၂ ရာ 18:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ဒါဝိဒ်​မင်းကြီး​သည် မြို့​တံခါး​နှစ်​ခု​ကြား​တွင် ထိုင်​နေစဉ် ကင်းစောင့်​တစ်​ယောက်​သည် မြို့ရိုး​မှတစ်ဆင့် မြို့​တံခါး​အမိုး​ပေါ်သို့ တက်​၍​မျှော်ကြည့်​ရာ လူ​တစ်ယောက်တည်း​ပြေးလာ​နေ​သည်​ကို တွေ့​ရ​၏​။

Common Language Bible

²⁴ ဒါ​ဝိဒ်​သည်​မြို့​အ​ပြင်​တံ​ခါး​နှင့်​အ​တွင်း တံ​ခါး​စပ်​ကြား​တွင်​ရှိ​သော​မြေ​ကွက်​လပ် တွင်​ထိုင်​လျက်​နေ​၏။ ကင်း​စောင့်​သည်​မြို့​ရိုး ပေါ်​သို့​တက်​ပြီး​လျှင် မြို့​တံ​ခါး​အ​မိုး​ပေါ် မှ​ရပ်​၍​ကြည့်​လိုက်​ရာ​လူ​တစ်​ယောက် အ​ဖော်​မ​ပါ​ဘဲ​ပြေး​လာ​သည်​ကို​မြင် သ​ဖြင့်၊-

Garrad Bible

²⁴ ဒါ ဝိဒ် မင်း သည် တံ ခါး တော် နှစ် ထပ် ကြား မှာ ထိုင် နေ ရာ တံ ခါး တော် အ ထက် မြို့ ရိုး ပေါ် သို့ တက် သွား သော ကင်း စောင့် မြော် ကြည့် ၍ လူ တစ် ယောက် ပြေး လာ သည် ကို မြင် လျှင်

Judson Bible

²⁴ ဒါ​ဝိဒ်​သည် မြို့​တံ​ခါး​နှစ်​ထပ်​ကြား​မှာ ထိုင်၍​နေ၏။ ကင်း​စောင့်​တစ်​ယောက်​သည် မြို့​ရိုး​တံ​ခါး​အ​ပေါ် ပြ​အိုး​မိုး​အောက်​သို့​တက်၍ မျှော်​ကြည့်​သ​ဖြင့် လူ​တစ်​ယောက်​တည်း ပြေး​လာ​သည်​ကို မြင်​သော​အ​ခါ၊

၂ ရာ 18:24 ပူးပေါင်းရင်းမြစ်များ

၂ ရာ 13:34

အဗရှလုံ​မှာ ထွက်ပြေး​သွား​နှင့်​ပြီ​ဖြစ်​၏​။ ကင်းစောင့်​လုလင်​တစ်​ဦး​သည် အနောက်ဘက်​သို့​မျှော်ကြည့်​ရာ တောင်စောင်း​လမ်း​တစ်လျှောက်​တွင် လူအုပ်ကြီး​လာ​နေ​သည်​ကို​မြင်​လျှင်

၂ ရာ 18:23

သို့သော် သူ​က “​မည်သို့ပင် ဖြစ်​ပါစေ​။ အကျွန်ုပ် ပြေးလိုက်​ပါရစေ​”​ဟု​သာ ဆို​သဖြင့် ယွာဘ​က “​ပြေးလိုက်​လော့​”​ဟု ဆို​သည်​နှင့် အဟိမတ်​သည် လွင်ပြင်​လမ်း​မှ ပြေးသွား​ရာ ကုရှိ​အမျိုးသား​ကို ကျော်သွား​၏​။

၂ ရာ 18:25

ထို့ကြောင့် ကင်းစောင့်​သည် ရှင်ဘုရင်​အား အော်ဟစ်​လျှောက်တင်​လေ​၏​။ ရှင်ဘုရင်​က​လည်း “​တစ်ယောက်တည်း​ဆို​လျှင် သတင်း​ကြားပြော​ဖို့ ဖြစ်​လိမ့်မည်​”​ဟု မိန့်ဆို​၏​။ ပြေးလာ​သော​သူ​သည် တဖြည်းဖြည်း​နီးလာ​၏​။

၂ ရာ 18:4

ထိုအခါ ရှင်ဘုရင်​က သူ​တို့​အား “​သင်​တို့ ကောင်း​မည်​ထင်​သည့်​အတိုင်း ငါ​ပြု​ပါ​မည်​”​ဟု မိန့်ဆို​ပြီး မြို့​တံခါး​နား​တွင် ရပ်​နေ​ခဲ့​၏​။ လူ​အပေါင်း​တို့​မူကား ရာအုပ်​လိုက်​၊ ထောင်အုပ်​လိုက် ချီသွား​ကြ​လေ​၏​။

၂ ရာ 19:8

ထိုအခါ ရှင်ဘုရင်​သည် ထ​၍​မြို့​တံခါး​၌ သွားထိုင်​၏​။ လူ​အပေါင်း​တို့​က​လည်း “​ကြည့်ရှု​လော့​။ မြို့​တံခါး​၌ ရှင်ဘုရင် ထိုင်​တော်မူ​၏​”​ဟု တစ်ဆင့်စကား​ကြားသိ​ကြ​လျှင် ရှင်ဘုရင်​ထံသို့ လာ​ကြ​၏​။ အစ္စရေး​လူမျိုး​တို့​မူကား မိမိ​တို့​အိမ်​သို့ အသီးသီး​ပြန်ပြေး​ကြ​၏​။

၁ ရာ 4:13

ထို​သူ​ရောက်လာ​သော​အချိန်​တွင် ဧလိ​သည် ဘုရားသခင်​၏​သေတ္တာ​တော်​အတွက် စိတ်ပူပန်​သဖြင့် လမ်း​ဘေး​ထိုင်ခုံ​ပေါ်၌ ထိုင်​လျက်​စောင့်​နေ​၏​။ ထို​သူ​သည် မြို့​ထဲသို့​ရောက်လာ​ပြီး စစ်သတင်း​ကို ပြောကြား​သောအခါ တစ်မြို့လုံး​အော်ဟစ်​ငိုကြွေး​ကြ​၏​။