၂ တိ 2:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ စစ်မှုထမ်း​သော​သူ​သည် စစ်သား​အရာ​၌ မိမိ​ကို​ခန့်ထား​သော​သူ​အား နှစ်သက်​စေရန် စားဝတ်နေရေး​ကိစ္စ​များ​နှင့် ပတ်သက်​ရှုပ်ထွေး​ခြင်း​မ​ရှိ​တတ်။

Common Language Bible

⁴ အ​လုပ်​ဝတ္တ​ရား​ထမ်း​ဆောင်​နေ​ဆဲ​ဖြစ်​သော စစ်​သား​သည်​မိ​မိ​နှင့်​မ​ဆိုင်​သည့်​အ​ရေး အ​ခင်း​များ​တွင်​ပါ​ဝင်​မှု​ကို​ရှောင်​ရှား​တတ်​၏။ သူ​၏​တစ်​ခု​တည်း​သော​ရည်​ရွယ်​ချက်​မှာ မိ​မိ​တပ်​မှူး​၏​ကျေ​နပ်​မှု​ကို​ရ​ရှိ​ရန်​ပင် ဖြစ်​ပေ​သည်။-

Garrad Bible

⁴ ဗိုလ် ချုပ် စိတ် နှင့် တွေ့ စေ ရန် စစ် သည် တို့ သည် အ သက် မွေး ရန် အ ရေး နှင့် မ ငြိ တွယ် ဘဲ နေ တတ်၏။

Judson Bible

⁴ စစ်​သူ​ရဲ​မည်​သည်​ကား၊ မိ​မိ​ကို​စစ်​သူ​ရဲ​အ​ရာ၌ ခန့်​ထား​သော​သူ​ကို နှစ်​သက်​စေ​ခြင်း​ငှာ၊ လော​ကီ​မှု ရေး​နှင့်​ပြွမ်း​နှော​ရှုပ်​ထွေး​ခြင်း​ကို ပယ်​ရှား​တတ်၏။-

ခေတ်သစ်​မြန်မာ သမ္မာကျမ်း

⁴ စစ်သား​သည် မိမိ​ကို စစ်သူရဲ​နေရာ​၌ ခန့်ထားသောသူ​အား နှစ်သက်​စေရန် စစ်မှု​ဆိုင်ရာ​မဟုတ်သော​လောကီမှု​ကိစ္စများ​တွင် ပါဝင်​ပတ်သက်ခြင်း​မရှိတတ်။

၂ တိ 2:4 ပူးပေါင်းရင်းမြစ်များ

လုကာ 8:14

ဆူးပင်​တို့​တွင်​ကျ​သည်​ဆိုသည်မှာ တရား​စကား​ကို​ကြား​သော်လည်း သွားလာ​နေထိုင်​စဉ် ဘဝ​အသက်တာ​နှင့်ဆိုင်သော​စိုးရိမ်​ပူပန်​ခြင်း၊ စည်းစိမ်​ကြွယ်ဝ​ခြင်း​နှင့် ကာမဂုဏ်​ခံစား​ခြင်း​တို့​ဖြင့် ကာဆီး​ပိတ်ဆို့​ခံရ​သဖြင့် အသီး​မ​အောင်​သော​သူ​တို့​ကို​ဆို​လို​၏။

၂ ကော 5:9

သို့ဖြစ်၍ ငါ​တို့​သည် ကိုယ်ခန္ဓာ​၌​ရှိ​သည်​ဖြစ်စေ၊ ဝေးကွာ​လျက်​ရှိ​သည်​ဖြစ်စေ ကိုယ်တော်​နှစ်သက်​တော်မူ​သော​သူ​ဖြစ်​မည့်အကြောင်း ရည်မှန်း​ကြိုးစား​ကြ​၏။

ဂ​လာ​တိ 5:1

လွတ်လပ်​မှု​ကို​ရရှိ​စေရန် ခရစ်တော်​သည် ငါ​တို့​ကို လွတ်မြောက်​စေ​တော်မူ​ပြီ။ ထို့ကြောင့် ခိုင်မြဲ​စွာ​ရပ်တည်​လျက် ကျွန်​ထမ်းပိုး​တွင် နောက်တစ်ဖန် ချည်နှောင်​ခြင်း​မ​ခံ​ကြ​နှင့်။

၁ သက် 2:4

ဘုရားသခင်​သည် ငါ​တို့​ကို​အသိအမှတ်ပြု​လျက် ကောင်းမြတ်​သော​သတင်း​ကို ငါ​တို့​၌​ယုံကြည်​အပ်နှံ​ထား​သည့်​အလျောက် ငါ​တို့​သည် လူ​တို့​ကို​နှစ်သက်​စေရန်​မ​ဟုတ်​ဘဲ ငါ​တို့​၏​စိတ်နှလုံး​ကို​စစ်ဆေး​တော်မူ​သော​ဘုရားသခင်​ကို နှစ်သက်​စေရန် ဟောပြော​ကြ​၏။

၂ တိ 4:10

အကြောင်းမူကား ဒေမ​သည် ယခု​ဘဝ​ကို​ချစ်​၍ ငါ့​ကို​စွန့်ပစ်​ကာ သက်သာလောနိတ်​မြို့​သို့ သွား​လေ​ပြီ။ ကရက္ကေ​သည် ဂလာတိ​ပြည်​သို့​လည်းကောင်း၊ တိတု​သည် ဒါလမာတိ​ပြည်​သို့​လည်းကောင်း သွား​ကြ​ပြီ။

၂ ပေ 2:20

ငါ​တို့​၏​သခင်​နှင့် ကယ်တင်ရှင်​ဖြစ်​တော်မူ​သော ယေရှု​ခရစ်တော်​ကို​သိ​ခြင်း​အားဖြင့် လောကီ​ညစ်ညူး​ခြင်း​မှ လွတ်မြောက်​ကြ​ပြီးနောက် ထို​အရာ​များ​နှင့် တစ်ဖန်​ပတ်သက်​ငြိတွယ်​လျက် အနိုင်ယူ​စိုးမိုး​ခြင်း​ကို​ခံရ​လျှင် သူ​တို့​၏​နောက်​ဖြစ်အင်​သည် ရှေ့​ဖြစ်အင်​ထက် ဆိုးရွား​လေ​၏။