၂ ရာ​ချုပ် 28:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ သူ​သည် ဗင်ဟိန္နုံ​ချိုင့်ဝှမ်း​တွင် နံ့သာပေါင်း​ကို​မီးရှို့ပူဇော်​၏​။ အစ္စရေး​အမျိုးသား​တို့​ရှေ့​မှ ထာဝရဘုရား​နှင်ထုတ်​တော်မူ​သော​လူမျိုးခြား​တို့​၏​စက်ဆုပ်ရွံရှာဖွယ်​ဓလေ့​များ​အတိုင်း ကိုယ့်​သား​များ​ကို​ပင် မီးရှို့​ပူဇော်​ခဲ့​၏​။

Common Language Bible

³ ဟိန္နုံ​ချိုင့်​ဝှမ်း​တွင်​နံ့​သာ​ပေါင်း​ကို​မီး​ရှို့ ပူ​ဇော်​၏။ သူ​သည်​ဣ​သ​ရေ​လ​အ​မျိုး​သား တို့​ချီ​တက်​လာ​ချိန်​၌ ထာ​ဝ​ရ​ဘု​ရား​နှင် ထုတ်​တော်​မူ​သော​လူ​မျိုး​တို့​၏​စက်​ဆုတ် ရွံ​ရှာ​ဖွယ်​ကောင်း​သည့်​ဋ္ဌ​လေ့​ထုံး​စံ​တို့​ကို အ​တု​ခိုး​၍ မိ​မိ​၏​သား​တော်​များ​ကို​ပင် မီး​ရှို့​၍​ပူ​ဇော်​သကာ​အ​ဖြစ်​ဖြင့်​ရုပ်​တု တို့​အား​ပူ​ဇော်​လေ​သည်။-

Garrad Bible

³ ဣ သ ရေ လ အ မျိုး သား တို့ ရှေ့၊ ထာ ဝ ရ ဘု ရား နှင် ထုတ် တော် မူ ခဲ့ သော လူ မျိုး ခြား တို့ ရွံ ရှာ ဖွယ် ဓ လေ့ အ လိုက်၊ ဟိ န္နုံ ချိုင့် တွင် မီး ဖြင့် ဆက် ကပ် လျက်၊ သား တော် သ မီး တော် တို့ ကို ပူ ဇော် သည့် ပြင်၊

Judson Bible

³ ထာ​ဝ​ရ​ဘု​ရား​သည် ဣ​သ​ရေ​လ​အ​မျိုး​သား​ရှေ့​မှ နှင်​ထုတ်​တော်​မူ​သော တစ်​ပါး​အ​မျိုး​သား​တို့၏ ရွံ​ရှာ​ဖွယ် ထုံး​စံ​အ​တိုင်း၊ ဟိ​န္နုံ​သား​ချိုင့်၌ နံ့​သာ​ပေါင်း​ကို​မီး​ရှို့၍၊ မိ​မိ​သား​တို့​ကို​လည်း မီး​ဖြင့်​ပူ​ဇော်၏။

၂ ရာ​ချုပ် 28:3 ပူးပေါင်းရင်းမြစ်များ

၄ ရာ 16:3

အစ္စရေး​ဘုရင်​တို့ လျှောက်​သော​လမ်း​အတိုင်း လိုက်လျှောက်​ခဲ့​၏​။ အစ္စရေး​အမျိုးသား​တို့​ရှေ့​မှ ထာဝရဘုရား​နှင်ထုတ်​တော်မူ​သော​လူမျိုးခြား​တို့​၏​စက်ဆုပ်ရွံရှာဖွယ်​ဓလေ့​များ​အတိုင်း ကိုယ့်​သား​ကို​ပင် မီးရှို့ပူဇော်​ခဲ့​၏​။

၄ ရာ 23:10

ရှင်ဘုရင်​သည် ဗင်ဟိန္နုံ​ချိုင့်ဝှမ်း​ရှိ​တောဖက်​အရပ်​ကို​လည်း မစင်ကြယ်​အောင် လုပ်လိုက်​သဖြင့် ထို​နေရာ​တွင် မည်သူ​မျှ မိမိ​သား​သမီး​ကို မောလုတ်​ဘုရား​ထံ မီးရှို့ပူဇော်​၍​မ​ရ​တော့​ချေ​။

၂ ရာ​ချုပ် 33:2

သူ​သည် အစ္စရေး​လူမျိုး​တို့​ရှေ့​မှ ထာဝရဘုရား​နှင်ထုတ်​တော်မူ​သော လူမျိုးခြား​တို့​၏​စက်ဆုပ်ရွံရှာဖွယ်​ဓလေ့​များ​အတိုင်း ထာဝရဘုရား​ရှေ့​တော်​တွင် မကောင်းမှု​ကို ပြု​၏​။

၂ ရာ​ချုပ် 33:6

ဗင်ဟိန္နုံ​ချိုင့်ဝှမ်း​တွင် မိမိ​သား​တို့​ကို​လည်း မီးရှို့ပူဇော်​၏​။ ဗေဒင်အတတ်​၊ ဟူးရားအတတ်​၊ မှော်အတတ်​တို့​ကို လိုက်စား​သည်​သာမက နတ်ဝင်သည်​၊ နတ်ထိန်းသည်​တို့​အား မေးမြန်း​သော​အလေ့အထ​ကို​လည်း ကျင့်သုံး​၏​။ ဤသို့​မကောင်းမှု​များ​ကို​ပြု​လျက် ထာဝရဘုရား​ကို အမျက်ထွက်​စေ​၏​။

၂ ရာ​ချုပ် 36:14

ယဇ်ပုရောဟိတ်​အကြီးအကဲ​အပေါင်း​တို့​နှင့် ပြည်သူပြည်သား​တို့​သည်​လည်း လူမျိုးခြား​တို့​ပြု​သည့်​စက်ဆုပ်ရွံရှာဖွယ်​အမှု​များ​အတိုင်း ဖောက်ပြန်မှားယွင်း​ကြ​၏​။ ဂျေရုဆလင်​မြို့​ရှိ ထာဝရဘုရား​သန့်ရှင်း​စေ​တော်မူ​ခဲ့​သော​အိမ်​တော်​ကို​လည်း ညစ်ညူး​စေ​ကြ​၏​။

ယေ​ရ​မိ 19:13

သူ​တို့​သည် ခေါင်မိုး​များ​ပေါ်တွင် ကောင်းကင်​တန်ဆာ​ရှိသမျှ​အား နံ့သာပေါင်း​မီးရှို့ပူဇော်​၏​။ အခြား​သော​ဘုရား​များ​ရှေ့​တွင် သွန်းလောင်းရာပူဇော်သက္ကာ​ကို​ပူဇော်​၏​။ ထို့ကြောင့် ဂျေရုဆလင်​မြို့​ရှိ​အိမ်​များ​၊ ယုဒ​ဘုရင်​တို့​၏​နန်းတော်​များ​သည် တောဖက်​အရပ်​ကဲ့သို့ ညစ်ညူး​လိမ့်မည်​ဟု မိန့်​တော်မူ​ပြီ’​ဟူ၍ ဆင့်ဆို​လော့”​ဟု မိန့်​တော်မူ​၏​။

ယေ​ရ​မိ 2:34

အပြစ်မဲ့​သော​ဆင်းရဲသား​တို့​ဖောက်ထွင်းသည်​ကို သင်​မ​တွေ့​။ သို့သော် သင့်​အဝတ်​အောက်စွန်း​၌ သူ​တို့​၏​သွေးစွန်း​သည်​ကို တွေ့​ရ​၏​။ ထိုသို့​ဖြစ်​လျက်​နှင့်​ပင်

ယေ​ရ​မိ 32:35

ငါ​မ​မိန့်မှာ​ခဲ့​၊ စိတ်​ပင်​မ​ကူး​ခဲ့​ဘဲ​လျက် ရွံရှာဖွယ်​အမှု​ဖြစ်​သည့် ဗင်ဟိန္နုံ​ချိုင့်ဝှမ်း​၌ ဗာလ​ကုန်းမြင့်​ကို​တည်​ခြင်း​၊ သူ​တို့​၏​သား​သမီး​များ​ကို မောလုတ်​ဘုရား​အား​ပူဇော်​ခြင်း​ကို ပြု​ကြ​၏​။ ဤသို့ဖြင့် ယုဒ​အမျိုး​တို့​ကို အပြစ်​ဖြစ်​စေ​ကြ​ပြီ’​ဟု မိန့်​တော်မူ​၏​။

ဝတ်​ပြု 18:21

သင်​၏​သားမြေး​တို့​ကို မောလုတ်​ဘုရား​အား​ပူဇော်​ရန် မ​ပေး​ရ​။ သင့်​ဘုရားသခင်​၏​နာမ​တော်​ကို မ​ရှုတ်ချ​ရ​။ ငါ​သည် ထာဝရဘုရား​ဖြစ်​၏​။

မိက္ခာ 6:7

ထာဝရဘုရား​သည် သိုးထီး​တစ်ထောင်​၊ ဆီ​မြစ်​တစ်သောင်း​ကို နှစ်သက်​တော်မူ​မည်လော​။ ငါ​ကျူးလွန်​သော​အပြစ်​အတွက် ငါ​၏​သားဦး​ကို​လည်းကောင်း​၊ ငါ့​စိတ်​ထဲ၌ ပြု​သော​အပြစ်​အတွက် ငါ​၏​ရင်သွေး​ကို​လည်းကောင်း ပူဇော်​ရ​မည်လော​။

တ​ရား​ဟော 12:31

ထို​လူမျိုး​သည် ထာဝရဘုရား​မုန်း​တော်မူ​သည့် စက်ဆုပ်ရွံရှာဖွယ်​ရှိသမျှ​တို့​ကို မိမိ​တို့​ဘုရား​များ​အတွက် ပြု​ကြ​၏​။ စင်စစ် သူ​တို့​သည် မိမိ​တို့​၏​သား​သမီး​များ​ကို​ပင် သူ​တို့​၏​ဘုရား​များ​အတွက် မီး​ရှို့​ကြ​၏​။ သူ​တို့​ပြု​သကဲ့သို့ သင်​၏​ဘုရားသခင်​ထာဝရဘုရား​အတွက် မ​ပြု​ရ​။

တ​ရား​ဟော 18:10

သင်​တို့​တွင် သား​သမီး​ကို မီး​ဖြင့်​ပူဇော်​သော​သူ​၊ ဂမ္ဘီရအတတ်​ကို​သုံး​သော​သူ​၊ ဗေဒင်အတတ်​ကို​သုံး​သော​သူ​၊ နိမိတ်ဖတ်​သော​သူ​၊ မှော်အတတ်​ကို​သုံး​သော​သူ​၊

တ​ရား​ဟော 18:9

သင်​၏​ဘုရားသခင်​ထာဝရဘုရား ပေး​တော်မူ​သော​ပြည်​သို့ သင်​ဝင်ရောက်​သောအခါ ထို​လူမျိုး​တို့​၏​စက်ဆုပ်ရွံရှာဖွယ်​ဓလေ့​များ​ကို မ​လိုက်နာ​ရ​၊ မ​သင်ယူ​ရ​။

ယော​ရှု 15:8

တစ်ဖန် နယ်နိမိတ်​သည် ဗင်ဟိန္နုံ​ချိုင့်ဝှမ်း​မှ ဂျေရုဆလင် ခေါ် ယေဗုသိ​မြို့​တောင်ဘက်​ရှိ တောင်စောင်း​တစ်လျှောက် တက်သွား​၏​။ ထိုမှ နယ်နိမိတ်​သည် ရေဖိမ်​ချိုင့်ဝှမ်း​၏​မြောက်ဘက်​အဆုံး​ရှိ ဟိန္နုံ​ချိုင့်ဝှမ်း​၏​အနောက်ဘက်​နှင့်​မျက်နှာချင်းဆိုင်​သော တောင်​ထိပ်​အထိ တက်သွား​၏​။

သူ​ကြီး 2:11

အစ္စရေး​အမျိုးသား​တို့​သည် ထာဝရဘုရား​မျက်မှောက်​တော်​တွင် မကောင်းမှု​ကို ပြု​ကြ​၏​။ ဗာလ​ဘုရား​ကို ဝတ်ပြု​ကြ​၏​။

သူ​ကြီး 2:13

သူ​တို့​သည် ထာဝရဘုရား​ကို စွန့်​၍ ဗာလ​ဘုရား​နှင့် အာရှတရက်​ဘုရား​တို့​ကို ဝတ်ပြု​ကြ​၏​။