၂ ရာ​ချုပ် 24:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ထို့ကြောင့် ယောရှ​မင်းကြီး​သည် ယဇ်ပုရောဟိတ်မင်း​ယောယဒ​ကို​ခေါ်​၍ “​သက်သေခံချက်​တဲ​တော်​အဖို့ ထာဝရဘုရား​၏​အစေအပါး​မောရှေ​မှာကြား​ထား​သော အစ္စရေး​လူထု​တို့​ပေးဆောင်​ရ​မည့်​အခွန်ငွေ​ကို ယုဒ​ပြည်သူ​ဂျေရုဆလင်​မြို့သား​တို့​ထံမှ​ကောက်ခံ​ရန် လေဝိ​အမျိုးသား​တို့​ကို အဘယ်ကြောင့် သင် မ​မှာထား​သနည်း​”​ဟု မေး​၏​။

Common Language Bible

⁶ သို့​ဖြစ်​၍​သူ​သည်​ထို​သူ​အ​ပေါင်း​တို့​၏ ခေါင်း​ဆောင်​ယော​ယ​ဒ​ကို​ခေါ်​ပြီး​လျှင်``ထာ ဝ​ရ​ဘု​ရား​ကိန်း​ဝပ်​တော်​မူ​ရာ​တဲ​တော် အ​တွက် ပြည်​သူ​တို့​ပေး​ဆောင်​ရန်​ထာ​ဝ​ရ ဘု​ရား​၏​အ​စေ​ခံ​မော​ရှေ​ပြ​ဋ္ဌာန်း​သည့် အ​လှူ​ငွေ​ကို လေ​ဝိ​အ​နွယ်​ဝင်​တို့​အား အ​ဘယ်​ကြောင့်​ယု​ဒ​ပြည်​နှင့်​ယေ​ရု​ရှ​လင် မြို့​မှ​မ​ကောက်​ခံ​စေ​ပါ​သ​နည်း'' ဟု​မေး တော်​မူ​၏။

Judson Bible

⁶ တစ်​ဖန် ရှင်​ဘု​ရင်​သည် ယဇ်​ပု​ရော​ဟိတ်​အ​ကြီး​ယော​ယ​ဒ​ကို​ခေါ်၍၊ သက်​သေ​ခံ​တော်​မူ​ချက် တဲ​တော်​အ​ဖို့၊ ထာ​ဝ​ရ​ဘု​ရား၏​ကျွန်​မော​ရှေ​နှင့် စည်း​ဝေး​ရာ ဣ​သ​ရေ​လ ပ​ရိသတ်​ပြု​သည်​နည်း​တူ၊ လေ​ဝိ​သား​တို့​သည် ယေ​ရု​ရှ​လင်​မြို့​မှ​စ၍ ယု​ဒ​ပြည်​အ​ရပ်​ရပ်​တို့​မှ ငွေ​ကို​ခံ​ယူ၍ ဆောင်​ခဲ့​မည်​အ​ကြောင်း၊ အ​ဘယ်​ကြောင့် မ​မှာ​ထား​ဘဲ​နေ​သ​နည်း​ဟု မေး​တော်​မူ၏။

၂ ရာ​ချုပ် 24:6 ပူးပေါင်းရင်းမြစ်များ

၂ ရာ 24:3

ယွာဘ​က​လည်း ရှင်ဘုရင်​အား “​အရှင်မင်းကြီး​၏​ဘုရားသခင်​ထာဝရဘုရား​သည် လူ​တို့​ကို သူ​တို့​ရှိ​သည်​ထက် အဆ​တစ်ရာ တိုးပွား​စေ​သည်​ကို အရှင်​မင်းကြီး ကိုယ်တိုင်​မြင်တွေ့​ရ​ပါစေသော​။ အဘယ်ကြောင့် အရှင်​မင်းကြီး ဤ​အမှု​ကို ပြု​လို​ပါ​သနည်း​”​ဟု လျှောက်တင်​၏​။

၂ ရာ​ချုပ် 24:9

တောကန္တာရ​တွင် ဘုရားသခင်​၏​အစေအပါး​မောရှေ​က အစ္စရေး​လူမျိုး​တို့​အား မိန့်မှာ​ခဲ့​သည့်​အတိုင်း ယုဒ​ပြည်သူ​ဂျေရုဆလင်​မြို့သား​တို့​သည် ထာဝရဘုရား​အထံ​တော်​သို့ အခွန်​ငွေ​ကို​ယူဆောင်​လာ​ကြ​ရန် ကြေညာ​လိုက်​၏​။

တော​လည် 1:50

လေဝိ​အမျိုး​တို့​ကို သက်သေခံချက်​ထား​ရာ​ကိန်းဝပ်​တော်မူ​ရာ​တဲ​တော်​၊ ထို​တဲ​တော်​၏​တန်ဆာပလာ​ရှိသမျှ​၊ ထို​တဲ​တော်​နှင့်​ဆိုင်​သမျှ​တို့​ကို ထိန်းသိမ်း​ဖို့ ခန့်အပ်​လော့​။ သူ​တို့​သည် ကိန်းဝပ်​တော်မူ​ရာ​တဲ​တော်​နှင့် ထို​တဲ​တော်​၏ တန်ဆာပလာ​ရှိသမျှ​တို့​ကို သယ်ဆောင်​ရ​မည်​။ ကိန်းဝပ်​တော်မူ​ရာ​တဲ​တော်​၏​အမှု​ကို​ဆောင်ရွက်​၍ ထို​တဲ​တော်​၏​ပတ်ပတ်လည်​၌ စခန်းချ​ရ​မည်​။

တော​လည် 18:2

သက်သေခံချက်​တဲ​တော်​ရှေ့​၌ သင်​နှင့်​သင်​၏​သား​တို့ အမှု​တော်​ဆောင်ရွက်​ရာ​တွင် သင်​တို့​နှင့်​ပူးပေါင်း​၍ အမှု​တော်​ဆောင်ရွက်​ရန် သင့်​ဘိုးဘေး​၏​မျိုးနွယ်​ဖြစ်​သည့် သင်​၏​အမျိုးသားချင်း​လေဝိ​အမျိုးအနွယ်​တို့​ကို သင်​နှင့်အတူ​ခေါ်ဆောင်​လော့​။

တမန်တော်ဝတ္ထု 7:44

ငါ​တို့​၏​ဘိုးဘေး​များ​အတွက် တော​ကန္တာရ​တွင် သက်သေခံ​တဲ​တော်​ရှိ​၏။ ၎င်း​သည် မောရှေ​အား သူ​မြင်​ရ​သည့်​ပုံစံ​နှင့်အညီ​ပြုလုပ်​ရန် မြွက်ဆို​တော်မူ​သော​အရှင်​က မှာကြား​သည့်​အတိုင်း ပြုလုပ်​ထား​သော​တဲ​တော်​ဖြစ်​၏။