၂ ရာ​ချုပ် 12:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ရောဗောင်​မင်းကြီး​သည် ထာဝရဘုရား​ကို ရှာ​လို​သော​စိတ်​မ​ရှိ​ဘဲ မကောင်းမှု​များ​ကို​သာ ပြု​ခဲ့​၏​။

Common Language Bible

¹⁴ မင်း​ကြီး​သည်​ထာ​ဝ​ရ​ဘု​ရား​၏​အ​လို​တော် ကို​ရှာ​လို​စိတ်​မ​ရှိ​သ​ဖြင့်​ဒု​စ​ရိုက်​ကို​ပြု တော်​မူ​၏။

Garrad Bible

¹⁴ ထာ ဝ ရ ဘု ရား ကို ရှာ ဖွေ ရန် စိတ် မ စွဲ လမ်း သော ကြောင့် ဆိုး သွမ်း မှု ကို ပြု မိ လေ ၏။

Judson Bible

¹⁴ ထာ​ဝ​ရ​ဘု​ရား​ကို ရှာ​လို​သော​ငှာ၊ မိ​မိ​သ​ဘော မ​ချ​သော​ကြောင့်၊ ဒု​စ​ရိုက်​အ​မှု​ကို​ပြု၏။

၂ ရာ​ချုပ် 12:14 ပူးပေါင်းရင်းမြစ်များ

၃ ရာ 14:22

ယုဒ​လူမျိုး​တို့​သည်​လည်း ထာဝရဘုရား​ရှေ့​တော်​တွင် မကောင်းမှု​ကို​သာ ပြု​ကြ​၏​။ ဘိုးဘေး​တို့​ပြု​သမျှ​ထက် သူ​တို့​ပြစ်မှား​သော​အပြစ်​က ထာဝရဘုရား​ကို ပို၍​အမျက်ထွက်​စေ​၏​။

၁ ရာ​ချုပ် 29:18

အကျွန်ုပ်​တို့​၏​ဘိုးဘေး​များ​ဖြစ်​သော အာဗြဟံ​၊ ဣဇက်​၊ အစ္စရေး​တို့​၏​ဘုရားသခင်​ထာဝရဘုရား​၊ ကိုယ်တော့်​လူမျိုး​တော်​တို့​၏​စိတ်နှလုံး​အကြံအစည်​များ​၊ စိတ်ဆန္ဒ​များ​ကို ယခု​ကဲ့သို့​အစဉ်အမြဲ​ဖြစ်​စေရန် စောင့်ထိန်း​ပေး​တော်မူ​ပါ​။ ကိုယ်တော့်​အဖို့ စိတ်နှလုံး​အသင့်ရှိ​သော​သူ​များ ဖြစ်​စေ​တော်မူ​ပါ​။

၂ ရာ​ချုပ် 11:16

ထို့နောက်တွင် အစ္စရေး​အမျိုးအနွယ်​အားလုံး​ထဲမှ အစ္စရေး​လူမျိုး​၏​ဘုရားသခင်​ထာဝရဘုရား​ကို​ရှာ​ရန် စိတ်ပိုင်းဖြတ်​ထား​သော​သူ​တို့​သည် ဘိုးဘေး​တို့​၏​ဘုရားသခင်​ထာဝရဘုရား​ကို ယဇ်ပူဇော်​ရန် လေဝိ​အမျိုး​တို့​နှင့်အတူ ဂျေရုဆလင်​မြို့​သို့ လိုက်လာ​ကြ​၏​။

၂ ရာ​ချုပ် 19:3

သို့သော် မင်းကြီး​၌ ကောင်း​သော​အရာ ရှိ​၏​။ မင်းကြီး​သည် တိုင်းပြည်​တွင်​ရှိ​သော အာရှရ​နတ်ဘုရားမ​တံခွန်တိုင်​တို့​ကို ဖယ်ရှား​ပြီး ဘုရားသခင်​ကို​ရှာ​လို​သော​စိတ်​ရှိ​လေ​ပြီ​”​ဟု သူ့​အား ဆို​၏​။

၂ ရာ​ချုပ် 30:19

ဤ​လူ​အပေါင်း​တို့​သည် သန့်ရှင်းရာဌာန​၏​သန့်ရှင်း​ခြင်း​နည်း​အတိုင်း​မ​ဟုတ်​သော်လည်း သူ​တို့​၏​ဘိုးဘေး​တို့​ဘုရားသခင်​ထာဝရဘုရား​ဖြစ်​တော်မူ​သော​ဘုရားသခင်​ကို​ရှာ​ရန် စိတ်ပိုင်းဖြတ်​ထား​သည်​ဖြစ်​၍ သူ​တို့​၏​အပြစ်​ကို ဖြေလွှတ်​တော်မူ​ပါ​”​ဟု သူ​တို့​အတွက် ဆုတောင်း​ပေး​သောကြောင့်​ဖြစ်​၏​။

ဆာ​လံ 57:7

အို ဘုရားသခင်​၊ အကျွန်ုပ်​၏​စိတ်နှလုံး​သည် တည်ကြည်​ပါ​၏​။ အကျွန်ုပ်​၏​စိတ်နှလုံး​သည် တည်ကြည်​ပါ​၏​။ အကျွန်ုပ်​သည် သီချင်းဆို​၍ သီဆိုချီးမွမ်း​ပါ​မည်​။

ဆာ​လံ 78:37

သူ​တို့​၏​စိတ်နှလုံး​သည် ကိုယ်တော့်​အပေါ်​မ​တည်ကြည်​။ ကိုယ်တော်​၏​ပဋိညာဉ်​တော်​အပေါ်​၌​လည်း သစ္စာ​မ​ရှိ​ကြ​ပေ​။

ဆာ​လံ 78:8

ထိုသို့​အားဖြင့် သူ​တို့​သည် သူ​တို့​၏​ဘိုးဘေး​များ​ကဲ့သို့ ဖြစ်​ကြ​တော့​မည်​မ​ဟုတ်​။ ထို​ဘိုးဘေး​တို့​သည် ခေါင်းမာ​၍ ပုန်ကန်​တတ်​သည့်​မျိုးဆက်​၊ သူ​တို့​၏​စိတ်နှလုံး​တည်ကြည်​ခြင်း​မ​ရှိ​သကဲ့သို့ သူ​တို့​၏​ဝိညာဉ်​သည်​လည်း ဘုရားသခင်​အပေါ် သစ္စာ​မ​ရှိ​သော​မျိုးဆက်​ဖြစ်​ကြ​၏​။

ဟေ​ရှာ​ယ 45:19

ငါ​သည် မြေကြီး​၏​မှောင်မိုက်​သော​အရပ်​၌ လျှို့ဝှက်​စွာ​မ​မြွက်ဆို​။ ယာကုပ်​၏​သားစဉ်မြေးဆက်​အား “​ငါ့​ကို အချည်းနှီး​ရှာ​ကြ​လော့​”​ဟု ငါ​မ​ပြော​။ ငါ​သည် ဖြောင့်မတ်​သော​စကား​ကို မြွက်ဆို​၍ ဟုတ်မှန်​သော​အရာ​တို့​ကို ဖော်ပြ​သော ထာဝရဘုရား​ဖြစ်​၏​။

ယေ​ဇ​ကျေ​လ 33:31

သူ​တို့​သည် ငါ့​လူမျိုး​တော်​ကဲ့သို့ သင့်​ထံ​လာ​၍ သင့်​ရှေ့​တွင်​ထိုင်​လျက် သင့်​စကား​ကို နားထောင်​ကြ​သော်လည်း မ​လိုက်နာ​ဘဲ​နေ​၏​။ သူ​တို့​၏​နှုတ်​သည် ချစ်​ဖွယ်​စကား​ကို ပြောဆို​ကြ​၏​။ သူ​တို့​၏​စိတ်​မူကား မတရား​သော​အကျိုး​စီးပွား​ကို စွဲလမ်း​ကြ​၏​။

မဿဲ 7:7

တောင်း​ကြ​လော့။ တောင်း​လျှင် သင်​တို့​ရ​ကြ​လိမ့်မည်။ ရှာ​ကြ​လော့။ ရှာ​လျှင် သင်​တို့​တွေ့​ကြ​လိမ့်မည်။ တံခါး​ကို​ခေါက်​ကြ​လော့။ ခေါက်​လျှင် သင်​တို့​ကို ဖွင့်​ပေး​လိမ့်မည်။

၁ ကော 15:58

ထို့ကြောင့် ငါ​ချစ်​သော​ညီအစ်ကို​တို့၊ သခင်​ဘုရား​၌ သင်​တို့​၏​ကြိုးပမ်း​အားထုတ်​မှု​သည် အချည်းနှီး​မ​ဖြစ်​ကြောင်း​သိမှတ်​၍ ခိုင်မြဲ​စွာ​ရပ်တည်​လျက် ဖောက်ပြန်​ရွေ့လျော​ခြင်း​မ​ရှိ​ဘဲ သခင်​ဘုရား​၏​အမှု​တော်​ကို အစဉ်အမြဲ စွမ်းစွမ်းတမံ​ဆောင်ရွက်​ကြ​လော့။

၁ ကော 16:13

သတိ​ဝီရိယ​ရှိ​ကြ​လော့။ ယုံကြည်​ခြင်း​၌ ခိုင်မြဲ​စွာ​ရပ်တည်​ကြ​လော့။ ရဲစွမ်းသတ္တိ​ရှိ​ကြ​လော့။ ကြံ့ခိုင်​သန်စွမ်း​ကြ​လော့။

တ​ရား​ဟော 5:29

ငါ့​ကို​ကြောက်ရွံ့​၍ ငါ​၏​ပညတ်တော်​အလုံးစုံ​ကို အစဉ်အမြဲ​စောင့်ထိန်း​မည့်​စိတ်သဘော သူ​တို့​၌ ရှိ​မည်​ဆိုလျှင် သူ​တို့​နှင့်​သူ​တို့​၏​သားမြေး​တို့​သည် အစဉ်​ကောင်းစား​လိမ့်မည်​။

၁ ရာ 7:3

ထိုအခါ ရှမွေလ​က အစ္စရေး​အမျိုးသား​အပေါင်း​တို့​အား “​သင်​တို့​သည် စိတ်နှလုံး​အကြွင်းမဲ့ ထာဝရဘုရား​ထံ​တော်​သို့​ပြန်လာ​လို​လျှင် သင်​တို့​တွင်​ရှိ​သော​တိုင်းတစ်ပါးသား​တို့​၏​ဘုရား​များ​၊ အာရှတရက်​ဘုရား​များ​ကို ဖယ်ရှား​ရ​မည်​။ ထာဝရဘုရား​ထံ၌​သာ စိတ်အာရုံပြု​၍ ကိုယ်တော်​တစ်ပါးတည်း​ကို​သာ ဝတ်ပြု​ရ​မည်​။ သို့ပြုလျှင် သင်​တို့​ကို ဖိလိတ္တိ​လူမျိုး​တို့​လက်​မှ ကယ်နုတ်​တော်မူ​လိမ့်မည်​”​ဟု ဆို​၏​။