၂ ရာ 18:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ အဗရှလုံ​အသက်ရှင်​စဉ်က “​ငါ့​နာမည် မပျောက်ပျက်​အောင် စောင့်ထိန်း​ပေး​မည့်​သား မ​ရှိ​”​ဟု ဆို​လျက် ကျောက်တုံး​ကို ယူ​၍ ရှင်ဘုရင်​ချိုင့်ဝှမ်း​တွင် မိမိ​နာမည်​ဖြင့်​သမုတ်​၍ ကျောက်တိုင်​စိုက်ထူ​ခဲ့​၏​။ ထို​ကျောက်တိုင်​ကို ယနေ့​တိုင် “​အဗရှလုံ​ကျောက်တိုင်​”​ဟု ခေါ်ဝေါ်​ကြ​၏​။

Common Language Bible

¹⁸ အ​ဗ​ရှ​လုံ​သည်​မိ​မိ​တွင်​သား​မ​ရှိ​သ​ဖြင့် မိ​မိ​နာ​မည်​မ​တိမ်​ကော​စေ​ရန်​အ​သက်​ရှင် စဉ်​အ​ခါ​က ဘု​ရင့်​ချိုင့်​ဝှမ်း​တွင်​ကျောက်​တိုင် ကို​တည်​ဆောက်​၍ မိ​မိ​၏​နာ​မည်​ဖြင့်​ခေါ်​တွင် စေ​ရာ​အ​ဗ​ရှ​လုံ​ကျောက်​တိုင်​ဟု​ယ​နေ့ တိုင်​အောင်​တွင်​သ​တည်း။

Garrad Bible

¹⁸ အ ဗ ရှ လုံ သည် ကိုယ့် အ မည် မ တိမ် ကော စေ ခြင်း ငှါ သား မ ရှိ ဟု အောက် မေ့၍ အ သက် ရှင် စဉ် အ ခါ မင်း ချိုင့် တွင် ကျောက် တိုင် ကို စိုက် ထူ လျက် ကိုယ့် အ မည် ဖြင့် သ မုတ် ခဲ့ သော ကြောင့် ယ နေ့ တိုင် အောင် အ ဗ ရှ လုံ့ မော် ကွန်း ဟု တွင် လေ သ တည်း။

Judson Bible

¹⁸ အ​ဗ​ရှ​လုံ​သည် အ​သက်​ရှင်​စဉ်​အ​ခါ၊ ငါ၏​နာ​မ​သည် မ​ပျောက် အ​မြဲ​တည်​မည်​အ​ကြောင်း၊ သား​မ​ရှိ​ဟု​ဆို​လျက် ရှင်​ဘု​ရင်​ချိုင့်​တွင် ကိုယ်​အ​ဖို့ ကျောက်​တိုင်​ကို​စိုက်၍ မိ​မိ​နာ​မ​ဖြင့်​သ​မုတ်​သော​ကြောင့်၊ ယ​နေ့​တိုင်​အောင် အ​ဗ​ရှ​လုံ၏​အောင်​တိုင်​ဟူ၍ တွင်​သ​တည်း။

၂ ရာ 18:18 ပူးပေါင်းရင်းမြစ်များ

ကမ္ဘာ​ဦး 11:4

ထိုအခါ သူ​တို့​က “​လာ​ကြ​၊ မြေ​တစ်ပြင်လုံး​သို့​ကွဲလွင့်​မ​သွား​စေရန် ငါ​တို့​အတွက်​မြို့​ကို​လည်းကောင်း​၊ မိုးကောင်းကင်​အထိ ထိပ်ဖျား​ရောက်​သော​ရဲတိုက်​ကို​လည်းကောင်း တည်ဆောက်​၍ ငါ​တို့​နာမည်​ကျော်စော​အောင်​ပြု​ကြ​စို့​”​ဟု ပြောဆို​ကြ​၏​။

ကမ္ဘာ​ဦး 11:9

ထာဝရဘုရား​သည် ထို​နေရာ​တွင် မြေကြီးသား​အပေါင်း​တို့​၏​ဘာသာစကား​ကို ရှုပ်ထွေး​စေ​တော်မူ​၏​။ ထို့ကြောင့် ထို​မြို့​၏​အမည်​ကို ဘေဘီလုံ ဟု​ခေါ်​ကြ​၏​။ ထို့ပြင် ထာဝရဘုရား​သည် သူ​တို့​ကို ထို​အရပ်​မှ မြေ​တစ်ပြင်လုံး​သို့ ကွဲလွင့်​စေ​တော်မူ​၏​။

ကမ္ဘာ​ဦး 14:17

ခေဒေါရလောမာ​မင်းကြီး​မှစ၍ သူ​၏​မဟာမိတ်​ဘုရင်​တို့​ကို လုပ်ကြံ​ရာ​မှ အာဗြံ​ပြန်လာ​သောအခါ သောဒုံ​ဘုရင်​သည် သူ့​ကို​ကြိုဆို​ရန် ဘုရင့်​ချိုင့်ဝှမ်း​တည်းဟူသော ရှာဗက်​ချိုင့်ဝှမ်း​သို့ ထွက်လာ​၏​။

၂ ရာ 14:27

အဗရှလုံ​၌ သား​သုံး​ဦး​၊ သမီး​တစ်​ဦး​ရှိ​၏​။ သမီး​၏​အမည်​မှာ တာမာ​ဖြစ်​ပြီး အလွန်​အဆင်းလှ​သော​မိန်းကလေး​ဖြစ်​၏​။

ဆာ​လံ 109:13

သူ​၏​နောင်လာနောက်သား​သည် မျိုးပြတ်​သွား​ပါစေ​။ ထို​နောင်လာနောက်သား​တို့​၏​နာမည်​သည် နောက်​မျိုးဆက်​၌​ပင်လျှင် ပယ်ဖျက်​ခြင်း​ခံ​ကြ​ရ​ပါစေ​။

ဆာ​လံ 49:11

ထို​သူ​တို့​က မိမိ​တို့​အိမ်​သည် အစဉ်အမြဲ​တည်​၍ မိမိ​တို့​နေထိုင်ရာအရပ်​သည် မျိုးဆက်​အစဉ်အဆက်​တည်​လိမ့်မည်​ဟု ထင်မှတ်​လျက် မြေကွက်​တို့​ကို မိမိ​တို့​အမည်​ဖြင့်​မှည့်ခေါ်​ကြ​၏​။

ဟေ​ရှာ​ယ 22:16

‘​ဤ​နေရာ​၌ မိမိ​အတွက်​သင်္ချိုင်းဂူ​ထွင်း​သော​သူ​၊ မြင့်ရာအရပ်​၌ မိမိ​၏​သင်္ချိုင်းဂူ​ထွင်း​သော​သူ​၊ ကျောက်​ကို​ထွင်း​၍ မိမိ​နေရာ​ကို​လုပ်​သော​သူ သင်​သည် ဤ​နေရာ​နှင့် မည်သို့​ဆိုင်​သနည်း​။ မည်သူ​က သင့်​ကို​အခွင့်ပေး​သနည်း​။

ယေ​ရ​မိ 22:30

‘​ဤ​လူ​ကို သားသမီး​မ​ထွန်းကား​သော​သူ​၊ တစ်သက်လုံး အောင်မြင်မှု​မ​ရ​သော​သူ​’​ဟု မှတ်တမ်းတင်​ကြ​လော့​။ သူ​၏​အမျိုးအနွယ်​တစ်စုံတစ်ယောက်​မျှ ဒါဝိဒ်​မင်းကြီး​၏​ရာဇပလ္လင်​ပေါ်၌ စံမြန်း​ခွင့်​၊ ယုဒ​ပြည်​ကို အုပ်စိုးခွင့် ရ​တော့​မည်​မ​ဟုတ်​”​ဟု ထာဝရဘုရား​မိန့်​တော်မူ​၏​။

ဒံ​ယေ​လ 4:30

“​ဤ​ဘေဘီလုံ​မြို့​ကြီး​သည် ငါ​၏​ခန့်ညား​သော​ဂုဏ်သရေ​ကို ထင်ဟပ်​ပြ​ရာ မင်း​မြို့​တော်​အဖြစ် ငါ့​အစွမ်းသတ္တိ​၊ ငါ့​တန်ခိုး​အာဏာ​ဖြင့် တည်ဆောက်​ခဲ့​သော​မြို့​ကြီး​ဖြစ်​သည် မ​ဟုတ်​လော​”​ဟု မြွက်ဆို​၏​။

တော​လည် 32:42

နောဗာ​သည်​လည်း ကေနတ်​မြို့​နှင့် ၎င်း​၏​မြို့ငယ်​များ​သို့ သွား​၍ သိမ်းယူ​ပြီးလျှင် မိမိ​၏​အမည်​ဖြင့် နောဗာ​မြို့​ဟု မှည့်ခေါ်​လေ​၏​။

၁ ရာ 15:12

ရှမွေလ​သည် နံနက်​စောစောထ​၍ ရှောလု​မင်းကြီး​ကို သွား​တွေ့​၏​။ သို့သော် တစ်စုံတစ်ယောက်​က ရှမွေလ​အား “ရှောလု​မင်းကြီး​သည် ကရမေလ​မြို့​သို့​သွား​၍ မိမိ​အဖို့ ဂုဏ်ပြု​ကျောက်တိုင်​ကို​စိုက်ထူ​ပြီး လှည့်လည်​သွားလာ​ကာ ဂိလဂါလ​မြို့​ဘက်​သို့ ဆင်းသွား​ပြီ”​ဟု ကြားပြော​လေ​၏​။