၂ တိ 2:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ သခင်​ဘုရား​၏​အစေအပါး​သည် ခိုက်ရန်​မ​ဖြစ်​ရ။ သူ​သည် လူ​အပေါင်း​တို့​အပေါ် ဖြည်းညင်း​သော​သဘော​ရှိ​၍ သင်ကြား​ပေး​နိုင်​စွမ်း​ရှိ​သော​သူ၊ မတရား​သဖြင့်​ခံရ​ခြင်း​ကို သည်းခံ​တတ်​သော​သူ​ဖြစ်​ပြီး

Common Language Bible

²⁴ သ​ခင်​ဘု​ရား​၏​အ​စေ​ခံ​သည်​ခိုက်​ရန်​မ​ပြု​ဘဲ လူ​တိုင်း​ကို​သ​နား​တတ်​၍​သည်း​ခံ​တတ်​သော​ဋ္ဌမ္မ ဆ​ရာ​ကောင်း​ဖြစ်​ရ​မည်။-

Garrad Bible

²⁴ အ ရှင် ဘု ရား၏ ကျွန် သည် ခိုက် ရန် မ ပြု ဘဲ၊ လူ ခပ် သိမ်း တို့ ရှေ့ သိမ့် မွေ့ သူ၊ သင် ကြား သူ၊ စိတ် ရှည် သူ၊ ငြင်း ဆန် သူ တို့ ကို နူး ညံ့ စွာ ဆုံး မ သူ ဖြစ် ရ မည်။

Judson Bible

²⁴ သ​ခင်​ဘု​ရား၏ ကျွန်​သည် ရန်​မ​တွေ့​ရ။ ခပ်​သိမ်း​သော သူ​တို့​အား ဖြည်း​ညင်း​စွာ ပြု​သော​သူ၊ ဆုံး​မ ဩ​ဝါ​ဒ​ပေး​ခြင်း​အ​မှု၌ လိ​မ္မာ​သော​သူ၊ သည်း​ခံ​နိုင်​သော​သူ ဖြစ်​ရ​မည်။-

ခေတ်သစ်​မြန်မာ သမ္မာကျမ်း

²⁴ သခင်ဘုရား​၏ အစေအပါး​သည် ခိုက်ရန်​မဖြစ်ဘဲ လူအပေါင်းတို့​အပေါ် နူးညံ့သိမ်မွေ့​စွာ ဆက်ဆံ​တတ်ပြီး သင်ကြားပေးတတ်သူ၊ သည်းခံ​နိုင်စွမ်း​ရှိသူ ဖြစ်ရမည်။

၂ တိ 2:24 ပူးပေါင်းရင်းမြစ်များ

တိ​တု 3:2

မည်သူ့​ကို​မျှ စော်ကား​ပြောဆို​ခြင်း၊ ရန်တွေ့​ခြင်း​မ​ပြု​ဘဲ ညင်သာ​သော​သဘော​ရှိ​လျက် လူ​အပေါင်း​တို့​အပေါ် နူးညံ့​သိမ်မွေ့​ခြင်း​ကို​ပြသ​ရန်​လည်းကောင်း သူ​တို့​အား သတိပေး​နှိုးဆော်​လော့။

တိ​တု 1:7

အကြောင်းမူကား ကြီးကြပ်​သူ​သည် ဘုရားသခင်​၏​ဘဏ္ဍာစိုး​ဖြစ်​သည်​နှင့်အညီ အပြစ်တင်​စရာ​မ​ရှိ​သော​သူ​ဖြစ်​ရ​မည်။ သူ​သည် ထင်ရာစိုင်း​တတ်​သော​သူ၊ စိတ်တို​သော​သူ၊ သေ​သောက်ကြူး​သော​သူ၊ ကြမ်းကြုတ်​သော​သူ၊ မစင်ကြယ်​သော​အကျိုးစီးပွား​ကို​တပ်မက်​သော​သူ​မ​ဟုတ်​ဘဲ

၁ သက် 2:7

နို့တိုက်​မိခင်​သည် မိမိ​၏​သားသမီး​များ​ကို ယုယ​ကြင်နာ​သကဲ့သို့ သင်​တို့​အလယ်​၌ နူးညံ့​သိမ်မွေ့​သော​သူ​များ​ဖြစ်​ကြ​၏။

၁ တိ 6:11

အို ဘုရားသခင်​၏​လူ၊ သင်​မူကား ထို​အရာ​များ​ကို​ရှောင်​၍ ဖြောင့်မတ်​ခြင်း၊ ဘုရား​ဝတ်​၌​မွေ့လျော်​ခြင်း၊ ယုံကြည်​ခြင်း၊ ချစ်​ခြင်း၊ သည်းခံ​ခြင်း၊ နူးညံ့​သိမ်မွေ့​ခြင်း​တို့​ကို လက်ကိုင်ပြု​လော့။

ကော​လော​သဲ 3:13

အချင်းချင်း​သည်းခံ​၍ တစ်​ဦး​အပေါ်​တစ်​ဦး​အပြစ်တင်​စရာ​ရှိ​လျှင် သခင်​ဘုရား​သည် သင်​တို့​ကို​ခွင့်လွှတ်​တော်မူ​သကဲ့သို့ သင်​တို့​သည်​လည်း အချင်းချင်း​ခွင့်လွှတ်​ကြ​လော့။

ဖိ​လိပ္ပိ 2:14

အရာ​ခပ်သိမ်း​ကို ညည်းညူ​ခြင်း​နှင့်​ငြင်းခုံ​ခြင်း​မ​ရှိ​ဘဲ လုပ်ဆောင်​ကြ​လော့။

ဖိ​လိပ္ပိ 2:3

မည်သည့်​အမှု​ကို​မျှ တုပြိုင်​လို​သော​စိတ်​နှင့်​လည်းကောင်း၊ အချည်းနှီး​ကျော်စော​လို​သော​စိတ်​နှင့်​လည်းကောင်း မ​ပြု​ဘဲ နှိမ့်ချ​သော​စိတ်​ရှိ​လျက် သူတစ်ပါး​တို့​သည် မိမိ​တို့​ထက် ထူးမြတ်​သည်​ဟု မှတ်ယူ​ကြ​လော့။

ဧ​ဖက် 4:2

အရာရာ​၌ စိတ်​နှိမ့်ချ​ခြင်း​နှင့်​နူးညံ့​သိမ်မွေ့​ခြင်း​အပြည့်အဝ​ရှိ​လျက် စိတ်ရှည်​စွာ​ဖြင့် ချစ်​ခြင်း​မေတ္တာ​၌ တစ်ဦး​ကို​တစ်ဦး​သည်းခံ​ကာ

၁ ပေ 3:8

နောက်ဆုံး​အနေဖြင့်​ဆိုရလျှင် သင်​တို့​အားလုံး တစ်စိတ်​တစ်သဘောတည်း​ရှိ​လျက် ကြင်နာ​တတ်​သော​သဘော၊ ညီအစ်ကို​ချင်း​ချစ်​တတ်​သော​သဘော၊ သနားစုံမက်​တတ်​သော​သဘော​နှင့် စိတ်​နှိမ့်ချ​သော​သဘော​ရှိ​ကြ​လော့။

ယာ​ကုပ် 3:17

သို့သော် အထက်​အရပ်​မှ​လာ​သော​ဉာဏ်ပညာ​သည် ပထမ​ဦးစွာ သန့်ရှင်း​စင်ကြယ်​၏။ ထို့နောက် ငြိမ်းချမ်း​သော​သဘော၊ ညင်သာ​သော​သဘော​နှင့် ပျော့ပျောင်း​သော​သဘော​ရှိ​၍ ကရုဏာ​နှင့်​ကောင်းမြတ်​သော​အသီးအပွင့်​တို့​ဖြင့်​ပြည့်စုံ​ကာ မျက်နှာလိုက်​ခြင်း၊ ဟန်ဆောင်​ခြင်း​တို့​နှင့် ကင်းစင်​၏။

တိ​တု 1:9

သူ​သည် မှန်ကန်​ပြည့်စုံ​သော​သြဝါဒ​အားဖြင့် တိုက်တွန်း​နှိုးဆော်​နိုင်​ရန်​နှင့် ဆန့်ကျင်​ပြောဆို​သော​သူ​တို့​၏​အပြစ်​ကို​ဖော်ပြ​နိုင်​ရန် မိမိ​သင်ယူ​ထား​သည့် သစ္စာ​နှင့်​ပြည့်စုံ​သော​နှုတ်ကပတ်​တရား​ကို စွဲကိုင်​ထား​ရ​မည်။

၂ ကော 10:1

သင်​တို့​နှင့် လူ​ချင်း​တွေ့​သောအခါ နှိမ့်ချ​၍ ကွဲကွာ​နေ​စဉ် သင်​တို့​အပေါ် ရဲဝံ့​ပြတ်သား​စွာ​ပြုမူ​တတ်​သော ငါ​ပေါလု​သည် ခရစ်တော်​၏​နူးညံ့​သိမ်မွေ့​ခြင်း​နှင့်​ညင်သာ​ခြင်း​တို့​ဖြင့် သင်​တို့​အား မေတ္တာရပ်ခံ​ပါ​၏။

တမန်တော်ဝတ္ထု 7:26

နောက်တစ်နေ့​တွင် မောရှေ​သည် အစ္စရေး​လူမျိုး​အချင်းချင်း​ခိုက်ရန်​ဖြစ်​နေ​ကြ​သည်​ကို​မြင်​၍ ‘မိတ်ဆွေ​တို့၊ သင်​တို့​သည် ညီအစ်ကို​ချင်း​ဖြစ်​ကြ​ပါလျက်နှင့် အဘယ်ကြောင့် အချင်းချင်း​မတရား​သဖြင့်​ပြု​ကြ​သနည်း’​ဟု သူ​တို့​အား​ဆို​လျက် သင့်မြတ်​ငြိမ်းချမ်း​ကြ​ရန် ဖျန်ဖြေ​ပေး​၏။

မဿဲ 12:19

သူ​သည် ငြင်းခုံ​ခြင်း​နှင့်​အော်ဟစ်​ခြင်း​ကို​ပြု​မည်​မ​ဟုတ်။ သူ​၏​အသံ​ကို​လည်း လမ်းမ​ပေါ်၌ မည်သူမျှ ကြား​ရ​မည်​မ​ဟုတ်။

ယာ​ကုပ် 4:2

သင်​တို့​သည် တပ်မက်​သော်လည်း မ​ရ​သောကြောင့် လူ​သတ်​ကြ​၏။ အလွန်​အလိုရှိ​သော်လည်း မ​ရရှိ​နိုင်​သောကြောင့် ခိုက်ရန်​ဖြစ်​၍ စစ်တိုက်​ကြ​၏။ သင်​တို့​မ​ရ​ကြ​သည်​မှာ သင်​တို့​မ​တောင်းလျှောက်​ကြ​သောကြောင့်​ဖြစ်​၏။

ယာ​ကုပ် 1:1

ဘုရားသခင်​နှင့်​သခင်​ယေရှု​ခရစ်တော်​၏​ကျွန် ငါ​ယာကုပ်​သည် အရပ်ရပ်​တို့​၌​ကွဲလွင့်​ပျံ့နှံ့​နေ​သော မျိုးနွယ်စု​တစ်ဆယ့်နှစ်​စု​တို့​အား နှုတ်ခွန်း​ဆက်သ​လိုက်​ပါ​၏။

ဟေ​ရှာ​ယ 40:11

ကိုယ်တော်​သည် သိုးထိန်း​ကဲ့သို့ သိုးစု​ကို ထိန်းကျောင်း​တော်မူ​မည်​။ သိုးသငယ်​တို့​ကို လက်ရုံး​တော်​ဖြင့်​စုစည်း​၍ ရင်ခွင်​၌​ပွေ့ပိုက်​တော်မူ​မည်​။ သားငယ်​ရှိ​သော​သိုးမ​တို့​ကို​လည်း ညင်ညင်သာသာ​ပို့ဆောင်​တော်မူ​မည်​။

ယု​ဒ 1:3

ချစ်​ရ​သော​သူ​တို့၊ ငါ​တို့​အားလုံး​နှင့်ဆိုင်သော​ကယ်တင်​ခြင်း​အကြောင်း​ကို သင်​တို့​ထံ​ရေးသား​ပေးပို့​ရန် အလွန်​ကြိုးစား​လျက်​နေ​စဉ်​မှာ​ပင် သန့်ရှင်း​သူ​တို့​ထံ တစ်ကြိမ်တည်း​နှင့်အပြီး​ပေးအပ်​တော်မူ​သော​ယုံကြည်​ခြင်း​အတွက် ကြိုးစား​တိုက်ခိုက်​ကြ​မည့်​အကြောင်း သင်​တို့​အား စာ​ရေး​၍​တိုက်တွန်း​နှိုးဆော်​ရန် လိုအပ်​သည်​ဟု ငါ​တွေ့​ရ​၏။

တမန်တော်ဝတ္ထု 23:9

ထို့နောက် အော်ဟစ်​သံ​များ ကျယ်လောင်​လာ​ပြီး ဖာရိရှဲ​တို့​အဖွဲ့​မှ ကျမ်းပြု​ဆရာ​အချို့​တို့​သည်​ထ​၍ “ဤ​သူ​၌ မည်သည့်​အပြစ်​ကို​မျှ ငါ​တို့​မ​တွေ့။ ဝိညာဉ်​၊ သို့မဟုတ် ကောင်းကင်​တမန်​တစ်ပါးပါး​က သူ့​အား​မြွက်ဆို​ခဲ့​သည်​ဆိုလျှင် မည်သို့​နည်း”​ဟု ပြင်းထန်​စွာ​ငြင်းခုံ​ပြောဆို​ကြ​၏။

ဒံ​ယေ​လ 6:20

ဒံယေလ​ရှိ​ရာ​တွင်းဝ​နား​သို့​ရောက်လာ​သောအခါ ဝမ်းနည်း​သော​အသံ​ဖြင့် ရှင်ဘုရင်​က “​အသက်ရှင်​တော်မူ​သော​ဘုရားသခင်​၏​ကျွန် ဒံယေလ​၊ သင် အမြဲ​ကိုးကွယ်​သော​သင်​၏​ဘုရားသခင်​သည် သင့်​ကို ခြင်္သေ့​တို့​၏​ဘေး​မှ ကယ်တင်​ပြီ​လော​”​ဟု ဒံယေလ​အား မေး​လေ​၏​။

တိ​တု 1:1

ဘုရားသခင်​၏​အစေအပါး​နှင့် ယေရှု​ခရစ်တော်​၏​တမန်တော်​ဖြစ်​သော ငါ​ပေါလု​သည် စာ​ရေး​လိုက်​ပါ​၏။ ငါ​သည် ဘုရားသခင်​ရွေးကောက်​တော်မူ​သော​သူ​တို့​၏​ယုံကြည်​ခြင်း​အတွက်​လည်းကောင်း၊ ထာဝရ​အသက်​ကို​မျှော်လင့်​ခြင်း​အားဖြင့် ဘုရား​ဝတ်​၌​မွေ့လျော်​ခြင်း​နှင့်အညီ သမ္မာတရား​ကို​သိရှိ​စေရန်​အတွက်​လည်းကောင်း တမန်တော်​ဖြစ်​လာ​၏။

ဂ​လာ​တိ 5:22

ဝိညာဉ်​တော်​၏​အသီးအပွင့်​မူကား ချစ်​ခြင်း၊ ဝမ်းမြောက်​ခြင်း၊ ငြိမ်သက်​ခြင်း၊ စိတ်ရှည်​ခြင်း၊ ကျေးဇူးပြု​ခြင်း၊ ကောင်းမြတ်​ခြင်း၊ သစ္စာစောင့်​ခြင်း၊

၂ ကော 10:4

အကြောင်းမူကား တိုက်ပွဲ​၌ ငါ​တို့​သုံး​သော​လက်နက်​များ​သည် သွေးသား​ဇာတိ​နှင့်ဆိုင်သော​လက်နက်​များ​မ​ဟုတ်​ဘဲ ဘုရားသခင်​အားဖြင့် အစွမ်းထက်​သော​လက်နက်​များ​ဖြစ်​ကြ​ပြီး ခံတပ်​များ​ကို​ပင် ဖြိုဖျက်​နိုင်​သည်​သာမက

တမန်တော်ဝတ္ထု 15:2

ထိုအခါ ပေါလု၊ ဗာနဗ​တို့​နှင့် ထို​သူ​တို့​ကြား​၌ ပြင်းထန်​သော​သဘောထား​ကွဲလွဲမှု​နှင့် အငြင်းပွား​မှု​များ ဖြစ်ပေါ်​ခဲ့​သဖြင့် ညီအစ်ကို​တို့​သည် ပေါလု၊ ဗာနဗ​နှင့် မိမိ​တို့​ထဲမှ လူ​အချို့​တို့​ကို ဤ​ပြဿနာ​အတွက် ဂျေရုဆလင်​မြို့​ရှိ တမန်တော်​များ​နှင့်​အသင်းတော်​အကြီးအကဲ​များ​ထံသို့​သွား​ကြ​ရန် ခန့်အပ်​ကြ​၏။

၂ ရာ​ချုပ် 24:6

ထို့ကြောင့် ယောရှ​မင်းကြီး​သည် ယဇ်ပုရောဟိတ်မင်း​ယောယဒ​ကို​ခေါ်​၍ “​သက်သေခံချက်​တဲ​တော်​အဖို့ ထာဝရဘုရား​၏​အစေအပါး​မောရှေ​မှာကြား​ထား​သော အစ္စရေး​လူထု​တို့​ပေးဆောင်​ရ​မည့်​အခွန်ငွေ​ကို ယုဒ​ပြည်သူ​ဂျေရုဆလင်​မြို့သား​တို့​ထံမှ​ကောက်ခံ​ရန် လေဝိ​အမျိုးသား​တို့​ကို အဘယ်ကြောင့် သင် မ​မှာထား​သနည်း​”​ဟု မေး​၏​။

တ​ရား​ဟော 34:5

ထာဝရဘုရား​၏​အမိန့်​တော်​အတိုင်း ထာဝရဘုရား​၏​အစေအပါး​မောရှေ​သည် မောဘ​ပြည်​ရှိ ထို​တောင်​ပေါ်၌​သေဆုံး​လေ​၏​။

ရှင်ယောဟန် 6:52

ထိုအခါ ဂျူး​လူမျိုး​တို့​က “ဤ​သူ​သည် သူ့​အသား​ကို ငါ​တို့​စား​ရန် မည်သို့​ပေး​နိုင်​မည်နည်း”​ဟု အချင်းချင်း​ငြင်းခုံ​ပြောဆို​ကြ​၏။

ယော​ရှု 1:1

ထာဝရဘုရား​၏​အစေအပါး​မောရှေ​ကွယ်လွန်​ပြီးသည့်နောက် မောရှေ​၏​လက်ထောက်​ဖြစ်​သော နုန်​၏​သား​ယောရှု​အား ထာဝရဘုရား​က

၂ ကော 6:4

အလွန်​သည်းခံ​ခြင်း​၌​ဖြစ်စေ၊ ဒုက္ခ​ဆင်းရဲ​ခြင်း​၌​ဖြစ်စေ၊ ခက်ခဲ​ကျပ်တည်း​ခြင်း​၌​ဖြစ်စေ၊ နာကျင်​ခြင်း​ဝေဒနာ​၌​ဖြစ်စေ၊