၂ ရာ 13:22 - မြန်​​​မာ့​​​စံ​​​မီ​​​သမ္မာ​​​ကျမ်း​​

²² အဗရှလုံ​သည် မိမိ​နှမ​တာမာ​အား အာမနုန်​အဓမ္မပြု​လိုက်​သဖြင့် အာမနုန်​ကို​မုန်းတီး​၏​။ သို့သော် သူ့​အား ကောင်း​သည်​၊ ဆိုး​သည် မည်သည့်​စကား​တစ်ခွန်း​ကို​မျှ​မ​ပြော​ဘဲ​နေ​၏​။

Common Language Bible

²² အ​ဗ​ရှ​လုံ​မူ​ကား​မိ​မိ​၏​နှ​မ​တာ​မာ​ကို​မ တော်​မ​တ​ရား​ပြု​ကျင့်​သည့်​အ​တွက် အာ​မ​နုန် အား​လွန်​စွာ​မုန်း​သ​ဖြင့်​စ​ကား​မ​ပြော​ဘဲ နေ​၏။

Garrad Bible

²² အ ဗ ရှ လုံ လည်း နှ မ တော် တာ မာ ကို အာ မ နုန် ရှုတ် ချ သည် ဖြစ်၍ နောင် တော် အား အ ဆိုး အ ကောင်း ကို မျှ မ ပြော ဘဲ ရန် ငြိုး ဖွဲ့ လေ၏။

Judson Bible

²² အ​ဗ​ရှ​လုံ​သည် အစ်​ကို​အာ​မ​နုန်​အား ကောင်း​သော​စ​ကား၊ မ​ကောင်း​သော​စ​ကား​ကို မ​ပြော။ သို့​ရာ​တွင် နှ​မ​တာ​မာ​ကို​ရှုတ်​ချ​သော​ကြောင့် အ​ငြိုး​ထား၏။

၂ ရာ 13:22 ပူးပေါင်းရင်းမြစ်များ

ကမ္ဘာ​ဦး 24:50

လာဗန်​နှင့်​ဗေသွေလ​တို့​က​လည်း “​ဤ​အမှု​သည် ထာဝရဘုရား​ထံ​တော်​မှ​လာ​၏​။ အကျွန်ုပ်​တို့​သည် ကောင်း​သည်​၊ မကောင်း​သည် ဟူ၍ သင့်​ကို​မ​ပြော​နိုင်​ပါ​။

ကမ္ဘာ​ဦး 31:24

သို့သော် ဘုရားသခင်​သည် အာရံ​လူမျိုး​လာဗန်​ထံသို့ ည​အိပ်မက်​ထဲတွင်​ကြွလာ​၍ “​သင်​သည် ယာကုပ်​အား ကောင်း​သည်​၊ ဆိုး​သည်​ဟူ၍ မ​ပြော​မိ​စေရန် သင့်ကိုယ်သင် သတိပြု​လော့​”​ဟု မိန့်​တော်မူ​၏​။

ကမ္ဘာ​ဦး 31:29

ငါ​သည် သင့်​ကို​ဒုက္ခ​ရောက်​စေ​နိုင်​၏​။ သို့သော် မနေ့ည​တွင် သင့်​ဖခင်​၏​ဘုရားသခင်​က ‘​သင်​သည် ယာကုပ်​အား ကောင်း​သည်​၊ ဆိုး​သည်​ဟူ၍ မ​ပြော​မိ​စေရန် သင့်ကိုယ်သင်​သတိပြု​လော့​’​ဟု ငါ့​အား​မိန့်​တော်မူ​၏​။

၂ ရာ 13:21

ဒါဝိဒ်​မင်းကြီး​သည် ဤ​သတင်း​အလုံးစုံ​ကို ကြားသိ​လျှင် အလွန်​အမျက်ထွက်​လေ​၏​။

သုတ္တံကျမ်း။ 10:18

မုန်းတီး​ခြင်း​ကို​ဖုံးကွယ်​ထား​သော​သူ​၌ မုသား​နှုတ်ခမ်း​ရှိ​၏​။ အသရေပျက်​စေ​သော​စကား​ကို ဖြန့်​သူ​သည် မိုက်မဲ​သော​သူ​ဖြစ်​၏​။

သုတ္တံကျမ်း။ 25:9

သင်​၏​အမှုကိစ္စ​ကို သင်​၏​အိမ်နီးချင်း​နှင့် ရင်ဆိုင်ဖြေရှင်း​လော့​။ အခြား​သော​သူ​၏​လျှို့ဝှက်ချက်​ကို​လည်း မ​ဖော်ပြ​နှင့်​။

သုတ္တံကျမ်း။ 26:24

အမုန်းထား​သော​သူ​သည် မိမိ​၏​နှုတ်​ဖြင့် ဟန်ဆောင်​ပြောဆို​သော်လည်း သူ​၏​စိတ်နှလုံး​ထဲ၌ လိမ်လည်လှည့်ဖြား​သော​သဘော​ကို ဆောင်​ထား​တတ်​၏​။

သုတ္တံကျမ်း။ 26:26

သူ​သည် အမုန်းထား​ခြင်း​ကို ပရိယာယ်​ဖြင့်​ဖုံးကွယ်​ထား​သော်လည်း သူ​၏​မကောင်းမှု​သည် လူပုံ​အလယ်​တွင် ထင်ရှား​လိမ့်မည်​။

ဒေသနာကျမ်း။ 7:9

အမျက်​ဒေါသ​သည် မိုက်မဲ​သော​သူ​တို့​၏​ရင်ခွင်​ထဲ၌ ကိန်းအောင်း​တတ်​သည်​ဖြစ်၍ သင့်​စိတ်​ထဲတွင် အမျက်​ဒေါသ အလျင်စလို​မ​ထွက်​ပါစေ​နှင့်​။

မဿဲ 18:15

သင်​၏​ညီအစ်ကို​သည် သင့်​အား​ပြစ်မှား​လျှင် သွား​၍ နှစ်ကိုယ်​ကြား သူ့​ကို​ဆိုဆုံးမ​လော့။ သူ​သည် သင်​၏​စကား​ကို​နားထောင်​လျှင် သင်​၏​ညီအစ်ကို​ကို သင်​ရရှိ​ပြီ။

ဧ​ဖက် 4:26

အမျက်ထွက်​သော်လည်း အပြစ်​မ​ပြု​ကြ​နှင့်။ အမျက်​မ​ပြေ​ဘဲ နေ​မ​ဝင်​စေ​ကြ​နှင့်။

ဧ​ဖက် 4:31

ခပ်သိမ်း​သော​ခါးသီး​နာကြည်း​ခြင်း၊ ဒေါသ​ကြီး​ခြင်း၊ အမျက်ထွက်​ခြင်း၊ အော်ဟစ်​ငေါက်ငမ်း​ခြင်း​နှင့် စော်ကား​ပြောဆို​ခြင်း​တို့​ကို မကောင်းမှု​အလုံးစုံ​နှင့်အတူ သင်​တို့​ထံမှ ဖယ်ရှား​ကြ​လော့။

၁ ယော 2:11

မိမိ​ညီအစ်ကို​ကို​မုန်း​သော​သူ​မူကား မှောင်မိုက်​၌​ရှိ​၍ မှောင်မိုက်​၌​အသက်ရှင်​လျှောက်လှမ်း​နေ​၏။ မှောင်မိုက်​သည် သူ​၏​မျက်စိ​ကို​ကွယ်​စေ​သဖြင့် သူ​သည် မိမိ​မည်သည့်​အရပ်​သို့​သွား​နေ​သည်​ကို မ​သိ။

၁ ယော 2:9

ငါ​သည် အလင်း​၌​ရှိ​၏​ဟု​ဆို​လျက် မိမိ​ညီအစ်ကို​ကို​မုန်း​သော​သူ​သည် ယခု​တိုင်အောင် မှောင်မိုက်​၌​ရှိ​သေး​၏။

၁ ယော 3:10

ဖြောင့်မတ်​ခြင်း​တရား​ကို​မ​ကျင့်သုံး​သော​သူ​တိုင်း​သည် ဘုရားသခင်​နှင့်​မ​စပ်ဆိုင်။ မိမိ​ညီအစ်ကို​ကို​မ​ချစ်​သော​သူ​သည်​လည်း ဘုရားသခင်​နှင့်​မ​စပ်ဆိုင်။ ဤသို့သော​အားဖြင့် ဘုရားသခင်​၏​သားသမီး​များ​နှင့် မာရ်နတ်​၏​သားသမီး​များ​ကို ခွဲခြား​သိရှိ​နိုင်​၏။

၁ ယော 3:12

မာရ်နတ်​နှင့်​စပ်ဆိုင်​သော​သူ​ဖြစ်​ပြီး မိမိ​၏​ညီ​ကို​သတ်​သော​ကာဣန​ကဲ့သို့ မ​ဖြစ်​ကြ​နှင့်။ အဘယ်ကြောင့် ညီ​ကို​သတ်​သနည်း​ဟူမူကား သူ​၏​လုပ်ဆောင်​မှု​သည် ဆိုးညစ်​၍ သူ့​ညီ​၏​လုပ်ဆောင်​မှု​သည် ဖြောင့်မတ်​သောကြောင့်​ဖြစ်​၏။

၁ ယော 3:15

မိမိ​ညီအစ်ကို​ကို​မုန်း​သော​သူ​တိုင်း​သည် လူသတ်သမား​ဖြစ်​၏။ မည်သည့်​လူသတ်သမား​၌​မျှ ထာဝရ​အသက်​မ​တည်​ကြောင်း​ကို​လည်း သင်​တို့​သိ​ကြ​၏။