၂ ရာ​ချုပ် 5:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ သေတ္တာ​တော်​ထဲတွင် ကျောက်ပြား​နှစ်​ချပ်​မှလွဲ၍ မည်သည့်​အရာ​မျှ​မ​ရှိ​။ ထို​ကျောက်ပြား​တို့​သည် အစ္စရေး​အမျိုးသား​တို့ အီဂျစ်​ပြည်​မှ​ထွက်လာ​ပြီး ဟောရပ်​အရပ်​၌ ထာဝရဘုရား​နှင့်​ပဋိညာဉ်ဖွဲ့​ခဲ့​ကြ​စဉ် မောရှေ​ထည့်သွင်း​ထား​သော​ကျောက်ပြား​များ ဖြစ်​ကြ​၏​။

Common Language Bible

¹⁰ ပ​ဋိ​ညာဉ်​သေတ္တာ​တော်​အ​တွင်း​၌​ပညတ်​တော် ကျောက်​ပြား​နှစ်​ချပ်​မှ​တစ်​ပါး​အ​ခြား​အ​ဘယ် အ​ရာ​မျှ​မ​ရှိ။ အီ​ဂျစ်​ပြည်​မှ​ဣသ​ရေ​လ​အ​မျိုး သား​တို့​ထွက်​ခွာ​လာ​ချိန်​၌ သူ​တို့​နှင့်​ထာ​ဝ​ရ ဘု​ရား​ပ​ဋိ​ညာဉ်​ပြု​တော်​မူ​စဉ်​အ​ခါ​က မော​ရှေ သည်​ထို​ကျောက်​ပြား​များ​ကို​ပ​ဋိ​ညာဉ်​သေတ္တာ တော်​တွင်​ထား​ခဲ့​သ​တည်း။

Garrad Bible

¹⁰ အိ ဂျစ် ပြည် မှ ထွက် လာ ခဲ့ သော ဣ သ ရေ လ အ မျိုး သား တို့ နှင့် ထာ ဝ ရ ဘု ရား ပ ဋိ ညာဉ် ဖွဲ့ တော် မူ သည့် ကာ လ ဟော ရပ် တောင် ၌ မော ရှေ ထည့် ခဲ့ သော ကျောက် နှစ် ပြား မှ တစ် ပါး သေ တ္တာ တော် အ တွင်း တစ်စုံ တစ် ခု မျှ မ ရှိ။

Judson Bible

¹⁰ ဣ​သ​ရေ​လ အ​မျိုး​သား​တို့​သည် အဲ​ဂု​တ္တု​ပြည်​မှ ထွက်၍၊ ထာ​ဝ​ရ​ဘု​ရား​သည် သူ​တို့​နှင့် ပ​ဋိ​ညာဉ်​ဖွဲ့​တော်​မူ​သော​အ​ခါ၊ မော​ရှေ​သည် ဟော​ရပ်​အ​ရပ်၌​ရှိ​စဉ် သွင်း​ထား​သော ကျောက်​ပြား​နှစ်​ပြား​မှ​တစ်​ပါး သေ​တ္တာ​တော်​ထဲ၌ အ​ဘယ်​အ​ရာ​မျှ​မ​ရှိ။

၂ ရာ​ချုပ် 5:10 ပူးပေါင်းရင်းမြစ်များ

၂ ရာ​ချုပ် 6:11

အစ္စရေး​လူမျိုး​တို့​နှင့်​ဖွဲ့​ခဲ့​သော ထာဝရဘုရား​၏​ပဋိညာဉ်​ပါ​သေတ္တာ​တော်​ကို ထို​အိမ်​တော်​တွင်​ထားရှိ​ပြီ​”​ဟု မြွက်ဆို​လေ​၏​။

ထွက်​မြောက် 19:5

ယခု သင်​တို့​သည် ငါ့​စကား​ကို​သေချာ​စွာ​နားထောင်​၍ ငါ​၏​ပဋိညာဉ်​ကို​စောင့်ထိန်း​လျှင် လူမျိုး​တကာ​တို့​တွင် သင်​တို့​သည် ငါ​ပိုင်​တော်မူ​ရာ​ဘဏ္ဍာ​တော်​ဖြစ်​ကြ​လိမ့်မည်​။ အကယ်စင်စစ် ကမ္ဘာမြေ​တစ်ခွင်လုံး​ကို ငါ​ပိုင်​၏​။

ထွက်​မြောက် 31:18

ဤသို့ သိနာ​တောင်​ပေါ်၌ ဘုရားသခင်​သည် မောရှေ​အား မိန့်ဆို​တော်မူ​ပြီးနောက် လက်ချောင်း​တော်​ဖြင့် အက္ခရာတင်​ထား​သော​သက်သေခံချက်​ကျောက်ပြား​နှစ်​ချပ်​ကို သူ့​အား ပေးအပ်​တော်မူ​၏​။

ထွက်​မြောက် 32:19

မောရှေ​သည် တပ်စခန်း​အနီး​သို့​ရောက်​သည်​နှင့် နွားသငယ်ရုပ်တု​ကို​လည်းကောင်း​၊ ကခုန်​နေ​ကြ​သည်​ကို​လည်းကောင်း မြင်​သောအခါ အမျက်ထွက်​၍ တောင်​ခြေရင်း​၌ မိမိ​လက်​ထဲမှ​ကျောက်ပြား​များ​ကို ပစ်ချ​ကာ ချိုးဖျက်​လေ​၏​။

ထွက်​မြောက် 34:1

တစ်ဖန် ထာဝရဘုရား​က မောရှေ​အား “​ယခင်​ကျောက်ပြား​တို့​နှင့်တူသော​ကျောက်ပြား​နှစ်​ချပ်​ကို သင်​ထုဆစ်​လော့​။ သင်​ချိုးဖျက်​လိုက်​သော ယခင်​ကျောက်ပြား​တို့​၌​ပါ​သည့် နှုတ်ကပတ်တော်​အတိုင်း ထို​ကျောက်ပြား​တို့​ပေါ်၌ ငါ​အက္ခရာတင်​ထား​မည်​။

ထွက်​မြောက် 40:20

မောရှေ​သည် ထာဝရဘုရား​မိန့်မှာ​တော်မူ​သည့်​အတိုင်း သက်သေခံချက်​ကို​ယူ​၍ သေတ္တာ​ထဲ​ထည့်​၏​။ သေတ္တာ​ကွင်း​၌ ထမ်းပိုး​များ​ကို​လျှို​၍ သေတ္တာ​ပေါ်၌ ကရုဏာ​တော်​ပလ္လင်​ကို​တင်​၏​။

တ​ရား​ဟော 29:1

ဟောရပ်​တောင်​၌ အစ္စရေး​အမျိုးသား​တို့​နှင့် ထာဝရဘုရား​ဖွဲ့​တော်မူ​ခဲ့​သော​ပဋိညာဉ်​အပြင် မောဘ​ပြည်​၌ အစ္စရေး​အမျိုးသား​တို့​နှင့်​ပဋိညာဉ်​ဖွဲ့​ရန် မောရှေ​အား မိန့်မှာ​တော်မူ​ခဲ့​သည့် ပဋိညာဉ်​ပါ​အချက်​များ​ကား ဤသို့​ဖြစ်​၏​။

ဟေ​ဗြဲ 9:4

၎င်း​ထဲတွင် နံ့သာပေါင်း​မီးရှို့​ရာ​ရွှေ​ယဇ်ပလ္လင်​နှင့် မျက်နှာပြင်​အဘက်ဘက်​၌ ရွှေ​ဖြင့်​မွမ်းမံ​ထား​သော​ပဋိညာဉ်​သေတ္တာ​ရှိ​၏။ ထို​သေတ္တာ​၌ မန္န​မုန့်​ထည့်​ထား​သည့်​ရွှေ​အိုး၊ အဖူး​ထွက်​သော​အာရုန်​၏​တောင်ဝှေး​နှင့် ပဋိညာဉ်​ကျောက်ပြား​တို့​ရှိ​၏။