၃ ရာ 12:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ သူ​သည် လူငယ်​တို့​ပေး​သော​အကြံ​အတိုင်း သူ​တို့​အား “​ငါ့​ခမည်းတော်​သည် သင်​တို့​အပေါ် လေး​သော​ထမ်းပိုး​ကို တင်​ခဲ့​၏​။ ငါ​မူကား သင်​တို့​၏​ထမ်းပိုး​ကို ပို၍​လေး​စေ​မည်​။ ငါ့​ခမည်းတော်​သည် သင်​တို့​ကို ကျာပွတ်​နှင့်​ဆုံးမ​၏​။ ငါ​မူကား သင်​တို့​ကို ကင်းမြီးကောက်​နှင့်​ဆုံးမ​မည်​”​ဟု ပြန်ပြော​၏​။

Common Language Bible

¹⁴ လူ​ငယ်​လူ​ရွယ်​တို့​ပေး​သည့်​အ​ကြံ​အ​တိုင်း​ထို သူ​တို့​အား``ငါ့​ခ​မည်း​တော်​တင်​သော​ဝန်​လေး သည်​မှန်​၏။ ငါ​တင်​သော​ဝန်​ကား​ထို​ထက်​ပင်​ပို ၍​လေး​လိမ့်​မည်။ သူ​သည်​သင်​တို့​အား​ကြိမ်​နှင့် ရိုက်​၏။ ငါ​မူ​ကား​ကြာ​ပွတ်​နှင့်​ရိုက်​အံ့'' ဟု ခက်​ထန်​စွာ​ဖြေ​ကြား​တော်​မူ​၏။-

Judson Bible

¹⁴ ငါ့​ခ​မည်း​တော်​သည် သင်​တို့​အ​ပေါ်​မှာ လေး​သော​ထမ်း​ပိုး​ကို တင်​လေ​ပြီ။ ငါ​သည်​လည်း​ထပ်၍ တင်​ဦး​မည်။ ငါ့​ခ​မည်း​တော်​သည် သင်​တို့​ကို ကြိမ်​လုံး​နှင့် ရိုက်​လေ​ပြီ။ ငါ​သည်​လည်း ကင်း​မြီး​ကောက်​နှင့် ရိုက်​ဦး​မည်​ဟု ကြမ်း​တမ်း​စွာ ပြန်​ပြော​တော်​မူ၏။

၃ ရာ 12:14 ပူးပေါင်းရင်းမြစ်များ

၃ ရာ 12:13

ထိုအခါ ရှင်ဘုရင်​သည် လူ​တို့​အား ကြမ်းတမ်း​စွာ​ပြန်ပြော​၏​။ သက်ကြီးဝါကြီး​တို့​ပေး​သော​အကြံ​ကို ပစ်ပယ်​ပြီး

ထွက်​မြောက် 1:13

ထို့ကြောင့် အီဂျစ်​လူမျိုး​တို့​သည် အစ္စရေး​အမျိုးသား​တို့​ကို ရက်စက်ကြမ်းတမ်း​စွာ စေခိုင်း​ကြ​၏​။

ထွက်​မြောက် 1:14

သူ​တို့​ဘဝ​ခါးသီး​ရ​လောက်အောင်​ပင် ကြမ်းတမ်း​သော​အလုပ်​များ​ဖြစ်​သည့် သရွတ်ဖျော်​လုပ်ငန်း​၊ အုတ်ဖုတ်​လုပ်ငန်း​၊ လယ်ယာ​လုပ်ငန်း​ရှိသမျှ​တို့​၌ ခိုင်း​စေ​၏​။ ခိုင်းစေ​လေ​သမျှ​တို့​၌​လည်း ရက်စက်ကြမ်းတမ်း​စွာ ခိုင်း​စေ​၏​။

သုတ္တံကျမ်း။ 12:5

ဖြောင့်မတ်​သော​သူ​တို့​၏​အကြံအစည်​တို့​သည် တရားမျှတ​၏​။ ဆိုးယုတ်​သော​သူ​တို့​၏​လမ်းညွှန်​မှု​တို့​သည် လိမ်လည်လှည့်ဖြား​ခြင်း​ဖြစ်​၏​။

သုတ္တံကျမ်း။ 13:10

မာနထောင်လွှား​ခြင်း​သည် ခိုက်ရန်​ကို​သာ​ဖြစ်ပွား​စေ​တတ်​၏​။ အကြံပေး​ခြင်း​ကို​လက်ခံ​သော​သူ​၌​ကား ဉာဏ်ပညာ​ရှိ​၏​။

သုတ္တံကျမ်း။ 16:18

ပျက်စီး​ခြင်း​၏​ရှေ့ပြေး​သည် မာနကြီး​ခြင်း​ဖြစ်​၏​။ ပြိုလဲ​ခြင်း​၏​ရှေ့ပြေး​ကား ဘဝင်မြင့်​ခြင်း​ဖြစ်​၏​။

သုတ္တံကျမ်း။ 17:14

အငြင်းပွားမှု​၏​အစ​သည် ရေ​ပေါက်ထွက်​ခါစကဲ့သို့​ဖြစ်​သောကြောင့် ခိုက်ရန်​မ​ဖြစ်ပွား​မီ အငြင်းပွားမှု​ကို​ရပ်စဲ​လော့​။

သုတ္တံကျမ်း။ 29:12

အုပ်စိုး​သူ​မင်း​သည် မုသား​စကား​ကို​အာရုံစိုက်​လျှင် သူ​၏​အမှုထမ်း​အပေါင်း​တို့​သည် ဆိုးယုတ်​သော​သူ​များ​ဖြစ်လာ​ကြ​လိမ့်မည်​။

သုတ္တံကျမ်း။ 5:13

ငါ့​ဆရာ​တို့​၏​စကား​ကို​လည်း နား​မ​ထောင်​၊ ငါ့​ကို​သင်ကြား​ပေး​သော​သူ​တို့​ကို​လည်း နားစွင့်​ခြင်း​မ​ရှိ​ခဲ့​ပေ​။

ဒေသနာကျမ်း။ 7:8

အမှုအရာ​၏​အဆုံး​သည် ၎င်း​၏​အစ​ထက် ပို၍​ကောင်း​၏​။ သည်းခံ​သော​စိတ်​သည် ထောင်လွှား​သော​စိတ်​ထက် ပို၍​ကောင်း​၏​။

ဒံ​ယေ​လ 6:7

အရှင်မင်းကြီး​၊ ဤ​ရက်​သုံးဆယ်​အတွင်း အရှင်မင်းကြီး​မှလွဲ၍ အခြား​ဘုရား​ကို​ဖြစ်စေ​၊ လူ​ကို​ဖြစ်စေ အသနားခံ​ဆုတောင်း​သော​သူ မည်သူမဆို ခြင်္သေ့​တွင်း​ထဲသို့ ပစ်ချ​ခြင်း​ခံရ​မည်​ဟူသော​တားမြစ်​အမိန့်​ကို အတည်ပြု​အမိန့်​ထုတ်ပြန်​စေ​လို​ပါ​သည်​ဟု နိုင်ငံ​အကြီးအကဲ​များ​ဖြစ်​သည့်​အုပ်ချုပ်ရေးမှူး​များ​နှင့် အုပ်ချုပ်ရေး​အရာရှိ​များ​၊ မင်း​အတိုင်ပင်ခံ​များ​၊ ဘုရင်ခံ​များ​အားလုံး​သဘောတူ​တိုင်ပင်​ကြ​ပါ​၏​။

ယာ​ကုပ် 3:14

သို့သော် သင်​တို့​၏​စိတ်နှလုံး​ထဲ၌ ခါးသီး​သော​မနာလို​ခြင်း​နှင့် တစ်ကိုယ်ကောင်းဆန်​ခြင်း​များ​ရှိ​လျှင် သမ္မာတရား​ကို​ဆန့်ကျင်​၍ ဝါကြွား​ခြင်း၊ လိမ်ညာ​ခြင်း​တို့​ကို​မ​ပြု​ကြ​နှင့်။