၂ ရာ 6:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ ထို့နောက် အိမ်သူအိမ်သား​တို့​ကို ကောင်းချီးပေး​ရန် ဒါဝိဒ်​မင်းကြီး ပြန်လာ​သောအခါ ရှောလု​၏​သမီး မိခါလ​သည် ထွက်လာ​၍ ဒါဝိဒ်​မင်းကြီး​ကို ကြိုဆို​ပြီး “​ယနေ့​တွင် အစ္စရေး​ဘုရင်​သည် ကျွန်ယောက်ျား​၊ ကျွန်မိန်းမ​များ​ရှေ့​၌ စိတ်လွတ်ကိုယ်လွတ်​ကခုန်​နေ​သည်​မှာ ကျက်သရေ​ရှိ​လှ​ပါ​သည်​တကား​။ လူမိုက်​တစ်​ယောက် စိတ်လွတ်ကိုယ်လွတ်​ပြုမူ​သကဲ့သို့​ပါ​တကား​”​ဟု ဆို​၏​။

Common Language Bible

²⁰ ဒါ​ဝိဒ်​သည်​မိ​မိ​၏​အိမ်​ထောင်​စု​သား​တို့​အား နှုတ်​ဆက်​ရန်​နန်း​တော်​သို့​ပြန်​သော​အ​ခါ ရှော​လု ၏​သ​မီး​တော်​မိ​ခါ​လ​သည်​သူ့​အား​ကြို​ဆို ရန်​ထွက်​လာ​၏။ မိ​ခါ​လ​က``ပေါ့​ပျက်​သူ​အ ရှက်​မဲ့​အ​ဝတ်​လှစ်​သည့်​နည်း​တူ​အ​ရာ​ရှိ​တို့ ၏​ကျွန်​မိန်း​မ​တို့​ရှေ့​တွင်​မိ​မိ​ကိုယ်​ကို​အ​ဝတ် လှစ်​သော​ဣ​သ​ရေ​လ​ဘု​ရင်​သည်​ယ​နေ့ အ​လွန်​ဘုန်း​ကြီး​ပါ​သည်​တ​ကား'' ဟု ဆို​၏။

Garrad Bible

²⁰ နန်း တော် သား တို့ ကို ကောင်း ကြီး ပေး အံ့ သော ငှါ ဒါ ဝိဒ် မင်း ဝင် ရောက် သော အ ခါ ရှော လု မင်း သ မီး တော် မိ ခါ လ သည် ကြို ဆို လျက် တင် လျှောက် သည် မှာ ပေါ့ ပျက် သူ အ ရှက် မဲ့ အ ဝတ် လစ် သည့် နည်း တူ၊ ကျေး ကျွန် သင်း ပင်း တို့၏ ကျွန် မိန်း မ များ ရှေ့ တွင် ပင် အ ဝတ် လစ် သော ဣ သ ရေ လ ဘု ရင် သည် ယ နေ့ အ လွန် ဘုန်း တော် ကြီး ပါ သည် တ ကား ဟု လျှောက် ဆို သော်

Judson Bible

²⁰ ထို​နောက် ဒါ​ဝိဒ်​သည် နန်း​တော်​သား​တို့​ကို ကောင်း​ချီး​ပေး​ခြင်း​ငှာ သွား၍​ရောက်​သော​အ​ခါ၊ ရှော​လု၏​သ​မီး မိ​ခါ​လ​သည် ဆီး၍​ကြို​လျက်၊ လျှပ်​ပေါ်​သော​သူ​သည် အ​ရှက်​မ​ရှိ​ဘဲ ကိုယ်​အ​ဝတ်​ကို​ချွတ်​သ​ကဲ့​သို့၊ ယ​နေ့ ကျွန်​ယောက်ျား ကျွန်​မိန်း​မ​များ​ရှေ့​တွင် အ​ဝတ်​တော်​ကို​ချွတ်​သော ဣ​သ​ရေ​လ​ရှင်​ဘု​ရင်​သည်၊ ယ​နေ့​အ​ဘယ်​မျှ​လောက် ဘုန်း​ကြီး​တော်​မူ​ပါ​သည်​တ​ကား​ဟု ဆို၏။

၂ ရာ 6:20 ပူးပေါင်းရင်းမြစ်များ

ကမ္ဘာ​ဦး 18:19

အကြောင်းမူကား အာဗြဟံ​သည် သူ​၏​သားသမီး​တို့​နှင့် နောင်လာမည့်​သူ​၏​အမျိုးအနွယ်​တို့​အား ဖြောင့်မတ်​သော​အမှု​၊ တရားမျှတ​သော​အမှု​ကို​ပြုကျင့်​၍ ထာဝရဘုရား​၏​လမ်း​တော်​ကို​စောင့်ထိန်း​ကြ​စေရန် မှာကြား​ခြင်း​အားဖြင့် သူ့​အား​ထာဝရဘုရား​မိန့်​တော်မူ​ခဲ့​သော​အရာ​ကို သူ​၌​ပြည့်စုံ​စေ​မည့်​အကြောင်း သူ့​ကို ငါ​ရွေးကောက်​ထား​ပြီ​”​ဟု မိန့်​တော်မူ​၏​။

၂ ရာ 6:14

ဒါဝိဒ်​မင်းကြီး​သည် ပိတ်ချော​ဧဖုဒ်​ကို ဝတ်ဆင်​ပြီး ထာဝရဘုရား​ရှေ့​တော်​တွင် ဝမ်းသာအားရ​ကခုန်​လေ​၏​။

၂ ရာ 6:16

ဒါဝိဒ်​မြို့​တွင်း​သို့ ထာဝရဘုရား​၏​သေတ္တာ​တော် ဝင်ရောက်​လာ​သောအခါ ရှောလု​မင်းကြီး​၏​သမီး​တော် မိခါလ​သည် ပြတင်းပေါက်​မှ​လှမ်းကြည့်​ရာ ဒါဝိဒ်​မင်းကြီး​သည် ထာဝရဘုရား​ရှေ့​တော်​တွင် က​ခုန်​လျက်​လိုက်ပါ​လာ​သည်​ကို မြင်​လျှင် သူ့​စိတ်​ထဲတွင် ဒါဝိဒ်​မင်းကြီး​ကို မထီလေးစားပြု​မိ​လေ​၏​။

၂ ရာ 6:18

ထိုသို့ မီးရှို့ရာယဇ်​နှင့် မိတ်သဟာယယဇ်​တို့​ကို ပူဇော်​ပြီး​သောအခါ ဒါဝိဒ်​မင်းကြီး​သည် ကောင်းကင်​ဗိုလ်ခြေ​အရှင် ထာဝရဘုရား​၏​နာမ​တော်​၌ လူ​တို့​ကို ကောင်းချီးပေး​လေ​၏​။

၂ ရာ 6:19

ထို့နောက် အစ္စရေး​လူထု​တစ်ရပ်လုံး​အား ယောက်ျား​မိန်းမ မကျန် တစ်ဦး​လျှင် မုန့်​တစ်​လုံး​၊ အသား​တစ်​တုံး​၊ စပျစ်ပျဉ်​တစ်​ချပ် ဝေပေး​၏​။ ထို့နောက် လူ​အပေါင်း​တို့​သည် အသီးသီး​ကိုယ့်​အိမ်​သို့ ပြန်သွား​ကြ​၏​။

၁ ရာ​ချုပ် 16:43

ထို့နောက် လူ​အပေါင်း​တို့​သည် အသီးသီး​ကိုယ့်​အိမ်​သို့​ပြန်သွား​ကြ​၏​။ ဒါဝိဒ်​မင်းကြီး​သည်​လည်း မိမိ​အိမ်သူအိမ်သား​တို့​ကို ကောင်းချီးပေး​ရန် ပြန်သွား​လေ​၏​။

ယောဘဝတ္တု။ 30:8

လူမိုက်​သားသမီး​များ​၊ နာမည်ပျက်သူ​၏​သားသမီး​များ​ဖြစ်၍ သူ​တို့​၏​ပြည်​မှ​နှင်ထုတ်​ခံရ​ကြ​၏​။

ဆာ​လံ 101:2

စုံလင်​သော​တရားလမ်း​ကို ဂရုပြု​ပါ​မည်​။ ကိုယ်တော်​သည် အကျွန်ုပ်​ထံသို့ မည်သည့်​အချိန်​မှ ကြွလာ​တော်မူ​မည်နည်း​။ အကျွန်ုပ်​သည် မိမိ​အိမ်​ထဲ​၌ တည်ကြည်​သော စိတ်နှလုံး​ဖြင့် အသက်ရှင်​လျှောက်လှမ်း​ပါ​မည်​။

ဆာ​လံ 30:1

အို ထာဝရဘုရား​၊ ကိုယ်တော်​သည် အကျွန်ုပ်​ကို​ဆွဲတင်​တော်မူ​ပြီး အကျွန်ုပ်​၏​ရန်သူ​တို့​အား အကျွန်ုပ်​ကြောင့် ဝမ်းမြောက်​ရ​သော​အခွင့်​ကို ပေး​တော်​မ​မူ​သောကြောင့် ကိုယ်တော်​ကို အကျွန်ုပ်​ချီးမြှောက်​ပါ​မည်​။

ဒေသနာကျမ်း။ 7:17

လွန်ကဲ​စွာ​မ​ဆိုးယုတ်​နှင့်​။ မိုက်မဲ​သော​သူ​လည်း မ​ဖြစ်​နှင့်​။ သင်​၏​အချိန်​မ​ရောက်​မီ အဘယ်ကြောင့် သေ​လို​သနည်း​။

ရှင်မာကု 14:66

ပေတရု​သည် ခြံဝင်း​အောက်​ဘက်​၌​ရှိ​စဉ် ယဇ်ပုရောဟိတ်​မင်း​၏​အစေခံ​မိန်းမ​တစ်​ဦး​သည်​လာ​၍

ရှင်မာကု 3:21

ကိုယ်တော်​၏​ဆွေမျိုးသားချင်း​တို့​သည်​ကြား​လျှင် ကိုယ်တော်​ကို​ထိန်းချုပ်​ရန် ထွက်လာ​ကြ​၏။ အကြောင်းမှာ “သူ​သည် စိတ်​ဖောက်ပြန်​နေ​ပြီ”​ဟု လူ​တို့​ပြောဆို​နေ​ကြ​သောကြောင့်​ဖြစ်​၏။

ရှင်ယောဟန် 13:6

ဤသို့ဖြင့် ရှိမုန်​ပေတရု​ထံ​ရောက်​တော်မူ​သောအခါ ပေတရု​က “သခင်​ဘုရား၊ ကိုယ်တော်​သည် အကျွန်ုပ်​၏​ခြေ​ကို ဆေး​တော်မူ​မည်​လော”​ဟု လျှောက်​လေ​၏။

ယော​ရှု 24:15

ထာဝရဘုရား​ကို ဝတ်​မ​ပြု​သင့်​ဟု သင်​တို့​ထင်မှတ်​လျှင် ယနေ့ သင်​တို့​ဝတ်ပြု​လို​သည့်​ဘုရား​ကို သင်​တို့​ရွေးချယ်​လော့​။ ယူဖရေးတီး​မြစ်​တစ်ဖက်ကမ်း​၌ သင်​တို့​ဘိုးဘေး​ဝတ်ပြု​ခဲ့​သော​အခြား​ဘုရား​များ​ကို ဝတ်ပြု​မည်လော​၊ သင်​တို့​နေထိုင်​ရာ​ပြည်​ရှိ အာမောရိ​လူမျိုး​တို့​၏​ဘုရား​ကို ဝတ်ပြု​မည်လော​။ ငါ​နှင့်​ငါ့​အိမ်သူအိမ်သား​တို့​မူကား ထာဝရဘုရား​ကို​သာ ဝတ်ပြု​မည်​”​ဟု ဆို​၏​။

သူ​ကြီး 9:4

သူ​တို့​သည် ဗာလဗေရိတ်​ဝတ်ကျောင်း​ထဲမှ ငွေ​ခုနစ်ဆယ်​ရှယ်ကယ်​ကို အဘိမလက်​အား​ပေး​ရာ သူ​က ထို​ငွေ​ဖြင့် လူဆိုး​လူမိုက်​တို့​ကို ငှားရမ်း​၍ သူ့​နောက်​လိုက်​စေ​၏​။

၁ ရာ 14:49

ရှောလု​မင်းကြီး​၏​သား​များ​မှာ ယောနသန်​၊ ဣရွှိ​၊ မေလခိရွှ တို့​ဖြစ်​ကြ​၏​။ သမီး​နှစ်​ဦး​ရှိ​၍ သမီးကြီး​၏​အမည်​မှာ မေရပ် ဟု​ခေါ်​ပြီး သမီးငယ်​၏​အမည်​မှာ မိခါလ ဟု​ခေါ်​၏​။

၁ ရာ 18:20

ရှောလု​မင်းကြီး​၏​သမီး မိခါလ​သည် ဒါဝိဒ်​ကို ချစ်နှစ်သက်​နေ​ကြောင်း လျှောက်တင်​ကြ​သောအခါ ရှောလု​မင်းကြီး​စိတ်ကြိုက်​တွေ့​သွား​၏​။