော​ဖက်​က​လည်း``ဘု​ရင်​မင်း​၏​စည်း​စိမ်​ဥစ္စာ တစ်​ဝက်​ကို​ပင်​ပေး​သော်​လည်း​ငါ​မ​လိုက်​လို​ပါ။ အ​ဘယ်​အ​စား​အ​စာ​ကို​မျှ​မ​စား​လို​ပါ။-

Garrad Bible

⁸ ဘု ရား သ ခင့် လူ ယုံ တော် က နန်း ဝက် ခွဲ ၍ ပေး သော် လည်း ဘု ရင် မင်း နောက် ငါ မ လိုက်၊ ဤ အ ရပ် တွင် အာ ဟာ ရ နှင့် ရေ ကို မ စား မ သောက်၊

Judson Bible

⁸ ဘု​ရား​သ​ခင်၏​လူ​က၊ နန်း​တော်​တစ်​ဝက်​ကို ပေး​သော်​လည်း သင်​နှင့်​အ​တူ ငါ​မ​လိုက်။ ဤ​အ​ရပ်၌ မုန့်​ကို​မ​စား၊ ရေ​ကို​လည်း မ​သောက်​ရ။

၃ ရာ 13:8 ပူးပေါင်းရင်းမြစ်များ

၃ ရာ 13:9

အကြောင်းမူကား ထာဝရဘုရား​က ‘​သင်​သည် အစာ​ကို မ​စား​ရ​၊ ရေ​ကို​လည်း မ​သောက်​ရ​၊ လာ​သော​လမ်း​အတိုင်း​လည်း မ​ပြန်​ရ​’​ဟူသော​စကား​ကို ငါ့​အား မှာထား​တော်မူ​ပြီ​”​ဟု ပြန်ပြော​၏​။

၄ ရာ 5:16

ဧလိရှဲ​က “​ငါ​ကိုးကွယ်​သော​ထာဝရဘုရား အသက်ရှင်​တော်မူ​သည်​နှင့်အညီ သင့်​လက်ဆောင်​ကို ငါ​လက်​မ​ခံ​”​ဟု ဆို​၏​။ လက်ဆောင်​ကို​လက်ခံ​ရန် နေမန်​တိုက်တွန်း​သော်လည်း သူ​ငြင်းဆို​၏​။

ဆာ​လံ 141:4

အပြစ်ဒုစရိုက်​ပြု​သော​သူ​တို့​နှင့်အတူ ဆိုးယုတ်​သော​အမှု​တို့​ကို​ပြု​စေရန် အကျွန်ုပ်​၏​စိတ်နှလုံး​ကို မကောင်းမှု​ဘက်​သို့​တိမ်းညွတ်​စေ​တော်​မ​မူ​ပါ​နှင့်​။ ထို​သူ​တို့​၏​စားကောင်းသောက်ဖွယ်​များ​ကို​လည်း အကျွန်ုပ်​မ​စား​ရ​ပါ​စေ​နှင့်​။

ထွက်​မြောက် 5:3

ထိုအခါ သူ​တို့​က “​ဟေဗြဲ​လူမျိုး​တို့​၏​ဘုရားသခင်​သည် အကျွန်ုပ်​တို့​နှင့်​တွေ့​တော်မူ​ပြီ​။ အကျွန်ုပ်​တို့​၏​ဘုရားသခင်​ထာဝရဘုရား​အား ယဇ်ပူဇော်​ရန် အကျွန်ုပ်​တို့​ကို သုံး​ရက်​ခရီး​အကွာအဝေး​ရှိ​သော​တောကန္တာရ​သို့ သွား​ခွင့်​ပြု​ပါ​။ သို့မဟုတ်လျှင် ကိုယ်တော်​သည် အကျွန်ုပ်​တို့​ကို ကပ်ရောဂါ​ဘေး​၊ သို့မဟုတ် ဓားဘေး​ဖြင့် ဒဏ်ခတ်​တော်မူ​လိမ့်မည်​”​ဟု ပြန်လျှောက်​ကြ​၏​။

ထွက်​မြောက် 5:6

ထို​နေ့ချင်း​တွင် ဖာရော​မင်းကြီး​သည် လူ​တို့​ကို​အဓမ္မ​စေခိုင်း​သူ​များ​နှင့် အလုပ်ကြီးကြပ်သူ​တို့​အား

ထွက်​မြောက် 7:2

သင့်​အား ငါ​မိန့်မှာ​သော​အရာ​အားလုံး​ကို သင်​ပြော​ရ​မည်​။ ဖာရော​မင်းကြီး​သည် အစ္စရေး​အမျိုးသား​တို့​ကို သူ​၏​ပြည်​မှ​လွှတ်​မည့်​အကြောင်း သင်​၏​အစ်ကို​အာရုန်​သည် သူ့​အား​လျှောက်​ရ​မည်​။

တော​လည် 22:18

သို့သော် ဗာလမ်​က ဗာလက်​မင်းကြီး​၏​အစေအပါး​တို့​အား “​ဗာလက်​မင်းကြီး​သည် ရွှေ​ငွေ​နှင့်​ပြည့်​သော သူ​၏​နန်းတော်​ကို ငါ့​အား​ပေး​လျှင်လည်း ငါ​သည် ငါ​၏​ဘုရားသခင်​ထာဝရဘုရား​၏​အမိန့်​တော်​ကို​လွန်ဆန်​၍ ငယ်​သော​အမှု​ကို​ဖြစ်စေ​၊ ကြီး​သော​အမှု​ကို​ဖြစ်စေ ငါ​မ​ပြု​ဝံ့​။

တော​လည် 22:8

ဗာလမ်​က​လည်း သူ​တို့​အား “​ဤ​နေရာ​တွင် ည​အိပ်နား​ကြ​ဦး​လော့​။ ငါ့​အား ထာဝရဘုရား​မိန့်​တော်မူ​သည့်​အတိုင်း သင်​တို့​အား ငါ​ပြန်ပြော​မည်​”​ဟု ဆို​လေ​၏​။ သို့ဖြစ်၍ မောဘ​လူမျိုး​တို့​၏​အကြီးအကဲ​တို့​သည် ဗာလမ်​ထံ၌​နေ​ကြ​၏​။

တော​လည် 24:13

‘ဗာလက်​မင်းကြီး​သည် ရွှေ​ငွေ​နှင့်​ပြည့်​သော သူ​၏​နန်းတော်​ကို ငါ့​အား​ပေး​လျှင်လည်း ငါ​သည် ထာဝရဘုရား​၏​အမိန့်​တော်​ကို​လွန်ဆန်​၍ ကောင်း​သော​အမှု​ကို​ဖြစ်စေ​၊ ဆိုးသောအမှု​ကို​ဖြစ်စေ ငါ​မ​ပြု​ဝံ့​။ ထာဝရဘုရား မိန့်​တော်မူ​သော​စကား​ကို​သာ ငါ​ပြော​မည်​’​ဟု ငါ​ဆို​ခဲ့​သည်​မ​ဟုတ်​လော​။

ရှင်မာကု 6:11

မည်သည့်​အရပ်​၌​မဆို သင်​တို့​ကို​လက်​မ​ခံ၊ သင်​တို့​၏​စကား​ကို​လည်း​နား​မ​ထောင်​လျှင် ထို​အရပ်​မှ​ထွက်ခွာ​ကြ​စဉ် သူ​တို့​တစ်ဖက်၌ သက်သေ​ဖြစ်​စေရန် သင်​တို့​၏​ခြေဖဝါး​မှ​မြေမှုန့်​ကို ခါချ​ခဲ့​ကြ​လော့”​ဟု မိန့်​တော်မူ​၏။

ရှင်မာကု 6:23

တစ်ဖန် “ငါ့​ကို​သင်​တောင်း​သမျှ ငါ့​နိုင်ငံ​တစ်ဝက်​တိုင်အောင် သင့်​အား ငါ​ပေး​မည်”​ဟု တိုင်တည်​ပြောဆို​လေ​၏။