၂ ရာ 17:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ထို့ကြောင့် အကျွန်ုပ်​အကြံပေး​လို​သည်​မှာ ဒန်​မြို့​မှစ၍ ဗေရရှေဘ​မြို့​အထိ သမုဒ္ဒရာ​သဲလုံး​နှင့်အမျှ များပြား​သော​အစ္စရေး​လူမျိုး​အပေါင်း​တို့​ကို အကုန်​စုဝေး​စေ​ပြီး အရှင်​ကိုယ်တိုင် ဦးဆောင်​၍ စစ်ထွက်တိုက်​စေ​လို​ပါ​သည်​။

Common Language Bible

¹¹ အ​ရှင့်​အား​အ​ကျွန်ုပ်​အ​ကြံ​ပေး​လို​သည်​မှာ သ​မုဒ္ဒ​ရာ​သဲ​လုံး​နှင့်​အ​မျှ​များ​ပြား​သော ဣ​သ​ရေ​လ​အ​မျိုး​သား​အ​ပေါင်း​ကို​နိုင်​ငံ တစ်​စွန်း​မှ​တစ်​စွန်း​တိုင်​ခေါ်​ယူ​စေ​ရန်​ဖြစ် ပါ​၏။ ထို​နောက်​သူ​တို့​အား​အ​ရှင်​ကိုယ်​တိုင် ခေါင်း​ဆောင်​၍​စစ်​ပွဲ​သို့​ဝင်​တော်​မူ​ပါ။-

Garrad Bible

¹¹ သို့ ဖြစ် သော ကြောင့် ဒန် မြို့ မှ စ၍ ဗေ ရ ရှေ ဘ မြို့ တိုင် အောင် သ မု ဒ္ဒ ရာ သဲ လုံး နှင့် အ မျှ များ ပြား သော ဣ သ ရေ လ ရဲ မက် အ ပေါင်း တို့ ကို အ ထံ တော် သို့ စု ရုံး စေ ပြီး မှ ကိုယ် တော် တိုင် ချီ တော် မူ သင့် ကြောင်း ကျွန် တော် အ ကြံ ပေး ပါ သည်။

Judson Bible

¹¹ သို့​ဖြစ်၍ ကျွန်​တော်​သည် အ​ကြံ​ပေး​ပါ​မည်။ ဒန်​မြို့​မှ​စ၍ ဗေ​ရ​ရှေ​ဘ​မြို့​တိုင်​အောင် ဣ​သ​ရေ​လ အ​မျိုး​သား​အ​ပေါင်း​တို့​သည် အ​ရေ​အ​တွက်​အား​ဖြင့် သ​မု​ဒ္ဒ​ရာ​သဲ​လုံး​နှင့်​အ​မျှ ကိုယ်​တော်​ထံ၌ စည်း​ဝေး၍ ကိုယ်​တော်​တိုင် စစ်​ချီ​တော်​မူ​ရ​မည်။

၂ ရာ 17:11 ပူးပေါင်းရင်းမြစ်များ

ကမ္ဘာ​ဦး 13:16

ငါ​သည် သင်​၏​သားစဉ်မြေးဆက်​ကို မြေမှုန့်​ကဲ့သို့​များပြား​စေ​မည်​။ သို့ဖြစ်၍ တစ်စုံတစ်ယောက်​သည် မြေမှုန့်​ကို​ရေတွက်​နိုင်​လျှင် သင်​၏​သားစဉ်မြေးဆက်​ကို​လည်း ရေတွက်​နိုင်​လိမ့်မည်​။

ကမ္ဘာ​ဦး 21:14

အာဗြဟံ​သည် နံနက်​စောစောထ​ပြီး မုန့်​နှင့်​သားရေဘူး​ကို​ယူ​၍ ဟာဂရ​၏​ပခုံး​ပေါ်​တင်ပေး​၏​။ သူငယ်​ကို​လည်း​အပ်​ပြီး လွှတ်လိုက်​လေ​၏​။ ဟာဂရ​သည် ထွက်သွား​၍ ဗေရရှေဘ​တောကန္တာရ​ထဲ၌ လှည့်လည်သွားလာ​လေ​၏​။

ကမ္ဘာ​ဦး 22:17

ငါ​သည် သင့်​ကို အမှန်ပင်​ကောင်းချီးပေး​၍ သင်​၏​အမျိုးအနွယ်​ကို ကောင်းကင်​ကြယ်​နှင့်အမျှ​၊ ပင်လယ်​ကမ်းခြေ​ရှိ​သဲပွင့်​နှင့်အမျှ အလွန်​များပြား​စေ​မည်​။ သင်​၏​အမျိုးအနွယ်​သည် ရန်သူ​တို့​၏​မြို့​တံခါး​ကို သိမ်းပိုက်​လိမ့်မည်​။

၂ ရာ 12:28

ယခု ကျန်ရှိ​သော​စစ်သည်​များ​ကို​စု​၍ မြို့​အနီး​၌​တပ်ချ​ပြီး မြို့​ကို​သိမ်းပိုက်​ပါ​။ ထိုသို့​မ​ပြု​လျှင် အကျွန်ုပ်​သည် မြို့​ကို​သိမ်းပိုက်​ပြီး ထို​မြို့​ကို အကျွန်ုပ်​နာမည်​ဖြင့် ခေါ်ဝေါ်​ကြ​ပါ​လိမ့်မည်​”​ဟု လျှောက်​စေ​၏​။

၂ ရာ 24:2

ရှင်ဘုရင်​က သူ့​ထံ​အခစားဝင်​နေ​သော​ဗိုလ်ချုပ်​ယွာဘ​အား “​အစ္စရေး​အမျိုးအနွယ်​အားလုံး​၏​အရေအတွက်​ကို ငါ​သိ​ရ​အောင် ဒန်​မြို့​မှစ၍ ဗေရရှေဘ​မြို့​တိုင်အောင်​သွား​ပြီး စာရင်းယူ​လော့​”​ဟု မိန့်ဆို​၏​။

၂ ရာ 3:10

ဘုရားသခင်​သည် နိုင်ငံ​တော်​ကို ရှောလု​မင်းကြီး​၏​အမျိုးအနွယ်​လက်​မှ​ရုပ်သိမ်း​ပြီး ဒန်​မြို့​မှစ၍ ဗေရရှေဘ​မြို့​တိုင်အောင် အစ္စရေး​ပြည်​၊ ယုဒ​ပြည်​တို့​တွင် ဒါဝိဒ်​မင်းကြီး​၏​ရာဇပလ္လင်​ကို တည်​စေ​တော်မူ​မည်​”​ဟု ဆို​လျှင်

၃ ရာ 20:10

ထိုအခါ ဗင်္ဟာဒဒ်​မင်းကြီး​သည် လူ​လွှတ်​ပြန်​၍ “​ရှမာရိ​မြေမှုန့်​သည် ငါ့​ခြေရင်း​၌​ခစား​သော​သူ​အားလုံး​အတွက် လက်တစ်ဆုပ်စာစီ​လောက်ငှ​မည်​ဆိုလျှင် ဘုရား​အများ​တို့​သည် ငါ့​ကို ထိုထက်မက ပြု​ပါစေသော​”​ဟု မှာလိုက်​၏​။

၃ ရာ 4:20

သမုဒ္ဒရာ​သဲလုံး​နှင့်အမျှ အရေအတွက်​များပြား​လှ​သော ယုဒ​လူမျိုး​၊ အစ္စရေး​လူမျိုး​တို့​သည် ဝမ်းမြောက်​ပျော်ရွှင်​စွာ စား​သောက်​နေထိုင်​ရ​လေ​၏​။

ဆာ​လံ 9:16

ထာဝရဘုရား​သည် တရားစီရင်​တော်မူ​ခြင်း​အားဖြင့် မိမိ​အကြောင်း​ကို​ထင်ရှား​စေ​တော်မူ​ပြီ​။ ဆိုးယုတ်​သော​သူ​သည် မိမိ​လက်​ဖြင့်​ပြုလုပ်​ထား​သော​အရာ​၌ ကျော့မိ​လေ​ပြီ​။(​ဟိဂ္ဂယွန်​။စေလာ)

ယော​ရှု 11:4

ထို​ဘုရင်​တို့​သည်​လည်း ပင်လယ်​ကမ်းခြေ​ရှိ​သဲလုံး​နှင့်အမျှ အရေအတွက်​များပြား​လှ​သော​စစ်သည်​များ​၊ မြင်း​များ​၊ စစ်ရထား​များ​နှင့်တကွ ချီတက်​လာ​ကြ​၏​။

သူ​ကြီး 20:1

ဂိလဒ်​ပြည်​အပါအဝင် ဒန်​မြို့​မှ ဗေရရှေဘ​မြို့​တိုင်အောင်​နေထိုင်​သော အစ္စရေး​အမျိုးသား​အပေါင်း လူအုပ်ကြီး​တို့​သည် မိဇပါ​မြို့​သို့​ရောက်လာ​၍ ထာဝရဘုရား​ရှေ့​တော်​တွင် တစ်စိတ်တစ်သဘောတည်း စုရုံး​ကြ​၏​။

၁ ရာ 13:5

ဖိလိတ္တိ​လူမျိုး​တို့​သည်​လည်း အစ္စရေး​လူမျိုး​တို့​ကို ပြန်လည်​တိုက်ခိုက်​ရန် စုဝေး​ကြ​ပြီးလျှင် စစ်ရထား​သုံးသောင်း​၊ မြင်းစီးသူရဲ​ခြောက်​ထောင်​၊ ပင်လယ်​ကမ်းခြေ​ရှိ​သဲလုံး​နှင့်အမျှ​များပြား​သော​စစ်သည်​တို့​နှင့်တကွ ချီတက်​လာ​၍ ဗေသဝင်​မြို့​အရှေ့ဘက် မိတ်မတ်​မြို့​၌ စခန်းချ​ကြ​၏​။

၁ ရာ 3:20

ရှမွေလ​သည် ထာဝရဘုရား​၏​ပရောဖက်​ဖြစ်ကြောင်း​ကို ဒန်​မြို့​မှ ဗေရရှေဘ​မြို့​တိုင်အောင် အစ္စရေး​လူမျိုး​အပေါင်း​တို့ သိမှတ်​ကြ​၏​။