၃ ရာ 13:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ဘုရားသခင်​၏​လူ​ကို ထာဝရဘုရား​မိန့်​တော်မူ​ခဲ့​သည့် နိမိတ်လက္ခဏာ​အတိုင်း ယဇ်ပလ္လင်​အက်ကွဲ​ပြီး ယဇ်ပလ္လင်​ပေါ်မှ​ပြာ​များ ဖိတ်ကျ​လာ​လေ​၏​။

Common Language Bible

⁵ ပ​ရော​ဖက်​သည်​ထာ​ဝ​ရ​ဘု​ရား​၏​နှုတ်​က​ပတ် တော်​ကို​ကြို​တင်​ဖော်​ပြ​ခဲ့​သည့်​အ​တိုင်း ယဇ်​ပလ္လင် သည်​လည်း​ရုတ်​တ​ရက်​ပြို​ကွဲ​ကာ​ပြာ​တို့​သည် မြေ​ပေါ်​သို့​ဖိတ်​စင်​၍​ကျ​လေ​သည်။-

Garrad Bible

⁵ ပ လ္လင် လည်း ထာ ဝ ရ ဘု ရား၏ ဗျာ ဒိတ် တော် နှင့် ဘု ရား သ ခင့် လူ ယုံ တော် ဖော် ပြ သော သက် သေ နိ မိတ် အ တိုင်း အက် ကွဲ၍ လောင် စာ များ ယို ကျ လေ ၏။

Judson Bible

⁵ ဘု​ရား​သ​ခင်၏​လူ​သည် ထာ​ဝ​ရ​ဘု​ရား၏​နှုတ်​က​ပတ်​တော်​အ​တိုင်း ပေး​သော​ပု​ပ္ပ​နိ​မိတ်​နှင့်​အ​ညီ ယဇ်​ပ​လ္လင်​ကွဲ၍၊ ပြာ​သည်​လည်း ပ​လ္လင်​ပေါ်​က ယို​ကျ​လေ၏။

၃ ရာ 13:5 ပူးပေါင်းရင်းမြစ်များ

၃ ရာ 13:3

ထို့နောက် သူ​က “​ထာဝရဘုရား​မိန့်​တော်မူ​သည့် နိမိတ်လက္ခဏာ​ဟူမူကား ‘​ကြည့်ရှု​လော့​။ ယဇ်ပလ္လင်​အက်ကွဲ​ပြီး ယဇ်ပလ္လင်​ပေါ်ရှိ​ပြာ​များ ဖိတ်ကျ​လာ​လိမ့်မည်​’​ဟူ၍ ဖြစ်​၏​”​ဟု ဆို​လျက် ထို​နေ့​တွင် နိမိတ်လက္ခဏာ​တစ်​ခု​ကို ပြ​လေ​၏​။

၃ ရာ 13:4

ဘုရားသခင်​၏​လူ​သည် ဗေသလ​မြို့​ရှိ​ယဇ်ပလ္လင်​အား ဆန့်ကျင်​ကြွေးကြော်​ခဲ့​သော​စကား​များ​ကို ယေရောဗောင်​မင်းကြီး​ကြား​လျှင် သူ​သည် ယဇ်ပလ္လင်​ပေါ်တွင်​ရပ်​လျက် လက်​ကို​ဆန့်​ပြီး “​သူ့​ကို ဖမ်း​ကြ​လော့​”​ဟု အမိန့်ပေး​၏​။ ထိုသို့​ဆန့်​လိုက်​သော​လက်​သည် ခြောက်သွား​သဖြင့် ပြန်ရုပ်​၍​မ​ရ​တော့​ချေ​။

၃ ရာ 13:6

ထိုအခါ ရှင်ဘုရင်​က ဘုရားသခင်​၏​လူ​အား “​သင်​၏​ဘုရားသခင်​ထာဝရဘုရား​ထံ တိုးလျှိုးတောင်းပန်​ပေး​ပါ​လော့​။ ငါ့​လက်​ကို ပြန်ရုပ်​နိုင်​ဖို့ ငါ့​အတွက် ဆုတောင်း​ပေး​ပါ​လော့​”​ဟု ဆို​သဖြင့် ဘုရားသခင်​၏​လူ​သည် ထာဝရဘုရား​ထံ တိုးလျှိုးတောင်းပန်​ပေး​ရာ ရှင်ဘုရင်​၏​လက်​သည် နဂို​အတိုင်း​ပြန်​ကောင်း​သွား​၏​။

၃ ရာ 17:16

ဧလိယ​အား ထာဝရဘုရား​မိန့်ဆို​ထား​သည့်​စကား​အတိုင်း အိုး​ထဲမှ​မုန့်ညက် မ​ကုန်​၊ ဘူး​ထဲမှ​ဆီ မ​လျော့​ဘဲ ရှိ​လေ​၏​။

၃ ရာ 22:28

ထိုအခါ မိက္ခာယ​က “​အရှင်မင်းကြီး ဘေးကင်း​စွာ​အမှန်​ပြန်လာ​ရ​သည်​ဆို​လျှင် အကျွန်ုပ်​အားဖြင့် ထာဝရဘုရား​မိန့်မှာ​သည်​မ​ဟုတ်​”​ဟု ပြန်ပြော​ပြီးလျှင် “​လူ​အပေါင်း​တို့​၊ ငါ့​စကား​ကို မှတ်ထား​ကြ​လော့​”​ဟု ဆို​၏​။

၃ ရာ 22:35

ထို​နေ့​တွင် တိုက်ပွဲ​အလွန်​ပြင်းထန်​၏​။ စစ်ရထား​ပေါ်တွင် ရှင်ဘုရင်​ကို ဆီးရီးယား​တပ်​ဘက်​သို့ မျက်နှာမူ​စေ​ပြီး မှီထိုင်​စေ​၏​။ ညနေခင်း​အချိန်​တွင် ရှင်ဘုရင်​အနိစ္စရောက်​၍ ဒဏ်ရာ​မှ​သွေး​များ​လည်း စစ်ရထား​ကြမ်းပြင်​အထိ စီးကျ​၏​။

အာ​မုတ် 3:14

“စင်စစ် အစ္စရေး​လူမျိုး​တို့​ကျူးလွန်​သော​အပြစ်​များ​ကို စီရင်​သော​နေ့​တွင် ဗေသလ​ယဇ်ပလ္လင်​တို့​ကို ငါ​စီရင်​မည်​။ ယဇ်ပလ္လင်​ချို​တို့​ကို​ချိုး​ပစ်​သဖြင့် မြေ​ပေါ်သို့​ကျ​ကြ​လိမ့်မည်​။

ရှင်မာကု 16:20

ထိုအခါ တပည့်​တော်​တို့​သည်​ထွက်သွား​၍ နေရာ​အနှံ့​တရားဟော​ကြ​၏။ သခင်​ဘုရား​သည်​လည်း သူ​တို့​နှင့်အတူ​လုပ်ဆောင်​တော်မူ​၍ နိမိတ်​လက္ခဏာ​များ​ကို​ပူးတွဲ​ပါဝင်​စေ​ခြင်း​အားဖြင့် နှုတ်ကပတ်​တရား​တော်​ကို တည်မြဲ​စေ​တော်မူ​၏။]

တ​ရား​ဟော 18:22

ပရောဖက်​သည် ထာဝရဘုရား​၏​နာမ​တော်​ဖြင့် ဆင့်ဆို​၍ သူ​ဆင့်ဆို​သည့်​အတိုင်း မ​ဖြစ်လာ​၊ မ​ပြည့်စုံ​လာ​လျှင် ထို​စကား​သည် ထာဝရဘုရား​မိန့်​တော်မူ​သော​စကား မ​ဟုတ်​။ ထို​ပရောဖက်​သည် အတင့်ရဲ​စွာ​ဆင့်ဆို​ပြီ​။ သင်​သည် သူ့​ကို မ​ကြောက်​ရ​။