၂ တိ 1:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ငါ​သည် သင်​၏​မျက်ရည်​များ​ကို​အောက်မေ့​သဖြင့် ဝမ်းမြောက်​ခြင်း​နှင့်​ပြည့်ဝ​မည့်​အကြောင်း သင်​နှင့်​တွေ့​နိုင်​ရန်​တောင့်တ​နေ​၏။

Common Language Bible

⁴ သင်​အ​ဘယ်​သို့​မျက်​ရည်​ကျ​သည်​ကို​သ​တိ ရ​လျက် ငါ​သည်​သင့်​အား​အ​လွန်​တွေ့​မြင်​လို ၏။ သင့်​ကို​တွေ့​မြင်​ရ​ခြင်း​သည်​ငါ့​အား​ဝမ်း မြောက်​စေ​လိမ့်​မည်။-

ခေတ်သစ်​မြန်မာ သမ္မာကျမ်း

⁴ သင်​မျက်ရည်ကျသည်​ကို သတိရ​တိုင်း သင့်​ကို ကျွန်ုပ်​တွေ့လို​လှ၏။ သို့မှသာ ကျွန်ုပ်​ဝမ်းမြောက်နိုင်​လိမ့်မည်။

၂ တိ 1:4 ပူးပေါင်းရင်းမြစ်များ

ဆာ​လံ 126:5

မျက်ရည်​ဖြင့် မျိုးစေ့ကြဲ​သော​သူ​တို့​သည် ရွှင်လန်း​စွာ​ကြွေးကြော်​ခြင်း​ဖြင့် ရိတ်သိမ်း​ရ​ကြ​လိမ့်မည်​။

ဟေ​ရှာ​ယ 61:3

ငိုကြွေးမြည်တမ်း​နေ​သော ဇိအုန်​မြို့သား​တို့​အဖို့ ပြာ​အစား​ခေါင်းပေါင်း​၊ ငိုကြွေးမြည်တမ်း​ခြင်း​အစား ရွှင်မြူး​ခြင်း​ဆီ​၊ ညှိုးငယ်​သော​စိတ်​အစား ချီးမွမ်း​ခြင်း​အဝတ်​ကို စီရင်​ပေး​ရန် ငါ့​ကို​စေလွှတ်​တော်မူ​ပြီ​။ ဘုန်း​တော်​ထင်ရှား​စေရန် ထာဝရဘုရား​စိုက်ပျိုး​တော်မူ​သော ဖြောင့်မတ်​ခြင်း​ဝက်သစ်ချပင်​ဟု သူ​တို့​ကို ခေါ်ဝေါ်​ကြ​လိမ့်မည်​။

ယေ​ရ​မိ 31:13

အပျိုကညာ​တို့​သည် ဝမ်းမြောက်​ကခုန်​ကြ​လိမ့်မည်​။ လူပျို​၊ လူအို​တို့​လည်း ဝမ်းမြောက်​ကခုန်​ကြ​လိမ့်မည်​။ ငါ​သည် သူ​တို့​၏​ငိုကြွေးမြည်တမ်း​ခြင်း​ကို ပျော်ရွှင်​ခြင်း​ဖြစ်စေ​မည်​။ သူ​တို့​ကို နှစ်သိမ့်ပေး​၍ ဝမ်းနည်း​ခြင်း​အစား ဝမ်းမြောက်​ခြင်း​ကို​ပေး​မည်​။

ရှင်ယောဟန် 16:22

ထို့အတူ သင်​တို့​သည် ယခု​ဝမ်းနည်း​ခြင်း​ရှိ​ကြ​သော်လည်း ငါ​သည် သင်​တို့​နှင့် တစ်ဖန် ပြန်​တွေ့​မည်​ဖြစ်​သောကြောင့် သင်​တို့​၏​စိတ်နှလုံး​သည် ဝမ်းမြောက်​ခြင်း​ဖြင့် ပြည့်စုံ​ကြ​လိမ့်မည်။ ထို​ဝမ်းမြောက်​ခြင်း​ကို မည်သူမျှ သင်​တို့​ထံမှ မ​နုတ်ယူ​နိုင်​ရာ။

ရှင်ယောဟန် 16:24

သင်​တို့​သည် ယခု​တိုင်အောင် ငါ့​နာမ​၌ မည်သည့်​အရာ​ကို​မျှ မ​တောင်း​ကြ​သေး။ သင်​တို့​၏​ဝမ်းမြောက်​ခြင်း​ပြည့်ဝ​စုံလင်​စေရန် တောင်း​ကြ​လော့။ တောင်း​လျှင်​ရ​ကြ​လိမ့်မည်။

တမန်တော်ဝတ္ထု 20:19

ငါ​သည် အလွန်​စိတ်​နှိမ့်ချ​ခြင်း၊ မျက်ရည်​ကျ​ခြင်း​နှင့် ဂျူး​လူမျိုး​တို့​၏​လျှို့ဝှက်​ကြံစည်​မှု​ကြောင့်​ကျရောက်​သော စုံစမ်း​နှောင့်ယှက်​ခြင်း​တို့​ကြား​မှ သခင်​ဘုရား​ကို အစေခံ​ခဲ့​၏။

တမန်တော်ဝတ္ထု 20:31

ထို့ကြောင့် ငါ​သည် သင်​တို့​တစ်ဦးစီ​ကို သုံး​နှစ်​ပတ်လုံး နေ့​ည​မ​ပြတ် မျက်ရည်​ဖြင့် သတိပေး​ဆုံးမ​ခဲ့​သည်​ကို အောက်မေ့​လျက် သတိ​ဝီရိယ​ရှိ​ကြ​လော့။

ရော​မ 1:11

သင်​တို့​ကို ငါ​အလွန်​တွေ့မြင်​လို​သည်​မှာ သင်​တို့​အား ဝိညာဉ်​ဆု​ကျေးဇူး​အချို့​ကို​ဝေမျှ​ပေး​၍ သင်​တို့​ကို​ခိုင်ခံ့​မြဲမြံ​စေ​ရန်​ဖြစ်​၏။

ဖိ​လိပ္ပိ 1:8

ငါ​သည် ခရစ်တော်​ယေရှု​၏​ကြင်နာ​ခြင်း​ဖြင့် သင်​တို့​အားလုံး​ကို မည်မျှ​လွမ်းဆွတ်​ကြောင်း ငါ့​အတွက်​သက်သေခံ​ပေး​သော​အရှင်​မှာ ဘုရားသခင်​ဖြစ်​တော်မူ​၏။

ဖိ​လိပ္ပိ 2:26

အဘယ်ကြောင့်​ဆိုသော် သူ​သည် သင်​တို့​အားလုံး​ကို​လွမ်းဆွတ်​နေ​ပြီး သူ​နာမကျန်း​ဖြစ်​ကြောင်း သင်​တို့​ကြားသိ​ကြ​သည့်​အတွက် စိတ်ပူပန်​နေ​၏။

၁ သက် 2:17

ညီအစ်ကို​တို့၊ ငါ​တို့​သည် စိတ်နှလုံး​အားဖြင့်​မ​ဟုတ်​ဘဲ လူ​ချင်း သင်​တို့​နှင့် ခေတ္တ​ခဏ​ခွဲခွာ​နေ​ရ​သော်လည်း သင်​တို့​၏​မျက်နှာ​ကို​ပြန်​တွေ့​နိုင်​ရန် အလွန်​တောင့်တ​၍ အထူး​ကြိုးစား​ကြ​၏။

၂ တိ 4:21

ဆောင်း​ကာလ​မတိုင်မီ​လာ​နိုင်​ရန် ကြိုးစား​လော့။ ဥဗုလု၊ ပုဒေ၊ လိနု​နှင့် ကလောဒိ​တို့​မှစ၍ ညီအစ်ကို​အပေါင်း​တို့​သည် သင့်​ကို​နှုတ်ဆက်​ကြ​၏။

၂ တိ 4:9

ငါ့​ထံသို့​အလျင်အမြန်​လာ​ရန် ကြိုးစား​လော့။

၁ ယော 1:4

ငါ​တို့​၏​ဝမ်းမြောက်​ခြင်း​ပြည့်ဝ​စုံလင်​စေရန် ဤ​အရာ​များ​ကို ငါ​တို့​ရေး​လိုက်​၏။

ဗျာ​ဒိတ် 21:4

ကိုယ်တော်​သည် သူ​တို့​၏​မျက်စိ​မှ​မျက်ရည်​ရှိသမျှ​တို့​ကို သုတ်​ပေး​တော်မူ​လိမ့်မည်။ သေ​ခြင်း​သည် ရှိ​တော့မည်​မ​ဟုတ်။ ဝမ်းနည်း​ကြေကွဲ​ခြင်း၊ အော်ဟစ်​ငိုကြွေး​ခြင်း​နှင့် နာကျင်​ခြင်း​ဝေဒနာ​တို့​သည်​လည်း ရှိ​တော့မည်​မ​ဟုတ်။ အကြောင်းမူကား ယခင်​ဖြစ်​ခဲ့​သော​အရာ​တို့​သည် ပျောက်ကွယ်​သွား​ကြ​ပြီ”​ဟု ဆို​သည်​ကို ငါ​ကြား​ရ​၏။

ဗျာ​ဒိတ် 7:17

အကြောင်းမူကား ပလ္လင်​တော်​အလယ်​တွင်​ရှိ​သော​သိုးသငယ်​တော်​သည် သူ​တို့​ကို​အုပ်ထိန်း​၍ အသက်​ရေ​ထွက်​ရာ​စမ်းရေ​တွင်း​သို့ သူ​တို့​ကို​လမ်းပြ​ပို့ဆောင်​တော်မူ​လိမ့်မည်။ ဘုရားသခင်​သည်​လည်း သူ​တို့​၏​မျက်စိ​မှ မျက်ရည်​ရှိသမျှ​တို့​ကို သုတ်​ပေး​တော်မူ​လိမ့်မည်”​ဟု ဆို​၏။