၂ သက် 2:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ဤသည်ကား သမ္မာတရား​ကို​မ​ယုံကြည်​ဘဲ မတရားမှု​ကို​နှစ်သက်​သော​သူ​အားလုံး စီရင်​ခြင်း​ခံရ​မည့်​အကြောင်း​တည်း။

Common Language Bible

¹² သို့​ဖြစ်​၍​သမ္မာ​တ​ရား​ကို​မ​ယုံ​ကြည်​ဘဲ အ​ပြစ်​ပြု​ရန်​နှစ်​သက်​ကြ​သူ​တို့​သည်​အ​ပြစ် ဒဏ်​စီ​ရင်​တော်​မူ​ခြင်း​ကို​ခံ​ရ​ကြ​လတ္တံ့။

Judson Bible

¹² တ​ရား​ရှုံး​ခြင်း​သို့ ရောက်​မည်​အ​ကြောင်း၊ မု​သား​စ​ကား​ကို ယုံ​စိမ့်​သော​ငှာ၊ မိ​စ္ဆာ​ဒိ​ဌိ​ပြု​ပြင် အား​ထုတ်​ခြင်း​အ​ခွင့်​ကို သူ​တို့၌ ဘု​ရား​သ​ခင် လွှတ်​တော်​မူ​လိမ့်​မည်။

ခေတ်သစ်​မြန်မာ သမ္မာကျမ်း

¹² သို့ဖြစ်၍ သူတို့​အားလုံး​သည် သမ္မာတရား​ကို မယုံကြည်ဘဲ မတရားမှု​ကို နှစ်သက်​သောကြောင့် ပြစ်ဒဏ်​စီရင်တော်မူခြင်း ခံကြရလိမ့်မည်။

၂ သက် 2:12 ပူးပေါင်းရင်းမြစ်များ

ဆာ​လံ 11:5

ထာဝရဘုရား​သည် ဖြောင့်မတ်​သော​သူ​ကို စစ်ဆေး​တော်မူ​၏​။ သို့သော် ကိုယ်တော်​၏​စိတ်ဝိညာဉ်​သည် ဆိုးယုတ်​သော​သူ​နှင့် ရက်စက်ကြမ်းကြုတ်မှု​ကို​နှစ်သက်​သော​သူ​အား မုန်း​တော်မူ​၏​။

ဟော​ရှေ 7:3

သူ​တို့​သည် မကောင်းမှု​များ​ဖြင့် ရှင်ဘုရင်​ကို ဝမ်းမြောက်​စေ​၏​။ မုသားစကား​များ​ဖြင့် မှူးမတ်​တို့​ကို ဝမ်းမြောက်​စေ​၏​။

မိက္ခာ 3:2

သို့သော် သင်​တို့​သည် ကောင်း​သော​အရာ​ကို​မုန်း​၍ မကောင်း​သော​အရာ​ကို​နှစ်သက်​ကြ​၏​။ သူတစ်ပါး​ကိုယ်​မှ​အရေခွံ​ကို​နွှာ​၍ အရိုး​မှ​အသား​ကို​နွှင်ယူ​ကြ​၏​။

ရှင်မာကု 14:11

သူ​တို့​သည်​ကြား​လျှင် ဝမ်းမြောက်​၍ သူ့​ကို​ငွေ​ပေး​မည်​ဟု ကတိ​ပေး​ကြ​၏။ သူ​သည်​လည်း သင့်လျော်​သော​အချိန်​၌ ကိုယ်တော်​ကို​အပ်နှံ​နိုင်​ရန် နည်းလမ်း​ကို​ရှာကြံ​လျက်​နေ​၏။

ရှင်မာကု 16:16

ယုံကြည်​၍ ဗတ္တိဇံ​ခံ​သော​သူ​သည် ကယ်တင်​ခြင်း​ခံရ​လိမ့်မည်။ မ​ယုံကြည်​သော​သူ​မူကား ပြစ်ဒဏ်​စီရင်​ခြင်း​ကို​ခံရ​လိမ့်မည်။

ရှင်ယောဟန် 3:36

သား​တော်​ကို​ယုံကြည်​သော​သူ​သည် ထာဝရ​အသက်​ကို​ရ​၏။ သား​တော်​ကို​မ​နာခံ​သော​သူ​မူကား အသက်​ကို​မ​တွေ့​မ​မြင်​ရ​သည်​သာမက ဘုရားသခင်​၏​အမျက်​တော်​သည် သူ့​အပေါ်၌​တည်​၏။

ရော​မ 1:32

ဤ​အရာ​များ​ကို​ပြုကျင့်​သော​သူ​တို့​သည် သေဒဏ်​ခံ​ထိုက်​၏​ဟူသော​ဘုရားသခင်​၏​ပြဋ္ဌာန်း​ချက်​ကို သူ​တို့​သိ​လျက်​နှင့်​ပင် သူ​တို့​ကိုယ်တိုင်​ပြု​ကြ​သည်​သာမက ထိုသို့​ပြုကျင့်​သော​သူ​များ​ကို​လည်း သဘောတူ​ထောက်ခံ​ကြ​၏။

ရော​မ 12:9

ချစ်​ခြင်း​မေတ္တာ​သည် ဟန်ဆောင်​မှု​နှင့်​ကင်း​ရ​မည်။ မကောင်း​သော​အရာ​ကို​ရွံမုန်း​၍ ကောင်း​သော​အရာ​ကို​တွယ်တာ​ကြ​လော့။

ရော​မ 2:8

တစ်ကိုယ်ကောင်းဆန်​၍ သမ္မာတရား​ကို​မ​နာခံ​ဘဲ မတရားမှု​နောက်​သို့​လိုက်​သော​သူ​တို့​အပေါ်၌​မူကား ပြင်းစွာ​သော​ဒေါသ​နှင့်​အမျက်​တော်​ကို သက်ရောက်​စေ​တော်မူ​လိမ့်မည်။

၁ ကော 13:6

မတရားမှု​၌ ဝမ်းမြောက်​ခြင်း​မ​ရှိ​ဘဲ သမ္မာတရား​၌​သာ ဝမ်းမြောက်​တတ်​၏။

တ​ရား​ဟော 32:35

လက်စားချေ​ခြင်း​၊ လက်တုံ့ပြန်​ခြင်း​သည် ငါ​နှင့်​ဆိုင်​၏​။ သူ​တို့​သည် အချိန်တန်​လျှင် ခြေ​ချော်​လိမ့်မည်​။ သူ​တို့​၏​ဘေးဒုက္ခ​နေ့ရက်​သည်​နီး​ပြီ​။ သူ​တို့​ကြုံ​ရ​မည့်​အမှု​သည် အလျင်အမြန်​ရောက်လာ​လိမ့်မည်​။

၁ သက် 5:9

အကြောင်းမူကား ဘုရားသခင်​သည် ငါ​တို့​ကို အမျက်​တော်​သက်ရောက်​စေရန် သတ်မှတ်​ထား​တော်မူ​သည်​မ​ဟုတ်​ဘဲ ငါ​တို့​၏​သခင်​ယေရှု​ခရစ်တော်​အားဖြင့် ကယ်တင်​ခြင်း​ကို​ရရှိ​စေရန် သတ်မှတ်​ထား​တော်မူ​၏။

၂ သက် 2:10

ပျက်စီး​ခြင်း​သို့​ရောက်​မည့်​သူ​တို့​အတွက် မတရားမှု​နှင့်ဆိုင်သော​လှည့်ဖြား​ခြင်း​အမျိုးမျိုး​တို့​ဖြင့်​လည်းကောင်း ရောက်ရှိ​လာ​မည်။ သူ​တို့​ပျက်စီး​ခြင်း​သို့​ရောက်​မည့်​အကြောင်းမှာ မိမိ​တို့​ကယ်တင်​ခြင်း​ခံရ​ရန်​အတွက် သမ္မာတရား​အား​ချစ်​ရ​မည်​ကို ငြင်းပယ်​ကြ​သောကြောင့်​ဖြစ်​၏။

၂ ပေ 2:3

သူ​တို့​သည် လောဘ​စိတ်​ဖြင့် လုပ်ကြံ​ဖန်တီး​သော​စကား​များ​ကို​ပြောဆို​လျက် သင်​တို့​အပေါ် အမြတ်ထုတ်​ကြ​လိမ့်မည်။ သူ​တို့​ခံရ​မည့် ပြစ်ဒဏ်​စီရင်​ခြင်း​သည် ရှေးယခင်​က​ပင် ဖင့်နှေး​ခြင်း​မ​ရှိ။ သူ​တို့​၏​ပျက်စီး​ခြင်း​သည်​လည်း ငိုက်မျဉ်း​ခြင်း​မ​ရှိ။

၃ ယော 1:11

ချစ်​ရ​သော​သူ၊ မကောင်း​သော​အမှု​ကို​အတု​မ​ယူ​ဘဲ ကောင်း​သော​အမှု​ကို​အတုယူ​လော့။ ကောင်း​သော​အမှု​ကို​ပြု​သော​သူ​သည် ဘုရားသခင်​နှင့်​စပ်ဆိုင်​၏။ မကောင်း​သော​အမှု​ကို​ပြု​သော​သူ​မူကား ဘုရားသခင်​ကို မ​သိ​မ​မြင်​ဖူး​ချေ။