၂ ရာ​ချုပ် 2:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ အကျွန်ုပ်​တို့​၏​ဘုရားသခင်​သည် ဘုရား​တကာ​တို့​ထက်​ကြီးမြတ်​သော​ဘုရား ဖြစ်​တော်မူ​သောကြောင့် အကျွန်ုပ်​ဆောက်လုပ်​ရ​မည့်​အိမ်​တော်​သည်​လည်း ကြီးမြတ်​ရ​ပါ​လိမ့်မည်​။

Common Language Bible

⁵ ကျွန်ုပ်​တို့​၏​ဘု​ရား​သ​ခင်​သည်​ဘု​ရား​တ​ကာ တို့​ထက်​ကြီး​မြတ်​သည်​ဖြစ်​၍ ကျွန်ုပ်​သည်​ကြီး ကျယ်​ခမ်း​နား​သည့်​ဗိ​မာန်​တော်​ကို​တည် ဆောက်​ရန်​ရည်​ရွယ်​ပါ​၏။-

Garrad Bible

⁵ ကျွန်ုပ် တို့ ဘု ရား သ ခင် သည် ဘု ရား တ ကာ တို့ ထက် ကြီး မြတ် တော် မူ သည် နှင့် အ ညီ ကျွန်ုပ် တည် ဆောက် အံ့ သော ဗိ မာန် လည်း ကြီး မြတ် သင့် ပါ ၏။

Judson Bible

⁵ ငါ​တည်​ဆောက်​ရ​သော အိမ်​တော်​သည် ကြီး​ရ​မည်။ ငါ​တို့​ဘု​ရား​သ​ခင်​သည် ဘု​ရား​တ​ကာ​တို့​ထက် ကြီး​မြတ်​တော်​မူ၏။

၂ ရာ​ချုပ် 2:5 ပူးပေါင်းရင်းမြစ်များ

၃ ရာ 8:27

အကယ်စင်စစ် ဘုရားသခင်​သည် ဤ​မြေကြီး​ပေါ်တွင် ကိန်းဝပ်​တော်မူ​မည်လော​။ ကြည့်ရှု​လော့​။ ကောင်းကင်​သာမက အမြင့်ဆုံးသောကောင်းကင်ကြီး​ပင် ကိုယ်တော်​နှင့်​မ​ဆံ့​နိုင်​ပါ​။ သို့ဖြစ်၍ အကျွန်ုပ်​ဆောက်ထား​သော​ဤ​အိမ်​တော်​ကား အဘယ်ဆိုဖွယ်​ရာ​ရှိ​ပါ​လိမ့်​မည်နည်း​။

၃ ရာ 9:8

ဤ​သန့်ရှင်းမြင့်မြတ်​သော​အိမ်​တော်​အနား​မှ ဖြတ်သွား​သော​သူ​တိုင်း အံ့အားသင့်​လျက် ကဲ့ရဲ့​ကြ​လိမ့်မည်​။ ‘​ဤ​ပြည်​နှင့် ဤ​အိမ်​တော်​ကို အဘယ်ကြောင့် ထာဝရဘုရား ဤသို့​ပြု​တော်မူ​သနည်း​’​ဟု ဆို​ကြ​လိမ့်မည်​။

၁ ရာ​ချုပ် 16:25

အကြောင်းမူကား ထာဝရဘုရား​သည် ကြီးမြတ်​တော်မူ​၏​။ ချီးမွမ်းဖွယ်​အလွန်​ကောင်း​၏​။ ဘုရား​တကာ​တို့​ထက် ကြောက်ရွံ့ရိုသေဖွယ် ကောင်း​လှ​၏​။

၁ ရာ​ချုပ် 29:1

ထို့နောက် ဒါဝိဒ်​မင်းကြီး​သည် လူထု​တစ်ရပ်လုံး​အား “​ဘုရားသခင်​ရွေးချယ်​တော်မူ​သော​ငါ့​သား​ရှောလမုန်​သည် ငယ်ရွယ်​၍ အတွေ့အကြုံ​မ​ရှိ​သေး​။ သို့သော် သူ​လုပ်ဆောင်​ရ​မည့်​အလုပ်​မှာ ကြီးမြတ်​လှ​၏​။ သူ​ဆောက်လုပ်​ရ​မည့်​ဗိမာန်တော်​သည် လူ​အဖို့​မ​ဟုတ်​၊ ဘုရားသခင်​ထာဝရဘုရား​အဖို့ ဖြစ်​၏​။

၁ ရာ​ချုပ် 29:14

အကျွန်ုပ်​တို့​အား ဤမျှလောက်​စေတနာစိတ်​နှင့်​ပေးလှူ​နိုင်​ခွင့်​ကို​ပေးသနား​သည်​မှာ အကျွန်ုပ်​ကား မည်သူ​ဖြစ်​ပါ​သနည်း​။ အကျွန်ုပ်​၏​လူ​တို့​ကား မည်သူ​တို့​ဖြစ်​ကြ​ပါ​သနည်း​။ အရာခပ်သိမ်း​တို့​သည် ကိုယ်တော့်​ထံမှ​ဖြစ်၍ ကိုယ်တော်​ပိုင်​သမျှ​ကို အကျွန်ုပ်​တို့ ပြန်လည်​ပေးလှူ​ကြ​ပါ​၏​။

၂ ရာ​ချုပ် 2:9

အကျွန်ုပ်​တည်ဆောက်​ရ​မည့်​အိမ်​တော်​သည် အလွန်​ကြီးကျယ်ခမ်းနား​သောကြောင့် သစ်သား​အမြောက်အမြား​လို​ပါ​၏​။

၂ ရာ​ချုပ် 29:11

ငါ့​သား​တို့​၊ ယခု မ​ပေါ့ဆ​ကြ​နှင့်​။ ထာဝရဘုရား​ရှေ့​တော်​တွင် ရပ်​၍​အမှု​တော်​ထမ်းဆောင်​ရန်​နှင့် ရှေ့​တော်​တွင် အမှု​တော်​ဆောင်​အဖြစ် နံ့သာပေါင်း​မီးရှို့ပူဇော်​ရန်​အတွက် သင်​တို့​ကို ထာဝရဘုရား ရွေးချယ်​တော်မူ​ပြီ​”​ဟု မိန့်ဆို​၏​။

၂ ရာ​ချုပ် 6:18

အကယ်စင်စစ် ဘုရားသခင်​သည် လူသား​တို့​နှင့်အတူ ဤ​မြေကြီး​ပေါ်တွင် ကိန်းဝပ်​တော်မူ​မည်လော​။ ကြည့်ရှု​လော့​။ ကောင်းကင်​သာမက အမြင့်ဆုံးသောကောင်းကင်ကြီး​ပင် ကိုယ်တော်​နှင့်​မ​ဆံ့​နိုင်​ပါ​။ သို့ဖြစ်၍ အကျွန်ုပ်​ဆောက်​ထား​သော​ဤ​အိမ်​တော်​ကား အဘယ်​ဆိုဖွယ်ရာ​ရှိ​ပါ​လိမ့်​မည်နည်း​။

ဆာ​လံ 135:5

အကြောင်းမူကား ထာဝရဘုရား​သည် ကြီးမြတ်​တော်မူ​ကြောင်း​၊ ငါ​တို့​၏​အရှင်​သည် ဘုရား​တကာ​တို့​ထက် မြင့်မြတ်​တော်မူ​ကြောင်း​ကို ငါ​သိ​၏​။

ဆာ​လံ 145:3

ထာဝရဘုရား​သည် ကြီးမြတ်​တော်မူ​၍ အလွန်​ချီးမွမ်းဖွယ်​ဖြစ်​တော်မူ​၏​။ ကိုယ်တော်​၏​ကြီးမြတ်​တော်မူ​ခြင်း​ကို စူးစမ်း​၍​မ​ကုန်​နိုင်​။

ဆာ​လံ 148:4

အမြင့်ဆုံးသောကောင်းကင်​နှင့် ကောင်းကင်​အထက်​မှ​ရေ​များ​တို့​၊ ကိုယ်တော်​ကို ချီးမွမ်း​ကြ​လော့​။

ထွက်​မြောက် 15:11

အို ထာဝရဘုရား​၊ ဘုရား​တို့​တွင် အဘယ်မည်သော​ဘုရား​သည် ကိုယ်တော်​နှင့်​တူ​ပါ​သနည်း​။ သန့်ရှင်း​ခြင်း​ကြောင့် ဘုန်းကြီး​တော်မူ​သော​၊ ဘုန်းအသရေ​ကြောင့် ကြောက်ရွံ့ဖွယ်​ဖြစ်​တော်မူ​သော​၊ အံ့ဖွယ်​သော​အမှု​ကို​ပြု​တော်မူ​သော ကိုယ်တော်​နှင့် အဘယ်သူ​တူ​ပါ​သနည်း​။

ထွက်​မြောက် 18:11

သူ​တို့​သည် အစ္စရေး​လူမျိုး​တို့​ကို ဖိနှိပ်ညှဉ်းဆဲ​သော​အမှုအရာ​ကြောင့် ထာဝရဘုရား​သည် ဘုရား​ရှိသမျှ​တို့​ထက် ကြီးမြတ်​တော်မူ​ကြောင်း​ကို ယခု​ငါ​သိ​ပြီ​”​ဟု ဆို​၏​။

ဟေ​ရှာ​ယ 66:1

ထာဝရဘုရား​က “​ကောင်းကင်ဘုံ​သည် ငါ​၏​ပလ္လင်​ဖြစ်​၏​။ မြေကြီး​သည် ငါ​၏​ခြေတင်ခုံ​ဖြစ်​၏​။ ငါ့​အတွက် အိမ်​ကို အဘယ်မှာ​ဆောက်​မည်နည်း​။ ငါ​ကိန်းဝပ်​ရာ​အရပ်​ကား အဘယ်မှာ​နည်း​”​ဟု မိန့်​တော်မူ​၏​။

ယေ​ရ​မိ 10:6

အို ထာဝရဘုရား​၊ ကိုယ်တော်​နှင့်​တူ​သော​သူ​မ​ရှိ​ပါ​။ ကိုယ်တော်​သည် ကြီးမြတ်​တော်မူ​၏​။ နာမ​တော်​သည် တန်ခိုး​တော်​ကြောင့် ကြီးမြတ်​ပါ​၏​။

ယေ​ဇ​ကျေ​လ 7:20

သူ​တို့​၏​လှပ​သော​အဆင်တန်ဆာ​များ​ကြောင့် မာနထောင်လွှား​တတ်​ကြ​၏​။ ထို​တန်ဆာ​များ​ဖြင့် စက်ဆုပ်​ရွံရှာဖွယ်​ရုပ်တု​များ​ကို ထုလုပ်​တတ်​ကြ​၏​။ ထို့ကြောင့် ငါ​သည် ထို​တန်ဆာ​တို့​ကို ညစ်ညူးသောအရာ​ကဲ့သို့ ဖြစ်​စေ​မည်​။

၁ တိ 6:15

အချိန်တန်​သောအခါ ဘုရားသခင်​သည် ခရစ်တော်​ကို​ပေါ်ထွန်း​စေ​တော်မူ​လိမ့်မည်။ ဘုရားသခင်​သည် မင်္ဂလာရှိ​တော်မူ​၍ တစ်ပါးတည်း​အုပ်စိုး​တော်မူ​သော​အရှင်၊ ဘုရင်​တကာ​တို့​၏​ဘုရင်၊ အရှင်​တကာ​တို့​၏​အရှင်​ဖြစ်​တော်မူ​၏။