၂ ကော 13:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ယခု တတိယ​အကြိမ် သင်​တို့​ထံသို့ ငါ​လာ​ခဲ့​မည်။ သက်သေ​နှစ်​ဦး​၊ သို့မဟုတ် သုံး​ဦး​၏​ထွက်ဆို​ချက်​အားဖြင့် စကား​အားလုံး​သည် အတည်ပြု​ခြင်း​ခံရ​လိမ့်မည်။

Common Language Bible

¹ ယ​ခု​ငါ​သည်​တ​တိ​ယ​အ​ကြိမ်​သင်​တို့​ထံ​သို့ လာ​ခဲ့​မည်။ ကျမ်း​စာ​တော်​က​ဖော်​ပြ​သ​ကဲ့​သို့ ``အ​မှု ကိစ္စ​မှန်​သ​မျှ​ကို​သက်​သေ​နှစ်​ဦး​သုံး​ဦး​၏​ထွက် ဆို​ချက်​အ​ရ​စီ​ရင်​ဆုံး​ဖြတ်​ရ​မည်။-''

Garrad Bible

¹ တ တိ ယ ကြိမ် သင် တို့ ထံ ငါ ရောက် လာ သည် မှာ သက် သေ ခံ နှစ် ဦး သုံး ဦး ထွက် ဆို က ပြစ် မှု ရှိ သ မျှ တည် စေ မည်။

Judson Bible

¹ ဤ​တ​တိ​ယ​အ​ကြိမ်​တွင် သင်​တို့​ဆီ​သို့ ငါ​လာ​မည်​ဖြစ်၍၊ သက်​သေ​ခံ နှစ်​ဦး​သုံး​ဦး​အား​ဖြင့် စ​ကား​ရှိ​သ​မျှ​တို့​သည် တည်​ရ​လိမ့်​မည်။-

ခေတ်သစ်​မြန်မာ သမ္မာကျမ်း

¹ ယခု ကျွန်ုပ်​သည် တတိယ​အကြိမ် သင်တို့​ထံသို့ လာခဲ့မည်။ ကျမ်းစာ​၌ “အမှုကိစ္စ​မှန်သမျှ​ကို သက်သေ​နှစ်ဦး၊ သို့မဟုတ် သုံးဦး​တို့​၏ ထွက်ဆိုချက်​အရ အတည်ပြု​ဆုံးဖြတ်​ရမည်” ဟု ဖော်ပြထား၏။

၂ ကော 13:1 ပူးပေါင်းရင်းမြစ်များ

၃ ရာ 1:14

သင် ဤသို့​ရှင်ဘုရင်​ထံ​လျှောက်တင်​နေစဉ် အကျွန်ုပ်​သည်​လည်း​ဝင်လာ​၍ သင့်​စကား​ကို​ထောက်ခံ​ပေး​မည်​”​ဟု အကြံပေး​လေ​၏​။

၃ ရာ 21:10

သူ​နှင့်​မျက်နှာချင်းဆိုင်​တွင် လူမိုက်​နှစ်​ယောက်​ကို​ထိုင်​စေ​၍ ‘သင်​သည် ဘုရားသခင်​နှင့်​ရှင်ဘုရင်​ကို ကျိန်ဆဲ​လေ​ပြီ’​ဟု သက်သေခံ​စေ​ပြီးလျှင် သူ့​ကို​ဆွဲထုတ်​၍ ကျောက်ခဲ​နှင့်​ပေါက်သတ်​စေ​”​ဟု ရေးထား​၏​။

၃ ရာ 21:13

ထိုအခါ လူမိုက်​နှစ်​ဦး​က သူ​နှင့်​မျက်နှာချင်းဆိုင်​တွင် လာထိုင်​၍ “​နာဗုတ်​သည် ဘုရားသခင်​နှင့်​ရှင်ဘုရင်​ကို ကျိန်ဆဲ​ပါ​ပြီ​”​ဟု လူ​တို့​ရှေ့​တွင် သက်သေခံ​ကြ​၏​။ ထို့နောက် သူ့​ကို မြို့ပြင်​သို့​ဆွဲထုတ်​ပြီး ကျောက်ခဲ​နှင့်​ပေါက်​ကြ​သဖြင့် သူ​သေ​လေ​၏​။

တော​လည် 35:30

လူ​ကို​သတ်​သော လူသတ်သမား​တိုင်း သက်သေ​၏​ထွက်ဆိုချက်​အတိုင်း အသတ်​ခံရ​မည်​။ သို့ရာတွင် ထို​သူ​သည် သက်သေ​တစ်ဦးတည်း​၏​ထွက်ဆိုချက်​ဖြင့် သေဒဏ်​မ​ခံရ​။

မဿဲ 18:16

နား​မ​ထောင်​လျှင်​မူကား သက်သေ​နှစ်​ဦး​၊ သို့မဟုတ် သုံး​ဦး​၏​ထွက်ဆို​ချက်​အားဖြင့် စကား​အားလုံး​ကို​အတည်ပြု​စေရန်အခြား​တစ်​ဦး​၊ သို့မဟုတ် နှစ်​ဦး​ကို သင်​နှင့်အတူ​ခေါ်သွား​လော့။

၂ ကော 12:14

ယခု ငါ​သည် သင်​တို့​ထံသို့ တတိယ​အကြိမ်​လာ​ရန် အသင့်​ရှိ​၏။ သို့သော် သင်​တို့​အတွက် ဝန်ထုပ်ဝန်ပိုး​ဖြစ်​စေ​မည်​မ​ဟုတ်။ အကြောင်းမူကား ငါ​သည် သင်​တို့​၏​ဥစ္စာ​များ​ကို အလိုရှိ​သည်​မ​ဟုတ်။ သင်​တို့​ကို​သာ အလိုရှိ​၏။ သားသမီး​တို့​သည် မိဘ​တို့​အတွက် စုဆောင်း​ရ​သည်​မ​ဟုတ်​ဘဲ မိဘ​တို့​က​သာ သားသမီး​တို့​အတွက် စုဆောင်း​ရ​၏။

တ​ရား​ဟော 17:6

သေဒဏ်​ခံရ​မည့်​သူ​သည် သက်သေ​ထွက်ဆိုသူ​နှစ်​ဦး​သုံး​ဦး​ရှိ​လျှင် သေဒဏ်​ခံရ​မည်​။ သက်သေ​ထွက်ဆိုသူ​တစ်ဦးတည်း​သာ​ရှိ​လျှင် သေဒဏ်​မ​ခံရ​။

တ​ရား​ဟော 19:15

တစ်စုံတစ်ယောက် ပြု​မိ​သော​ဒုစရိုက်​၊ ကျူးလွန်​မိ​သော​အပြစ် တစ်ခုခု​အတွက် သက်သေထွက်ဆိုသူ​တစ်ဦးတည်း​သာ​ရှိ​လျှင် သူ​၏​စကား အတည်​မ​ဖြစ်​ရ​။ မည်သည့်​ပြစ်မှု​မဆို သက်သေ​နှစ်​ဦး​သုံး​ဦး​၏​ထွက်ဆို​သော​စကား​အားဖြင့်​သာ အတည်​ဖြစ်​ရ​မည်​။