၂ ရာ​ချုပ် 20:22 - မြန်​​​မာ့​​​စံ​​​မီ​​​သမ္မာ​​​ကျမ်း​​

²² ထိုသို့ စတင်​ချီးမွမ်း​သီဆို​လိုက်​သည်​နှင့် ယုဒ​ပြည်​ကို ဝင်ရောက်​ကျူးကျော်​သည့် အမ္မုန်​အမျိုးသား​၊ မောဘ​အမျိုးသား​နှင့် စိရ​တောင်ပေါ်သား​တို့​အား ချောင်းမြောင်း​တိုက်ခိုက်မှု​ကို ထာဝရဘုရား​ဖြစ်စေ​တော်မူ​သဖြင့် သူ​တို့ ရှုံးနိမ့်​သွား​လေ​၏​။

Common Language Bible

²² သူ​တို့​စ​၍​သီ​ချင်း​ဆို​ကြ​သော​အ​ခါ ထာ​ဝ​ရ ဘု​ရား​သည်​ချင်း​နင်း​ဝင်​ရောက်​လာ​သော​တပ် တို့​ကို​က​စဥ့်​က​လျား​ဖြစ်​စေ​တော်​မူ​၏။-

Garrad Bible

²² ထာ ဝ ရ ဘု ရား သည်၊ ယု ဒ လူ မျိုး တို့ ကို ရန် မူ လာ သော အ မ္မုန်၊ မော ဘ အ မျိုး သား တို့ နှင့် စိ ရ တောင် တန်း သား တို့ တစ် ဘက်၊ တပ် ပုန်း ချ တော် မူ သ ဖြင့်၊

Judson Bible

²² ထို​သူ​တို့​သည် ချီး​မွမ်း​ရာ​သီ​ချင်း​ကို ဆို​စ​ပြု​ကြ​သော​အ​ခါ၊ ယု​ဒ​ပြည်​ကို​တိုက်​အံ့​သော​ငှာ လာ​သော၊ စိ​ရ​တောင်​သား​တို့​ကို အ​မ္မုန်​အ​မျိုး​သား၊ မော​ဘ​အ​မျိုး​သား​တို့ တစ်​ဖက်၌ ထာ​ဝ​ရ​ဘု​ရား ချောင်း​မြောင်း​စေ​တော်​မူ​သ​ဖြင့်၊ အ​မ္မုန်​အ​မျိုး​သား၊ မော​ဘ​အ​မျိုး​သား​တို့​သည် အ​ထိ​အ​ခိုက်​ခံ​ရ​သော​ကြောင့်၊

၂ ရာ​ချုပ် 20:22 ပူးပေါင်းရင်းမြစ်များ

၂ ရာ 22:4

ချီးမွမ်းထိုက်​သော​ထာဝရဘုရား​ကို ငါ​ခေါ်​သောအခါ ငါ့​ရန်သူ​တို့​၏​လက်​မှ ငါ့​ကို​ကယ်တင်​တော်မူ​၏​။

၄ ရာ 6:17

ထို့နောက် ဧလိရှဲ​က “​အို ထာဝရဘုရား​၊ သူ​၏​မျက်စိ​ကို​ဖွင့်ပေး​၍ သူ့​ကို​မြင်​စေ​တော်မူ​ပါ​”​ဟု ဆုတောင်း​လျှင် ထာဝရဘုရား​သည် ထို​ငယ်သား​၏​မျက်စိ​ကို​ဖွင့်ပေး​တော်မူ​သဖြင့် ဧလိရှဲ​ပတ်ပတ်လည်​တွင် မြင်း​နှင့်​က​သော​မီး​စစ်ရထား​များ တောင်​တစ်တောင်လုံး​ပြည့်​နေ​သည်​ကို တွေ့​ရ​လေ​၏​။

၂ ရာ​ချုပ် 13:13

သို့သော် ယေရောဗောင်​မင်းကြီး​သည် ယုဒ​တပ်​အား အနောက်​ဘက်​မှ​သွား​၍ ဝိုင်းထား​ရန် ချုံခိုတိုက်ခိုက်ရေး​အဖွဲ့​ကို လွှတ်​လိုက်​၏​။ သူ​တို့​သည် ယုဒ​တပ်​ကို အရှေ့​မှ​တစ်​ဖွဲ့​၊ အနောက်​မှ ချုံခိုတိုက်ခိုက်ရေး​အဖွဲ့ တို့​ဖြင့် အသီးသီး​ဝိုင်းထား​ကြ​၏​။

၂ ရာ​ချုပ် 13:15

ယုဒ​တပ်သား​တို့​လည်း ကြွေးကြော်​လျက်​နေ​၏​။ ထိုသို့ ယုဒ​တပ်သား​တို့​ကြွေးကြော်​သောအခါ ဘုရားသခင်​သည် ယေရောဗောင်​မင်းကြီး​နှင့်​အစ္စရေး​တပ်သား​အပေါင်း​တို့​ကို အဘိယ​နှင့်​ယုဒ​တပ်သား​တို့​ရှေ့​၌ ရှုံးနိမ့်​စေ​တော်မူ​၏​။

၂ ရာ​ချုပ် 20:10

အစ္စရေး​လူမျိုး​တို့ အီဂျစ်​ပြည်​မှ​ထွက်လာ​ခဲ့​စဉ်က ကိုယ်တော်​သည် အမ္မုန်​အမျိုးသား​၊ မောဘ​အမျိုးသား​၊ စိရ​တောင်ပေါ်သား​တို့​၏​နယ်မြေ​ကို အစ္စရေး​လူမျိုး​တို့​အား ကျူးကျော်​ခွင့်​မ​ပေး​။ ထို့ကြောင့် အစ္စရေး​လူမျိုး​တို့​သည် သူ​တို့​ပြည်​ကို မ​ဖျက်ဆီး​ဘဲ ရှောင်သွား​ခဲ့​ပါ​၏​။

၂ ရာ​ချုပ် 21:8

ယဟောရံ​မင်းကြီး​လက်ထက်​တွင် ယုဒ​ပြည်​လက်အောက်ခံ​ဖြစ်​သော ဧဒုံ​ပြည်​သည် ယုဒ​ပြည်​ကို​ပုန်ကန်​၍ သူ​တို့​ကို အုပ်စိုး​ရန် ဘုရင်​တစ်ပါး​ကို တင်မြှောက်​လိုက်​ကြ​၏​။

၂ ရာ​ချုပ် 5:13

တံပိုးမှုတ်​သူ​များ​နှင့် သီချင်းဆို​သူ​များ​သည် စည်းဝါးညီညီ​တစ်သံတည်း​ဖြင့် ထာဝရဘုရား​ထံ ဂုဏ်တော်​ချီးမွမ်း​သီဆို​ကြ​၏​။ တံပိုးသံ​၊ လင်းကွင်းသံ စသော​တူရိယာသံ​များ​နှင့်တကွ ထာဝရဘုရား​ထံ “​ကိုယ်တော်​ကောင်းမြတ်​တော်မူ​၏​။ မေတ္တာကရုဏာ​တော် အစဉ်အမြဲ​တည်​၏​”​ဟု အသံ​ကို​လွှင့်​၍ ချီးမွမ်းသီဆို​ကြ​သောအခါ ထာဝရဘုရား​၏​အိမ်​တော်​တစ်ခုလုံး မိုးတိမ်​များ​ဖုံးလွှမ်း​သွား​လေ​၏​။

ဆာ​လံ 18:4

သေ​ခြင်း​၏​ကြိုး​တို့​သည် ငါ့​ကို​ရစ်ပတ်​ထား​ပြီး ဖျက်ဆီး​ခြင်း​ရေအဟုန်​တို့​သည် ငါ့​ကို​ခြောက်လှန့်​နေ​ပါ​၏​။

ဟေ​ရှာ​ယ 19:2

“​ငါ​သည် အီဂျစ်​ပြည်သား​တို့​ကို အချင်းချင်း​ဆန့်ကျင်​ရန် လှုံ့ဆော်​၍ သူ​တို့​သည် ညီအစ်ကို​အချင်းချင်း​၊ အိမ်နီးချင်း​အချင်းချင်း​၊ မြို့​အချင်းချင်း​၊ နိုင်ငံ​အချင်းချင်း ဆန့်ကျင်​ကြ​လိမ့်မည်​။

ယေ​ဇ​ကျေ​လ 38:21

ဘုရားရှင်​ထာဝရဘုရား​က ‘ငါ​၏​တောင်​ရှိသမျှ​တို့​မှ ဓား​ကို​ဆင့်ခေါ်​၍ ဂေါဂ​မင်းကြီး​ကို တိုက်ခိုက်​မည်​။ လူ​တို့​သည် တစ်ဦး​ကို​တစ်ဦး ဓား​ဖြင့်​ခုတ်သတ်​ကြ​လိမ့်မည်​။

ယော​ရှု 6:16

ခုနစ်​ပတ်​မြောက်​တွင် ယဇ်ပုရောဟိတ်​တို့ တံပိုး​မှုတ်​သောအခါ ယောရှု​က လူ​တို့​အား “​ကြွေးကြော်​ကြ​လော့​။ ထာဝရဘုရား​သည် ဤ​မြို့​ကို သင်​တို့​အား ပေး​တော်မူ​ပြီ​။

သူ​ကြီး 7:22

လူ​သုံး​ရာ​တို့ တံပိုး​မှုတ်​သောအခါ ထာဝရဘုရား​သည် တပ်စခန်း​တစ်လျှောက်လုံး​ရှိ စစ်သည်​အချင်းချင်း​ဓား​ဖြင့်​တိုက်ခိုက်​စေ​တော်မူ​၏​။ စစ်သည်​တို့​သည် ဇေရရတ်​အရပ်​၊ ဗက်ရှိတ္တ​မြို့​မှ တဗွတ်​မြို့​အနီး အာဗေလမဟောလ​မြို့​နား​တိုင်အောင် ထွက်ပြေး​ကြ​၏​။

၁ ရာ 14:16

ဗင်္ယာမိန်​နယ်​၊ ဂိဗာ​မြို့​တွင် ရှောလု​မင်းကြီး​၏​ကင်းစောင့်​တို့​သည် ဖိလိတ္တိ​စစ်သည်​များ တပ်ပျက်​၍ ဟိုဟိုသည်သည်​ပြေးလွှား​နေ​ကြ​သည်​ကို မြင်​လျှင်

၁ ရာ 14:20

ရှောလု​မင်းကြီး​နှင့် သူ​၌​ရှိ​သော​လူ​အပေါင်း​တို့​သည် စုရုံး​၍ စစ်မြေပြင်​သို့​ချီသွား​ကြ​လျှင် ဖိလိတ္တိ​စစ်သည် အချင်းချင်း​ဓား​နှင့် ခုတ်သတ်​ကြ​၍ ဝရုန်းသုန်းကား​ဖြစ်​နေ​ကြ​သည်​ကို​တွေ့​လိုက်​ရ​၏​။