၃ ရာ 10:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ထို့နောက် သူ​သည် ရှင်ဘုရင်​အား ရွှေ​တာလန်​တစ်ရာ့​နှစ်ဆယ်​၊ မြောက်မြား​စွာ​သော​အမွှေးနံ့သာ​များ​နှင့် အဖိုးတန်​ကျောက်​များ​ကို ဆက်သ​လေ​၏​။ ရှောလမုန်​မင်းကြီး​အား ရှေဘ​ဘုရင်မ ဆက်သ​ခဲ့​သော များပြား​လှ​သော​အမွှေးနံ့သာ​မျိုး နောက်ထပ် ရောက်​မ​လာ​တော့​ချေ​။

Common Language Bible

¹⁰ ထို​နောက်​ရှေ​ဘ​ဘု​ရင်​မ​သည်​ရှော​လ​မုန်​အား ရွှေ​ချိန်​ငါး​တန်​နီး​ပါး​ကို​လည်း​ကောင်း၊ နံ့​သာ မျိုး​အ​မြောက်​အ​မြား​နှင့်​ကျောက်​မျက်​ရ​တ​နာ တို့​ကို​လည်း​ကောင်း​ပေး​ဆက်​တော်​မူ​၏။ ရှော​လ​မုန် ရ​ရှိ​ဖူး​သ​မျှ​သော​နံ့​သာ​မျိုး​တို့​အ​နက်​ဘု​ရင် မ​ပေး​ဆက်​သည့်​နံ့​သာ​မျိုး​၏​ပ​မာ​ဏ​မှာ အ​များ​ဆုံး​ဖြစ်​သ​တည်း။

Garrad Bible

¹⁰ ရွှေ ချိန် ခွက် သုံး ထောင့် ခြောက် ရာ၊ ကျောက် မျက် နှင့် နံ့ သာ မျိုး၊ အ မြောက် အ မြား ကို ဆက် သွင်း လေ ၏။ ရှော လ မုန် မင်း ထံ ရှေ ဘ ဘု ရင် မ ဆက် သွင်း သော နံ့ သာ မျိုး နှင့် အ မျှ၊ နောက် တစ် ဖန် မ ရောက် ချေ။

Judson Bible

¹⁰ ရွှေ​အ​ခွက်​တစ်​ရာ​နှစ်​ဆယ်၊ နံ့​သာ​မျိုး​အ​များ၊ ကျောက်​မြတ်​တို့​ကို ဆက်​လေ၏။ ရှေ​ဘ​မိ​ဖု​ရား​သည် ရှော​လ​မုန်​မင်း​ကြီး​အား ဆက်​သော နံ့​သာ​မျိုး​နှင့်​အ​မျှ များ​ပြား​သော​နံ့​သာ​မျိုး​သည် နောက်​တစ်​ဖန်​မ​ရောက်။

၃ ရာ 10:10 ပူးပေါင်းရင်းမြစ်များ

ကမ္ဘာ​ဦး 43:11

ထိုအခါ သူ​တို့​၏​ဖခင်​အစ္စရေး​က သူ​တို့​အား “​သို့ဖြစ်လျှင် ဤသို့​ပြု​ကြ​လော့​။ လိမ်းဆေး​အနည်းငယ်​၊ ပျားရည်​အနည်းငယ်​၊ နံ့သာမျိုး​၊ မုရန်စေး​၊ အခွံမာသီး​၊ ဗာဒံသီး စသည့် ဤ​ပြည်​မှ​ထွက်​သော အကောင်းဆုံးအရာ​တို့​ကို သင်​တို့​အိတ်​များ​၌​ထည့်​၍ ထို​သူ​အဖို့​လက်ဆောင်​အဖြစ်​ယူသွား​ကြ​လော့​။

၃ ရာ 10:2

သူ​သည် မြောက်မြား​စွာ​သော အမွှေးနံ့သာ​များ​၊ ရွှေ​များ​နှင့် အဖိုးတန်​ကျောက်​များ​ကို ကုလားအုတ်​များ​ပေါ်​တင်ဆောင်​လျက် နောက်လိုက်​ဗိုလ်ပါ​အများအပြား​တို့​နှင့် ဂျေရုဆလင်​မြို့​သို့​ရောက်လာ​၍ ရှောလမုန်​မင်းကြီး​ထံသို့​ဝင်​ကာ စိတ်​ထဲ၌​ရှိသမျှ​တို့​ကို မေးမြန်း​ပြောဆို​လေ​၏​။

၃ ရာ 9:14

ဟိရံ​မင်းကြီး​သည် ရှင်ဘုရင်​အား ရွှေ​တာလန်​တစ်ရာ့​နှစ်ဆယ်​ကို ဆက်သ​ခဲ့​သေး​၏​။

ဆာ​လံ 68:29

ဂျေရုဆလင်​မြို့​ရှိ ကိုယ်တော်​၏​ဗိမာန်တော်​ကြောင့် ရှင်ဘုရင်​တို့​သည် ကိုယ်တော့်​ထံသို့ လက်ဆောင်ပဏ္ဏာ​ယူဆောင်​လာ​ကြ​ပါ​လိမ့်မည်​။

ဆာ​လံ 72:10

တာရှု​ဘုရင်​နှင့်​ကမ်းရိုးတန်း​နိုင်ငံ​များ​မှ ရှင်ဘုရင်​တို့​သည် လက်ဆောင်ပဏ္ဏာ​ကို ယူဆောင်​လာ​ကြ​ပါစေသော​။ ရှေဘ​ဘုရင်​နှင့်​သေဘ​ဘုရင်​တို့​သည်​လည်း အခွန်​ကို ဆက်သ​ကြ​ပါစေသော​။

ဆာ​လံ 72:15

သူ​သည် သက်တော်ရှည်​ပါစေသော​။ လူ​တို့​သည် ရှေဘ​ရွှေ​ကို သူ့​အား​ဆက်သ​၍ သူ့​အတွက် အစဉ်မပြတ်​ဆုတောင်း​ပေး​ကာ သူ့​ကို​တစ်နေ့လုံး​ကောင်းချီးပေး​ကြ​ပါစေသော​။

ထွက်​မြောက် 30:34

တစ်ဖန် ထာဝရဘုရား​က မောရှေ​အား “​သစ်စေး​၊ ရှက်ဟေလစ်​နှင့် ဂါလဗန်စေး​စသော အမွှေးအကြိုင်​များ​နှင့်အတူ သန့်စင်​သော​လော်ဗန်​ကို ယူ​လော့​။ ထို​အမွှေးအကြိုင်​များ​နှင့် သန့်စင်​သော​လော်ဗန်​သည် ဆတူ​ဖြစ်​ရ​မည်​။

သုတ္တံကျမ်း။ 20:15

ရွှေ​ရှိ​၏​။ ပတ္တမြား​လည်း​များစွာ​ရှိ​၏​။ သို့သော် အသိပညာ​ရှိ​သော​နှုတ်ခမ်း​သည် အဖိုးတန်​သော​ရတနာ​ဖြစ်​၏​။

ဒေသနာကျမ်း။ 2:8

ရွှေ​နှင့်​ငွေ​တို့​ကို​လည်းကောင်း​၊ ရှင်ဘုရင်​များ​နှင့်​တိုင်းပြည်​တို့​၏​ဘဏ္ဍာ​ကို​လည်းကောင်း ငါ​စုဆောင်း​၏​။ အမျိုးသား​သီချင်းသည်​နှင့် အမျိုးသမီး​သီချင်းသည်​တို့​ကို​လည်းကောင်း​၊ လူ​သား​တို့​ပျော်မွေ့​ရာ​ဖြစ်​သော​မောင်းမမိဿံ​များ​ကို​လည်းကောင်း ငါ​ခေါ်ယူ​၏​။

မဿဲ 2:11

အိမ်​ထဲသို့​ဝင်​၍ မယ်တော်​မာရိ​နှင့်တကွ သူငယ်​တော်​ကို​တွေ့​လျှင် ပျပ်ဝပ်​လျက်​ရှိခိုး​ကြ​၏။ သူ​တို့​၏​ဘဏ္ဍာ​ကြုတ်​များ​ကို​လည်း​ဖွင့်​၍ ရွှေ၊ လော်ဗန်​နှင့် မုရန်​တည်းဟူသော လက်ဆောင်​များ​ကို သူငယ်​တော်​အား​ဆက်သ​ကြ​၏။

ဗျာ​ဒိတ် 21:11

ထို​မြို့​သည် ဘုရားသခင်​၏​ဘုန်း​အသရေ​တော်​နှင့်​ပြည့်စုံ​၍ ၎င်း​၏​အလင်းရောင်​သည် ကျောက်မျက်​ရတနာ​နှင့်​တူ​ပြီး ကျောက်​သလင်း​သဖွယ်​ကြည်လင်​သော နဂါးသွဲ့​ကျောက်​ကဲ့သို့​ဖြစ်​၏။