၂ တိ 3:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ ကျမ်းစာ​ထဲ၌​ရေး​ထား​သမျှ​တို့​သည် ဘုရားသခင်​မှုတ်သွင်း​တော်မူ​သော​အားဖြင့်​ဖြစ်၍ ဩဝါဒ​ပေး​ခြင်း​အတွက်​လည်းကောင်း၊ အပြစ်​ကို​ဖော်ပြ​ခြင်း​အတွက်​လည်းကောင်း၊ အမှား​ကို​ပြုပြင်​ခြင်း​အတွက်​လည်းကောင်း၊ ဖြောင့်မတ်​ခြင်း​၌ ဆုံးမ​ပဲ့ပြင်​ခြင်း​အတွက်​လည်းကောင်း အကျိုးကျေးဇူး​ရှိ​၏။

Common Language Bible

¹⁶ ကျမ်း​စာ​တော်​မှန်​သ​မျှ​ကို​ဘု​ရား​သ​ခင်​၏ လမ်း​ညွှန်​မှု​ဖြင့်​ရေး​သား​ပြု​စု​ထား​သ​ဖြင့် ထို ကျမ်း​စာ​တော်​သည်​သမ္မာ​တ​ရား​တော်​ကို​သွန် သင်​ခြင်း၊ ဆုံး​မ​သြ​ဝါ​ဒ​ပေး​ခြင်း၊ အ​မှား များ​ကို​ပြု​ပြင်​ခြင်း၊ လျောက်​ပတ်​စွာ​သက်​ရှင် နေ​ထိုင်​တတ်​ရန်​လမ်း​ညွှန်​ခြင်း​တို့​ကို​ပြု သော​အား​ဖြင့်၊-

Garrad Bible

^16-17 ဘု ရား သ ခင့် ဗျာ ဒိတ် တော် ကျမ်း ဂန် ရှိ သ မျှ သည် ဘု ရား သ ခင့် လူ ယုံ တော် စုံ လင်၍ ကောင်း မှု အ မျိုး မျိုး အ ဖို့ အ သင့် ရှိ စေ အံ့ သော ငှါ သင် ကြား ခြင်း၊ အ ပြစ် ဖော် ပြ ခြင်း၊ ပဲ့ ပြင် ခြင်း၊ ဖြောင့် မတ် အောင် ဆုံး မ ခြင်း များ၌ အ ကျိုး ရှိ၏။

Judson Bible

¹⁶ ထို​ကျမ်း​စာ​ရှိ​သ​မျှ​သည် ဘု​ရား​သ​ခင် မှုတ်​သွင်း​တော်​မူ​သော အား​ဖြင့်​ဖြစ်၍၊-

ခေတ်သစ်​မြန်မာ သမ္မာကျမ်း

¹⁶ ထို​ကျမ်းစာ​အားလုံး​သည် ဘုရားသခင်​မှုတ်သွင်းတော်မူပြီး သွန်သင်ခြင်း၊ ဆုံးမခြင်း၊ ပြုပြင်ခြင်း၊ ဖြောင့်မတ်လာ​စေရန် ဆုံးမပဲ့ပြင်ခြင်း​တို့​အတွက် အသုံးဝင်၏။

၂ တိ 3:16 ပူးပေါင်းရင်းမြစ်များ

၂ ရာ 23:2

“​ထာဝရဘုရား​၏​ဝိညာဉ်​တော်​သည် ငါ့​အားဖြင့် မြွက်ဆို​တော်မူ​၏​။ စကား​တော်​သည် ငါ​၏​လျှာ​တွင် တည်​တော်မူ​၏​။

နေ​ဟ​မိ 9:20

သူ​တို့​အား​လမ်းပြသွန်သင်​ပေး​ရန် ကိုယ်တော်​၏​ကောင်းမြတ်​သော​ဝိညာဉ်​တော်​ကို ချပေး​တော်မူ​၏​။ ကိုယ်တော်​၏​မန္နမုန့်​ကို သူ​တို့​ပါးစပ်​နှင့်​မ​ပြတ်​စေ​ဘဲ ရေဆာ​သောအခါ​တွင်​လည်း ရေ​ကို​ပေး​တော်မူ​၏​။

ဆာ​လံ 119:11

ကိုယ်တော်​ကို​မ​ပြစ်မှား​မိ​စေရန် ကိုယ်တော်​၏​မိန့်​တော်မူ​ချက်​ကို အကျွန်ုပ်​၏​စိတ်နှလုံး​ထဲ၌ သိုမှီး​ထား​ပါ​ပြီ​။

ဆာ​လံ 119:130

ကိုယ်တော်​၏​နှုတ်ကပတ်တော်​တို့​ကို​ဖွင့်ပြ​ခြင်း​သည် အလင်း​ကို​ပေး​၍ အသိဉာဏ်​နည်းပါး​သော​သူ​တို့​အား အသိဉာဏ်​ကို​ပေး​ပါ​၏​။

ဆာ​လံ 119:9

လူငယ်​သည် မိမိ​၏​ဘဝလမ်း​ကို မည်ကဲ့သို့ သန့်ရှင်းစင်ကြယ်​စေ​နိုင်​ပါ​မည်နည်း​ဟူမူကား ကိုယ်တော်​၏​နှုတ်ကပတ်တော်​အတိုင်း စောင့်ထိန်း​ရ​မည်​ဖြစ်​၏​။

သုတ္တံကျမ်း။ 15:10

လမ်း​မှန်​ကို​စွန့်ပယ်​သော​သူ​အတွက် ပြင်းထန်​သော​ဆုံးမပဲ့ပြင်​ခြင်း​ရှိ​၏​။ ဆိုဆုံးမစကား​ကို​မုန်း​သော​သူ​သည် သေ​ရ​လိမ့်မည်​။

သုတ္တံကျမ်း။ 15:31

အသက်ရှင်​ခြင်း​နှင့်ဆိုင်သော​ဆိုဆုံးမစကား​ကို နားထောင်​သော​သူ​သည် ပညာရှိ​သော​သူ​တို့​အလယ်​၌ နေ​ရ​လိမ့်မည်​။

သုတ္တံကျမ်း။ 6:23

အကြောင်းမူကား ပညတ်ချက်​သည် မီးခွက်​ဖြစ်​၍ သွန်သင်ချက်​သည် အလင်း​ဖြစ်​၏​။ ဆုံးမပဲ့ပြင်​ပေး​သော​ဆိုဆုံးမစကား​တို့​သည်​လည်း အသက်​လမ်း​ဖြစ်၍

မိက္ခာ 2:7

“ယာကုပ်​အမျိုးအနွယ်​တို့​၊ ‘ထာဝရဘုရား​သည် စိတ်တို​၍ ဤသို့​ပြု​တော်မူ​ပြီ​လော’​ဟု သင်​တို့​ဆို​သင့်​သလော​။ ငါ့​စကား​သည် ဖြောင့်မှန်​စွာ​ကျင့်ကြံ​သူ​အတွက် အကျိုး​ဖြစ်စေ​သည်​မ​ဟုတ်​လော​။

ဇေဖနိ 3:2

ထို​မြို့​သည် အသံ​တော်​ကို နား​မ​ထောင်​၊ ဆုံးမပဲ့ပြင်​ခြင်း​ကို မ​ခံယူ​၊ ထာဝရဘုရား​ကို မ​ကိုးစား​၊ ဘုရားသခင်​ထံ မ​ဆည်းကပ်​သော​မြို့​ဖြစ်​၏​။

မဿဲ 13:52

ကိုယ်တော်​က​လည်း“သို့ဖြစ်၍ ကောင်းကင်​နိုင်ငံ​တော်​၏​တပည့်​ဖြစ်​လာ​သော ကျမ်းပြု​ဆရာ​တိုင်း​သည် မိမိ​၏​ဘဏ္ဍာတိုက်​ထဲမှ ဥစ္စာ​ဘဏ္ဍာ​အသစ်​နှင့်​အဟောင်း​တို့​ကို ထုတ်ယူ​သော​အိမ်ရှင်​နှင့်​တူ​၏”​ဟု မိန့်​တော်မူ​၏။

မဿဲ 21:42

ယေရှု​က​လည်း“ ‘တိုက်​ဆောက်​သူ​များ​ပယ်​ထား​သော​ကျောက်​သည် ထိပ်ဆုံး​ထောင့်ချုပ်​ကျောက်​ဖြစ်လာ​၏။ ဤ​အမှု​သည် ထာဝရ​ဘုရား​အားဖြင့်​ဖြစ်လာ​၍ ငါ​တို့​၏​မျက်မှောက်​၌ အံ့ဩဖွယ်​ဖြစ်​၏’ဟု ကျမ်းစာ​ထဲ၌ မ​ဖတ်​ဖူး​ကြ​သလော။

မဿဲ 22:43

ကိုယ်တော်​က​လည်း“သို့ဖြစ်လျှင် ဒါဝိဒ်​သည် သူ့​ကို ဝိညာဉ်​တော်​အားဖြင့် ‘သခင်’​ဟု ခေါ်​လျက်

မဿဲ 26:54

သို့ဖြစ်လျှင် ဤ​သို့​ဖြစ်​ရ​မည်​ဟု​ဆို​ထား​သော ကျမ်းချက်​များ​သည် မည်သို့​ပြည့်စုံ​ခြင်း​သို့​ရောက်​နိုင်​မည်နည်း”​ဟု မိန့်​တော်မူ​၏။

မဿဲ 26:56

သို့သော် ဤ​အမှုအရာ​အားလုံး​ဖြစ်ပျက်​ရ​ခြင်း​မှာ ပရောဖက်​ကျမ်း​များ​ပြည့်စုံ​ခြင်း​သို့​ရောက်​မည့်​အကြောင်း​တည်း”​ဟု မိန့်​တော်မူ​၏။ ထိုအခါ တပည့်​တော်​အားလုံး​တို့​သည် ကိုယ်တော်​ကို​စွန့်ခွာ​၍ ထွက်ပြေး​ကြ​၏။

ရှင်မာကု 12:24

ယေရှု​က​လည်း“သင်​တို့​သည် ကျမ်းစာ​ကို​လည်းကောင်း၊ ဘုရားသခင်​၏​တန်ခိုး​တော်​ကို​လည်းကောင်း မ​သိ​သောကြောင့် ဤသို့​အယူလွဲ​နေ​ကြ​သည်​မ​ဟုတ်​လော။

ရှင်မာကု 12:36

ဒါဝိဒ်​ကိုယ်တိုင် သန့်ရှင်း​သော​ဝိညာဉ်​တော်​အားဖြင့် ‘ထာဝရ​ဘုရား​သည် ငါ​၏​သခင်​အား သင်​၏​ရန်သူ​တို့​ကို သင်​၏​ခြေဖဝါး​အောက်၌ ငါ​ချ​ထား​သည့်​တိုင်အောင် ငါ​၏​လက်ယာ​ဘက်​၌ ထိုင်​နေ​လော့​ဟု မိန့်​တော်မူ​၏’ဟူ၍ ဆိုထား​၏။

ရှင်ယောဟန် 10:35

ဘုရားသခင်​၏​နှုတ်ကပတ်​တော်​ကို​ရရှိ​သော​သူ​တို့​အား ‘ဘုရား​များ’​ဟု ခေါ်​လျှင် ကျမ်းစာ​သည် မ​ပျက်ပြယ်​နိုင်​သည်​ဖြစ်၍

ရှင်ယောဟန် 3:20

ဆိုးညစ်​သော​အမှု​များ​ကို ပြုကျင့်​သော​သူ​တိုင်း အလင်း​ကို​မုန်း​လျက် မိမိ​ပြု​သော​အမှု​များ ဖော်ပြ​ခြင်း​ခံရ​မည်​ကို​စိုးရိမ်​သဖြင့် အလင်း​ထံသို့​မ​ချဉ်းကပ်​ကြ။

တမန်တော်ဝတ္ထု 1:16

“ညီအစ်ကို​တို့၊ ယေရှု​ကို​ဖမ်းဆီး​သော​သူ​တို့​အား လမ်းပြ​ပေး​သူ​ဖြစ်​သည့် ယုဒ​ဣရှကာရုတ်​နှင့်​ပတ်သက်၍ သန့်ရှင်း​သော​ဝိညာဉ်​တော်​က ဒါဝိဒ်​၏​နှုတ်​အားဖြင့် ကြိုတင်​ဟောကြား​ထား​သော​ကျမ်းချက်​သည် ပြည့်စုံ​ခြင်း​သို့​ရောက်​ရ​မည်​ဖြစ်​၏။

တမန်တော်ဝတ္ထု 18:25

သူ​သည် သခင်​ဘုရား​၏​တရား​လမ်း​ကို သင်ယူ​ထား​ပြီး ဝိညာဉ်ရေး​၌​ထက်သန်​လျက် ယေရှု​အကြောင်း​ကို တိကျ​သေချာ​စွာ​ဟောပြော​သွန်သင်​လေ​၏။ သို့သော် ယောဟန်​၏​ဗတ္တိဇံ​ကို​သာ သိ​၏။

တမန်တော်ဝတ္ထု 20:20

ငါ​သည် သင်​တို့​အတွက် အကျိုး​ရှိ​မည့်​အရာ​ရှိသမျှ​ကို တွန့်ဆုတ်​ခြင်း​မ​ရှိ​ဘဲ သင်​တို့​အား​ဖော်ပြ​လျက် လူ​အများ​ရှေ့၌​ဖြစ်စေ၊ တစ်အိမ်​ပြီး​တစ်အိမ်​ဖြစ်စေ သွန်သင်​ကာ

တမန်တော်ဝတ္ထု 20:27

အကြောင်းမူကား ငါ​သည် တွန့်ဆုတ်​ခြင်း​မ​ရှိ​ဘဲ ဘုရားသခင်​၏​အကြံအစည်​တော်​ကို သင်​တို့​အား အကုန်အစင်​ဖော်ပြ​ခဲ့​ပြီ။

တမန်တော်ဝတ္ထု 28:25

ထိုအခါ အချင်းချင်း​ကြား​၌ သဘောထား​ကွဲလွဲ​သဖြင့် ပြန်သွား​ကြ​စဉ်တွင် ပေါလု​က “သန့်ရှင်း​သော​ဝိညာဉ်​တော်​သည် ပရောဖက်​ဟေရှာယ​အားဖြင့် သင်​တို့​ဘိုးဘေး​တို့​အား လျောက်ပတ်​စွာ​ဟောပြော​ခဲ့​သည်​ကား

ရော​မ 15:4

အကြောင်းမူကား ရှေး​အခါ​က​ရေး​ထား​သမျှ​သော​အရာ​သည် ငါ​တို့​ကို​သွန်သင်​ရန်​ရေး​ထား​ခြင်း​ဖြစ်​ပြီး ကျမ်းစာ​၌​ပါ​သော သည်းခံ​ခြင်း​နှင့် နှစ်သိမ့်​ခြင်း​အားဖြင့် ငါ​တို့​၌ မျှော်လင့်​ခြင်း​ရှိ​စေရန်​ဖြစ်​၏။

ရော​မ 2:20

မိုက်မဲ​သော​သူ​တို့​ကို​ဆုံးမ​ပဲ့ပြင်​သူ၊ ကလေး​သူငယ်​များ​၏​ဆရာ​ဖြစ်​သည်​ဟု ယုံကြည်​စိတ်ချ​လျှင်

ရော​မ 3:2

အဘက်ဘက်​၌ အကျိုး​များစွာ​ရှိ​၏။ ပထမ​ဦးစွာ သူ​တို့​၌ ဘုရားသခင်​၏​နှုတ်ကပတ်​တရား​တော်​များ​ကို ယုံကြည်​အပ်နှံ​ထား​တော်မူ​၏။

ရော​မ 4:23

သို့သော် “သူ့​ကို​သတ်မှတ်​တော်မူ​၏”​ဟု ကျမ်းစာ​၌​ရေး​ထား​သည်​မှာ အာဗြဟံ​တစ်ဦးတည်း​အတွက်​သာ​မ​ဟုတ်​ဘဲ

၁ ကော 12:7

သို့သော် အများ​ကောင်းကျိုး​အတွက် တစ်ဦးစီ​၌ ဝိညာဉ်​တော်​၏​ထင်ရှား​ခြင်း​အခွင့်​ကို​ပေး​တော်မူ​၏။

ဂ​လာ​တိ 3:8

ဘုရားသခင်​သည် လူမျိုးခြား​တို့​ကို ယုံကြည်​ခြင်း​အားဖြင့် ဖြောင့်မတ်​သည်​ဟု​အသိအမှတ်ပြု​တော်မူ​မည်​ဖြစ်​ကြောင်း ကျမ်းစာ​သည် ကြိုတင်​သိမြင်​၍ အာဗြဟံ​အား “လူမျိုး​အပေါင်း​တို့​သည် သင့်​အားဖြင့် ကောင်းချီး​မင်္ဂလာ​ခံစား​ရ​လိမ့်မည်”​ဟူသည့် ကောင်းမြတ်​သော​သတင်း​ကို ကြိုတင်​ဟောပြော​လေ​၏။

တ​ရား​ဟော 29:29

ဝှက်​ထား​သော​အရာ​များ​သည် ငါ​တို့​၏​ဘုရားသခင်​ထာဝရဘုရား​နှင့်​ဆိုင်​၏​။ ဖော်ပြ​ထား​သော ဤ​တရား​စကား​ရှိသမျှ​ကို​လိုက်နာ​ခြင်း​သည် ငါ​တို့​မှစ၍ ငါ​တို့​၏​သားစဉ်မြေးဆက်​များ​နှင့်​ဆိုင်​၏​။

တ​ရား​ဟော 4:36

ကိုယ်တော်​သည် မိုးကောင်းကင်​မှ ပဲ့ပြင်​သော​စကားသံ​ကို သင်​တို့​အား ကြား​စေ​တော်မူ​၏​။ မြေကြီး​ပေါ်၌​လည်း သင်​တို့​အား မီးတောက်မီးလျှံ​ကြီး​ကို ပြ​တော်မူ​၍ ထို​မီး​ထဲ​မှ ကိုယ်တော်​၏​စကား​တော်​ကို သင်​တို့​ကြား​ရ​ကြ​၏​။

၂ တိ 2:25

ဆန့်ကျင်ဘက်​ပြု​သော​သူ​တို့​ကို နူးညံ့​သိမ်မွေ့​သော​စိတ်​ဖြင့် ဆုံးမ​သွန်သင်​ရ​မည်။ သို့ပြုလျှင် ဘုရားသခင်​သည် သူ​တို့​အား နောင်တရ​သော​အခွင့်​ကို​ပေး​တော်မူ​သဖြင့် သူ​တို့​သည် သမ္မာတရား​ကို​သိရှိ​လာ​ကာ

၂ တိ 4:2

နှုတ်ကပတ်တော်​ကို​ဟောပြော​လော့။ အခွင့်အခါ​ကောင်း​သည်​ဖြစ်စေ၊ မကောင်း​သည်​ဖြစ်စေ မဆုတ်မနစ်​ကြိုးစား​လော့။ စိတ်ရှည်​ခြင်း​အပြည့်အဝ​ဖြင့်​သွန်သင်​လျက် အပြစ်​ဖော်ပြ​ခြင်း၊ သတိပေး​ခြင်း၊ တိုက်တွန်း​နှိုးဆော်​ခြင်း​တို့​ကို​ပြု​လော့။

ဟေ​ဗြဲ 11:1

ယုံကြည်​ခြင်း​ဆို​သည်​မှာ မျှော်လင့်​ထား​သော​အရာ​များ​အပေါ်​စိတ်ချ​မှု​ရှိ​ခြင်း၊ မ​မြင်​ရ​သော​အရာ​တို့​အမှန်တကယ်​ရှိ​သည်​ဟု​မှတ်ယူ​ခြင်း​ဖြစ်​၏။

ဟေ​ဗြဲ 3:7

ထို့ကြောင့် သန့်ရှင်း​သော​ဝိညာဉ်​တော်​က “ယနေ့ သင်​တို့​သည် ကိုယ်တော်​၏​အသံ​ကို​ကြား​လျှင်

ဟေ​ဗြဲ 4:12

ဘုရားသခင်​၏​နှုတ်ကပတ်တော်​သည် အသက်ရှင်​၍ ထက်မြက်​ကာ အသွား​နှစ်​ဖက်​ပါ​သည့် ဓား​ရှိသမျှ​တို့​ထက် သာ၍​ထက်​သဖြင့် အသက်​နှင့်​ဝိညာဉ်​တို့​အထိ​လည်းကောင်း၊ အဆစ်အမြစ်​နှင့်​ခြင်ဆီ​တို့​အထိ​လည်းကောင်း ထိုးဖောက်​ပိုင်းခြား​တတ်​၏။ စိတ်နှလုံး​၏​စဉ်းစား​ဆင်ခြင်​မှု​နှင့်​သဘောထား​တို့​ကို​လည်း ထိုးထွင်း​သိမြင်​နိုင်​၏။