၂ ကော 6:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ သမ္မာတရား​ကို​ဟောပြော​ခြင်း​၌​ဖြစ်စေ၊ ဘုရားသခင်​၏​တန်ခိုး​တော်​၌​ဖြစ်စေ၊ လက်ဝဲ​လက်ယာ​၌​ကိုင်​ထား​သော ဖြောင့်မတ်​ခြင်း​၏​လက်နက်​များ​အားဖြင့်​ဖြစ်စေ၊

Common Language Bible

⁷ သမ္မာ​တ​ရား​တော်​ကို​ဟော​ပြော​ကြေ​ညာ​ခြင်း အား​ဖြင့်​လည်း​ကောင်း၊ ဘု​ရား​သ​ခင်​၏​တန်​ခိုး တော်​ကို​ဟော​ပြော​ကြေ​ညာ​ခြင်း​အား​ဖြင့် လည်း​ကောင်း ငါ​တို့​သည်​ဘု​ရား​သ​ခင်​၏ အ​စေ​ခံ​များ​ဖြစ်​ကြောင်း​ကို​ပေါ်​လွင်​စေ ကြ​၏။ ထိုး​စစ်​ဆင်​သော​အ​ခါ​နှင့်​ခု​ခံ ကာ​ကွယ်​သော​အ​ခါ​၌ ငါ​တို့​သည်​ဖြောင့် မတ်​ခြင်း​တ​ရား​တည်း​ဟူ​သော​လက်​နက် ကို​အ​သုံး​ပြု​ကြ​၏။-

Garrad Bible

⁷ သ မ္မာ တ ရား တော်၊ ဘု ရား သ ခင့် တန် ခိုး တော် အား ဖြင့် လည်း ကောင်း၊ ဝဲ ယာ စွဲ ကိုင် သော သု စ ရိုက် လက် နက် စုံ အား ဖြင့် လည်း ကောင်း၊

Judson Bible

⁷ သ​မ္မာ​တ​ရား​ကို​ဟော​ခြင်း၊ ဘု​ရား​သ​ခင်၏ တန်​ခိုး​တော်​ကို​ပြ​ခြင်း၊ ဖြောင့်​မတ်​သော​အ​ကျင့်​တည်း​ဟူ​သော လက်​နက်​များ​ကို လက်​ယာ​ဘက် လက်​ဝဲ​ဘက်၌ ဝတ်​ဆောင်​ခြင်း​အား​ဖြင့်​လည်း​ကောင်း၊-

ခေတ်သစ်​မြန်မာ သမ္မာကျမ်း

⁷ သမ္မာတရား​ကို ဟောပြောခြင်း၊ ဘုရားသခင်​၏ တန်ခိုးတော်​ကို ပြခြင်းတို့​ဖြင့်​လည်းကောင်း၊ လက်ဝဲ လက်ယာ​၌ ကိုင်ဆောင်ထားသော ဖြောင့်မတ်ခြင်း​လက်နက်များ​အားဖြင့်​လည်းကောင်း၊

၂ ကော 6:7 ပူးပေါင်းရင်းမြစ်များ

ဆာ​လံ 119:43

ကိုယ်တော်​၏​စီရင်ထုံးဖွဲ့ချက်​တို့​ကို အကျွန်ုပ်​မျှော်လင့်ကိုးစား​သည်​ဖြစ်၍ သမ္မာတရား​နှင့်ဆိုင်သော​နှုတ်ကပတ်တော်​ကို အကျွန်ုပ်​၏​နှုတ်​မှ အလျှင်း​ရုပ်သိမ်း​တော်​မ​မူ​ပါ​နှင့်​။

ထွက်​မြောက် 14:22

အစ္စရေး​အမျိုးသား​တို့​သည်​လည်း ပင်လယ်​ထဲ၌ ခြောက်သွေ့​သော​မြေ​ပေါ်တွင်​သွား​ရ​၏​။ ရေ​သည် သူ​တို့​၏​လက်ယာ​ဘက်​နှင့်​လက်ဝဲ​ဘက်​၌ တံတိုင်း​သဖွယ်​ဖြစ်​လျက်​နေ​၏​။

သုတ္တံကျမ်း။ 3:16

၎င်း​၏​လက်ယာ​လက်​၌ အသက်​ရှည်​ခြင်း​၊ လက်ဝဲ​လက်​၌ ဓနဥစ္စာ​နှင့် ဂုဏ်သရေ​ရှိ​၏​။

ဟေ​ရှာ​ယ 11:5

ဖြောင့်မတ်​ခြင်း​သည် သူ​၏​ခါးပန်း​၊ သစ္စာတရား​သည် သူ​၏​ခါးစည်း​ဖြစ်​လိမ့်မည်​။

ဟေ​ရှာ​ယ 59:17

ကိုယ်တော်​သည် ဖြောင့်မတ်​ခြင်း​ကို​ရင်အုပ်တန်ဆာ​ကဲ့သို့ ဝတ်ဆင်​တော်မူ​၏​။ ခေါင်း​ပေါ်၌ ကယ်တင်​ခြင်း​သံခမောက်​ကို ဆောင်း​တော်မူ​၏​။ လက်စားချေ​ခြင်း​ဝတ်ရုံ​ကို​ဝတ်ဆင်​၍ စိတ်အားထက်သန်​ခြင်း​ဝတ်လုံ​ကို လွှမ်းခြုံ​တော်မူ​၏​။

ရှင်မာကု 16:20

ထိုအခါ တပည့်​တော်​တို့​သည်​ထွက်သွား​၍ နေရာ​အနှံ့​တရားဟော​ကြ​၏။ သခင်​ဘုရား​သည်​လည်း သူ​တို့​နှင့်အတူ​လုပ်ဆောင်​တော်မူ​၍ နိမိတ်​လက္ခဏာ​များ​ကို​ပူးတွဲ​ပါဝင်​စေ​ခြင်း​အားဖြင့် နှုတ်ကပတ်​တရား​တော်​ကို တည်မြဲ​စေ​တော်မူ​၏။]

တမန်တော်ဝတ္ထု 11:21

သခင်​ဘုရား​၏​လက်​တော်​သည်​လည်း သူ​တို့​နှင့်အတူ​ရှိ​သဖြင့် များစွာ​သော​သူ​တို့​သည်​ယုံကြည်​၍ သခင်​ဘုရား​ထံသို့​ပြောင်းလဲ​လာ​ကြ​၏။

၁ ကော 1:24

သို့သော် ဂျူး​လူမျိုး​ဖြစ်စေ၊ ဂရိ​လူမျိုး​ဖြစ်စေ ခေါ်ယူ​တော်မူ​ခြင်း​ခံရ​သော​သူ​တို့​အတွက် ခရစ်တော်​သည် ဘုရားသခင်​၏​တန်ခိုး​တော်​နှင့် ဘုရားသခင်​၏​ဉာဏ်ပညာ​တော်​ဖြစ်​၏။

၂ ကော 13:4

အကြောင်းမူကား ကိုယ်တော်​သည် အားနည်း​ခြင်း​ထဲတွင် လက်ဝါးကပ်တိုင်​ပေါ်၌​တင်​ခြင်း​ခံ​ခဲ့​ရ​သော်လည်း ဘုရားသခင်​၏​တန်ခိုး​တော်​အားဖြင့် အသက်ရှင်​တော်မူ​၏။ ထိုနည်းတူ ငါ​တို့​သည်​လည်း ကိုယ်တော်​၌ အားနည်း​ကြ​သော်လည်း သင်​တို့​ရှေ့၌ ဘုရားသခင်​၏​တန်ခိုး​တော်​အားဖြင့် ကိုယ်တော်​နှင့်အတူ အသက်ရှင်​ကြ​လိမ့်မည်။

၂ ကော 2:17

အကြောင်းမူကား ငါ​တို့​သည် များစွာ​သော​သူ​တို့​ပြု​သကဲ့သို့ ဘုရားသခင်​၏​နှုတ်ကပတ်​တရား​တော်​ကို လှည့်လည်​ရောင်းစား​၍​အမြတ်ထုတ်​ကြ​သည်​မ​ဟုတ်​ဘဲ ဖြူစင်​သော​သူ၊ ဘုရားသခင်​ထံမှ စေလွှတ်​ခြင်း​ခံရ​သော​သူ​အဖြစ် ဘုရားသခင်​ရှေ့​တော်​၌ ခရစ်တော်​ကို​အမှီပြု​၍ ငါ​တို့​ဟောပြော​ကြ​၏။

၂ ကော 4:2

ငါ​တို့​သည် ကွယ်ဝှက်​ထား​သည့် ရှက်ဖွယ်ရာ​များ​ကို​စွန့်ပယ်​၍ ပရိယာယ်​၌​ကျင်လည်​ခြင်း၊ ဘုရားသခင်​၏​နှုတ်ကပတ်တော်​ကို မလိမ့်တပတ်​လုပ်​ခြင်း​တို့​မ​ရှိ​ဘဲ သမ္မာတရား​ကို အတိအလင်း​ဖော်ပြ​ခြင်း​အားဖြင့် ဘုရားသခင်​၏​ရှေ့​တော်​၌ လူ​အပေါင်း​တို့​၏​အသိစိတ်​တွင် မိမိတို့ကိုယ်ကို​ထင်ရှား​စေ​ကြ​၏။

၂ ကော 7:14

ငါ​သည် သင်​တို့​အကြောင်း​ကို တိတု​အား အနည်းငယ်​ဝါကြွား​ခဲ့​သော်လည်း အရှက်​မ​ရ​ခဲ့​ပေ။ အကြောင်းမူကား သင်​တို့​အား ငါ​တို့​ပြော​ခဲ့​သော​အရာ​အားလုံး​တို့​သည် ဟုတ်မှန်​သည့်​နည်းတူ တိတု​ကို ငါ​တို့​ဝါကြွား​ထား​သော​အရာ​သည်​လည်း ဟုတ်မှန်​ကြောင်း​ထင်ရှား​ခဲ့​ပြီ။

ဧ​ဖက် 1:13

သင်​တို့​သည်​လည်း သင်​တို့​၏​ကယ်တင်​ခြင်း​နှင့်ဆိုင်သည့် ကောင်းမြတ်​သော​သတင်း​တည်းဟူသော သမ္မာတရား​၏​နှုတ်ကပတ်တော်​ကို ထို​သခင်​၌​ကြား​ရ​၍ ကိုယ်တော်​ကို​ယုံကြည်​သဖြင့် ကတိ​ထား​တော်မူ​သော သန့်ရှင်း​သော​ဝိညာဉ်​တော်​ဖြင့် တံဆိပ်​ခတ်နှိပ်​ခြင်း​ကို​ခံရ​ကြ​၏။

ဧ​ဖက် 3:20

ငါ​တို့​ထဲ၌ သက်ဝင်​လှုပ်ရှား​နေ​သော​တန်ခိုး​တော်​အားဖြင့် ငါ​တို့​တောင်းလျှောက်​သော​အရာ​၊ သို့မဟုတ် ဆင်ခြင်​သော​အရာ​အားလုံး​တို့​ထက် သာလွန်​ထူးခြား​စွာ​ပြု​နိုင်​သော​အရှင်​၌

ကော​လော​သဲ 1:5

ထို​ယုံကြည်​ခြင်း​နှင့်​ချစ်​ခြင်း​မေတ္တာ​တို့​သည် သင်​တို့​အတွက် ကောင်းကင်​ဘုံ​၌​သိုမှီး​ထား​သော မျှော်လင့်​ခြင်း​ကြောင့်​ဖြစ်ပေါ်​လာ​၍ ထို​မျှော်လင့်​ခြင်း​အကြောင်း​ကို သင်​တို့​ထံသို့​ရောက်လာ​သည့် ကောင်းမြတ်​သော​သတင်း​နှင့်ဆိုင်သော သမ္မာတရား​၏​နှုတ်ကပတ်တော်​၌ သင်​တို့​ကြား​ခဲ့​ရ​ကြ​ပြီ။

၁ သက် 5:8

ငါ​တို့​မူကား နေ့​နှင့်စပ်ဆိုင်​ကြ​သည်​ဖြစ်​၍ ယုံကြည်​ခြင်း​နှင့်​ချစ်​ခြင်း​မေတ္တာ​တို့​ကို ရင်အုပ်​တန်ဆာ​အဖြစ်​ဝတ်ဆင်​လျက် ကယ်တင်​ခြင်း​၌​မျှော်လင့်​ခြင်း​ကို သံခမောက်​အဖြစ်​ဆောင်း​ကာ သမ္မာသတိ​ရှိ​ကြ​ကုန်စို့။

၂ တိ 2:15

သင်​သည် ဘုရားသခင်​ရှေ့​တော်​၌ ယုံကြည်​စိတ်ချ​ရ​သူ​တည်းဟူသော သမ္မာတရား​၏​နှုတ်ကပတ်တော်​ကို မှန်ကန်​စွာ​ပိုင်းခြား​တတ်​သည့် ရှက်ကြောက်​စရာ​မ​ရှိ​သော​လုပ်သား​တစ်​ဦး​အဖြစ် မိမိကိုယ်ကို​ဆက်သ​နိုင်​ရန် ကြိုးစား​လော့။

၂ တိ 4:7

ငါ​သည် ကောင်း​သော​တိုက်ပွဲ​ကို တိုက်​ခဲ့​ပြီ။ ပြေး​ရ​မည့်​တာ​ကို အဆုံး​တိုင်အောင်​ပြေး​ခဲ့​ပြီ။ ယုံကြည်​ခြင်း​ကို စောင့်ထိန်း​ခဲ့​ပြီ။

ဟေ​ဗြဲ 2:4

ဘုရားသခင်​သည်​လည်း နိမိတ်​လက္ခဏာ​များ​နှင့်​အံ့ဩဖွယ်ရာ​များ​အားဖြင့်​လည်းကောင်း၊ တန်ခိုး​လက္ခဏာ​အမျိုးမျိုး​အားဖြင့်​လည်းကောင်း၊ မိမိ​အလို​တော်​နှင့်အညီ သန့်ရှင်း​သော​ဝိညာဉ်​တော်​ကို မျှဝေ​ပေး​တော်မူ​ခြင်း​အားဖြင့်​လည်းကောင်း သူ​တို့​နှင့်အတူ သက်သေခံ​တော်မူ​၏။

ယာ​ကုပ် 1:18

ကိုယ်တော်​သည် မိမိ​ဖန်ဆင်း​တော်မူ​သော​အရာ​တို့​တွင် ငါ​တို့​ကို အသီးဦး​သဖွယ်​ဖြစ်​စေရန် အလို​တော်​ရှိ​သည့်​အတိုင်း သမ္မာတရား​၏​နှုတ်ကပတ်တော်​အားဖြင့် ငါ​တို့​ကို​ဖြစ်ပွား​စေ​တော်မူ​၏။