၂ ကော 8:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ အကြောင်းမူကား ငါ​တို့​သည် သခင်​ဘုရား​ရှေ့​တော်​၌​သာမက လူ​တို့​ရှေ့​၌​လည်း တင့်တယ်​လျောက်ပတ်​သော​အမှု​ကို ပြုမူ​ကျင့်ကြံ​ကြ​၏။

Common Language Bible

²¹ သ​ခင်​ဘု​ရား​၏​ရှေ့​တော်​၌​သာ​မ​က​လူ တို့​၏​ရှေ့​၌​လည်း​လျောက်​ပတ်​မှန်​ကန်​သည့် အ​မှု​ကို​သာ​ပြု​ရန်​ရည်​ရွယ်​ချက်​ရှိ​ကြ​၏။

Judson Bible

²¹ သ​ခင်​ဘု​ရား​ရှေ့​တော်၌​သာ​မ​က၊ လူ​တို့​ရှေ့၌ တင့်​တယ်​လျှောက်​ပတ်​သော အ​ကျင့်​ကို ကြံ​စည်​ကြ၏။-

ခေတ်သစ်​မြန်မာ သမ္မာကျမ်း

²¹ ကျွန်ုပ်တို့​သည် သခင်ဘုရား​ရှေ့တော်​၌ သာမက အခြား​သူတို့​ရှေ့​၌လည်း မှန်သော​အရာ​ကို လုပ်ဆောင်​ရန် ရည်ရွယ်ကြ၏။

၂ ကော 8:21 ပူးပေါင်းရင်းမြစ်များ

၃ ရာ 18:34

ထို့နောက် “​အိုး​လေး​လုံး​ကို ရေ​ဖြည့်​ပြီး မီးရှို့ရာယဇ်ကောင်​နှင့် ထင်း​များ​ပေါ် လောင်းချ​ပါ​”​ဟု ဆို​၏​။ “​ဒုတိယ​အကြိမ် လောင်း​ပါ​”​ဟု ဆို​သဖြင့် လူ​တို့​သည် ဒုတိယ​အကြိမ်​ထပ်လောင်း​ကြ​၏​။ “​တတိယ​အကြိမ် လောင်း​ပါ​”​ဟု ဆို​ပြန်​သဖြင့် လူ​တို့​သည် တတိယ​အကြိမ်​ထပ်လောင်း​ကြ​၏​။

သုတ္တံကျမ်း။ 3:4

ထိုသို့​ပြု​လျှင် သင်​သည် ဘုရားသခင်​ရှေ့​၊ လူ​တို့​ရှေ့​၌​မျက်နှာရ​၍ ကောင်း​သော​ဉာဏ်စွမ်း​နှင့်​ပြည့်စုံ​လိမ့်မည်​။

မဿဲ 23:5

သူ​တို့​သည် မိမိ​တို့​ပြု​သမျှ​သော​အမှု​တို့​ကို လူ​တို့​မြင်​စေရန်​သာ​ပြု​ကြ​၏။ အကြောင်းမူကား သူ​တို့​သည် မိမိ​တို့​၏​ကျမ်း​လက်ဖွဲ့​အဆောင်​များ​ကို​ကြီး​စွာ​လုပ်​၍ ဝတ်ရုံ​ပန်းဖွား​များ​ကို ရှည်လျား​စွာ​ထား​ကြ​၏။

မဿဲ 5:16

ထိုနည်းတူ လူ​တို့​သည် သင်​တို့​၏​ကောင်း​သော​အကျင့်​များ​ကို​မြင်​၍ ကောင်းကင်​ဘုံ​၌​ရှိ​တော်မူ​သော​သင်​တို့​အဖ​၏​ဘုန်း​တော်​ကို​ချီးမွမ်း​ကြ​မည့်​အကြောင်း သင်​တို့​၏​အလင်း​ကို သူ​တို့​ရှေ့၌​ထွန်းလင်း​စေ​ကြ​လော့။

မဿဲ 6:1

သင်​တို့​၏​ဖြောင့်မတ်​သော​အမှု​ကို လူ​တို့​မြင်​စေရန် လူ​တို့​ရှေ့၌​မ​ပြု​ကြ​မည့်​အကြောင်း သတိထား​ကြ​လော့။ သို့မဟုတ်​လျှင် ကောင်းကင်​ဘုံ​၌​ရှိ​တော်မူ​သော​သင်​တို့​အဖ​ထံမှ အကျိုးကျေးဇူး​ကို သင်​တို့​ရ​ကြ​လိမ့်မည်​မ​ဟုတ်။

မဿဲ 6:4

ထိုအခါ မထင်ရှား​သော​အရာ​ကို​မြင်​တော်မူ​သော သင်​၏​အဖ​သည် သင့်​အား ဆုလာဘ်​ကို​ပေး​တော်မူ​လိမ့်မည်။

ရော​မ 12:17

မည်သူ့​ကို​မျှ အဆိုး​ကို အဆိုး​ဖြင့် မ​တုံ့ပြန်​ကြ​နှင့်။ လူ​အပေါင်း​တို့​ရှေ့​၌ တင့်တယ်​လျောက်ပတ်​သော​အမှု​ကို ပြုမူ​ကျင့်ကြံ​ကြ​လော့။

ရော​မ 14:18

ထို့ကြောင့် ဤ​နည်း​ဖြင့် ခရစ်တော်​ကို​အစေခံ​သော​သူ​သည် ဘုရားသခင်​ရှေ့​တော်​၌ နှစ်သက်​ဖွယ်​ဖြစ်​ပြီး လူ​တို့​ရှေ့၌ ယုံကြည်​စိတ်ချ​ရ​သူ​ဖြစ်​၏။

၂ ကော 2:17

အကြောင်းမူကား ငါ​တို့​သည် များစွာ​သော​သူ​တို့​ပြု​သကဲ့သို့ ဘုရားသခင်​၏​နှုတ်ကပတ်​တရား​တော်​ကို လှည့်လည်​ရောင်းစား​၍​အမြတ်ထုတ်​ကြ​သည်​မ​ဟုတ်​ဘဲ ဖြူစင်​သော​သူ၊ ဘုရားသခင်​ထံမှ စေလွှတ်​ခြင်း​ခံရ​သော​သူ​အဖြစ် ဘုရားသခင်​ရှေ့​တော်​၌ ခရစ်တော်​ကို​အမှီပြု​၍ ငါ​တို့​ဟောပြော​ကြ​၏။

၂ ကော 8:20

ငါ​တို့​ပြုစု​နေ​သည့် ဤ​ရက်ရော​စွာ​ပေးလှူ​ခြင်း​အမှု​နှင့်​ပတ်သက်၍ မည်သူမျှ ငါ​တို့​ကို ပြစ်တင်​ဝေဖန်​ခြင်း​မ​ပြု​နိုင်​ရန် ငါ​တို့​သတိပြု​ကြ​၏။

၂ ကော 8:22

ထို​သူ​တို့​နှင့်အတူ ငါ​တို့​၏​အခြား​ညီအစ်ကို​တစ်​ဦး​ကို​လည်း စေလွှတ်​လိုက်​ပါ​၏။ ငါ​တို့​သည် သူ့​ကို အကြိမ်ကြိမ်​စစ်ဆေး​ပြီး သူ​သည် အကြောင်း​ကိစ္စ​များစွာ​တို့​၌ စိတ်အား​ထက်သန်​သူ​ဖြစ်​ကြောင်း တွေ့ရှိ​ရ​၏။ သူ​သည် သင်​တို့​အပေါ် ယုံကြည်​စိတ်ချ​မှု​အပြည့်အဝ​ရှိ​သောကြောင့် ယခု ပို၍​ပင်​စိတ်အား​ထက်သန်​လျက်​ရှိ​၏။

ဖိ​လိပ္ပိ 4:8

နောက်ဆုံး​အနေဖြင့်​ဆိုရလျှင် ညီအစ်ကို​တို့၊ မှန်ကန်​သော​အရာ​ရှိ​သမျှ၊ ဂုဏ်သရေ​ရှိ​သော​အရာ​ရှိသမျှ၊ ဖြောင့်မတ်​သော​အရာ​ရှိသမျှ၊ ဖြူစင်​သန့်ရှင်း​သော​အရာ​ရှိသမျှ၊ နှစ်သက်​ဖွယ်​ကောင်း​သော​အရာ​ရှိသမျှ​နှင့် ဂုဏ်​သတင်း​ကောင်း​သော​အရာ​ရှိသမျှ​တို့​၌ ကောင်းမြတ်​သော​အရာ​တစ်စုံတစ်ခု​၊ သို့မဟုတ် ချီးမွမ်း​ထိုက်​သော​အရာ​တစ်စုံတစ်ခု​ရှိ​လျှင် ထို​အရာ​တို့​ကို နှလုံးသွင်း​ကြ​လော့။

၁ သက် 5:22

မကောင်း​မှု​အမျိုးစုံ​တို့​ကို ရှောင်ကြဉ်​ကြ​လော့။

၁ တိ 3:7

ထိုမျှမက ကဲ့ရဲ့​ပြစ်တင်​ခြင်း​ခံရ​လျက် မာရ်နတ်​၏​ကျော့ကွင်း​ထဲသို့ မ​ကျရောက်​စေရန် အသင်းတော်​ပြင်ပ​၌ ဂုဏ်​သတင်း​ကောင်း​သော​သူ​လည်း​ဖြစ်​ရ​မည်။

၁ တိ 5:14

ထို့ကြောင့် ငယ်ရွယ်​သော​မုဆိုးမ​တို့​သည် အိမ်ထောင်ပြု​လျက် သားသမီး​များ​မွေးဖွား​ကာ အိမ်မှုကိစ္စ​ကို​စီမံ​ကွပ်ကဲ​၍ ရန်သူ​အား ကဲ့ရဲ့​ပြစ်တင်​ခြင်း​အခွင့်​ကို​မ​ပေး​ရန် ငါ​အလိုရှိ​၏။

၁ ပေ 2:12

လူမျိုးခြား​တို့​အလယ်​တွင် ကောင်း​စွာ​အသက်ရှင်​နေထိုင်​ကြ​လော့။ သို့ပြုလျှင် သူ​တို့​သည် သင်​တို့​ကို ဒုစရိုက်​ပြု​သူ​များ​အဖြစ် ပုတ်ခတ်​ပြောဆို​ကြ​သော်လည်း သင်​တို့​၏​ကောင်း​သော​အမှု​တို့​ကို​မြင်​၍ အကြည့်အရှု​ကြွလာ​တော်မူ​သော​နေ့ရက်​၌ ဘုရားသခင်​၏​ဘုန်း​တော်​ကို​ချီးမွမ်း​ကြ​လိမ့်မည်။

ရု​သ 3:14

ရုသ​သည် ဗောဇ​၏​ခြေရင်း​တွင် နံနက်​တိုင်အောင် အိပ်​ပြီး တစ်ယောက်​ကို​တစ်ယောက် သိ​နိုင်​သည့်​အချိန်​မ​ရောက်​မီ ထ​လေ​၏​။ ဗောဇ​က​လည်း သူ့​အား “​ဤ​တလင်းပြင်​သို့ သင်​လာ​သည်​ကို မည်သူ​မျှ​မ​သိ​စေ​နှင့်​”​ဟု ဆို​ပြီးလျှင်